اليوم نشوف حضور جمهور الرياض .. واللى انا شخصياً لااراهن عليه - نادي الهلال السعودي - شبكة الزعيم

ابو طـــــلال · #1 18/09/2008, 06:23 AM

احبتي أعضاء منتدى الزعيم الكرام

تحية طيبة وبعد ...

العام الماضي واللى قبلة .. قلنا .. وكتبنا .. في هالشبكة العزيزه وغيرها بخصوص قلة حضور جماهير الهلال في مدينة الرياض ...

جمهور الزعيم في مدينة الرياض .. في نعمة بس ماقدروها .. يكفى إنه بنفس المدينة اللى يلعب فيها نادية المفضل .. يعني أكثر من نصف المباريات في نفس ديرته !! على قولتهم ( حذفة عصا )

وناس يجون عانين من سفر علشان يشوفون الأزرق وهو يلعب ..

واثق بإخلاص ووفاء جماهير الزعيم في كل مناطق المملكة وخارجها .. لكن جمهور الرياض غريب في حضورة ..

المباراة غدا بالملز .. يعني في وسط البلد .. وبكرا خميس يعني مافيه دوامات ... وبكرا للطلاب إجازة .. واول مباراة يلعب فيها الزعيم على أرضة في الدوري ..

هذا الكلام لجميع جماهير الزعيم في كل المناطق .. بس بصراحة جمهور الشرقية .. والقصيم ( بيضوها )

هالموسم لابد من إثبات وتأكيد حضور جمهور منطقة الرياض وجدة ...

ماانسى جمهور الجنوب .. ماشاء الله تبارك الله .. حضور وتشجيع ولا اروع ..

حضورك هو دعم للزعيم ... وحلاوة الزعيم في جمهورة .. فلا تحرمون اللاعبين تواجدكم ... وتشجيعكم ..

اخوكم الصغير ابو طلال

& الزعيم خلودي & · #2 18/09/2008, 06:25 AM

بذن الله اول الحاضرين

♥ N E V E S ♥ · #3 18/09/2008, 06:26 AM

بإذن الله اننا بنحظر وجمهور الزعيم يكون في الموعد...
والله يوفق الزعيم..

ابو طـــــلال · #4 18/09/2008, 06:27 AM

كفوو

واتمنى لك متعه متابعة الزعيم .. ونجومة

هوس المدرجات - H50 · #5 18/09/2008, 06:28 AM

الله يكتب الفوز لـ فريقنا وان شاء الله من باتسـر نشوف اقتحام المدرجات بعد التراويــح

( ورده ) ..

تحيـاتي لك

دحومي1 · #6 18/09/2008, 06:29 AM

بصراحه اتمنى من جهمور الزعيم بالرياض يبيضون الوجه
في اول مباراة للزعيم بالدوري
وبقياده عبدالرحمن بن مساعد
ونجمنا سامي كمدير الفريق
والمحترف الجديد
والطقم الجديد

ابو طـــــلال · #7 18/09/2008, 06:30 AM

إقتباس

الرسالة الأصلية كتبت بواسطة دحومي1


	بصراحه اتمنى من جهمور الزعيم بالرياض يبيضون الوجه في اول مباراة للزعيم بالدوري وبقياده عبدالرحمن بن مساعد ونجمنا سامي كمدير الفريق والمحترف الجديد والطقم الجديد

كلة جديد في جديد ...

فعلا .. الفرجة هالمرة غير ..

تحية لك ياكابتن

hilaly_mot · #8 18/09/2008, 06:33 AM

انا رايح بأذن الله والوعد قدام

جنوني الزعيم 10 · #9 18/09/2008, 06:33 AM

حاضر حاضر إن شاء الله ومعي اثنين
وإن شاء الله كل واحد يجي يملأ سيارته

هلاليexpert · #10 18/09/2008, 06:35 AM

أتمنى الجمهور يملأا الملعب مع اني مااتوقع تمتلي الواجهه

غريب امرك · #11 18/09/2008, 06:37 AM

انا وثلاثه معي راح نكون في الملعب

واتمنى من قلبي ان الجمهور يحضر ويملى الملعب

اول مباراه للرئيس في الرياض

اول مباره لنائب الرئيس في الرياض

اول مباراه للمشرف والاداري سامي وعادل البطي في الرياض

اول مباراه للاجانب رالديس و يلي في الرياض

اول مباراه لاسامه هوساوي في الرياض

ياليت كل هذا يكوون محفز للحضوووور

ابو طـــــلال · #12 18/09/2008, 06:40 AM

إقتباس

الرسالة الأصلية كتبت بواسطة غريب امرك


	انا وثلاثه معي راح نكون في الملعب واتمنى من قلبي ان الجمهور يحضر ويملى الملعب اول مباراه للرئيس في الرياض اول مباره لنائب الرئيس في الرياض اول مباراه للمشرف والاداري سامي وعادل البطي في الرياض اول مباراه للاجانب رالديس و يلي في الرياض اول مباراه لاسامه هوساوي في الرياض ياليت كل هذا يكوون محفز للحضوووور

وأول مباراة بحضرها بالمنصة الرئيسيه

.. إن جتني التذكرة ببلاش .. والا الله يخلي الدرجة الثانية

فعلا مباراة كلها أولويات ....... والزي .. والقناة ..

تحية لك ..

abdulrahman999 · #13 18/09/2008, 06:43 AM

نتمنى ذلك امتلاء المدرجات وان شاء الله

نكون مالين الملعب باكمله بحول الله

ونبيض الوجة والفوز للزعيم فى مباراة اليوم والثاني له بحول الله وقوتة؟

ابو طـــــلال · #14 18/09/2008, 06:45 AM

إقتباس

الرسالة الأصلية كتبت بواسطة abdulrahman999


	نتمنى ذلك امتلاء المدرجات وان شاء الله نكون مالين الملعب باكمله بحول الله ونبيض الوجة والفوز للزعيم فى مباراة اليوم والثاني له بحول الله وقوتة؟

إن شاء الله يابو داحم بيمتليء الملعب .. مثل ماامتلت هالردود

وحليفنا الفوز .. ومانضيع في دوري هالسنة ولا ( ربع ) نقطة ..

روحي هلاليه abos.m.a · #15 18/09/2008, 06:50 AM

مشكوور اخوي على موضوعك وتحفيزك ..

بأذن الله سنكون اول الحظور .. ونبيض الوجه ..

تقبل تحياتي ..