السلام عليكم ورحمة الله وبركاته ..

الشهر عليكم مباركـ

يا شباب انا امس من حضور لقاء الهلال والرائد والحمد لله على الفوز ولكن والله يا شباب ان حقين التذاكر باردين والي يكلم بجوال والي يناظر الساعه اقصد الي يبيعون في شباك التذاكر .. لدرجه اني شريت التذكرة بـ25 بدلا من 20 ريال من واحد يبيعها ياخي ازود 5 ريال ولا اذل نفسي واتعب نفسي واصف في طوابير مالها نهايه عشان 5 ريال .. المهم هذي انتهت ودخلنا الملعب ولا هذااك الطوابير ذكرتني بالمقصف اي والله رجال الامن بطئين في التفتيش و ما فيه الا 3 او 4 يفتشون ليش المفروض على الاقل 7 مسارات للتفتيش وبعدين تخيلوا الاعلام الكبيرة ما يدخلونها ليش يقول عشان مكتوب عليه ياسر القحطاني طيب ياسر القحطاني مهوب لاعب هلالي يقول فيه غيره ليش ما كتبت اساميهم قلت ياخوي كلهم والنعم لكن هذي الي يبيعونها برا كلها عليها ياسر القحطاني وبعدين ياسر لاعب هلالي وانا ما جبت شئ جديد وعموماً العلم من دخل اضافه الا ذلكـ ان رجال الامن جزاهم الله خير كننا كلاب عندهم يعني يجونك بأسلوب منافخ ولا فيه لو سمحت تحرك ولا شئ يجيكـ بمنافخ تحركـ ويتلفظون بكلام .... ماله داعي لكن كل هذا لعيونكـ يا هلال نحضر..


عرفتوا ليش جمهور الهلال ما يحضر لانه يحصل الاشياء هذي واعظم منها ..



فأعذروا جمهور الهلال في الرياض لانه يتلقى انواع الاستفزازت وكل هذا صابرين عليه لعيون الهلال ولا اقدر اريح في البيت واشغل التلفزيون واجيب الشاهي ولا حولي احد يدخن ولا شئ مرتاح لكن لعيون الهلال نحضر ونتحمل ...


والان هل تظن ان جمهور الهلال معه حق في عدم الحضور ولالا ؟؟؟


تحياتي

==========================================