المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

إضافة رد
   
 
LinkBack أدوات الموضوع طريقة عرض الموضوع
  #1  
قديم 17/09/2008, 03:17 PM
زعيــم مميــز
تاريخ التسجيل: 13/11/2006
المكان: ๑ دآر كسِاهآ بآلعِز قآيدهِآ *
مشاركات: 4,738
Talking صور ومواقف ... صارت ويايه ... شاركونا بصوركم ومواقفكم




السلام عليكم ورحمة الله وبركاته

اشحالكم شخباركم ؟؟؟ عساكم بخير ؟؟؟ >>> لازم في كل موضوع


تبغي اتشوف الذل في صورته صح ... شف دمعة الفرقى على خد رجال
>>>> احسن بيت شعر ... عند ياسر القحطاني ...

ما اعرف للمقدمات أنا ... ونسيت كيف يكتبون مقدمة لأني من زمان ما نزلت موضوع ...

المهم ...
بقوللكم ... على كمن شي صار ويايه ...

ركزو ع الصور لأني برمس عنهم ...
كنت اتمنى انه التصوير يكون من عندي لكن الكيمرة خربانه ...



شوفو ركزو ع الصورة لأني برمس عنها الحين
هذا الله يسلمكم ... يوم كنت عندكم في السعودية ...
في ابراج مكة ...
كنت شاله العربانه ( الصورة اللي فوق ) مالت اليهال ... وحاطه بنتي فيه ...
وسبحان الله يوم وصلنا السلم الكهربائي ...
شليت بنتي ... وعطيت البشكارة ادز العربة ..
وراحت البشكارة قبلي ...
من الذكاء اللي فيها ...
ودرت العربة في الدرج وهو نازل ...
وطاح من فوق لين تحت ...
العربه طبعا اتجلبت ...
اتخيلو الموقف ...
الشراطوة >>>>>>>>>> جمع شرطي ...
والسكيورتي ... والناس كلهم اتجمعو ... عبالهم في حد في العربه
ويصارخون ويركضون ...
يتحسبون ياهل داخل ... أنا قلبي طبعاا رااااح ...
قلت الحمدلله انه بنتي مب داخل العربه وشليتها قبل وله رحت فيها ...
الشرطي يرمسني وانا مب مستوعبه الموقف اللي صار ..
الكل يطالعني ... ويقولي زين انج ما حطيتي البنت في داخل ...
اتصلت في ريلي ... وعلى طول يا وانقذني من الموقف هذا ...
بس الشي اللي ضحكني ...
البشكارة اتصيح


البشكارة= الخدامة

::

هذا شي
والشي الثاني ...





بعد ع الدرج الكهربائي ..
كنت راكبه فيه ...
يوم ابا انزل ... عباتي راحت داخل ...
ع الطرف ... والحين ما اقدر امشي ... يالله شوهااا ...
قلبي طاح ...
وكله ريايل ورايه ... الحين مستحية ...
يلست اسحبها ما قدرت ... يت حرمة ويا ريلها ... الله يجزاهم خير وساعدوني ...
يرها الريال بقوه .. وانطرت العباة
يا فشيلتي عند العرب ...
الحين الدرب طويل لين اروح الفيلا ...
حليلها ما هدتني .. لين ما وصلتني داخل ... الفيلا ..
حاولت وياها اني ادخلها داخل ما بغت ... وكانت مستعيله ...

وخلصت القصة ...



