في بيتنا cat ..!! - صفحة رقم 3 - نادي الهلال السعودي - شبكة الزعيم

Financial 3ziz · #31 23/09/2008, 05:42 PM

إقتباس


	في بيتنا cat ..!!

موضوعك هذا له قصة معي..

قريت العنوان بسرعة..أحسبك تقصدين الإتصالات السعودية.. ماقريتها زين من العجلة

و من حبي وعشقي لشركة الفشل هذي..

عالطول دخلت..

تفقعت عيوني و أنا أدور شي له دخل بالاتصالات

والدعوى كله بساسه و حيوانات..

و آخر شي عرفت أنه (كات) يعني (بسة) موب الإتصالات..!!

شكرا لك..

(التميمي)

Hictar · #32 23/09/2008, 10:25 PM

إقتباس

الرسالة الأصلية كتبت بواسطة حتى ظلالي هلالي


	مواصلوهـ باللهي كيف تبينا نحاكيهم ..!! اذا انجليزي مايعرفون تبينا على آخر عمرنا نتعلم نتكلم هندي وإلا اندونيسي ..!! عشان سواد عيونهم أقول احمد ربكـ

يا أم علي
ألحين إذا أهل الشرقية والغربية والجنوب ما يفهمون حتسيكم
تبين الهنود والإندونسيين يفهمونه

أتوقع لغة التفاهم بينكم بالإشارات

<----- بتجية ألحين البقايا وريري وأم الكراث
وبيوصل الدم للركب بموضوعتس

الـمـشـاغـب · #33 23/09/2008, 10:47 PM

بعض بنات المجلس العام :

1 ) ما تحب المطبخ , وإذا طبخت سوت حلا .
2 ) إذا أحد حط عند اسمها وردة أو قلب رفعت راسها فوق وقالت " أكيد خاق معي هالخروف "

3 ) ما تحب القطط .
4 ) عندها شغالة .
5 ) اليوم تعطيك رابط قرآن .. وبكرة ترسل لك رابط آخر أغنية لراشد الماجد .
6 ) بثرة .

7 ) تكتب بغنج ودلع .
8 ) إذا سافرت ديرة تحط توقيع طويل عريض وعشرين مليون رد بالمواضيع عشان العالم تدري انها سافرت .
9 ) تنكر الحب ووجود الحب في حياتها , وبعد يومين تشوف في توقيعها : أحبك لا تخليني . وغيرها من عبارات الحب .
كل هذي الصفات التسع منبعها ( التميلح )

ترى أمزح لحد يصدق

( أدري أني بأتصفق بس معليش رمضان كريم والمسامح أكرم )

------

حتى هلالي .. طلعتي دجاجة

أجل تخافين من قطوة؟ يا حيف عليك يا حيف

قرأت الموضوع وردود الصفحة الأولى وكان ودي أرد وأكمل الجملة اللي تبيني أكملها

بس أحس بخمول الحين ..!! ( فيس سوداني يقول آآآآآي ) ..!

تقبلي مروري .. ويالله على شحم لا يكثر

فتاه هلاليه · #34 23/09/2008, 11:14 PM

حت حت ..

<<--مافيه ورده بس قلب..
طسي إنتي وموضوعك اللي رفع ضغطي

موضوعك يبيله تسطير (تصفيق)

رفع ضغطي رديت ويوم جيت بسوي اعتمد المشاركة

مدري وش ضغطت وتقفلت الصفحة بكبرها

الصراحة نسيت وش اني كاتبه بردي الأول ..

بس المهم إني ماتوقعتك جبانه

أجل تخافين من قطاوهـ..
ماش منتب حرمة أجل ...
شوفي اذا كانت قطوة شوارع هذي انقرف بس ما اخاف يعني ممكن امر جنبها عادي واذا قربت قولي (هش )

مافيه مشكله أبد ...

ماله داعي تقومين السواق هالضعيف ...وتسوين قلق بالبيت ...

حت حت سوري على الرد اللي مدري وش يبي يعني بس صدقيني ردي الاول ازين بس راح

جعله مايرجع .....

