07/05/2002, 01:41 AM
|
موقوف | | تاريخ التسجيل: 07/04/2002 المكان: الظهران
مشاركات: 985
| |
انواع الحش (مكالمة بين بنتين اللي هن ..... انواع الحش (مكالمة بين بنتين اللي هن .....
ذاك اليوم بعد صلاة العشاء رفعت التلفون بدق على واحد من اخوياي
واول ما رفعت السماعه ودقيت
حسيت في لخبطه
وبالصدفة
دخلت إشتراك بمكالمه وماأدري مين إلي يتكلمون
وهذا الحوار الي دار بينهم.........
...؟:الووووو.....مرحبا خلود
...؟:مرحبتين ندى
خلود:أخبارتس؟
ندى:تمام والله
خلود:شكلتس توس صاحيه
ندى:ايوالله توني صاحيه
خلود:أعوذ بالله والصلاة إنتي ووجهتس...العصر...المغرب....العشاء
ندى:أقوووووووووول.......كيف الحال
خلود:حرام عليتس ماصليتي
ندى:ومن قالتس اني ما صليت جمعتهم....ولا تخليني يالي تعرفين الحرام
خلود:أيه الله يهدينا ويهديتس...ماعلينا...وش رايتس بالحلى إلي سويته اليوم؟
====>البنات ماهمهم الا الحلى والقهوه
ندى:هو حلو بس!!! كأنه محترق شوي=======> ماتعرف تجامل
خلود:أيه طيب أشوفتس ما كليتيه.....
ندى: ههههههه امزح يا بنت الحلال=====>ايه الحين تمزح عليها لكن تصرفها
خلود:طيب من عليه الحلى والقهوه بكره=====> ويقولون ليه أغلب الخليجيات منتفخات
ندى:مدري....يا شيخه غيري السالفه <====توهقت ندى
خلود:يوووووووووه فاتس اليوم نص عمرتس!!! <==== دلخه صدقت وغيرت السالفه
ندى:آآآآآآيش========>كل شي ولا ان يفوت عليها شي
خلود:والله يا أنا هبلت في منى يوم كانت بتطلع من الكليه مع زوجها
قلتلها وصليني لبيتنا ومثل منتي عارفه هي غيوره قلت وفرصه نشوف رجلتس
=======>البنااااااات دايم عندهم لقافه بقوه من الناحيه هذي
البنت أنهبلت وطارت عيونها قالت لا معليش بصراحه احراج وبعدين إسمحيلي
ما أحب هذي الحركات....ولبست عبايتها وأنحاشت
قلت والله لو عاد بالحقها وأشو رجلها <=====انقهرت
ندى:يؤؤؤؤؤ حلو والا شيفه؟ سيارته كشخه والاسياره من سنة جدي؟ <===عادة
خلود:آآآآآآآآآه الله لا يوريتس والله ياهو شي....سياره كشخه وهو يجنن
ندى:ياااااحضها سبحان الله هي شيفه ورجلها حلو ليش وش ذنب الحلوين مثلي
خلود:تكفين يا ملكة الجمال....قسمتها ونصيبها
ندى:طيب السياره الفياقرا الي دايم اقولتس عليها كانت فيه؟
خلود:ايووووووووووووووووه
ندى:وشفتي الي قلتلتس صاحبها؟
خلود:حرام عليتس متكي على كبوت السياره ولابس نظارات شمسيه يووه جسم وطول وحلاوه
ندى:نفسي اعرف من هي أخته بس==========> هذا هم البنات وهذي اهتماماتهم
خلود:الا ماقلتيلي بلوزتس اللي امس من وين جبتيها؟
ندى :منننننننن......
خلود:لالالالا لا تقولي من (الفيصليه والا المملكة والا العقارية).....تراتس غثيتينا فيهم
ندى :ايه أحسن من الي يشتري بلايز من أمهات درزن ومليانات السوق خخخخ
خلود:وش قصدتس؟؟؟؟؟؟======> إلى على راسه بطحى........