انزين ...
شوفو السيارة ... زين ما زين ...
يوم وصلنا مطار جده ...
طبعا خسنا في المطار من الساعه 8 ... موعد وصولنا لين الساعه 5 الفجر
طبعا خذنا تكسي ...
>>>>>>>>> يا حيف عليكم يا اعضاء محد يا ورانا >>>
المهم ...
خذنا تكسي جمس ... قاللنا وين تبون ...
قلناله ... مكة المكرمة ... الابراج ... قال فالكم طيب ... >>>
سألناه كم ساعه من جده لـ مكة ...
قال .. ساعه تقريبا ...
قلنا زين والله ...
في الليل طبعا ...
الحين ركزو ع الصورة فوق ...
شفتوها ؟؟؟
اللي اقصده ... انه الله يهداه ... راعي التكسي شاخط 200 ما ادري كم
يسرع ...
كل شوي اقول حق ريلي ... خله يخفف ...
ريلي يقوله خفف ... يقول ياخي نحن متعودين ...
خفت انا ... حياتنا في خطر مع هذا اللي يسوق ...
بس صدقه شكلكم متعودين ع السرعه ...
مب واحد ولا اثنينه يمكن الكل ... يسرعون ...
والله اشوف الشارع وخايفة
صواريخ ما شاء الله ... مب سيارات ...
حتى الاشارة ما يوقفونها ... كيف جيه ... حتى لو حمرة ... يخطفها عادي ... ما عنده ون تو ...
توبت الصراحه مرة ثانية اركب ويا واحد شراته ...
وصلنا مكة في نـــص ساعه تقريبا بعد ما كان ساعه
فحط فينا لين ما قال بس ...



يالله شدو حيلكم ...
ابا صورة ... وموقف ...
شرات ما انا سويت ..
والصورة اتكون من تصويركم
في انتظار الجميع

::

اخـــــــــــــــتكم
ورده



اخر تعديل كان بواسطة » dal3_uae في يوم » 18/09/2008 عند الساعة » 01:32 PM
اضافة رد مع اقتباس
  #2  
قديم 17/09/2008, 04:21 PM
زعيــم فعــال
تاريخ التسجيل: 19/09/2007
مشاركات: 313
هههههههههههههه

و الله موآقفـك محرجة

الله يعينـك , خاصة موقف العربيـة اشوآ ان بنتـك معـك

انا قد صارلي موقـف رفـع ضغطيو خلاني شوي و انجن في مكـة قبل اسبوعين و بالتحديد في 3 رمضان !

السالفة كنا تونا واصلين مكة وبنسوي عمرة و كانت معنا عمـة امي و كانت عجوز و عنييدة

و كان قبل اذان الفجر بساعتين و كنت ابي اخلص العمرة مبكر علشان الحق وقت السحور , تعرفون العمرة تتعب و تعطش !

اول ماوصلنا للحرم قالت لي ابي عربيـة عشان العمرة قلت اوكي خلني اروح اجيب العربية و اكسب اجر , و رحت مكان توزيع العربيات المجانية و بالزحمة و التعـت حصلت لي وحدة و رجعت للمكان اللي واعدتهم فية و رحت و مالقيت احد اروح يمين اروح يسار دخلت التوسعة نزلت القبو ادور احد مالقيت احد و خصوصا ان جوالي حاطة بالسيارة لاني قد انسرقت بالحرم قبل سنتين المهم رآحت ساعة و انا ادور و بعدين رجعت العربية و انا نفسيتي خيآس و رحت خذت عمرتي و الحمدلله و انا طالع من الحرم اذن الفجر و انا ماتسحرت و لاشيء و الجوع و العطش واصل حده , و مع هذا صبرت و كنت ناوي اطلع كل اللي فيني على امي الله يحفظها و يوم وصلت لها قمت اهاوشها ليش مااحتريتوني لين اجيكم , قالت اول مارحت بكم دقيقة قالت عمتي ابي تستاجرولي عربية اللي يدفونها العالم و استاجرناها بـ 250 طواف و سعي و انا هنا خلاص وصلت معي لـ الاخر معاد صرت اتحمل كل ذا القهر و قمت اسبهم و العنمهم قدام العالم استغفر الله .

