%%%== لكن انتا يا هلالـــــي .. غير ! =%%%
كلنا شفنا المهازل الاتحادية بعد المباراة في منتديات com. هونجا. www
وضحكنا على تصرفات المبزرة اللي المفترض انهم مشرفين !!!
بس انا راح اتكلم عن تصرف واحد بس اللي هو اغلاق منتدى المنتخب في المنتدى الاتحادي !!!
انا ماراح اعلق الا بتعليق واحد بس ..
تذكرون عام 1419 ؟؟؟
كان من اسوأ الاعوام اللي مرت على الهلال
تحامل علينا العقيلي في نهائي كاس ولي العهد امام الشباب
وبعد هالمباراة صارت مهزلة مابعدها مهزلة متمثلة في ايقاف (مكتبي) لاهم لاعبين في الهلال ومفاتيح انتصاراته سامي الجابر ويوسف الثنيان عن المربع الذهبي !!!
ولا فيه أي اسباب منطقية لهالايقاف المضحك خصوصا ايقاف ابو يعقوب اللي استخدمت فيه كاميرا التلفزيون بدون الاعتماد على تقرير الحكم ولاول واخر مرة في تاريخ الاتحاد السعودي !!
يعني بالعربي كان الوضع مفضوووووووح بعنف والمقصود منه اخراج الهلال من المربع مهما كلف الامر !!
اصبروا مابعد جاكم الشاهد
ورغم الايقاف المضحك المبكي لم يستسلم الزعيم
حيث لعبنا بعدها مع الاهلي مباراة الذهاب في جدة وانتهت 1/صفر للهلال وقدم الهلال فيها مستوى كبير رغم النقص...
ثم لعبنا الذهاب وانتهت 3/1 للاهلي وتاهل الاهلي بفارق الاهداف ...
اصبروا بعد شوي
في هالمباراتين حصل للهلال اخطاء تحكيمية قاتلة اخرجته مع سبق الاصرار والترصد
وانا هنا اقتبسها من موضوع لاخوي salman99999 :
غيض من فيض ياهلاليين .. نادي التحكيم يازعيم
16- المربع الذهبي 1419ه لقاء الاياب امام الاهلي 1/3 للاهلي في الرياض
أ)الدقيقه (11.36) والاعاده التوضيحيه د (11.53)
المفرج يسجل هدفا صحيحا يلغيه الحكم بحجة التسلل اوقف الصورة عند انطلاق الكره في الاعاده لتري قرار الحكم؟؟
ب)الدقيقه (25.29) والاعاده التوضيحيه د (25.37)
الجمعان ينفرد بحارس المرمى ويوقف الحكم اللعبه بحجه التسلل قرار غير صحيح وكرة هدف هلالي ملغي (الجمعان لم يسدد الكره والا لكان هدفا ملغيا حسب قانون اللاهلاليين؟
ج)الدقيقه (28.15) والاعادة التوضيحيه د (28.39)
مدافع اهلاوي يلعب الكره بباطن اليد ويشير الحكم الي استمرار اللعب (حتي في لعبة الكره الطائره اللعبه خطأ)
الحكم/ظافر ابوزنده والمساعد الاول الذي الغي الهدف /عبدالله العقيل
انتهى ....
الشاهد :
بعد خروج الهلال بكل هذي المهازل من الدوري
اعلنت قائمة المنتخب السعودي المشارك في كاس القارات عام99 !
ويالها من قائمة
لاتوجد في قائمة المنتخب السعودي من الهلال الا نواف التمياط فقط
( احتمال كان معه لاعب ثاني ولكن غالبا ماكان فيه الا هو )
يعني بالعربي كل الدعوى كانت قرف !!
اجل مدمي الشباك ونجم اسيا الاول سامي الجابر لاينضم للمنتخب ؟؟؟
وفيلسوف الكرة يوسف الثنيان بعد ؟؟ ( ماعاد انضم يوسف عقبها للمنتخب ابد !! )
المهم راح المنتخب للمكسيك والهلاليين مقهورين !!!
تخيلوا جماهير تشوف نجمها المفضل وافضل لاعب سعودي –سامي - يبعد قسرا وبدون وجه حق عن قائمة المنتخب بمبرر بناء منتخب شاب !!
ومع ذلك ترى في دفاع المنتخب بطل الطفايات والدبابيس صالح الداود
مع انه كبر ابو سامي !!!!
(وعلى فكرة كان هالسبهة هو ومحسن الحارثي سبب اكبر هزيمة للمنتخب السعودي في تاريخه امام البرازيل في ذيك البطولة 8-2 بكسرهم للرقم القياسي في كسر التسلل
)
تخيلوا جماهير يطلع فريقها من الدوري بمؤامرة من الاتحاد السعودي ماتحتاج اصلا لكشف لانها مكشوفة وجاهزة
تخيلوا تلك الجماهير وش موقفها ؟؟
كنا نسمع اصوات هلالية من هنا وهناك تقول لا للمنتخب ومناب مشجعين المنتخب
لكنها كانت قليلة جدا ..
ومن ورى قلوبهم ..
