هلآ والله وغلا بـ عاشقة الزعيم ورده موضـوع متكآمل و في قمّة الروعة ، يعطيك كل العآفية ورده والله احترت وش أعلّق وش أخلّي لكن حبيت أطرح وجهة نظري بفقرة إطالة الشيخ في التروايح || ~ ورده
إقتباس
كثير مانلاحظ هالشي منتشر وبأغلب المساجد نلاقي الشيخ يقرا صفحه وجه وقفا ويطيل بالقراءة طيب في ناس مريضه واخرى عاجزة ، في الكبار والصغار . هل يجب على الشيخ ختم القران برمضان ويكون على حساب المصلين أي مايخشعوا بصلاتهم ويتعبوا من الوقفه لاجل الشيخ يختم القران ؟؟ ماعاد في خشوع بالصلاه صار كل هم الشخص متى يخلص الشيخ من القراءه تعبنا
بالعكس يالغالية هو شهر واحد في السنة ، إذا لم نتقوّى في العبادة في أيامه ، فمتى سنتقوّى ؟ من يتعب أو من لايساعده كبر سنّه في تحمّل الصلاة ، يصلي على قدر استطاعته ، وبعدها إذا أراد أن يكمل صلاته وهو جالس أو يخرج ويدع غيره ممن لهم القوة في تحمّل العبادة ليكملوا صلاتهم محتسبين الأجر ومستغلّين الأوقات الفضيلة التي قد لاتعود عليهم !! في مسجد حيّنا ، كانت التسليمة الواحد في صلاة التهجّد تأخذ نصف ساعة بركوعها وسجودها !! أمّا الآن ، ربع ساعة فقط !! في رمضان الماضي ، كنّا نختم القرآن قبل انقضاء العشر !! الآن ، أتوقع اننا لن نكمل الجزء الثاني والعشرون ! كل هذا بسسب أولئك اللذين أرهقوا الإمام برغباتهم الملحّه في تقصير الصلاة !! فلا ننسى أن رمضان شهر التحمّل والصبر والجدّ في الطاعة ورده وأيامه تنقضي كانقضاء وميض البرق ~ !!
~ ~ عشوووقة اعذريني على الرد الطااير ، وكل عآم وانتٍ بخير قبل الزحمة ، ومبارك عليك العشر .،||
الموضوع رووعة ورهيييييييب..المهم..
بالنسبة لاطالة صلاة التراويح عاادي بالنسبة لي .. احنا مو عجايز..واللي يصلي ويحس نفسة سرح او على قولتك الصلاة بوادي وعقله بوادي ثاني يمسك القرآن ويتابع الامام و ماراح يحس باوقت ولا باملل.. وبصراحة انا اشوف عجايز والله يصلون التراويح كاملة وهم واقفين ووقت السجود البعض منهم يقعد على كرسي>>ماشالله عليهم تبارك الرحمن.
والاطفال ..انا ماجربت اني اروح مسجد وفيه اطفال..الحمدلله مسجدنا فيه وحدة الله يجزيها الخير ما تدخل الاطفال يعني ((ممنوع اصطحاب الاطفال)).. قراءة القرآن..مسجدنا يقرا تقريبا صفحة ونص او صفحتين في كل ركعة انا ما احس بطول القراءة لاني متابعته بالقرآن.. التلفزيون.. ماأشوف الا أبلة نورة وباب الحارة..اشوف حلقة وعشرة لا >>يعني مو مهتمة ابدا .. نغمة جوالي هي هي ماتغيرت فرمضان او فغيره..نغمة نوكيا ..
الفطور جوا البيت احلى..
نومنا آه يانوم..والله صادقة مو بس سيء الا معدووم .. السوووق.. الحمدلله اني مقضية قبل رمضان ومخلصة.. الاكل..ياسلام..مع انو اكلنا مو كثير..
هههههههه هروب الخدامات تووحفة..احنا شغالتنا راحت اصلا وجودها زي عدمها >>عشوقة كلنا في الهوا سوا خخخخ العادات رووعة..
بعض النساء الله يسامحهم اطفالهم ويصير المسجد مكان لهو ولعب ونوم واكل للاطفال ..!!! طيب هل المرأة ملزمة انها تأتي للتراويح بهالحاله أم بيتها افضل لها ؟؟
الله يهديهم قولي آآمين ... مسكينة أم الأطفال تتعرض لإحراجات جداً
كبيره .. ومضايقات من المصلين .. المفروض أذا الوحده شافت أن أطفالها اشقياء
بيتها أرحم لها وحتى أذا مو أشقياء الأطفال أذا شافوا بعضهم تبدأ الأستعراضات
يعني بيتها أرحم لها هي وبزورتها
أخرتها امس في صلاة القيام .. وحده معها أطفال صحيح مالهم صوت بس حركاتهم شقيه .. قامن الحريم هاوشوها عشان أطفالها .. بجد إحراج ,,
وأذا على التراويح يقال أن البيت أفضل للمرآه .. لكن بما أنه ماعندنا أطفال المسجد فيه روحانية أكثر ..
الله يتقبل من الجميع صيامهم وقيامهم ...
إقتباس
وبما ان الاكثر يغير نغمة جواله برمضان ان كانت اغاني وماشابه ويستبدلها بأدعيه او اناشيد
إقتباس
حبيت أعطيكم كم دعاء واناشيد ان شاء الله يعجبوكم
يعطيك الف عافية ياغلاهم على هالأناشيد الأكثر من رائعه
خصوصاً ( أنا العبد ) كنك عارفة هذا نشيدي المفضل
تبارك الله على صوته ..
بس خلينا على نغمة نوكيا .. عشان الأحراجات بالمسجد نغمة الشعب السعودي
سألت هيوونتي وهنووو وسويره عن رايهم واذا يزيد وزنهم برمضان او لا وكان الجواب
إقتباس
هيوون : اسمعي ياقلبي .. انا وزني ثابت بس احيان ينزل .. لكن برمضان اكلي صح كثير لكن بالنهار
إقتباس
مااكل شي يعني مااكل الا الفطور .. حتى السحور مو كل يوم اتسحر .. وكثرة الوجبات
هلا هلا هلا والله هلا بهيونه
اجل الوزن ثابت .. على مين ياأمي على ريري الوزن ثابت قالت ايه ينزل
البلا لو ماشفتك كان اقول صدق يابنتي عدلي الميزان لا يصر مقلوب
رعبوبة الزعيم وهـ بس يادبتي العزيزه
إقتباس
هنو : انا والله ضد التنويع المبالغ فيه طبقين ثلاث كافيه او ع الاقل نكثر بالاطباق بس نقلل الكميه لان اخرتها بتنرمى وبنحاسب عليها وبالنسبه لوزني الحمد لله وزني غالبا م ثابت طوال العام وبرمضان اكلي مثل الايام العاديه
هلا هلا هلا بهنو
أنصحك أنتي بدايت بس الدايت بتاعك سبيشل
والميزان أنتبهي توزنين وأنتي لا بسه شوزك تراه يلعب عليك ويزيد وزنك
الله يعوضك بعيالك أن شاء الله يصيرون مستصحين
إقتباس
ساره : عندي انا مناسبة الحمدالله .. لكن في عزايم الفطور تصير كثيرة ومبالغ بالاكل ووزني ما يزيد في رمضان الحمدالله
هلا هلا سوير
الحين كل الزعيم ماشاء الله مايزيد وزنهم
كلكم تزيدون الإ انا ثابت << فيس حاط رجل على رجل ويناظر لينا
إقتباس
سؤالي : هل انت/يـ مع او ضد الافطار خارج المنزل سواء على البحر منتزه حديقه ولماذا
ياحبي لك على هالسؤال
لو عندي بحر كان اجرجرهم من 4 العصر وأفطر قدامه
إقتباس
صبايا هالفقره لكم خذوا راحتكم بعد اذن المشرفيين ورده يعني ايش باقيلكم خلصتوا ماخلصتوا من وين اشتريتوا واذا في صور ماعندي مانع قولوا اللي عندكم وسووا مابدى لكم >> برااا موقوفه
هلآ والله و غلآ عشوقة الحمد لله على سلامتك يالغلا ومبروووك الإفراج يابعد حيي موضووووعك يجنن والله ويستاهل التثبيت صراحة الله يغفر لنا راح رمضان الله يتقبل منا ومنكم ويغفر لنا خطايانا وتقصيرنا .. معليش عشوقة مستعجلة حييل موضوع مواصل تعبني وموضوعك مانتبهت له زين >> ماتنتبة للمثبته .. الله يجزاك خير يارب ورده .. ممكن تكون لي عودة بروح أصلي صلاة الضحى يالله نلحق عليَه >> اللهم لا رياء بس حبيت أذكركم ..
>> إضافة رد سريع ومارحت للوضع المتقدم وسارقة الفيسات من اللي فوقي
============
عودة
ما شاء الله تبارك موضوعك شامل ما دري وش أعلق عليه ووش أخلي
لكن بعلق على بعض الفقرات
..
إطالة الصلاة
بالنسبة لمسجدنا والله طوول رمضان وهم نصف وجه
طبعاً الإمام الوالد الله يحفظه
كان يرحمهم وما يطول
بس الحين بعد ما دخلت العشر وهم توهم بالنصف فـ صار يطول بالتهجد عشان يلحقون يختمون
ومايقدروون يتكلمون الجماعة لأنهم هم اللي رافضين إنه يطول بالتراويح
واللي رجليه توجعه ياكثر الكراسي بالمسجد
الله يتقبل من الجميع
والله يغفر لنا الرسول كان يقوم الليل إلى ان تتفطر قدماه وحنا عجزنا نوقف ربع ساعة
عموماً الإمام المفروض يشوف وضع جماعته والأمر سهل إذا تشاوروا خاصة لمساجد الصغيرة >> تتكلم عن مسجدهم
..
الوجبات
ماحنا من اللي يكثروون الأطباق
وبعدين كلها لقمتين وحنا شبعانين الحمد لله
بالنسبة لزيادة الوزن أحلا مافي رمضان إن الوزن يتغير
>> عاد يا إما إيجاباً أو سلباً يتغير وزني ماني قايله
..
الإفطار خارج المنزل
ودنــــا نفطر برا بس من بيطلعك
إذا السواقين >> إخوانتس صاروا سواقين
إذا هم الله يصلحهم مكسلين ومايصحون إلا إذا قال الله أكبر
وأنا الله يخلف علي فطوري دايم بالمطبخ مايخلص الشغل بسرعة
> الأيام اللي أفطرت فيها على السفرة تعد على الأصابع
..
نظام نومنا
الغريب السنة هذي أنا نومي صحي بالمرة الحمد لله
أنام بالليل وأصحى قبل السحور بساعتين وأنام بعد الفجر ساعتين وطول النهار صاحية
..
الإعجاز العلمي
سبحان الله العظيم
الحمد لله يعني نومي السنة هذي صحي
..
السوووووووق
كم أكرهك ..
والله إلى الآن ما رحت للسوق ولو الود ودي ما أروح أبد
كل يوم أمي تتشحذن أروح وأنا كارهته كأني بروح للـ ......
أمي تقول بكيفتس أنتي الخسرانة كل يوم أقولك أمشي وأنتي اللي رافضة ويوم العيد إجلسي بدون لبس جديد
>> أمي تبين أروح معها لأنه عارفتن إني ما أروح للسوق إلا رِِجلي برِجْلَهْ ..
بس الحمد لله الجديد بالدولاب متوفر
لكن المشكلة إذا كنتي أنتي المسؤولة بتدورين لبنت بالعمر المحير ( 11 و 12 سنة ) اللي ماتلقين لهم لبس بسرعة
الله يعين بس إن شاء الله الليلة برووح والله ييسر يارب ..
أووف أنا الغبية اللي ما اشتريت قبل رمضان وإلا وش الفرق بين بضاعة رمضان وشعبان يعني صنعوا لبس جديد !!
بعدين كل اللبس صاير عاري وقصير ولبس معفن وقلة حياء
بالنسبة لقراءة الإمام في التراويح المفروض الاعتدال مايقصر ولا يطول لإن الاطالة تتعب .. امامنا كان يطوول العام وبصراحه كنا نتعب متى بس يكبر عشان يركع .. والاطفال حدّث ولاحرج انواع الحضانه والصياح .. والبزر ماتدرين الا وهو داخل بجنبتس .. بس اشوى هالسنه مهجدينهم جايبين وحده ترابط عليهم ومعها خيزرانه ..
خخخخخخخخخخخخخخخخخخخخخـ احلى شي والله ياريت يسووا كدا بمسجدنا .. عن قراءة القران الكريم .. يكفي ان نعرف قول رسول الله صلى الله عليه وسلم: (( من قرأ حرفا من كتاب الله فله به حسنه والحسنه بعشر امثالها لا اقول آلم حرف , ولكن ألف حرف ولام حرف وميم حرف )) رواه الترمذي حديث صحيح فلا نستكثر قراءة ايات كريمات .. كلام رب الجلاله .. تطمئن به نفوسنا وتصفو به اذهاننا .. وتعتدل به حياتنا .. ولنا الاجر العظيم بإذن الله في تلاوته وحفظه ..
..
رمضان والتلفزيون حدّث ولاحرج مهازل تعرض في الشهر الكريم وتنافس في اسبقية العرض وكسب اكبر قدر ممكن من المشاهدين.. حتى الصغار متعلقين في هذي المسلسلات اختي تحكي لي عن صديقتها كاتبه ورقه فيها اسماء اغلب المسلسلات ووقت عرضها واي قناة عشان مايفوتها اي شئ .. ضحكت صراحه وبعدين تأملت الحين هذي الصغيره من اللي حببها في هالشئ .. سواء وسائل دعايه واعلان او من الاهل .. اسأل الله ان يصلحنا ويهدينا ..
يؤيؤ اما تكتبها على ورقه قويه والله الله لايشغلنا الا بطاعته يارب ..
النغمات رووعه واذا عندي اضافه ان شاء الله ابزيد .. ..
الاكل في رمضان حكايات شوفي بصراحه اوول نشكل واكلات كثيره والنعمه تقعد وهذا يتشرط وهذا ماياكل هالاكله .. رمضان هذا سوينا نظام .. نسوي اللي على كيفنا ولا نكثر ونقلل الاصناف اللي بياكل حياه الله واللي مهوب ماكل المطاعم تناديه وعن زيادة الوزن اتوقع اللي بينظم اكله ويبتعد عن الدهون ويقلل حلويات ويسوي رياضه بإذن الله ماراح يزيد ..
اووووووووووه كل هذا عشان مايزيد وزني بيني وبينك من كثر ما انا متينه كل يوم العب رياضه وابتعد عن بعض الاكلات >> صدقتيني صح
..
عشووقه ترى بصيح .. العالم يدورون اكسسوارات وصنادل .. وانا مابعد شريت السوق دمار شامل ولا فيه شئ يفتح النفس .. انا اخبر اني ابشتري لبس العيد من رجب مابقى الا 10 ايام ويجي العيد .. بس دعواتكم لي اني القى شئ حلو ويعجبني .. >>احلى فقره عشووقه .. واهم شئ الصور عشان نشوف لبسكم واغراضكم ..
اي والله السووق قمه بالدمار ومافيه شي حلوو والله لي اسبوعين ادور صندل اللي خبرك ومالقيت وبالنسبه للبس كل وحده تبغى التانيه تحط اول واذا حطوا حطيت
..
الموضوع رووعه وممتع ومفيد ..
ماشاء الله عليك ابدعتي في التنويع والتنسيق والطرح .. واحس ان ردي اطول من الموضوع نفسه بس وش اسوي كل شئ يبغى له مناقشه .. يعطيك العافيه يالغاليه ورده ..
دمتي بخير ..‘‘
اي والله ردك اطول من الموضوع خذي راحتك يالغلا ولو تبغي تردي مره تانيه حياك بأي وقت تواجدك الاروع والله وتسلمي ع المرور الحلوو ياقلبي
^ ههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههه حرري الله يرج الابليس اجل صباح عبيد هااا
عارفه جيت متأخر بس مو مشكله توي امس اقرأ الموضوع كامل تبين الصراحه اول ماشفت طوله قلت بنفسي الله يقلع بليسها وش طوله بس لما قريته ما حسيت والله
نرجع للموضوع
فيه فقرات بسحب عليها
فقرة مجيء الأطفال بالصلاة أحسنتي الاختيار لنوش بالفعل الأطفال بالمساجد (إزعاج) المفترض كل وحده تعرف بزرانها وازعاجهم تجلس بالبيت وتحتسب الأجر وربي مايرد أحد !
قبل كم يوم كنت بالحرم وفيه حرمه سعوديه معها (جيش) بزران , صراحه غثتنا !
ماقدرنا نسمع زين , ولا نخشع ولا شي حتى ان فيه حرمه من احدى الدول العربيه ارتفع ضغطها وقامت تصارخ عليهم تقو (احنا بمسجد ولا وييييييييين) !
وهي الصادقه والله
اما بالنسبه للأكل وزيادة الوزن , الحمد لله وزني صار له تقريبات 3 سنوات ماتغير تبين اقولك كم لا لا بلاش بطلت ! بس بصراحه انا استغرب ليه برمضان الأكل يزيد مع اننا نصوم طول اليوم فمن الأولى يكون الأكل أقل
دائما ببيتا بالرياض نشكل وننوع من الأكلات والله يخلي أمي وشغالتنا طباخه من الدرجه الأولى حتى اذا جو خواتي وأزواجهم يفطرون مانتعب ابد ولا نشيل همهم وكله من شغالتنا الله يرجعها لنا بالسلامه أحس البيت ضايع بدونها
أما هنا (بمكه) وبحكم اننا مسافرين اعتزلنا طبخ البيت أكلنا كله من بداية الشهر مطاعم×مطاعم بس خلاص مليت اقول لأمي نبغى طبخك سمبوستك ولقيماتك تقول وين اطبخ جيبو لي زي مطبخي اللي بالرياض وابشروا
والفطور خارج البيت كل سنه اذا كنا بالرياض ساعات نطلع نفطر برا خاصه اذا جاء اخوي الكبير من عندكم من جده يعني اخوي يحب الحركات والازعاج والصجه <~ اذا جاء البيت يصير فيه حاله هستيريه فيقول خلونا نطلع نغير جو ونطلع عشانه
هالسنه أغلب طلعاتي ياتلقيني بالحرم أفطر أو بالمطاعم مافيه مكان غيرها وساعات اذا مالي خلق اطلع اجلس وافطر على تمر فقط لا غير وبعد التراويح يرجعون اهلي من الصلاة وأنزل لهم تنعشى بالمطعم أيضاً
بس مافيه مثل جلسة البيت اذا كنا بالرياض طبعاً
اما ملابس العيد تراأهم شي عندي فقرة العيد
تدرين ولا ماتدرين اني الى الحين ماشريت شي ابوي قال لي بوديك جده وراح هو جده وسحب علي
ماشريت الا شوز بس <~ عمرك شفتي وحده تشتري الشوز قبل اللبس ماعلينا اهم شي اني شريت شي كل مره بالعيد ما اتعب مره بحكم اني بالرياض والاسواق ماليانه لو مالقيت بـ هالسوق اكيد بلقى بالسوق الثاني ويبقى صحارى سيدهم كلهم بس هنا مافيه الا ابراج البيت والف مره رحت له ولا حصلت شي
بعدين تعالي ترا التصميم سويته مثل هذاك اللي وريتيني يعني انا اخلي مسؤليتي ماسويت شي غلط انتي الغلتانه مفروض تقولين لي وش اكتب عليه !
