يعطيك العافيه لو السماعات تكون على السياج الحديدي حول الملعب كله بتشوف حماس لاكن جايبين سماعات من ابو ريالين مايسمعها الا من جالس عند الرابطه ويمكن لا لكن
إدارات الهلال كلها ماتركز على الرابطه مانسمع الا تبرع الامير الفلاني بالف الو الفين او اكثر من تذكره للجمهور الافضل او نهم يجيبون سماعات قويه وصوتها يهز المدرج والملعب هز
بس وين اللي يسمع

آآآآه بـــس ...

وربي جماهير الأندية الأخرى تفاعلها قوي جدا

أما الهلال الله يخلف بس ...

وربي شئ يقشعـــر له البدن

إقتباس الرسالة الأصلية كتبت بواسطة زعيـم هلالـي الجمهور كان 10 على 10 ولولا القارورة عالحكم الظالم كان قلت جمهورنا كان "كامل" موضوعك يحمل الكثير من الغلط وجانبت الصواب كليا عن الجمهور وحاولت تتكلم بمثالية زائدة .

لا والله ونا اخوك ردك اللي جانب الصواب
انا حاضر المباراة بالملعب والجمهور كأنه اطرم تصفيق للهدف ولدخول التايب
ولو يتحمس واحد ويشجع كلن ناضره بعين الأستحقار ((يعني ناقدين عليه ))
مغير سوالف وتقشم حب كنهم بلابل

ابو فيصل كلامك سليم ولكن ما تقدرك تغصب احد على التشجيع الا اذا كانت صوت الرابطة توصل اذاني الجمهور ويوجد بعض من الرابطة يكونون في وسط المدرجات لتفعيل التشجيع اتمنى في الوقت هذا ان تجتمع كل الروابط النادي مع المجلس لوضع النقاط على الحروف

شف انت جبتها على الجرح مشكلة جمهور الهلال مايصفقون ويشجعون الا في الهجمه ولا اذا جاء كوبري ولا هدف


والله اني ودي اقعد 90 دقيقه اصفق واشجع بس ماحولك احد



وعلى طااري رئيس الرابطه حقنا انا اسمعه بالتلفزيون الصراحه شكله يجيب الهم

كلكم تقولون كلامك صح و جبتها على الجرح

و بعدبن تنسون السالفه ذي


ياليت لو يكون لمجلس الجمهور الهلالي منتدى عشان الجمهور يعطي اقتراحاته للمجلس

وأراءنا تكون مسموعه

إقتباس الرسالة الأصلية كتبت بواسطة ابعاد 566 الصراحة جبتها بالجرح الاحظ جمهور الهلال بالرياض وجدة غريب مافية تشجيع بس ساكت ياخي خلوهم يسجلونها لك بالبيت وعدها اذا رجعت مخمخ وعدها وبالملعب شجع بحماس مشكور اخوي موضوع مهم جدا خاصة لاعيبت الهلال إذا لقو تشجيع انهبلو وابدعو

شكلك ماحضرت مباراة للهلال بجدة والله اصول التشجيع لكن الشباب في مباراة الرائد ما قصروا ولكن يحتاجلهم شغل مضاعف وتنظيم

والهلال لا ينقصه الا رئيس رابطة مميز يقوم باخراج اهازيج جديدة ومميزة وفتح قسم في المنتدى للرابطة

وبالنسبة لكاتب الموضوع ماقصرت كفيت ووفيت والحمد لله على سلامة الوالدة

والله الموضوع حلو وكلامك كله صحيح

لكن لاحياة لمن تنادي

والله ياخوي موضوعك على الجرح


بس انا عندي اقتراح


انه يكون هناك اعضاء مع الرابطة يتوزعون بين الجماهير وخاصة في الواجهه ليحمسو الجمهور وتكون المايكات ذات صوت مرتفع


وابشر بالحماس اذا طبقت

تتخلف عادات

اهل نجد عن اهل الحجاز...


فمن الممكن تحصل على شخص عمره فوق الاربعين يرقص ويتغنى في الحجاز لكن اهل نجد..لا ..



هناك يحضرون للتشجيع هنا الحضور للا ستمتاع والفرح بالفوز..

..


بالعاميه..هناك يحبون الغناوي هنا لا..

والله أقتراحاتكم وأرائكم تقبلتها بصدر رحب جدآآآآ


ولكن جمعتها عندي في مفكرة لكي أقدمها بنفسي لادارة نادي الهلال




ولكن هنــا ؟؟ هل من مجيب؟؟؟؟














هل من مجيب يا مراقبين ؟؟؟؟




هل الموضوع راح يتثبت ولو جبرآ للخاطر ؟؟؟








غريبة؟؟؟








انتظر حضور اكبر عدد ممكن من محبي التشجيع لنادي الزعيم




احترامي لكل من تكرم وساند موضوعي

للأسف ان كلامك سليم .. لكن سبب المشكلة ادخال الرابطة و الطيران بشكل مفاجئ على جمهور الرياض الغير متعود على هالامر ولا يتفاعل معه بالعكس .. فس السابق لا رابطة ولا شيئ و كان الجمهور زي العسل و ما انسى الاسيوية امام جوبيلو و كيف كان التشجيع .. رغم انه من افراد وليس من رابطة .. وين ايام فواز الدوخي و ابو علي هم اللي كانوا يحركون الجمهور بدون مايك ولا شي .. اما الآن للأسف الرابطة في وادي و الجمهور في وادي و السبب ان اللي يقود الرابطة من ثقافة اخرى تماما .. و الجمهور يدور التشجيع اللي يحمس اللعيبة و ليس التشجيع اللي يجيب النوم كنك في صالة افراح ..

إقتباس الرسالة الأصلية كتبت بواسطة midoooo والله انك جبتها على الجرح قسم بالله يا عليهم تشجيييييييييييييييع يحمس حتى بالنهائي اللي فات اغلب جمهورنا كان يشجع نفس تشجيعهم بس الصوت مرررره راخي شكلهم مستحيين بس اقول يارب يجينا واحد زي رئيس رابطة منافسنا اوجار منافسنا عشان عليهم تشجيع يخلوك تنسى الحرارة والصبات عفوا الكراسي والصراحة موضوعك جاه بوقته مشكوووووووووووور وتقبل مروري وردي

أخوي الــصراحــة الاستأأذ \ محمد غندر ما قـــصررر .. واله سمعتله مقطع أنجن جنوووني .. مجنوووووووون والله ..