حرام والله حرام نوقع مع شركه الانفصالات ونترك موبايلي - نادي الهلال السعودي - شبكة الزعيم

20YASAR20 · #1 21/09/2008, 10:54 PM

السلام عليكم ورحمة الله وبركاته

للإســف قبل قليل وصلني خبر من مكان ما عالانترنت

انه الهلال وقع عقد مع الاتصالات السعودية بـ حوالي 60 مليون ريال سعودي

(( موبايلي 55 مليون ومميزات كثيييير وغير كذا منفردين فيها وعقدها عقد شراكـة ))

لكن الإتصالات السعودية " رعايــة " يعني نفس الاندية الثانية
جـوال للنادي وإعلانات عالقمصان وبس
اي كلمة ثانية والله محد يعبرك
تبيهم يطلعون باقة لنا والاتحاديين والنصراويين بيسكتون
وإلا بيبنون لنا مقهى والبقية لا ؟
وإلا بيسوون لنا شي خاص والبقية لا ؟

للإسـف انه المفاوض الهلالي بنظري حطمنا وكسر كلمتنا لا انتظر التوفيق من الله بالاسيويـة ولا الدوري ولاغيره
عيب والله عيب ... انا اتحدا السنة الجاية نفسخ العقد مع الاتصالات السعودية واكيد بيجينا عقد من شركة ما

لكن الواضح لإغبي إنسان انه العقد هذا لـ " مصالح شخصية "

ومصلحة الجمهور والنادي يضرب بها عرض الحائط

ما ابي المركز الثاني · #2 21/09/2008, 10:56 PM

يا رجال بلا موبايلي بلا هم

قسم بالله جربتها شهر وغيرت رقمي علشانهم ورجعت للإتصالات على الأقل تسحب عليهم 3 شهور ما يقطعون الخط

بعدين مصلحة الهلال اهم

والله الي يسمعكم يقول انكم تملكون من رأس مال الشركة !!

ابي ماينحني راسي · #3 21/09/2008, 10:56 PM

احنا ماندري وش حيثيات الموضوع بس انه باقي موبايلي متمسكها بحقوقها

مثل باقة الهلال وغيره كثير

لكن اتمنى انه موبايلي هي اللي تبقى

وتحيااااتي

زعيم دوم · #4 21/09/2008, 10:58 PM

ياخوي لا انا افهم ولا انت تفهم الأداره بس هي الي تفهم وحنا ماندري وش صار بينهم وش عليه اتفاقات
يعني تأكد اللهلال ماراح يوقع مع الشركه وهو مايدري عن الشروط يعني بالعربي الأداره تعرف مصلحتها في الشراكه
وخلاص فكونا الهلال وقع وخلاص واهم شي مصلحة الهلال فوق كل شي وممكن الأتصالات تكون احسن من موبايلي
حنا ماندري يعني خلاص فكونا من السالفه الهلال ووقع خلاص

راعي الوسيطى · #5 21/09/2008, 11:02 PM

وللة اني منقهر بس لويطيرون ويوقعون مراح اغير شريحتي

هلاليه الرس,, · #6 21/09/2008, 11:03 PM

ماندري وين الخيره فيه

مراوغ هلالي77 · #7 21/09/2008, 11:03 PM

كل اللي يقولون مصلحه الهلال اهم شي ..........!!!

وانت يالجمهور رح رجع رقمك لـ الأتصالات نلعب حنا .....!!!

غريب امركم يا رجااااااااااالات الزعيم من اللي وسوس براسكم وحرضكم(وفتن) على موبايلي كنتو حبايب....!!

توقعاتي الشخصية ممكن موبايلي توقع مع الأتحاد او النصر عقد رعايه...!!!

هلالي حتى التجمد · #8 21/09/2008, 11:07 PM

لا تصجونا بموبايلي

ألحين أنت وياه أفهم من صاحب السمو الملكي الأمير : عبدالله بن مساعد

لا تنسون أن الرجال متمرس بالتجارة

وبعدين تقارنون 50 مليون ب75 مليون
ولا الأتصالات راح تدفع الشرط الجزائي لموبايلي 50 مليون

الغشيان الكونكرد · #9 21/09/2008, 11:07 PM

لا نريد الإحتيالات

موبايلي

أو أي شركة أخرى

غير الإحتيالات

اللي كانت تهدننا في المحاكم

ولن أحول رقمي للإحتيالات وسأبقى مع موبايلي

هلالي@ · #10 21/09/2008, 11:09 PM

الله يكتب الي فيه الخــير .

هلالي اصيل1 · #11 21/09/2008, 11:09 PM

الهلال تورط بالاتصالات والي ورطه عبدالله بن مساعد الي عاند الجماهير وقع مع الاتصالات غصب

ما ابي المركز الثاني · #12 21/09/2008, 11:09 PM

ومن قال غيروا شريحتكم !!

كل واحد ينام على الجنب الي يريحه

طبيب فاهم · #13 21/09/2008, 11:19 PM

والله مهزله مابعدها مهزله اذا الهلال ترك موبايلي ووقع مع الاتصالات

انا مالي علاقه ابد بموبايلي او الاتصالات للي يفترضون سوء النيه

قبل العام مع الاتصالات والغيناه بسبب عرض موبايلي الرائع وتحججنا بحجج كثيره غير الاموال

والان نبي نلغي عقد موبايلي ونرجع للاتصالات والمره هذي وضحنا حقيقتنا وان السبب هو الاموال فقط ولاغير!!!!!!!

لكن من متى والهلال يباع ويشترى !!!!!

من متى واحنا نلغي العقود بسبب مجرد زياده بسيطه بالاموال !!!

هل تبون تقنعوني اننا ربحانين بفرق العقد بين الاتصالات وموبايلي !!!!!

الفرق بامكان واحد من اعضاء شرف الهلال دفعه وبسهوله

في حالة توقيع العقد الجديد مع الاتصالات السعوديه فنحن الخاسرين وبدون نقاش

خسرنا مبادئنا

خسرنا ثقة الشركات و الناس فينا

بعنا نادينا

واصبحنا نقدم نادينا لمن يدفع اكثر بغض النظر عن اي مباديء اخرى

خسرنا سمعتنا

خسرنا ثقة الشركات والموؤسسات في نادينا

فمن سوف يجرب بعد عقد الاتصالات بان يوقع معنا !!!!! لانهم يعرفون ان لنا سوابق في الغاء العقود

والله انها مهزله مابعدها مهزله

وقمت المهزله اللي لو اني مسؤؤول في موبايلي بسويها وهي اني اخلي الهلال يوقع مع الاتصالات

والسنه الجايه اعرض 80 مليون !!!! اذا الهلال رفض العرض فهو الان اخل بمبادئه اللي صاير يسويها في السنوات الماضيه !! واذا وقع فهي اكمال لمهزلة اسقاط القيمه الفعليه لنادينا

مااقول الى الله يسامحك ياعبدالله بن مساعد

شرقي · #14 21/09/2008, 11:20 PM

يبدو إن عبدالله بن مساعد يبي يرجعنا للخمسات !!!!!

وينك20 · #15 21/09/2008, 11:26 PM

مـــا يصير الكـــلام هـــــذا واللـــه حـــــرام ,,

اللحـــين نسينا المــــشاكــــل مع الاتصالات قبــل ,,

اللــه يستر ولو تــرعى موبايلي نـــادي غير الهلال ,,

نبي نـــتحــــسر عليهــــــــــــــــــــــــــا ,,

يـــــــــــــــــــا أســــــــــــــــــــــــــــــــــــــــفاهـ