|
يرضاها العقل أم الدين..؟ (( صــوره )) يرضاها العقل أم الدين..؟ نعيب زماننا والعيب فينا ولا لزماننا عيب سوانا أنعم الله على بلدنا الغالي الأمان والإطمئنان والراحه كله بفضل الله سبحانه وتعالى ثم ولاة أمرنا فعندما يخالف السائق يعاقب وعندما يسرق الشخص يعاقب وعندما يخرق قانون البلد يعاقب الفاعل وهكذا لكل فعل ردة فعل ممايدمي القلب ويدمع العين مايفعله شبابنا من منكرات لن أعدها فعدها لا حصر له وليس كلامي إستهزاء بهم فأنا أحدهم ولكن إنتشر في الماضي القريب حركه لا يرضاها العقل ولا الدين حركه لا أستطيع وصفها بالمشينه لأن المشين من الممكن تعديله والسفاله من الممكن للزمان ان يمحيها ومايزيدني قهر وظيم وحرقه قول الناس ليه مانتطور ليه الغرب يزدهر واحنا لا ليه وليه وليه ..؟ والله شيء مضحك ومبكي بنفس الوقت هل نتطور وهناك من يعارض القيم الشرعيه ام يريدون ان نمحي هذا الدين ويأخذون راحتهم فيما يريدون لا والله إن الله متم نوره . يامن ترددون هذه العبارات . الغرب إحترم بلده وأمنه فإحترمه العالم أجمع إحترمه الغريب قبل القريب . هل تريدون التطور وأنتم تسبون من أوكل لهم ولاة الأمر النهي عن المنكر والأمر بالمعروف .نعم إنها هيئة الأمر بالمعروف والنهي عن المنكر أعزهم الله وأدام مايفعلونه في هذا البلد وفقهم الله وأعانهم مغزى الموضوع وخلاصته في بعض الأفعال المنتشره . في الإشاره إلى شعار الهيئه بالحركه السافله المنحطه بالإبهام (أعذروني فوصفها لا تكفيه هذه العبارات ) . وبمعنى الإهانه للشعار و للهيئه ومنها .. ( تنحط الصوره ) لا أريد الإطاله أكثر .فما بالقلب حرقه لا تطفئها سطور مسطره http://www.l22l.com/uploads/images/l22l-3b676cb64e.JPG |
هؤلاء العلمانين عليهم من الله مايستحونه يريدون ان تتطور بلادنا ولايقف عقيه فى وجوههم الا رجال الهيئه ورجال الحسبه والله متم نوره ولان التطور هو عندهم خروج المرئه من بيتها والتخلي عن حجابها ولاكن من يقف امام تطورهم الا رجال الحسبه الاسود الله يوفقهم لما يحبه ويرضاة وهؤلاء ( اجلكم الله ) العلمانيين لا يردون التطور بالاسلحه والتكنلوجيا والتطور المعماري ولاكن التطور عندهم هو كما اسلفت خروج المرئه هو شغلهم الشاغل اللهم اشغلهم بانفسهم ياحي ياقيوم |
ههههههه يمكن ياخي الهيئه ظالمينه وبيطلع اللي بقلبه شوي :) وسع صدرك ياخوي بعدين ياخي الكريم زي الهيئه مالهم ايجابيات لهم سلبيات بعد مافي احد معصوم عن الخطأ, والهيئه ماهم ملائكه ماعمرهم غلطوا بحق احد وتعقيب بس على اخوي ابو نوف انتبه للاخطاء الاملائيه اللي عندك اجل المرأه تكتب كذا ((( المرئه))) |
مهما فعل رجال الحسبة فوالله لن نوفيهم حقهم هم بعد الله يحمون ابنائنا وبناتنا من الفكر الملتوي والامور المشبوهة وبالنسبة للصورة اقول ( كل ناجح محارب ) فجزاهم الله خيرا,, |
هذا البلاء .. ياخي نسمع تجاوزات كثيرة جداً من الهيئة على الشباب والبنات وبالتأكيد ذي ردة فعل ( مع إني ما أؤيدها لأنها لا تليق ) انا طبعا ما اقصدهم كلهم .. فقط قلة قليلة تشوّهـ اعمال الهيئة .. لو كان كل رجال الهيئة محتسبين الأجر ويناصحون الناس بالحسنى أولاً كان حطوهم الناس فوق رؤوسهم .. لأن الدين النصيحة .. وإذا مانفعت النصيحة فيه أساليب أخرى .. مواقف كثيرة تجعل الواحد يشك إنه يهودي أو العن من اليهود !! تخيّل بين الأذان والإقامة تمشي على رجلينك وتارك مسجدك القريب وراك ومتجه لمسجد آخر لأنك مواعد شخص هناك .. فجأة يوقف جنبك موتر الهيئة وينزل المطوع ويقول وين الصلاة !! ما تستحي تارك المسجد وراك ويجيك الثاني ويتسفه ويقول لك يافاجر !! ويالله يا العسكري صندقه ؟! بعد هذي وش شعورك تجاهـ الهيئه ؟؟! هذا مثال تافه جداً جداً جداً .. وما خفي كان أعظم .. حَسَن التعامل من رجال الهيئة الله يثبته .. والقلة القليله الله يهديهم ويعيدهم إلى صوابه .. |
^ ^ على قولت المسجد ... يوم كنت في المدينة المنورة ... كنا انا وريلي ماخذين تكسي ... ورحنا نتمشى ... ورحنا كم مركز ... اللي منهم ... مزايا ... والقمة ... وكذا واحد ... فالسالفه ... انه نحن كنا واقفين بره ... لأنهم بيسكرون المركز عشان الصلاة ... وفي هالاولاد ... اللي يبسطون اغراضهم بره ... المهم انا كنت واقفة عند الريال اللي يبيع كتب ... فكنت يالسه اطالع ... الكتب ... ورى راعي الكتب في شلة شباب سعوديين لابسين بناطلين وحالتهم حاله الله يستر عليهم >>>> من بعد ما فضحتيهم ... المهم يالسن يسوون حركات ... ويضحكون بصوت عالي ... اذن المغرب ... او العشى الله يعلم والله اني ناسية ... الكل روحو الا هم ... روحو المسجد ... شقولك بس ... كل الشباب راحو الا هم ... فيا واحد لابس بشت عرفت انه من الهيئة ... يا عندهم قاللهم الله يجزاكم خير ع المسجد ... رد واحد قال ما اندل المسجد نحنا ...انا بطلت عيوني ... كيف يرد عليه جيه ... والمسجد من مكاني يبين ... قسم بالله كم خطوة بس ويوصل المسجد لكن رد الولد انا انصدمت منه ... قال المطوع ... وهو يسحبه من قميصه ... اسمع الصوت والحقه ... وروح المسجد ... :: اللي ابا اقوله انه قسم بالله انه في ناس تستاهل اكثر من اللي يسوون فيهم هيئة الامر بالمعروف ... والله والله اتمنى انه يكون هيئة الامر بالمعروف في الامارات ... لأنه في قبة يبالها مثل هالاشياء ... :: والله هالاولاد اللي تتكلم عنهم ... ما ادري شو يبون ... من الحياة :: الله يهدي الجميع ان شاء الله قل ىاااااااااااامين :: اختك دلووووعة الامارات |
يريدون ان تذهب الهيئه . ابا لهم. لن تذهب الهيئه حتى تزول الدوله . نحن معكم با رجآل الهيئه.. |
إقتباس:
لـ سمعة الهيئة .. طبعاً أنا مع بقاء الهيئة والله يكثرهم لضعف عددهم الحالي أو أضعاف الأضعاف ويكثر ايجابياتهم .. ويقلل سلبياتهم .. مثل الاولاد اللي تقولين يستاهلون بقوهـ وجزاه الله خير شيخ الهيئة .. والله يكثر من امثاله ويقلل من امثال هالاولاد اللا مبالين .. |
السلام عليكم ,, الله المستعان .. دائماً اقرأ مواضيع تخص الهيئة , والهيئة تعمل .. والعمل لابد فيه من الصواب والخطأ ,اصلاً مافي انسان معصوم عن الخطأ الكمال لله تعالى. لكن حابه اضيف نقطة , أن البعض للأسف ما عنده اسلوب .. وهذي هي المشكلة لا أكثر , لكن الحمدالله الله لا يعرضنا لهم ..لأن الهيئة وراهم الحكومة كلها محد بيقدر يوقف قدامهم . أخوي كاريك , لا تثير أعصابك .. وإن حصل لك موقف سيء معهم فإن شاءالله المواقف الجاية تكون أفضل .. :) لكن اتمنى ما يخرج الموضوع عن صلبه ,, هو بيتكلم عن اسلوب بعض الشباب مع الهيئة مو العكس :D كل الشكر لصاحب الموضوع , |
يعني مافيه حل وسط ... مو صحيح انك لما تلقى شي سيء من أحد منتسبي الهيئة يكون القصد هو تمنى إزالتها من الوجود .. ومو صحيح بعد إتهام اي شخص بالعلمانية وغيرها لمجرد انه انتقد تصرف احد رجال الهيئه .. تراهم بشر يخطئون ويصيبون مثلهم مثلنا ... اخطائهم كثيرة .. ولاتعد ولاتحصى .. لكن حسناتهم تغطي هالأخطاء .. اما موضة ( هذا علماني ) .. و ( هذا سلفي ) احس انها صارت قديمة كلنا مسلمين نخطيء ونصيب والله وحده اللى يعلم بالغيب وماتخفية الصدور ..سبحانة اخوك الصغير ابو طلال |
موضوع بصراحه رائع و جاء في وقته للأسف إستطاعوا العلمانين أن يأثورا ممن حولهم و أن ينعون أن لهم الدور الأكبر في تشويه سمعة الآخرين بالكذب و الألعاب و الأكاذيب لكن إن شاء الله يا ربتنصرهم ... دمتم بود ... |
| الوقت المعتمد في المنتدى بتوقيت جرينتش +3.
الوقت الان » 08:32 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd