موبايلي ما راح تسكت - نادي الهلال السعودي - شبكة الزعيم

ما ابي المركز الثاني · #1 21/09/2008, 11:30 PM

السلام عليكم ورحمة الله وبركاته

يا اخوان ازعجتونا والله

انا أول مره اشوف جماهير تدافع عن شركة ؟!

ليكون تعطي جمهور الهلال فلوس وحنا ما ندري !

غريب والله غريب الكلام الي اسمعه

البعض يتطاول على الأمير عبدالله بن مساعد

يعني بتكونون أفهم من رجال لديه شركات رأسمالها مليارات !!

يعني إلى هالدرجه وقع وخلاص انتهى الموضوع

لا يا حبيبي الأمير درس الموضوع من كل النواحي ومن ضمنها النواحي القانونية وما تمر عليه هالأشياء

ونحن مع الهلال قلباً وقالباً لو يوقع مع كيوتل وإلا فودافون اهم شي الهلال يستفيد

اما الي يقولون موبايلي ما راح تسكت اقول لهم خوفتونا

الإتصالات وهي الإتصالات الي اقوى من موبايلي ما قدرت تسوي شي لا وعودت ترجع للهلال وتطلب ودهـ

حكموا عقولكم وبلا حكي فاضي

وانتهينا

بــــــــدون اســــم · #2 22/09/2008, 12:07 AM

نحن نشجع الهلال ولا علاقة لنا بالشركة الراعية

جنرال روما · #3 22/09/2008, 12:10 AM

حنا مع الهلال وين مايروح

اما الاصوات اللي تطاولت على الامير عبدالله فهم مندسين وكارهين للهلال

والحمدلله ان هالتوقيع كشف الاقنعة المزيفة

اما موبايلي اقولها لا تحارش الجمل ياحويشي ، وخلونا حبايب

NUMBER(1 ) · #4 22/09/2008, 12:23 AM

نحن نشجع الهلال ولا علاقة لنا بالشركة الراعية

مشعل تبوك · #5 22/09/2008, 12:27 AM

اتفق معك كليا

مشكوووووووووور..

مخاوي الحزن8 · #6 22/09/2008, 12:29 AM

حبيبي نحن مع الحق .. موبايلي قدمت عرض أكثر من رائع ومتنوع المصادر ولها خطه لتطوير النادي ليصبح في مصاف الأنديه العالميه

لكن الإتصالات ليس لديها الا خذ فلوسك وبكيفك ؟!! حتى الحفل العام الماضي اللذي أقامه نادي الهلال وتكفلة به شركة موبايلي رغم

عدم وجود بند في العقد يجبرها على ذلك ...

على العموم الإتصالات معروفه من زمان لم تقدم أي شيء يذكر للأنديه ولكن ما نقول الا الله يصبرنا عليها .

ويلومني ياسامي · #7 22/09/2008, 12:39 AM

صدقت وحنااا مع الهلال على الحلووه والمره

صفوان · #8 22/09/2008, 12:41 AM

مع الهلال وين ما يروح ... الهلال في أيدي أمينه

(الفيلسوف) · #9 22/09/2008, 12:42 AM

ياخي موبايلي عرفت قدر الهلال مو شركة الانفصالات

نحن نبحث عن التميز والاميز

هلاااالـــيه · #10 22/09/2008, 12:43 AM

إقتباس

الرسالة الأصلية كتبت بواسطة مخاوي الحزن8


	حبيبي نحن مع الحق .. موبايلي قدمت عرض أكثر من رائع ومتنوع المصادر ولها خطه لتطوير النادي ليصبح في مصاف الأنديه العالميه لكن الإتصالات ليس لديها الا خذ فلوسك وبكيفك ؟!! حتى الحفل العام الماضي اللذي أقامه نادي الهلال وتكفلة به شركة موبايلي رغم عدم وجود بند في العقد يجبرها على ذلك ... على العموم الإتصالات معروفه من زمان لم تقدم أي شيء يذكر للأنديه ولكن ما نقول الا الله يصبرنا عليها .

والله أنك صادق

وحنا بعد ترا ما تكلمنا ودافعنا عن موبايلي

الأ أنا عارفين أنها أفضل من الأنفصالات وراح أذكركم

ما أدري · #11 22/09/2008, 12:50 AM

أقول

الله يخلف على اهلكم ياللي تطاولتوا على عبدالله بن مساعد

يا أخي عبدالله بن مساعد ابخص وبيصير محسب لكل شي

أفهموا صح

وخلوا عنكم التدخل بأمور أكبر منكم بكثيييييييييييييييييييييييير

فارس الناصر · #12 22/09/2008, 01:00 AM

هالمميزات اللي عطتك اياه موبايلي ماكنت تحلم تشوفها مع الأنفصالات

ودخول موبايلي لعالم الاستثمار الرياضي خطوة ريادية

لأنها أوصلت العقود لبقية الأندية مع رعاتهم الى مبالغ فلكية ولولا دخول موبايلي كان عقدك مع الأتصالات لايتجاوز عشرة ملايين

لكن النادي يدور مصلحته ,, والمشجع ايضاً يدور مصلحته

كل طرف ينام على الجنب اللي يريحه

تقبل مروري

وليد444 · #13 22/09/2008, 01:02 AM

انا مع الهـلال سواءً موبايلي ولا الاتصالات..

ما ابي المركز الثاني · #14 22/09/2008, 01:26 AM

مشكورين على المرور يا حبايبي

واكيد احنا مع الهلال