و الله يتقبل مننا عمرتنآ

اسف ع الاطالة
اضافة رد مع اقتباس
  #3  
قديم 18/09/2008, 01:15 PM
زعيــم مميــز
تاريخ التسجيل: 13/11/2006
المكان: ๑ دآر كسِاهآ بآلعِز قآيدهِآ *
مشاركات: 4,738
زعيم آسيا
إقتباس

هههههههههههههه

إقتباس



و الله موآقفـك محرجة

الله يعينـك , خاصة موقف العربيـة اشوآ ان بنتـك معـك



الحمدلله انه بنوتي ما كانت ويايه
وله جان رحت فيها

إقتباس
انا قد صارلي موقـف رفـع ضغطيو خلاني شوي و انجن في مكـة قبل اسبوعين و بالتحديد في 3 رمضان !


الله يعينك ...
مالك الا الصبر عشان تحتسب الاجر والثواب ...
كلها باجرها يا زعيم ...
عادي ... تيكت ايزي وانا اختك


إقتباس
و الله يتقبل مننا عمرتنآ

إقتباس


اسف ع الاطالة



اللهم آااااامين ..

شرفتني بحضورك وبردك الاول ...
نترياك دايما ...
^^
ورده
اضافة رد مع اقتباس
  #4  
قديم 17/09/2008, 04:44 PM
زعيــم متألــق
تاريخ التسجيل: 14/07/2007
المكان: عريس البحر الاحمر
مشاركات: 1,224
هلا دلع الامارات ورده ..
قبل ما اتكلم عن كل موقف لحاله ..
انا اشوف انه في سبب ورى كل هالمشاكل ..
اللي هو " البشكارة " ..
يعني لو بدونه كانت امورك متيسرة .. وما فيها مشاكل ..
الا هو عندكم بالامارات بكثرة مثل ما هو عندنا .. لأنهم يقولون انه يكثر في الصحراء ..
<<< واحد تورط ما عرف وش البشكارة ..

الموقف الاول ..
اتوقع ان البشكارة تهاونت في العربة يوم انها فاضية ..
والا لو كانت البنية داخلها كان اهتمت فيها ولا خلتها تطيح ..
بس على اي حال ..
المفروض ان الواحد يبعد الصغار عن اي شيء ممكن يأذيهم ..
حتى لو كان الخطر بعيد شوي .. الاحتياط واجب ..
عموما .. الحمدالله على سلامة البنية ..

الموقف الثاني ..
عاتي عاتي .. تصير .. انا شفت واحد تعلق احرامه بالحرم .. والله ياهي كانت ورطة ..
بس فيه زر ايقاف .. تقدرين توقفينه اذا حصل شيء .. او اول ما تطلعين ..

الموقف الثالث ..
والله يا دلع ..
حاولت امشيها لك .. بس مااااش ..
وش اللي نص ساعة من جدة لمكة .. والله لو ان الجمس مركب مكينة كرسيدا ..
طلبناك تخلينها ساعة ..

بس تبين الجد ..
والله يا لقطة الكامري انها مجنوووونة .. صدق انها كاميرا محترمة ..
الا ان كانت الصورة معدلة بالفوتوشوب او بالبلوتوث <<< واحد يسمع بالبلوتوث ..


دلع الامارات ..
مواقف حلوة .. الله لا يجعلك تمرين فيها مرة ثانية ..
وعمرة مقبولة ورده ..



*********************************************************************

هذا الرد ..
ما لك وماله يا دلع ..
هذا الرد ليسلم ..


لا والله اني ما شاركت في اي مسابقة .. لسبب رئيسي .. هو انك انت منتب متواجد ..
ولسبب تافه بسيط .. هو انه ما فيه دراهم على المسابقات ..
صدقتني .. صح ؟!!


اما بالنسبة للبشكارات ..
اخبرهم فتحوا المجال لبشكارات شرق اوروبا يجون ..
والله يا هم بشكاراااااات ..
تبيني استقدم لك وحدة ..اتحداك تقول ايوه ..
يا لبى قلب الزواج كيف يكتف الرجاجيل ..


يسلم .. بالله ما تحس ان كلمة " بشكارة " سبة ؟ ..

الا تعال ..
إقتباس
الرسالة الأصلية كتبت بواسطة leo messi
^
عبيط شكلك منتب راعي هجوله اجل ذي مركّبه ؟ وبالبلوتوث بعد ..!!



حرام عليك ..
انا قلت معدلة .. ما قلت مركبة ..
يعني قصدي معدل في وضوح الصورة او الوانها او تباينها ..
اذا كانت مهيب معدلة .. فما اقول الا ما شاء الله على الكاميرا وعلى المصور ..

الله يهديك ..
خربت سمعتنا عند المهجولين ..
سامحنا يا جرح ..

الله يسعدك ويسلمك يا صاح ورده ..






.

اخر تعديل كان بواسطة » المـشـاكـس في يوم » 17/09/2008 عند الساعة » 05:42 PM
اضافة رد مع اقتباس
  #5  
قديم 18/09/2008, 01:49 PM
زعيــم مميــز
تاريخ التسجيل: 13/11/2006
المكان: ๑ دآر كسِاهآ بآلعِز قآيدهِآ *
مشاركات: 4,738
المشاكس
إقتباس
هلا دلع الامارات ورده ..

قبل ما اتكلم عن كل موقف لحاله ..
انا اشوف انه في سبب ورى كل هالمشاكل ..
اللي هو " البشكارة " ..
يعني لو بدونه كانت امورك متيسرة .. وما فيها مشاكل ..
الا هو عندكم بالامارات بكثرة مثل ما هو عندنا .. لأنهم يقولون انه يكثر في الصحراء ..
<<< واحد تورط ما عرف وش البشكارة ..


هلا فيك .. يا المشاكس
وانا قبل كل شي ارحب فيك وفي موضوعي ...
واقول حياك اللخ ومن طول الغيبات ياب الغنايم ...
وين كل هالغيبة ... عسى ما شر ...
صدق عندك شركة ما ادري مكتب مثل ما يقول اخونا ليو ؟
البشكارة طال عمرك ... هي الخدامة
صدقت ... بس المشكلة انه مب بشكارتي بشكارة امي ^^
ما ادري اميه كيف متحملتنها ...
لو مالتيه جان من زمان سفرتها

إقتباس
الموقف الاول ..
اتوقع ان البشكارة تهاونت في العربة يوم انها فاضية ..
والا لو كانت البنية داخلها كان اهتمت فيها ولا خلتها تطيح ..
بس على اي حال ..
المفروض ان الواحد يبعد الصغار عن اي شيء ممكن يأذيهم ..
حتى لو كان الخطر بعيد شوي .. الاحتياط واجب ..
عموما .. الحمدالله على سلامة البنية ..


يمكن بعد اتهاونت ... يوم شافتني شاله البنت
بس المشكلة يوم تتهاون ... ليش اتصيح بعد ... هذا اللي قاهرني
الحتياط واجب مثل ما قلت ...
والله يسلمك

إقتباس
الموقف الثاني ..
عاتي عاتي .. تصير .. انا شفت واحد تعلق احرامه بالحرم .. والله ياهي كانت ورطة ..
بس فيه زر ايقاف .. تقدرين توقفينه اذا حصل شيء .. او اول ما تطلعين ..

إقتباس



ـهههههههههههههههـ
عاد انا وين اضغط ع الزر وبنتي ويايه ...
ما قدرت ...
الله يجزاهم خير اللي ساعدوني ^^
والله اني حبيتهم

إقتباس
الموقف الثالث ..
والله يا دلع ..
حاولت امشيها لك .. بس مااااش ..
وش اللي نص ساعة من جدة لمكة .. والله لو ان الجمس مركب مكينة كرسيدا ..
طلبناك تخلينها ساعة ..

إقتباس



والله انه ودانا لها باقل من ساعه ..
اقولك كان مثل ما اتقول يفحط فينا ...
كل شويه اقول شوي شوي
شحدانك ع السرعه ترانا لاحقين
قال يا اختي نحن متعودين ... جذا
يلست اقول في خاطري ... أهلنا يبونا والله ... ما بعطي روحي حقه
>>>>> من الخوف

إقتباس
بس تبين الجد ..
والله يا لقطة الكامري انها مجنوووونة .. صدق انها كاميرا محترمة ..
الا ان كانت الصورة معدلة بالفوتوشوب او بالبلوتوث <<< واحد يسمع بالبلوتوث ..


حتى انا عيبتني ...
لا لا معدلة ولا شي
الصورة كما التقطت
>>>>>>> ما بحط بذمتيه

الصورة من احد المواقع

إقتباس
دلع الامارات ..
مواقف حلوة .. الله لا يجعلك تمرين فيها مرة ثانية ..
وعمرة مقبولة ورده ..


منا ومنك صالح الاعمال .. ورده
والله لا يمرر احد فيها
كلها محرجة والله



إقتباس
هذا الرد ..
ما لك وماله يا دلع ..
هذا الرد ليسلم ..

إقتباس


لا والله اني ما شاركت في اي مسابقة .. لسبب رئيسي .. هو انك انت منتب متواجد ..
ولسبب تافه بسيط .. هو انه ما فيه دراهم على المسابقات ..
صدقتني .. صح ؟!!




شفت عاد يا ليو ...
من وراك مسابقات ...
>>> اتخرب علاقتكم >>>>>> بريئة



إقتباس
يا لبى قلب الزواج كيف يكتف الرجاجيل ..





الله يرجك


إقتباس
يسلم .. بالله ما تحس ان كلمة " بشكارة " سبة ؟ ..



ــههههههههههههههههههههههـ




س
اخوية المشاكس ... سعدت بتواجدك في موضوعي ...
وعسى الله لا يحرمنا من هالردود ...
وسعت صدري بعد ما كانت فيني ضيجة خفيفة ..
الله يوسع صدرك في الدنيا والآخرة قل آاااامين ...
ورده

اختك دلووووعة الامارات
اضافة رد مع اقتباس
  #6  
قديم 17/09/2008, 04:59 PM
الصورة الرمزية الخاصة بـ leo messi
زعيــم مميــز
تاريخ التسجيل: 05/11/2006
المكان: تـحـت المكـيـف ..!!
مشاركات: 4,991
^
^
الحمدلله ع السسلامه ..!!



عبيط وين الغيبات .. هاه لايكون مشارك بمسابقه رمضانيه من هنا ولا من هنا من ورانا ؟؟؟


لي عودة بس بغيت ارحب بصاحب اكبر مكتب استقدام بشكارات في جده

( تكفون لاتقولون ان البشكاره مهيب الخدامه ) ..!!




هــلا دلع ورده

عمره مقبلوووله ان شاء الله ..!!




والله يالتكيه مجنووونه

عبيط شكلك منتب راعي هجوله اجل ذي مركّبه ؟ وبالبلوتوث بعد ..!!

يبي لك كورس عند جرح عشان لاقدر الله وهجت بك السيارة في يوم تعرف تتصرف
عاد تحصل الصورة خلفيه الحين عنده




بالنسبة للمواقف والله مافيه موقف الحين اتذكره .. وخصوصا المصّوره ..!!

يعطيك العافيه دلع ..!!

*******************

إقتباس
بالله ما تحس ان كلمة " بشكارة " سبة ؟


تبي تعرف احساسي تجاه بشكاره ( عادي احساس اي واحد يمشي بالليل في ظلمه
ماتشوف ايدك ثم تجيه نتفه بحصاة من وراه )

<< يصرف مايبي يجيب طاري الاستقدام الخواف

*****************************

إقتباس
احد اروح يمين اروح يسار دخلت التوسعة نزلت القبو ادور احد مالقيت احد و خصوصا ان جوالي حاطة بالسيارة لاني قد انسرقت بالحرم قبل سنتين المهم رآحت ساعة و انا ادور و بعدين رجعت العربية و انا نفسيتي خيآس و رحت خذت عمرتي و الحمدلله و انا طالع من الحرم اذن الفجر و انا ماتسحرت و لاشيء و الجوع و العطش واصل حده , و مع هذا صبرت و كنت ناوي اطلع كل اللي فيني على امي الله يحفظها و يوم وصلت لها قمت اهاوشها ليش مااحتريتوني لين اجيكم , قالت اول مارحت بكم دقيقة قالت عمتي ابي تستاجرولي عربية اللي يدفونها العالم و استاجرناها بـ 250 طواف و سعي و انا هنا خلاص وصلت معي لـ الاخر معاد صرت اتحمل كل ذا القهر و قمت اسبهم و العنمهم قدام العالم استغفر الله .

و الله يتقبل مننا عمرتنآ



الحمدلله والشكر ... انهبلت انت .. وشلون تسب اهلك ؟؟؟؟؟؟؟؟
قسم بالله انت اللي ترفع الضغط




اخر تعديل كان بواسطة » leo messi في يوم » 17/09/2008 عند الساعة » 06:39 PM
اضافة رد مع اقتباس
  #7  
قديم 17/09/2008, 05:07 PM
الصورة الرمزية الخاصة بـ الهلالي 11
زعيــم مميــز
تاريخ التسجيل: 01/01/2002
المكان: Awaaaaaaay
مشاركات: 5,124
إقتباس
الا هو عندكم بالامارات بكثرة مثل ما هو عندنا .. لأنهم يقولون انهم يكثر في الصحراء ..
<<< واحد تورط ما عرف وش البشكارة ..


إقتباس
لي عودة بس بغيت ارحب بصاحب اكبر مكتب استقدام بشكارات في جده

( تكفون لاتقولون ان البشكاره مهيب الخدامه )

خخخخخخخخخخخخخخخخخخخخخخخ الله يرج بليسكم

اختي دلع الامارات ممكن تشرحين لي وش يعين البشكاره هل هي الخدامه والا وشو

بالنسبة لموقف بنتك فعلا احمدي ربك والله لو البنت بالبشكاره مدري وش اسمها كان انواع المشاكل والقلق صار بالسوق

شكرا لك لي عوده باذن الله

اضافة رد مع اقتباس
  #8  
قديم 18/09/2008, 02:08 PM
زعيــم مميــز
تاريخ التسجيل: 13/11/2006
المكان: ๑ دآر كسِاهآ بآلعِز قآيدهِآ *
مشاركات: 4,738
leo messi



إقتباس
لي عودة بس بغيت ارحب بصاحب اكبر مكتب استقدام بشكارات في جده

( تكفون لاتقولون ان البشكاره مهيب الخدامه ) ..!!

الا هي ... البشكارة هي الخدامة >>>> لازم اسويها كوبي
والصقها في كل الردود تعبت من كثر ما اكرر . >>>>




إقتباس
هــلا دلع ورده

عمره مقبلوووله ان شاء الله ..!!

.
هلا فيك ليو ورده
نورت الموضوع
منا ومنك صالح الاعمال
إقتباس




والله يالتكيه مجنووونه


لأني انا اللي مختارتنها اكيد بتكون مجنونه
>>>>>>> الثقة الزايده
يالتكيه ؟؟؟؟؟؟ شو معناتها هاي ؟؟؟؟
ما فهمت .


إقتباس
بالنسبة للمواقف والله مافيه موقف الحين اتذكره .. وخصوصا المصّوره ..!!

يعطيك العافيه دلع ..!!

امبلى فيه انا اعرف ...
البوفيه ...
يا فضيحتك عند العرب ...
ركزو ع الصورة


هذا في اليحر يا ليو >>>>>> امزح

هذا الله يسلمكم ...
يقولون واحد كان ياي الامارات اول مرة ...
وربعه ما ادري شو صارلهم ... ودروه وراحو ...
المهم تم اروحه .. يقول انه كانو بيختطفونه
>>>>> جي قالولك الاماراتيين يخطفون
المهم ...
الله يسلمكم ... لقى واحد اماراتي ... وسألاه وين البوفيه ...؟؟
الاماراتي استغرب قاله شو البوفيه
قاله اللي يقصون السمون ويحطون داخله جبن
ــخخخخخخخخخخخخخخخخخخخخخخخخخخخخخخخخخخخــ
قال بوفيه قال ...
المهم الاماراتي قاله تقصد الكفتيريا ... قاله هي ...
شو ياب البوفيه عند الكفتيريا
الريال الصبح يبى بوفيه ... خخخخخخخخ
فشلت عمرك ...
لكن الموقف عجب جب
ورده
اسمحلي على اني قلت هالموقف ترى ما في شي يتخبى عندي



*******************


إقتباس
تبي تعرف احساسي تجاه بشكاره ( عادي احساس اي واحد يمشي بالليل في ظلمه
ماتشوف ايدك ثم تجيه نتفه بحصاة من وراه )

<< يصرف مايبي يجيب طاري الاستقدام الخواف

انته والمشاكس
اسرحو وامرحو في الموضوع عكيف كيفكم
مسموح
لكن انا ما يخصني لو شفتو واحد من المشرفين صاكنكم ببلوك
اقصد بانذار


::

حياك الله يا ليو ميسي ...
والله اني استانس ع ردودك ...
وين ما اروح وفي اي قسم القى ردودك الحلوة
لا تحرمنا منها ...
وسير علينا دايمااا
ورده
اختك
اضافة رد مع اقتباس
  #9  
قديم 18/09/2008, 10:30 PM
الصورة الرمزية الخاصة بـ مرسى عيونك
زعيــم مميــز
تاريخ التسجيل: 04/12/2007
المكان: الريــــآآآآآض
مشاركات: 2,352
و عليكم السلام ورحمة الله و بركاته


حلوه شروط الاشتراك بموضوعك
موقف + صورة من تصويري


مواقفك حلوه بس البشكاره يوم تصيح مدري وش تبي
الحمدلله أن بنتك معاك مو بالعربه

و أما من ناحية السرعة اللي عدنا تراك تعتبرين ما شفتي شيء
بعضهم يسرعون داخل الحي !! ومن حاره لحاره


و تسلمين أختي على الموضوع الظريف

أختــك
مرسى عيونك
اضافة رد مع اقتباس
  #10  
قديم 17/09/2008, 05:10 PM
الصورة الرمزية الخاصة بـ طفلة الهلال
زعيــم فعــال
تاريخ التسجيل: 12/02/2008
المكان: المدينة
مشاركات: 352
والله مواقفك ضحكتني بذات الاول
والاحلى انك تكتبين بلهجة امارتية بحته

انا الله يسلمك كنت في السوق مع خالتي وبناتها صغار
دخلنا السوبرماركت بعد ماشترينا ورحنا نحاسب جاء حارس الامن وقال لخالتي بناتك يمشون وياكلون من البسكوتات وجابلها اكياس الحلويات والبسكوتات اللي اكلوها وقالها ادفعي حسابها قالت له متأكد قلها شفناهم بالكاميرات
وانا من الفشله طلعت من السوق

عاد اسمحيلي ماعندي صور

يعطيك العافية وردهوردهورده لك يادلع الامارات
اضافة رد مع اقتباس
  #11  
قديم 17/09/2008, 05:39 PM
الصورة الرمزية الخاصة بـ !!هلالي الرس!!
زعيــم مميــز
تاريخ التسجيل: 29/12/2006
المكان: الـ عـآصمة
مشاركات: 5,135
حي الله دلع الأماراتـ يقول من طول الغيبات جاب الغنايم