في بيتنا cat أجل ..

----------------------------

إقتباس


	بعض بنات المجلس العام : 1 ) ما تحب المطبخ , وإذا طبخت سوت حلا .

من تقصد ..؟

كل الود..

بـنـ**الزعيم**ــت · #35 24/09/2008, 04:34 AM

إقتباس

الرسالة الأصلية كتبت بواسطة مواصل من عام 1413هـ


	يا أم علي ألحين إذا أهل الشرقية والغربية والجنوب ما يفهمون حتسيكم تبين الهنود والإندونسيين يفهمونه أتوقع لغة التفاهم بينكم بالإشارات <----- بتجية ألحين البقايا وريري وأم الكراث وبيوصل الدم للركب بموضوعتس

مواااصل انت احد ملفعك من القصيم ولا وش السالفه انا قايله انك لك سالفه مع القصمااان يااخي بكل رد وبكل موضوع لازم تجيب القصماان لو الموضوع عن برشلونه قلت القصمان وحتسيهم لو عن الرواتب قلت القصمان وحتسيهم

يااخي خليت حتسينا فاارسي موب سعودي
شف الغربيه معك حق جت لنا مدرسه من الحجاز والله ياانا رحمته يحاتسونه البناات وتهز الدميجه ماتدري وش يقولون اخر شيئ قالت شوفوا كلموني عربيه فصحى

حت حت سوري على المرور الثاني

Hictar · #36 24/09/2008, 04:42 AM

إقتباس

الرسالة الأصلية كتبت بواسطة بـنـ**الزعيم**ــت


	شف الغربيه معك حق جت لنا مدرسه من الحجاز والله ياانا رحمته يحاتسونه البناات وتهز الدميجه ماتدري وش يقولون اخر شيئ قالت شوفوا كلموني عربيه فصحى

وشهد شاهد من أهلها

ودقق على اللي ملون باللون الأحمر ( هرج قصيمي قح )

ياماما بعطيك مثال على إن الشغاله بتفغر بالقصيم :
لما تجي الأم بالبيت وتقول للشغالة ( زومية )

وش تتوقعين من الشغالة

أنا أقولتس أتوقع لغة الإشارة هي الدارجة هناك

بـنـ**الزعيم**ــت · #37 24/09/2008, 04:46 AM

^^^^^^^^^^^^^^^^^^^
هو يااكاافي وراااه

وش انا قاايله يحاتسونه يعني يهارجونه يكلمونه يرمسونه

زوميه وش حلااتهااا هالكلمه لها وقعها في النفس

فيها الحنيه والعطف زوميه من الحب تخاف عليه يتعب << اقوول طسي اخمدي احسن لتس

الحين بيجي ويقول شهد شاهدون من اهله طسي كل نجد يقولونه

وبعدين تعاااال وشي قح انا اذكر بحته بس قح اول مره اسمعها

حت حت سوري على الرد الثالث

حتى ظلالي هلالي · #38 24/09/2008, 06:29 AM

باااااااااااااااااااااااكـ

أحبك يا هلال

يا هلا والله ومرحبا
تو مانور الموضوع بريحة أهل الرياض

إقتباس


	خلاص حتحوتتي لاجت البسه المره الجاآيه مسج بالله هع هع وانا معي العصـآ والله ان تفرك اول ما تلمح زولي هاع ماتشوفينه الى بـآخر الدنيا <~ التسـآأيده بس المشكله اني انا بالريـأآاض عندي فكرـه اني بس شغـلي المـآيك والبـآأقي خليه علي

هو اذا بيجون اهل الرياض يطلعونها

فكل ابو دايم بخليها تدخل

إقتباس


	حت حت اللون البردقـآاني مخققني .. لاتغيرنه <~ بتسطـر

أنتي اخقق يابعدهم

هو مب انتي انتي بس يعني حولتس

<< بتتصفق

يالبى قلب الناس الذوق بس

<< هالمرهـ انتي

بعد قليبي انتي
نورتس ونور اختتس الي جنبتس

والدور الفوقي كلهـ

غطى على الصفحهـ كلها

تسلمي لي ع المرور

..
..

د.خالد ورده

إقتباس


	تخافين من القطوة .. بالله تتوقعين بتاكلك مثلا .؟ من ناحية انها تعض فهي تعض خلينا واقعيين بس عشقي الابدي المطارد معها .. خاصة في الحوش لي صارت تزلق عالبلاط

القطوة تعض ..!!

واللع معلومهـ جديدهـ

على بالي بس تنط على الخشهـ وتسوي شخابيط فيها بس

يععععععععععععع اذا صارت تزلق بالبلاط

وطلع صوت أضافيرهـ

المشكلهـ انكـ دختور

أكيد بتطلع ماتخاف

شكرا ع المرور ورده

..
..

(اسير & المحبه) ورده

إقتباس


	خاصه البطل الكبير السواق حقكم وضيوف الشرف اختك ياليت تنتبهون للباب اخر الليل لان مشكله القطاوه مشكله خاصه اخر الليل اسال مجرب بس طلع لي قطوة سودا الساعه 3 الليل دخلتني في رجفه وخوف

أمااااااااا بطل كبير

الباب فيهـ مخطط لهـ ان يتقفل
بس مدري متى بتنفذ

قطوة سوداء لو تطلع لي بنهبل

وخاصهـ اذا بالحوش

عيونها مولعهـ

وخضراء

يممممممممممهـ

شرفني مروركـ ورده

..
..

حتى ظلالي هلالي

خلتس على جنب شوي الله لا يهينتس

..
..

عاشقة الزعيم 15

إقتباس


	كيف عايشه انتي عارفه لو البسه دخلت بيتنا وصار لي موقفك مدري ايش بيصير لي

عايشة على باب الله

كيف بعيش يعني
الشكوى لله

إقتباس


	اما انها تدخل البيت والله ياهي قوويه الله يعيينك حت حت والحمدلله ع سلامتك موضوع فكاهي زريف يعطيك الف عافيه

قوية ايه

بس دخلت قطوة عن دخلت حشرة العن منها تفرق

ربي يسلمك

شكرا ع المرور

..
..

القناصه الهلاليه

إقتباس


	لقد إن القصة حقتك عجبتني بس الله يعينكم بسه وبالبيت بعد اصلاً انا أمنيتي تدخل ببيتنا بسه ..! والله أمنيتي .. لكن الشكو لله باب بيتنا دايم مقفل للأسف

لقد انه شكرا

امنيتكـ تدخلبسهـ للبيت

خلاص تعالي بيتنا وابشري باللي تتمنين

شكرا ع المرور

..
..

هلالي 88
<< والله مافيه امل احول انجليزي

إقتباس


	ومن كثر ما أحبهم يوم كنت صغير كنت أطرد وراهم وأرميهم وأمي كانت تخوفني منهم علشان ما أمسكهم تقول إللي يمسك قطوة ينتفخ صبعه صرت أراقب صبعي أخاف ينتفخ

والله ان امكـ مدزديهـ

تعرف كيف تخوفك

إقتباس


	وما شاء الله على سواقكم الذكي جايب عصا وكيس العصا عرفنا ليش جايبها بس الكيس وش فايدته

ذكي إلا قل نابغهـ

علمي علمكـ

بس نمشيها له اهم شيء طلعت

إقتباس


	إلا ما عرفنا القطوة كيف دخلت بيتكم

شوف هو خيارين لا ثالث لهم

1/ يا انها بسم الله الرحمن الرحيم

2/ وإلا انها داخلهـ من الليل يوم الباب مفتوح ومتغبيهـ وتوها تطلع

شكرا ع المرور ورده

..
..

هاويه الهلال

إقتباس


	والله طلعتي راعية مغااااااامرات

اذا تبيني انزل آخر اصدار مع كراش

ماعندي مانع

تسلمي لي ع المرور

..
..