ندى :سلامتس عمري أقصد البنات عندنا بالكليه يطقون هالبلايز===>تلفيقه
خلود:يوه على طاري البنات حنان النصابه الي كل يوم تستعرض لنا ملابسها وشريت وشريت
هذي 400 وهذي 500 ريال........وبالصدفه قلت بالصدفه دورتهم بالسوق بشوف هي نصابه
ولا لا لقيتهم الي في اسواق حجاب اللي بالنسيم خخخخخخ <==== وانتي وش موديتس ياللي ماتشترين الا من صحاري <=== صلعت بجربها ههههااي
====>لاوالله شكلها غيرانه وبتجيب مثلهم والا بس نجاسه و نذاله
ندى :هههههههه
خلود:وش فيتس؟؟؟؟
ندى :لالا ولا شي====>تضحك لان خويتها تتمسخر على الخلق وهي تروح لهذي المحلات((أسعارهم رخيصه))
خلود:أختي ما أدري كيف تلبس بلايز ضيقه من زين جسمها الدبه
ندى :اول كان جسمها ولا عااارضه يجنن
خلود:ههههه ذاك أول.........أكيد مرتاحه نفسيا
ندى :كيف يعني؟
ندى :الي اعرفه أنها تحب ولد عمها...واخيرا عطاها وجه==>يوه يالبنات ما يستحوا أنوع الحش
خلود:لا ويقولون دكتور ورجل اعمااااال....والله وعرفت تختار
ندى :ايه اليوم بيجي عرض آزياء لا تنسين تسجلينه لي أوكي
خلود:من عيوني......طيب وين الي طلبته منتس؟؟؟؟
ندى : ورقة عن الرجيم؟يوووووه والله نسيت
خلود:ياشينتس لازم أبتدي فيه أنا سمنت شوي وتعرفين عندنا زواجات ولازم أنحف شوي
ندى :وش عندتس.........تدورين رزقتس
خلود:ياربي يالبنات الحمد لله واثقه من جمالي والعجز بس يسألوني مين أنتي
===>انوع النصب والغرور ماخذه بحالها مقلب هههههاااي
ندى :طيب ما أشوفتس تزوجتي .......====>صريحه جدا
خلود:أصلا أنا ماأفكر بالزواج
لحضه صمت طولت شوي....... الظاهر مالقوا شي يحكون فيه بعد ما حشوا في الخلق ويدورن سالفة ههههاااي
ندى :ايييييه انتي وش أخبارتس وأخبار خواتس وأخباار الوالده؟
خلود:كلهم بخيرررررررررررر=========>لازم كثر الحكي بالبنات
ندى :تكلمي وراتس ساكته؟
خلود:والله مدري وش أقول أفتحي موضوع....
ندى :ايه طيب شكلي طولت عليتس=====>أيه طولتي ونص
خلود:لا وش دعوه خذي راحتس عيوني ====> أهم شي تجيها الأخبار
ندى :خلود يوه معليش أمي تنادي أستأذن====>خلصت ناقله الحكي وهذي مهمتها
خلود:اوكي
ندى :باااااااي
خلود:باي
ندى :لحظه لحظه........لا تنسين كفارة المجلس باي====>عندها شوي ذمه
خلود:هههههه طيب باي
هههههههههههااااي
يوووووووووه اخيرا خلصت المكالمه والله من الحش
هذا نموذج من الحوارات الي تدور بين البنات
بنسبه90% حرام أظلمهم.......لكن بصراحه هذا الي أشوفه بعيني
ملاحظه
ممكن
ترى السالفه نصب بنصب من عندي لا صارت لي ولاشي
لكن حبيت اجمع لكم نبذه عن حوارات البنات
ولكم تحياتي
هههههههههااااي
__________________
منقوووووووووووووووووووووووووووووووووووووول |