لانهم بعد مابدا المنتخب يلعب وشافوا ان هالفريق يمثل شعار لااله الا الله ... غصب عنهم تحمسوا وشجعوا وفرحوا لفوزه وانقهروا لخسارته
...
يعني لو كنا نفكر بمثل منطقهم المريض اللي شفناه هاليومين في منتديات العفن الاصفر وتبرئهم من المنتخب كان ضحكنا على المنتخب وهو يخسر اكبر خسارة في تاريخه !!
وكان قلبناها مناحة يوم فاز على مصر 5-1 (مثل ماقلبوها مناحة هم بعد تاهل المنتخب لكاس العالم يوم طلعت الاصول الايرانية
!!! ... راجع هالموضوع لاخوي تركي الهلالي وشف :
وطنية اللاهلاليين المزعومة )
وكان قلنا قبلها مثل ما قالوا هم الحين :
( حقوق الطبع محفوظة لاخوي هلالي مقلع ) :
س: سؤال وش دراها عن عاصمة الكاميرون ؟؟ الا اذا كانت كل صيف تروح تزور اهلها فيذاك فهذا شي ثاني
لاحول ولاقوة الا بالله
رب كلمة قالت لصاحبها دعني
الله يخلف على اللي يكفر اخوه المسلم عشان كورة !!!!
لاتعليق ابدأ
!!!!!!!
كان ممكن يقولون الهلالية مثل كذا ..
لكن انت يا هلالــــــــــــــــــــي ...غير
والحمد لله على ما انعم به علينا من العقـــــــــــــــــــــــــل اللي مفقود بقوة عند ناس واجد !!
والحمد لله على كل حال !
مع الاخذ بالاعتبار لنقطة مهمة جدا جدا وهي ان الهلال انظلم فعلا تلك السنة بدون مجال للشك فيما الاتحاديين كل ذا الزيطة والزمبليطة على بربسة مالها سنع
%%%%%%%
اما تقفيلة النصر لمنتدى المنتخب وهم مالهم لا ناقة ولا جمل ولا عنز
ولا حتى بقرة
في السالفة
فهذي ذكرتني بواحد من جمهورهم بنهائي بطولة بين الهلال وفريق ما اذكره وكان النصر طالع فيها من الادوار الاولى ، يوم يحط لافتة في الملعب ( عفوا البطولة نصراوية!!!! ) والله العظيم لو يقلبون هالنادي لمسرح كان يزبطون مع هالمواهب الكوميدية اللي فيه وعلى راسهم ابو ثمامة
ههههههههههههههههههههههههههههههههههههه
%%%%%%
محمد نورهوساوي انهبل وطلع فيه عرق هونجا
يوم شاف شعار الزعيم على سيارة !!!
وش بيسوي اجل وهو بيلعب في المنتخب مع لاعبين الهلال ؟؟؟؟؟
بالله هذا لاعب يستاهل المنتخب ( خصوصا بعد هدية ايران ) ؟؟؟
%%%%%
الشلهوب برا قائمة المنتخب ؟؟؟؟؟؟؟؟؟؟؟؟؟؟؟؟؟
والله العظيم شي غريب وخبر صراحة نكد علي فرحة الكاس
ماذكرني هالخبر الا بخبر ابعاد التيماوي عن قائمة المنتخب المشارك في مونديال98
الشلهوب مثله مثل التيماوي ذيك الايام من افضل صانعي الالعاب في المملكة
الشلهوب بالذات مبدع اخر المباريات وشايل الازرق شيل .. هذا اللي يلقاه ؟؟؟ انه يبعد عن المنتخب ؟؟؟
واللي يتعذر بضعف بنية الشلهوب اقول له اوكي ممكن تتعذر بهالعذر لو ماكان بالتشكيلة الاساسية !!! ممكن تقنعني ... اما برا القائمة مرة وحدة مالها أي مبرر !!
والغريب اني ماشفت كلام كثير في هالنقطة بالمنتدى مع انه شي خطير وغريب ويضيق الصدر !!!
الله يستر بس على محمد من التحطيم
%%%%%
اتوقع مافي شي ممكن ينقال عن الظروف التحكيمية في المباراة والظلم اللي وقع على الهلال الشباب كفوا ووفوا....
خاصة بعد ما اتضح ان[ هدف الاتحاد تسلل 100% + كرة الجمعان في الشوط الثاني ماهيب تسلل 100000% + اثبات الجويني ان اليامي مفروض ينطرد من الشوط الاول ( المفروض اكثر من مرة بعد
) + اثبات الصور 100% ان الحكم ماكان عنده فرصة انه يشوف كرة النزهان +لقاء بندر بن محمد المسكت ] ...
ما اتوقع بعد هذا اننا نشوف من يقول ان الاتحاد كان هو المظلوم في المباراة !!
%%%%
ابو عبدالله ... وعدت بالدوري واوفيت .. ننتظرك ان شاء الله نجم من نجوم كاس العالم باذن واحد احد
%%%%
ختاما : بعد المقابلة المسكتــــــــة لابو محمد على mbc اصبح مافي مجال للشك انه هو المطلب الاول لجماهير الزعيم
%%% اسف على الاطالة
الوضع العادي