بنت فهد

إقتباس


	هلا والله بحتى ظلالي هلالي والله الصراحه القطاوه ما عندها لاذمه ولاضمير

هلا والله وغلا

القطاوه بس

وحطي معها الحشرات

هذي لاذمه ولا ضمير ولا حتى أدب

شرفني مرورتس يالغلا

..
..

مواصل (1)

انتظر ردي عليكـ بردك الثاني مدري الثالث

..
..

حتى ظلالي هلالي (2)
اهجدي شوي وعن الهواش

وخليتس على جنب للمرهـ الثانيهـ

..
..

بنت عبدالله &

إقتباس


	واللي مقلقني ودي اعرف ايش الحكمه من خلق القطاوه والصوارير

لله في خلقهـ شؤون

أماااااااااااا سالفتك

ياقلبي على هالقطوة

<< أول مرهـ ترحم حيوان

بنت عبودي

اسعدني مرورك

..
..

سنيجدر ورده
<< يارب كذا بالعربي

إقتباس


	هههههههههه اجل تكلمينها بالنجليزي

مدري من مقنعني ان ثقافتها انجليزي

شكرا ع المرور ورده

..
..

الكاسر ورده

إقتباس


	ههههههههه الله يرجكـ ..بسهـ على هالصبح والله ياقمة الفضاوة,,والله أهنيك على شجاعتك الفائقة<<مسوي نفسه أجمل قصـة في الحياة الاستراتيجية <<عآآد انت وفهمك

الله مير يسلمك ويرفع من قدركـ

أجل شجاعتي

سلم لي على الحياة الاستراتيجيه

شكرا ورده

..
..

ماركو روسي ورده

<< الوردة لكـ والقلوب لماركو الصدقي

إقتباس


	بيت بدون بسة أو طيور , .. مثل الفيمتو بدون سكر .. < لزومـ الشهية .. ,

تشبيهـ بليغ

إقتباس


	... و من كبر الميانة.. متلحف عن البرد .. ..!

ايه ياقلبي عليهـ خلهـ يتلحف

عشان مايزكم

تصدق يشبهـ البساسهـ الي تدخل علينا دايم

وخاصهـ الي توقف على شباكـ المطبخـ على وقت الفطور المغرب

إقتباس


	.. و الله يخلي لكم .. سوآقكم .. رجل المهمات الصعبة .. < ايه بالمقلوب

هذا جندي مجهول

وش عرفكم بالقتال انتم

إقتباس


	.. خبير في الأشيآء / مهوب توهـ ..!

ماركو

الحين يوم انكـ رديت على موضوع لي
صار تنسيقكـ كذا

طفشانين من الاحمر والاسود
نبي الالوان الي تفرح

<< طرار ويتشرط

اسعدني مروركـ مشرفنا
<< لاهـ بدري توكـ تتذكرين بعد ماقطيتي الميانهـ

ورده

سجل يا تاري صفحهـ كاملهـ مره وحدهـ

برب

حتى ظلالي هلالي · #39 24/09/2008, 09:24 AM

مدريدي عاشق سامي ورده

إقتباس


	موضوعك هذا له قصة معي.. قريت العنوان بسرعة..أحسبك تقصدين الإتصالات السعودية.. ماقريتها زين من العجلة و من حبي وعشقي لشركة الفشل هذي.. عالطول دخلت.. تفقعت عيوني و أنا أدور شي له دخل بالاتصالات والدعوى كله بساسه و حيوانات.. و آخر شي عرفت أنه (كات) يعني (بسة) موب الإتصالات..!! شكرا لك..

هههههههههههههههههههههههه
وش جاب الكات للإتصالات

على العموم تشريفكـ للموضوع اسعدني ورده

..
..

مواصل
ويبي من يصبخ على راسهـ ينام لمدهـ لاتقل عن 10 سنين

الحين خلصت الاسامي عشان تقول لي ام علي

إقتباس


	يا أم علي ألحين إذا أهل الشرقية والغربية والجنوب ما يفهمون حتسيكم تبين الهنود والإندونسيين يفهمونه أتوقع لغة التفاهم بينكم بالإشارات <----- بتجية ألحين البقايا وريري وأم الكراث وبيوصل الدم للركب بموضوعتس

ام علي الله لا يقولهـ

طيب واذا فلبينيه فهمت حتسينا على قولتكـ
فهذي مشكلة الشرقية والغربيه ....الخ

اذا ناس من ديرتهم مايفهمون كلامهم
والاغراب يفهمون

ايه لغة اشارات فيها شيء
انت تذكر القصبي بطاش قبل كم سنه
يوم انه يصير اقالهـ مرت السدحان وطرما
عشان ينقلون معلمات

أبد اذا تذكر كيف كان تكلم فهذولا حنا مع الشغالات

<<يالله يمشي الوضع معاهـ كذا

..
..

المشاغب ورده

<< الحين انتم وش جابكم فوق بعض

الله يصبرني عليكم بس

بعلق على النقاط
مع اني بصير اكرم .. أكرم وإلا يحيى

وماراح اعلق على كل النقاط

إقتباس


	1 ) ما تحب المطبخ , وإذا طبخت سوت حلا .

شوف مسألة الطبخ
اتوقع ما احد يحب ريحة البصل والدموع الي تجي منه

وإلا تقطيع الدجاج وإلا اللحم وهو كله دم وقرف

بالنسبهـ لي اذا شفت اللحمه والدجاج وهي تتقطع قبل الطبخ ما آكلها

بس ترانا متعلمين مو مانعرف مثل ما انتم معتقدين

الحلى لانه ماله روايح واشياء تتقطع ومدري كيف
شيء بسيط نسويهـ

لاحقين على الطبخ والنفخ بعدين

إقتباس


	3 ) ما تحب القطط .

وفياض ما ملا عينكـ

إقتباس


	4 ) عندها شغالة .

مو الكل عندهم

وفيه ناس عندهم ثنتين أوثلاث

إقتباس


	6 ) بثرة .

عن نفسي ايه

بس على حسب المزاج تجي البثارهـ

إقتباس


	7 ) تكتب بغنج ودلع .

برضوا عن نفسي لا

أماااااااا انا اكتب بغنج ودلع

ما من شاف لوني قال وراي دلع

إقتباس


	9 ) تنكر الحب ووجود الحب في حياتها , وبعد يومين تشوف في توقيعها : أحبك لا تخليني . وغيرها من عبارات الحب .

تكون صدق ماتحب

بس تعيش جو مع بعض الابيات والقصائد

وتعجبها

اختصرت وعلقت على 6 وباقي 3

بس عشان رمضان كريم

إقتباس


	حتى هلالي .. طلعتي دجاجة أجل تخافين من قطوة؟ يا حيف عليك يا حيف

لو اني دجاجهـ كان اكلتني القطوة يوم دخلت

قال دجاجهـ قال

هالبعير

ياحيف ليه

قد قالوا لكـ اني ما اخاف من الاسد

اشوى انكـ ماكملتها

عشان مايزعل منا فياض

فياض اعلن انساحبي
وما ابيه يكملها
تراي بريئة من الي بيقولهـ

<< حست بنذاله

شكرا على المرور ورده
والشحم والله ما احبهـ

..
..

فتاة هلاليه

إقتباس


	حت حت ..<<--مافيه ورده بس قلب.. طسي إنتي وموضوعك اللي رفع ضغطي موضوعك يبيله تسطير (تصفيق) رفع ضغطي رديت ويوم جيت بسوي اعتمد المشاركة مدري وش ضغطت وتقفلت الصفحة بكبرها

هدي الاعصاب شوي

خليكـ زيي هاديهـ طول عمري

إقتباس


	بس المهم إني ماتوقعتك جبانه أجل تخافين من قطاوهـ.. ماش منتب حرمة أجل ... شوفي اذا كانت قطوة شوارع هذي انقرف بس ما اخاف يعني ممكن امر جنبها عادي واذا قربت قولي (هش ) مافيه مشكله أبد ...ماله داعي تقومين السواق هالضعيف ...وتسوين قلق بالبيت ...

انا مدري من النصاب الي قايل لكم اني شجاعهـ

اثركم آخذين فيني مقلب

هالضعيف الي راحمتهـ ماقومتهـ
من حينهـ قايم
وإلا ذاكـ ولد العز

اذا نايم مايرد على جواله اصلا

هلاليه

اسعدني مروركـ

..
..

بنت الزعيم

مواصل ورده

مالي خلق اتهاوش الحين

لاني مرووووووووووووقهـ

ارد عليكم اذا صرت معصبهـ

برب

زعيم عرعر T · #40 25/09/2008, 06:01 AM

صفقوني لو ماطلعت البسهـ هي ملفعتهـ وحطاتهـ بكيستهـ وجايبته لنا

بطنيييييييييييييييييييييييييييييييييي

حتى ظلالي هلالي · #41 25/09/2008, 06:03 AM

بنت الزعيم

مواصل ورده

إقتباس

الرسالة الأصلية كتبت بواسطة بـنـ**الزعيم**ــت


	مواااصل انت احد ملفعك من القصيم ولا وش السالفه انا قايله انك لك سالفه مع القصمااان يااخي بكل رد وبكل موضوع لازم تجيب القصماان لو الموضوع عن برشلونه قلت القصمان وحتسيهم لو عن الرواتب قلت القصمان وحتسيهم يااخي خليت حتسينا فاارسي موب سعودي شف الغربيه معك حق جت لنا مدرسه من الحجاز والله ياانا رحمته يحاتسونه البناات وتهز الدميجه ماتدري وش يقولون اخر شيئ قالت شوفوا كلموني عربيه فصحى حت حت سوري على المرور الثاني

خليهـ على راحتهـ

يحق لهـ يتكلم عن القصمان دامهـ بالرياض

الله يلوم الي يلومه

إقتباس

الرسالة الأصلية كتبت بواسطة مواصل من عام 1413هـ


	وشهد شاهد من أهلها ودقق على اللي ملون باللون الأحمر ( هرج قصيمي قح ) ياماما بعطيك مثال على إن الشغاله بتفغر بالقصيم : لما تجي الأم بالبيت وتقول للشغالة ( زومية ) وش تتوقعين من الشغالة أنا أقولتس أتوقع لغة الإشارة هي الدارجة هناك

مواصل وشي الزوميه..!!

أنا نفسي والله ما اعرفها

إقتباس

الرسالة الأصلية كتبت بواسطة بـنـ**الزعيم**ــت


	^^^^^^^^^^^^^^^^^^^ هو يااكاافي وراااه وش انا قاايله يحاتسونه يعني يهارجونه يكلمونه يرمسونه زوميه وش حلااتهااا هالكلمه لها وقعها في النفس فيها الحنيه والعطف زوميه من الحب تخاف عليه يتعب << اقوول طسي اخمدي احسن لتس الحين بيجي ويقول شهد شاهدون من اهله طسي كل نجد يقولونه وبعدين تعاااال وشي قح انا اذكر بحته بس قح اول مره اسمعها حت حت سوري على الرد الثالث

شوفوا عندكم خيار واحد بس << خيار وإلا طماط

يا انكم تعلموني وش معنى زوميه

وإلا اني برجع لكم وبحاسبكم على كل كلمهـ

وعلى ردودكم الي ماتعطون وجهـ فيها

يالله لكم فرصهـ إلى بكرى بس

ومن بعدها بتخذ اجراء ثاني

مَاهِينُورْ · #42 25/09/2008, 07:51 AM

..

يا هلا وياهلا حتوتو

داخلتن بيتكم بسة و مفزعة سواقكم من عِز نومه

الله يخلف عليتس ورا ما أكرمتيها

هذي ضيفة وأنا اختتس والضيف ماينطرد

يا حيف عليك يا حيف

>> ناسختَهْ من رد المشاغب

---}}

X

..

والله يالغالية بعذرتس يوم قومتي سواقكم يطلعَهْ

ياكرهي لهن إذا دخلن البيت يسَوِنْ بلاوي

ذاك اليووم دخلت أمي المشب >> طبعاً علمنا بوهـ بالشتاء مادخلناه

دخلته لقت فيه بسه صغيرة توها مولوده
أمهم مولده وتدور لها مكان يضف عياله و مالقت مكان يضفهم إلا الوجار

>> رحمه أخوي بما إن الأم رايحة وتاركته فـ غسله عن الرماد وحطه بكرتون مناديل

>> فكرة الكرتون من راسي

وجَلْسُهْ بالحديقة وجت أمه بعد مده تاخذه

>> سبحان الله ما أدري كيف عرفت مكانه

..
أذكر أقوى هبلة صارت لي قبل مدة كنت طالعة بوقت المغرب والمكان مظلم شويّ طلعت من باب المطبخ الثاني و أمشي مع السيب

>> وصفت بيتهم

المهم

إطلعت بسة بوجهي ترركض قدامي

..
الله لا يوريك شوي و أموت

خاصة إنها طلعت لي و أنا سرحانه أو قاعدة أهيجن وأنشد

حسبي الله عليَهْ ما أنساه دايم أتخيّلَه

.
وهذا موقف للوالد يقول أقوى موقفين إنهبلت فيهم وشوي أفقد عقلي

> بسم الله عليه

يقول الموقف الأول وأنا صغير دخلت بيت مهجور بالليل و أول مافتحت الباب وتطيح على كتفي شي ثقيل

طبعاً بالظلام مايدري وش اللي طاح عليه

بس يقول الحمد لله مافقدت توازني وطحت بمكاني

يقول عضّيت ثوبي وهجيت ولما إلتفت شفت بسة كبر الخرووف طالعة من البيت لونه أسوود تطير العقل

..
والموقف الثاني يقول كنت بمزرعة أمشي ودعست لي داب " حيّة "

>> ماني بمكمله الموقف لأن ماله دخل بالموضوع

> قولي عاجزة

.
حتى ظلالي هلالي
يازينتس ويازين سواليفتس ياخيّه

أي شي يدخل ببيتكم إكتبيه لنا هنا

حتى لو هو حب قهوة أو جعل و قعره

>> على طاري الأخيرة كاثرات هاليومين مادري وش عندهن

؟
.
إي تعالي بقولتس

تراك والله حياناً تقهرييني

ودي أقرأ ردودتس

بس خطك يعوِّر العيون وقسم

أنتي تقولين ماني بمغيرتَهْ عشانَهْ ألوان روما و أنا ماأشوف البرتقالي موجود بشعار فريقك كثيرأكثر شي العنابي و البني

ألوان غامقة مش فاتحة

>

.

إقتباس


	مواصل وشي الزوميه..!! أنا نفسي والله ما اعرفها

أفا أفا ماتعرفين وشي زوميه ؟!!

زُمّيه / تقال إذا صار البزر يصيح أو مايعرف يمشي ولا زم ينشال

يعني شيليه إرفعيه على يدينك وتجي بعد ضميه

..
عساتس فهمتي ؟

.
بالنسبة لكلام مواصل إن الأجانب مايفهمون لهجتنا

بالعكس يفهموون

إذا فهموا على اللي بالبادية كيف مايفهمون علينا ؟

تقولي وحدة جانا عامل لمزرعتنا كان يشتغل قبل بالبر مع بدو رُحل

فتقول إذا جاء أبوها يكلمه كأنه يكلم له واحد منهم

قالت بعض الكلمات اللي هو قاله بس نسيتهم

.
..

عبودي الحربي · #43 25/09/2008, 08:06 AM

,,,

هههههههههههههــــ ..

اللـه يرج ابليسك بسس ..

< فــاطس ضحك

يسلمو ..

لاعدم ولآخـلآ ,,

تقبلى ارق تحيآتي واصدقهـآآ ..
عبـًٍوديـًٍ آلـًٍحربـًٍي : <