لكل بذمته يقول الصراحه سيحضر المباره يوم الخميس أم لا مع ذكر السبب (أتمنى من الجميع الدخول) - صفحة رقم 10 - نادي الهلال السعودي - شبكة الزعيم

ليه العيد يجي ويروح · #136 17/09/2008, 04:58 AM

ان شاءالله اني ابحضر ومعاي سته اشخاص
ومالها داعي يكون مافي حضور
لازم يكون في حضور عشان الاعبين يتحمسون وفيها معنويات ويحسون فينا اكثر

ملك سانسيرو · #137 17/09/2008, 05:05 AM

اتمنى احضر بس ما راح احضر ... لأني مغترب ...................

الحزين&&& · #138 17/09/2008, 05:07 AM

إقتباس

الرسالة الأصلية كتبت بواسطة الافضل


	الحزين وش رايك تفطر عندي يوم الخميس ونروح سوا الملعب دامك من برا الرياض منها نشوفك ونكسبك ومنها نحضر جميع ها وش قلت قبل أهون خخخخخخخخخ

ربي يسلمك من الشر أخوي لا والله أهلي موجودين بالرياض

وهذا من معدنك الأصيل

بس مو مشكله نفطر في المدرج بس لاتهون ...

ذايب في فن التايب14 · #139 17/09/2008, 05:11 AM

انا ان شاءالله حـااظر !

إلا اذا جتنـي ظــروف

الزعيم صعب المنال · #140 17/09/2008, 05:12 AM

اولا مشكور على الموضوع ..
ومن ناحيتي والله ودي احضر وانا من سكان الرياض لاكن سبب عدم حضوري لأن والدي مريض ولازم اكون عنده ( واعتقد الوالد اهم بكثير من حضور مباراة ) لكن ان شاء الله المباريات الجايه اكون من الحاضرين والشباب ان شاء الله ماراح يقصرون بالحضور وان شاء الله نآخذ ال 3نقاط وبالتوفيق للزعيم

والله يعطيك العافية ويكثر من امثالك

تحياتي

الشيطان الاحمر666 · #141 17/09/2008, 05:14 AM

اتوقع اني ماحظر
صح اني من الرياض
والصراحه اكثر مباريات الهلال مااحظرها
لاني اذا حظرت يوجعني راسي والله اصدع
بس مباريات الهلال مع الافرقه الاروبيه نحظرها وماكلين كرتون بندول
(( ان شاء الله الملعب يكون فل الفل ))
شكرا على اهتمامك.......

EmptySky · #142 17/09/2008, 05:16 AM

والله لو إني من الرياض لا أحضر

بس الشكوى لله .. ما باليد حيله

A.K.H · #143 17/09/2008, 05:16 AM

حاااااااااضر باذن الله

وبجي من الخرج بعد....

خــــرجــــاوي · #144 17/09/2008, 05:17 AM

مايمديني

بروح لمكه اخذ عمره

الله يتمم لي والله يوفق الهلال

بندر وخالد · #145 17/09/2008, 05:20 AM

إقتباس

الرسالة الأصلية كتبت بواسطة الحزين&&&


	عطني الايميل تبع من المستحيل تكون مطوع وتقول هالكلام انا أشك بي هلاليتك ياأخي العزيز وأعذرني على هالكلام ...

أعوذ بالله تظن أني أكذب وفي رمضان

ولأجل أيش أكذب !!!!!!!!!!

سامحك الله

سلطان الجعفري · #146 17/09/2008, 05:21 AM

بصــــراحه لا

لانـــي مــاني من اهل الرياض

wayoutofhand · #147 17/09/2008, 05:23 AM

الله يهدي بعض الشباب الي في الرياض يعني الهلال عندكم و ما تحظرون عجبي...

نتمنى العديد من هذه المواضيع المحفزه للجمهور ...لأن الدوري طويل و يحتاجنا جميعا...

انا حاليا في مدينة الضباب (النماص) لذلك لن أستطيع الحضور...

و مقيم أصلا في جده....أخر مباراه حضرتها للهلال أمام الشباب نصف نهائي كأس ولي العهد الماضي و الي فاز فيها الهلال (اياب)

بهدف المدافع الشبابي (العبيلي) خطأ في مرماه...

كان جنبي مشجع هلالي...سألني انت وين ساكن قلت له في جده و جيت بس لعيون الهلال...

يومين و فندق في البطحاء...و تذكرة سفر لعيون الزعيم...غير التكاسي...

و للأسف فيه ناس في الرياض و تتعذر أعذار بايخه...

شوفوا جمهور جده يحظر مع انه ملعبهم أسوأ من ستاد الملز....

و للأسف مباريات مهمه في ستاد الملك فهد الموسم الماضي و المدرجات مافيها الى القليل من المشجعين...

يعني عذر الصبات عذر قديم...الرجاء الحضور و التشجيع باحترام و احترام النظام أيا كان...

و بالتوفيق للهلال أينما حل و أرتحل....

أسف على الرد الطويل...لكن أردت التوضيح للي يشتكون من الصبات و العسكر و الأعذار الباليه

استايل خاص · #148 17/09/2008, 05:36 AM

ان شاء الله في الملعب انا و7 من اخوياي

والفوز بإذن الله حليفنا ...

وياليت صراحه مايكون فيه رابطه علشان الجمهور كله يشجع
ولا يقتصر التشجيع على الرابطه فقط .

هلالي فن وذوق · #149 17/09/2008, 05:36 AM

للأسف أنا لن أحضر لأني لست من الرياض أتمنى أني بالرياض
والله ماأفوت ولاتمرين وأي مباراة أحضرها مهما كان الخصم
بالتوفيق للهلال وأتمنى الفوز بخمسه الاتحادليس أحسن منا

تتعب · #150 17/09/2008, 05:38 AM

بأن واحد أحد أني من الحضووور اذا ما كنت أولهم

الا اذا قدر الله و حصل ظرررف طاري محد يعلم الغيب

بتووفيق للزعيم

تحياتي