..((يوميات رمضانيه" 15")) & هلاااليه &" تعي بنساويلك أهوه فرنساويه ..!! - نادي الهلال السعودي - شبكة الزعيم

المنتدى الاستشاري · #1 16/09/2008, 04:12 AM

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير
**][يوميات رمضانية 1429 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،،،
هذه السلسلة أنتم أهل بيتها ونحن ضيوفا في حضرتكم ،،،

أهلا وسهلا بكم أحبتنا ..
ودعونا نرحب سوية بالمضيف "الخامس عشر"
المتميزة" .& هلاااااليه .."
لكي تحكي لنا احداث يومه مع شهر رمضان المبارك ..

السلام عليكم ورحمه الله وبركاته
اليوم التاريخ 15 يعني نصف رمضااان رااح عسى ربي يكتبنا
من المقبولين فيه

ومن المعتوقين من الناااار
.
(الطفش سبب من اسباب المحارش)
يومياتي راح ابدئها دغري بالسحور كانت الساعه 3 ونص الفجر
نادوني ع السحور وتسحرنا واخذت كاس مويه مثل كل يوم
وانا برقى بروح لجهازي المعفن

حسيت بشوية طفش وامر ع غرفه عندنا حاطين فيها بلاي ستيشن
والقى اخوي 4 يلعب

وقلت بس خل احاارش بس قلت شلون

ومير ارجع واجلس مع خواتي يوم اقامت بعض المساجد رحت له

قلت قم صل قال اي خدمه ثانيه قلت لا شكرا بس قم صل

قال
لاخلصت هالمباراة قلت يؤ توك بادي شوط ثاني قال شوي انا ماخذ دوري تعالي بس تعلمي الفن مهوب هلالتس <<

قلت قم وانا ودي براسي احارش وجاب طاري الهلااال قلت هين

واقوم اطفي المكيف قلت
قم قال الــــــلــــــه انا كنت بطفيه قبل شوي
الاجواء باريسيه اصلا

قمت وطفيت النور
قال شكرا صار كنه سينماا

قلت قم بعد الين 3 وبفصله قال هالشوط وبقوم غيره لاتحاولين

(قلت في نفسي نشوووف انا ولا انت )

واقول 1-2-3 واسحب السلك قلت الحين لاتقوم

قال موب كذا طفيه من تحت لايخرب قلت المهم الحين بتقوم غصب

وقام ورقيت انا فوق للجهازالمعفن

.
.

(وقت النت)
صليت الفجر وجلست اقرأ قرأن الجزء اللي مخصصته لصلاة الفجر
والجزء صلاة الظهر لاني الظهر اقوم واصلي وارجع احط راسي

(ع فكره بعد كل صلاة 8 أوجه تخلصون جزئين يوميا)

بعد ماقريت قرأن رجعت للجهازالمعفن وانا براسي اقول
منيب هلااااليه ان ماجبت غيرك

بلااا ايسر بلاا بطيخ

فتحت المسن

وفتحت شبكة الزعيم

.
بديت محادثه مع هنوو

+ دمعه زرقااء

ومحادثه مع صديقتي

8
لازم شبه يومي المحادثه مع هذولي

وبرربره تجر برربره

وبنت ورى بنت

(وقت النووم )
الين تقريبا الساعه 7 ونص وطلعت بنوم
طبعا قبل النوم لازم وسوسه

+ هواجيس مدري وش تبي

+ استرجاع بعض الاشياء صارت سواء قديمه ولا جديده

+ شوق وعتب ووو

<<اعصابتس

وبعدين ماعاد ادري الا ان الساعه ترن معلنة قومة لصلاة الظهر
كانت الساعه 1 تقريبا قمت صليت ور ور لسرير مره ثانيه

وبعيدن رجعت رنت على تقريبا الساعه 4 قمت صليت العصر وقريت الجزء
حقه ونزلت لهلي ع الساعه 5 ونص

(شرفت بنت أل وشسمه)
قبل لاادخل المطبخ لقيت اختي 1 قالت هلااا هلااا شرفتي
يابنت أل وشسمه

قلت الله يسلمتس

قالت وش فيك هالسنه منتيب صاحيه
قلت انتي ماتدرين انا براسي خطه قالت وشي قلت
السنه الجايه انا اللي لحالي بهالمطبخ مع امي
خل اكرفهم هالسنه وارتاح انا قبل لايروحون

قالت ماشاء الله ذكيه

قلت شدراتس انا هلاليه انا فطين

دخلت المطبخ وحطيت القيمات وووو

(وقت الفطور)
وتجمعنا ع السماط قبل لايأذن وكل واحد يطالع الثاني
قلت انا لو سمحتو قبل لاياذن كل واحد يدعي لي دعوه
بس محد لمي