وهـ خلاص خلصت الله يعطيك العافيه لنوش ماشاءالله عليك نشيطه يقولون الكبت يولد النشاط الكبت يعني : الحبس وفي رواية التوقيف
مسجدنا صحيح انه يطول بس مو مره يعني تلاوه معقوله والمساجد كثيره كل واحد يختار اللي يرتاح معه اهم شي مايترك الصلاة والأجر يفوته وبالنسبه للأطفال والله ماله داعي حضورهم بجد يشغلونك بيوتهم اريح لهم والناس بعد بيرتاحون ويصلون بهدوء
لا مو يسرع مرة عاد ومانخشع بس مايطول ونتعب برضو افضل شي الاعتدال
والله مقصرين الله يغفرلنا صحيح الواحد لازم يحرص ويستغل اوقاته خصوصا هالفتره ابد مالنا عذر اجازه واغلب الوقت فاضين المفروض الواحد يحرص يختمه اكثر من مره الله يهدينا ويتقبل منا
امين يارب
تسلمين حلوه هالنغمات خصوصا إذا نسيتي تحولي جوالك ع السايلنت وانتي بمصلى ورن بهذي النغمه يكون الوضع عادي وماعندك مشكله < مازالت متعقده
خخخخخخخخخخخ والله الموقف اللي صارلك يفشل يحقلك تتعقدي بس يالله خيره عشان ماتنسيه عام بعد كدا
الفطور في البيت احلى الا إذا كان فيه عزيمه برا عادي بس مدري احس رمضان في البيت غير بالنسبه للأكل برمضان والله حرام اصناف كثيره تتسوى وفي الأخير معروف مكانها المفروض يتصلح على حسب الأشخاص مو لازم كثير نوعين ثلاثه تكفي وماراح ياكلونها بعد
برمضان ثلاثين يوم بالبيت وعزايم يمكن عاجبك الوضع لانك تحبي الروتين عكسي
بقوه سيئ ان شاء الله يتعدل نظامنا كذا مره متعب
اي والله مرة متعب خصوصا لما تصحي تصلي وتجي تنامي تلاقي النوم طار
يالله عشوقه مدام عندك نيه تجهزينا اجل بغير لبسي اللي بعد تعب لقيته والله انا كل سنه اقول بخلص بدري قبل رمضان ماله داعي تجي العشر وانا في السوق وللأسف بعد هالحكي ماتجي ليلة العيد الا انا بالسوق مابعد خلصت المهم هـ المره الحمدلله توني مخلصه اللبس بس باقي التكمله حقته <اغراض البنات ماتقضي بس الأسواق مع احترامي الا انها فاشله مو معقوله كذا ليه مانلقى بسرعه عاشقة الزعيم موضوع ماشاء الله متكامل واكثر من رائع
ابدعتي فيه يعطيك العافيه يابعدهم على هالمجهود الحلو
ههههههههههههههههههههههههههه تغيري لبسك ويين اتحدى لو لقيتي بديل مو باقي شي ع العيد ترى وترى انا مثلك باقي ماخلصت باقيلي الشي الكثير الله يعين بس
جي جي الف شكر لك يالغلا ع المروور الحلوو مننحرمش يارب
، في الكبار والصغار . هل يجب على الشيخ ختم القران برمضان ويكون على حساب المصلين 
المهم.. 
.. احنا مو عجايز
..واللي يصلي ويحس نفسة سرح او على قولتك الصلاة بوادي وعقله بوادي ثاني يمسك القرآن ويتابع الامام و ماراح يحس باوقت ولا باملل
. 
..!!!
نغمة الشعب السعودي 
هلا بهيونه 
وزني يقل برمضان 
منورة موضوعي يالغلا 
.. العالم يدورون اكسسوارات وصنادل ..
الوضع العادي
