انتهى اسوء موسم اعتقد في تاريخ نادي الهلال نعم حققنا بطولتين غاليه لكن بعد ما حصل للنادي مشاكل لا تعد ولا تحصى ...

ما ودي اذكر المشاكل اللي بغت تعصف بالفريق لولا الله ثم و قفة اعضاء الشرف و لاعبين الهلال !!

سعود بن تركي انتهى الموسم !!

ختم الهلال الموسم ببطولة الدوري البطوله الاغلى ...

سعود بن تركي ... تعرف انك الآن ...

اعضاء الشرف ما يبونك ... والقائمه تطول باعضاء الرف المبتعدين لدرجة قبل الفريق مايطلع لجده ما كان موجود من اعضاء الشرف مع النادي الا خالد بن محمد وبندر بن محمد وعبدالله بن مساعد بس !!!

اعضاء الشرف انبح حلوقهم وهم يقولون نبي اجتماع لاعضاء الشرف .. وهو مطنش ولا كان احد يتكلم !! ولا كان خالد بن محمد او بندر له كلمه بالنادي او مقام !!

لاعبين الهلال مايبونك !!!
تزوير كذب ... لا فلوس .. لا وفاء بوعودك ...

جمهور الهلال لا يريدك نهائيا !!


ابتعاد بالاشهر عن النادي من المكسيك الى باريس الى جنيف الى امريكا الى جده !!!
هذا رئيس ؟؟
رئيس لا يحترم لاعبين الزعيم لا نريده !!!
رئيس يكذب على اللاعبين لا نـــريده !!

فرط في خميس ! ونواف اصفقوني ان جلس بالزعيم اذا استمر التطفيش على ماهو الوضع عليه ....

بتقولون خلونا نفرح وقبل تقولون خلوا الكلام بعد النهائي وقبل تقولون خلنا نتصدر الدوري ثم تكلموا ... لكن الآن احسن وقت للمصارحه ...


وانا هنا اطالب بعبدالله بن مساعد ان يمسك النـادي ويتولى رئاسته فهو متواضع وعلى خلوق عالي ولديه افكار استثماريه جيده جدا وعلاقاته باعضاء الشرف قويه ...

اذا عبر هذا المنبر المميز نطالب باستقالة سعود بن تركي (تكفى ريحنا واستقل)
ونطالب بعبدالله بن مساعد رئيسا للنادي ......


سعود خلاص كثر الله خيرك بس فكنا تكفى !!!!