اذن اكلت تمر وشربت مويه وكم حبة لقيمات وقمت
وابوي يطالعني <<ع هالحال كل رمضان

قلت شبعت قال ايه خلصتيه عنا ماعاد بقى شي اكله

وإنا ع الفطوور قالي اخوي 2

مافيه مسجد اليوم انا معزوم بعيد وبصلي بالطريق
قلت ايه هين (احسبه يمزح )

اخواااني من كثر مايمزحون ماعاد اعرف الجد من المزح
بكلامهم وقايله وهو يضحك بعد

(وقت الشاااااهي)
المهم راحو يصلون ورحنا نصلي وقريت قرأن
ونزلت اسوي الشاهي (لازم وقت المغرب نسوي شاهي

)
وطبعا هالشي من اختصاصي
سويت في بريقين لانهم مزعجين
حالي -مر - حالي - مر

اسوي اللي احبه ببريق كبير

واللي ماحبه احطه في اصغر بريق عندنا

اول ماجبته وكالعاده اخوي 4 ماابي لاتحاولين

<<جمله تعودت عليها

اول ماجلست قال لو سمحتي شاهي بنعناع

ونشوف ;كلنا عيال قريه
وبعد ماتخلص ماعاد بوه شي يحطون ع الفطين
ويبدون عاااد اللي يحارش

واللي ينااقر

مافيه سوالف قلت انا جهازي معفن ابي اغيره

قالو والمعنى قلت ابي احد يوديني
كل الثلاثه خواني تلفتو ع بعض كل واحد يقول انت بعيونه

انا قلت مالي شغل واحد منكم

(معاناة روحة المسجد والبزر الغثه )
اذن العشاء رحت وتجهزت وجبت عباتي وجلست انتظراخوي2

كالعاده واقول لاختي1 بتروحين معنا ولا مع رجلتس قالت معكم قلت يالله لاتاخرينا

جاء اخوي وانا وراه اركض واقول لاختي يالله بسرعه
يوم توني بركب السياره هو زي اللي ماستوعب قال والله العظيم معزوم
انا من زمان ماطاح وجهي بس اليوم طاح

ومير ارجع بسرعه لصاله وفيه اخوي1

واخوي 4

قلت بسرعه بسرعه بسرعه واحد منكم يقوم يودينا اقام

قال اخوي1 لاخوي4 قم ود خواتك قال لاا انا عندي شغل عند
مخرج مدري وشو تبون شي هناك يالله
نصلي العشاء ونروح قلت ابي المسجد

قال اخوي1 صلاة المرأة في بيتها افضل ويضحك قلت عن التفلسف

التفت لاختي قال انتي عندتس بزر لاتروحين اجلسي عندها افضل واحسن
قلت ترااا حتى لو ماراحت بروح انا حتى لو لحالي

قال ليش مارحتي مع امتس وابوتس للمسجد قلت مابي حقهم

قم ودني اقام قال بروح المسجد اللي عند بيتي

قلت لا ابي حقنا قال اجل بوديتس ودبري احد يجيبتس قلت من يجيبني
قال ع رجولكم قلت وشو لالالا قال من بعده قلت موب قريب قال وموب بعيد
قلت يخطفونا قال من زينكم

قال بوديكم وخلي رجل ذي يجيبكم قلت معصي منيب اركب معه
قال رجل اختس عاادي

قلت لاااا

قال اجل روحو معي لمسجدنا ابي اغراض من بيتي انا
قلت لا ابي مسجدنا

قال يالله بوديكم ودبرو احد يجيبكم

ويوم تونا بنطلع من البيت قلت اذا منتب مرجعنا انا موب رايحه
قال اوف خلاص برجع لكم

وقفنا ونزلنا وقبل لاانزل قال سلميني عليه قلت منهو

قال المسجد هو غير كل المساجد
قلت ايه غير

قال متى يخلص اختي1

قالت 9 ونص
.
.

المهم دخانا وبدينا نصلي
ذا صوت امامنا
Sound clip(01).amr - 94.1 Kb
وحده من البنات تقولي يشبه لحقنا خاف هو قلت اها بس مافي مثل حقنااا لاتحاولين

لحد يحتك

ومن حسن الحظ والقراده

بوه بزر اول مره يجي
مشكلته صبي ولا البنوتات وش ملحهن هاديات بعباياتهم يروكعون ولاتعبو جلسو

ذا جديد والظاهر ان امه ضيفه ع المسجد المهم
لاقاااال الامام امين قال ذا البزر بصوت عالي
امييييييييييييييييييييييييييييييييييين