والله سالفتك سالفه مع هالبشكارهـ بس كسرت خاطري يوم قلتيلنا انهــا تصيح

عادي كل انسان يصيح من رووعه الموقف او يصير من الخوف عادي اختاري واحدهـ من الي قلتلك قبل






اما هالتكيهـ

شكلكـ راعيهـ هجولهـ يادلع الصورهـ صراحه رووعه تكيه بالمقاس اما سالفه مكه وجده فهذي عادي لان الشعب كله متعود ع السرعه 200او220او240او260 هذي السرعه بتوعت شبابانا


دلع بالتوفيق وشاكر لك موضوعك


تقبلي مروري

!!هلالي الرس!!
اضافة رد مع اقتباس
  #12  
قديم 17/09/2008, 05:44 PM
زعيــم فعــال
تاريخ التسجيل: 27/10/2007
المكان: في قلب سامي
مشاركات: 252
بصراحه مواقفك روووعه خاصه حقت العبايه توهيقه بقوه هههههههههههههههههههههههههههههههه
يعطيك العافيه













الا صح وش البشكاره ؟؟
اضافة رد مع اقتباس
  #13  
قديم 17/09/2008, 06:53 PM
الصورة الرمزية الخاصة بـ برنسيسة الهلال
زعيــم مميــز
تاريخ التسجيل: 30/09/2005
المكان: فديــت الرياض
مشاركات: 1,904
هـلا أخـتي ،،


الله يعينك مـواقف لاتحسدين عليها ان شاء الله ماتكرر معـاك ..


وبالنسبه للسـرعه اغلب شباب الخليج كذا ،،


ويوم رحت الامارات شفت شباب والله حـرام حتى يمسكون سيارهـ ...


عمــوما شباب الخليج عندهم لامبالهـ ،،


مـع أرق التحايا ..

برنسيسة الهـلال




(((( ياشبــــاب بشكـارهـ يعني شغـاله )))) ..
اضافة رد مع اقتباس
  #14  
قديم 17/09/2008, 08:37 PM
الصورة الرمزية الخاصة بـ ™® عــذب الســـجايا ®™
زعيــم مميــز
تاريخ التسجيل: 21/05/2008
المكان: حولك حواليك .
مشاركات: 1,736
هلا أختي دلووووووووعه .. بصراحه موقف الدرج محررررررج ههههههههههه

أما الســـــــرعه بصراحه أذا مافصل عداد الفورد ماحس للسفر طعم خخخخخ

والله ماكنت أحبها لكن الظروف أجبرتني أني أعشقهااا


دمتي بووووووووووود ..
اضافة رد مع اقتباس
  #15  
قديم 17/09/2008, 09:39 PM
زعيــم نشيــط
تاريخ التسجيل: 14/08/2007
المكان: في مربع صغير حيث أموت
مشاركات: 945
أهلا وسهلا بك أختي

بصراحة موضوعك كله كوم والبشكارة كوم أحس إنها ملعقة وإلا مغرفة حاجة زي كذا

(بشكارة) والله ياهي ثقيلة على البراطم

بس كلمة حلوة لازم نغيرعن شغالة..خدامة التغيير مطلوب

بصراحة مواقفك محرجة ومضحكة

بشكارتك لازم تنتبه وإلا راحت فيها البنت ومو كل مرة تسلم الجرة على العموم الحمد لله على السلامة

بالنسبة للثاني تذكرت سالفة

يقولك هذا كان فيه شلة طلاب راحو يعتمرون مع مدرس وهم طالعين من الحرم

ينتظرون تاكسي مر من عندهم باص الصدام حقه رايح فيها ومر من عند أحد الطلاب

وضف إحرامهلكن الطالب كان نبيه ونزل اللي فوق على اللي تحت على طول


وبصراحة أعشق السرعة بس مأصير سواق <<خواف

تحياتي......
H_S Y T_208
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:06 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube