كل شي وألا الهلال يارجال الزعيم الهلال قد يهبط ويغرم من الفيفا ومن يقول بأن موبايلي لن ترفع قضيه فهو يخدعكم - نادي الهلال السعودي - شبكة الزعيم

لا يهم من اكوون · #1 22/09/2008, 05:25 AM

بسم الله الرحمن الرحيم

السلام عليكم

يازعماء كل شي وله حد

على بالكم موبايلي شركه سعوديه وراح تسكت عن حقها

أقول الموضوع راح يوصل للفيفا

ولن يسكت الأماراتيون عن حقهم وراح يتصعد الموضوع للأتحاد الدولي

وقد يهبط الهلال لدرجه الثانيه وقد يغرم بأكثر من300 مليون

ولن يستطيع أحد الدفاع عنه هذي حقيقه يا عالم والقانون لا يرحم دوليا

وحتى لو تطرد الشركه من المملكه فالموضوع وصل للكرامه

وياعبدالله بن مساعد أذا تبغى تسوي خير للهلال أتركه لحاله

وبعد أربع سنوات وأنتهى العقد مع موبايلي

تعال وتحكم في الهلال ووقع مع أي شركه تبغاها

الموضوع خطير وأكبر من مايتوقعه أعضاء شرف الهلال الكبار

والله الهلال في خطر وأذ الهلال قدر ينجي من العقوبه القانونيه رغم أنها مستحيله

فالله سبحانه وتعالى لن يرضى بالظلم وفسخ الهلال عقده مع موبايلي ظلم

وياخوفي الله سبحانه وتعالى يعاقبنا في هلالنا ومانشوف ولا بطوله ولا فوز

أخواني الهلال في خطر أذا لم يتدخل أعضاء شرف الهلال

الكبار ومن يهمهم مصلحة النادي في كل شي

امبراطورية الزعماء · #2 22/09/2008, 07:14 AM

ياخوي لاتخاف على الهلال دام الامير عبدالله بن مساعد هو الي ماسك الملف الاستثماري واذا على الهبوط لدرجه الثانيه انا اطمنك

مافي هبوط وكل الي علينا انسويه ندفع الشرط الجزائي ومافي عقد في الدنيا ما يلغى وبالنسبه لي ماتمنى انهم يلغون الشراكه مع

موبايلي لانه بصراحه مو حلوه كل يوم نفسخ عقد ونوقع مع شركه ثانيه لكن لازم موبايلي ترفع من قيمة العقد

بس عندي سؤال لك ليه تقول حرام نفسخ العقد مو قبل كذا سويناها مع الاتصالات

حياتي يازعيم · #3 22/09/2008, 07:20 AM

والله أول شي بعيده عن وجيههم يهبط الهلال بعدين أتمنى ان موبايلي تكمل مع الهلال ..
نحن أناس وهبنا الله عقول ونعرف من الذي يستغلنا ومن الذي يحاول يفيدنا ولكن اعتقد انها حسمت للاتصالات...
دمتم بـــــــــود....

تحياااااااااااااااتي

ابوصالح222 · #4 22/09/2008, 07:32 AM

والله فيه بعض ناس مدري شلون يفكرون

مسوين هم الفاهمين وما في راسهم إلا هوا

يا عزيزي فيه شي اسمه شرط جزائي
إذا دفعته ابن امه يتكلم

بعدين يا أخي تعال
ظنكـ إن الامير يبي يطقطق الامور براسه كيذا
يقول ذولا بيعطونا أكثر خلاص نوقع معهم

لا يا حبيبي فيه محاميين ومستشارين

فتك

ابوسعد9 · #5 22/09/2008, 08:13 AM

ههههههههههههههههههه

اخوي الشركه شركه مساهمه في سوق الاسهم
ولامراتيون يملكون 30% بس

والباقي سعودي مانبي نفصل في الامر

الشركه تبي تكسب الجمهور الهلالي
واذا نزل الهلال للدرجه الاولى او الثانيه او اغلق

الخسران موبايلي
بتدفع وتضارب وفي الاخير كل الجمهور الهلالي راح يسحب عليهم

وتخسر العقد وتخسر الجمهور الهلالي

والجمهور الهلالي نص الشعب السعودي
واكثر مشتركيهم من الجمهور الهلالي

يعني تكون زي زين الجديده

بس انا مع الامير عبدالله بن مساعد وهو اخبر مني ومنك
والى الامام يابو مساعد

وانت قائد الموج الازرق في السفقه

ولا يهمونك هذولي هم مايعجبهم العجب ولا الصيام في رجب

وبالتوفيق للزعيم

لا يهم من اكوون · #6 22/09/2008, 08:31 AM

شكرا لمروركم

وأحترم رأيكم

لكن لازم تعرفون

بأني ماجبت شي من مخي

وتقدرون تتأكدون من خلال الصحف

لا يهم من اكوون · #7 22/09/2008, 08:33 AM

إقتباس

الرسالة الأصلية كتبت بواسطة امبراطورية الزعماء


	ياخوي لاتخاف على الهلال دام الامير عبدالله بن مساعد هو الي ماسك الملف الاستثماري واذا على الهبوط لدرجه الثانيه انا اطمنك مافي هبوط وكل الي علينا انسويه ندفع الشرط الجزائي ومافي عقد في الدنيا ما يلغى وبالنسبه لي ماتمنى انهم يلغون الشراكه مع موبايلي لانه بصراحه مو حلوه كل يوم نفسخ عقد ونوقع مع شركه ثانيه لكن لازم موبايلي ترفع من قيمة العقد بس عندي سؤال لك ليه تقول حرام نفسخ العقد مو قبل كذا سويناها مع الاتصالات

شكرا لمرورك

بس شركة الأتصالات لم تدفع 250 مليون لمشاريع

أعلانات وغيره من المنتجات مثل موبايلي ولم تستفيد

HtLaRaLhiLaL · #8 22/09/2008, 09:14 AM

إقتباس

الرسالة الأصلية كتبت بواسطة لا يهم من اكوون


	وبعد أربع سنوات وأنتهى العقد مع موبايلي تعال وتحكم في الهلال ووقع مع أي شركه تبغاها

كلاااااااام سليم يعطيك العااااافيه

الق هيف حطاني · #9 22/09/2008, 09:29 AM

ياناس ياعالم اي شرط جزائي الي تضحكون على انفسكم فيه
موبايلي ماهي غبيه
ياعالم العقد وثق من الفيفا