ماعاد عرفت اخشع ويسوي اصوات مدرري شتبي

ويطلطل في وجيهنا

لا عاد اخر شي علب المويه كبها ولبس ثنتين برجوله وصار يمشي
عليهن ويطلع اصواات

وانا ماغير اقول خل نخلص بقول لاعاد تجيبينه لامه

مير مابوه جرائه وخلصنا الركعات وكل ماله ويزيد والمشكله ماتقوله شي

اخر شي قلت لالبست نقابي قلت لها يمكن اتجرأ يوم خلصنا من الصلاة
قلت اقول قضينا حصل خير

<<مابوه جرائه ابد ابد

(بعد ماقضيناا الصلااة )
يوم شفت الساعه الا هي 9 وربع
قلت وش السوات قالت مدري دقي
قلت خاف يقول مصختها

قالت خل نصبر المهم بقى انا واربع حريم وننتظر
قلت اللـــــــــــــــه يالدنيا كل يوم نطلع اول ناس الحين شوفي

قالت ايه تعودي السنه الجايه محد بيجيبتس

قلت يؤ لي اربع سنين مااروح المسجد الا معه

مير اوص لاتذكريني لاارغي بهالمسجد

الله يوفقه ويسعده

المهم قامت حرمتين وطلعو باقي بس إنا وحرمتين ثانيات بس قلت
يمممممممممه عسى مايروحون ذولي بعد
ونجلس لحالنا

قلت شكل اخر حرمتين يقربون للامام
ناظرتني اختي قالت وش تحسين به دقي بس

ومير ادق وقالي انا عند الاشاره

<<مدري وش ذا الاشاره اللي موقفين كل عيال السعوديه عندها
كل ماتصلنا وينكم عند الاشاره

رجعنا البيت <<قولي قسم

(لاب توبي المعفن وداعيه ياخر ليله تجمعنا ..لاب توبي الجديد ولكموووو)
وع 10 ونص تقريبا رجع اخوي 2

قلت لاعاد احد يعزمك قال تروحين قلت وين قال ماتبين لاب توب جديد
قلت الا نسيت بتوديني قال يالله
يالبيـــه

قلت بجيب عباتي بررب

وجبتها ورحنا قال وين قلت مدرري قال جرير ولااكستراا قلت اكستراا اكسترااا
جرير نوووو وي

المهم الشوارع مررره فاضيه وصلنا بدقيقه

قلت وشذاا كنا بمصر بتنفجر الرياض قال احمدي ربتس
جايبتس من طريق مختصر

قلت هذا وهو مختصر

دخلنا واحترت واسأله يقولي انتي اختاري وش دخلني انا

قلت علمني قال خذي اللي يعجبتس
قلت ابي رايك قال خذي لون ناعم احسن لك
قلت تم تامر امر انت

اخذته وطلعنا ومر ع كافي واخذ موكا حار قال وش تبين قلت مثلك

ورجعنا البيت ع 12 الاربع

(حياااتس عمتووو ع قل الكلافه )
وجلسنا متقابلين انا وخواتي

وامسك التلفون وادق ع عمتي قلت عندتس رجلتس قالت لا
قلت ازين تعالي ارتشفي قليلا من القهوه عندنا قالت وش عندكم
قلت تعي بنساويلك أهوه فرنساويه <<اشوى ان الكلام موب لمرجوووجه

كان تقول هلاليه لايكثر موب لايق

برايفت مرجوجه
((في قلبي يوم ذااك اليوم ترااا

))
.
قلت واي شوكلاته عندتس جيبيها قالت بوه تويكس
قلت حلو لواحد مش لثنين جيبيه

قالت طه يالله بجي شوي

جت وشربو قهوه فرنسيه معهم وانا معي الموكا حقي
وع الساعه 1 ونص وقفنا لها انا واختي2 وراحت بيتها
ومير تقولي اختي 2 اللــــه يجنن القمر مكتمل
قلت الله يسلمتس

قلت بالله مايذكرتس فيني

قالت اهااا وانا اقول ياربي يشبه لاحد اثره انتي وانا مدري

قالت اقولي ادخلي بس ادخلي

ودخلنا واتجهت للجهاز المعفن منها اتودع منه ومنها ادخل اكتب يومياتي
وجلست اكتبهااا وأنا فاتحه المسن
ودخلت سولفت مع فنون الرجه

والحين ابرربر مع حتحوتي اكوس وحده بالعااالم

وبعد شوي بيجي السحور
وتمضي الايام والنكهه تبقى

.
.

وشسمه ترااا مدرري شلون طاالت اليوميات

اللي اخبره اني بكتب شوي بس

العذر والسموحه

ولو مال العزيمة الطارئه لخيو ان مابوه اكشن

بس رب ضارة نافعه <<مدري تنفع ذي