|
موضوع خاص للنقاش حول شعار الهلال ( للمصممين فقط ) السلام عليكم ورحمة الله وبركاته كيفكم مع رمضان وكيف رمضان معكم :d بدون مقدمات انا من الناس الي مااعجبهم شعار الهلال الجديد من الوهلة الاولى للاسف وفيه اسباب كثيره لعدم اقتناعي بالتصميم الحلو الي قدمه الاخ غيث البشري كشعار للهلال بعد ماشفت الشعار والطقم كتبت موضوع في منتدى الجمهور وعن اعتراضي على الشعار والكل كان يمدحه ويرددون عالمية وتتطور وتغيير ! عالمية الكل متابع للاندية العالمية سواء متابعه جيدة او متابعه من بعيد طيب قد شفتوا شعار نادي عالمي متدرج ويلمع ؟! :surprised: وفوق كذا مطبوع على اللبس مو مخيط ! تطور وتغيير طيب نطور الشعار ليش لا .. التطور مطلوب وكثير من الاندية مرت شعاراتها بمراحل تطور كثيرة بس نغيره جذريا و نغير لونه !!! ليه :confused: قرأت شرح الشعار و "فكرته" ولفت نظري انه مستوحى من عراقة نادي الهلال وانجازاته وانا كل ماشفت الشعار احسه نادي يباني توه مأسس ! وكل كلامي السابق مايمنع ان التصميم حلو ويسلم الي سواه لكنه كشعار لنادي عريق ماينفع ومااشوفه حلو اشوفه ينفع لموقع ينفع شعار سيارة ينفع لاشياء كثيره لكن كشعار نادي يبيله اعادة نظر وتعديل اخيرا وليس اخرا " اتمنى" اشوف رايكم حول الشعار كمصممين وفي نفس الوقت كمشجعين للهلال :smilie47: |
اختي , اللــون هذا احسن من الاوول والانديه الاوربيه تناظر للالوان الغير فاقعه اول كان شعارنا سيئ جدا لون فاااقع هذا اللون اتوقع افضل ولون احسن من الازرق الفاااقع :) واللون صراحه والتصميم افضل من الاول وافضـل شعار في السعوديه ( بدون تعصب ) صراحه كأنه شعار لنادي اوربي بس الطقم هو اللي عليه العيب والالوان اللي ماتمشي , تمنيت اشوف طقم سااده بدون حركات والالواان اضافيه مالها داعي .. |
السلام عليكم ورحمة الله وبركاته صراحة ,, هذا الشعار أفضل من الشعار الأول ,, وكل واحد صراحة له رأي ,, وصراحة أنا عاجبني الشعار :yes: ولكم تحيتي :smilie47: |
اي والله انك صادق ..! اول مره اشوف شعار فيه لمعه ..! من جد والله مو زين ...! شوف برشلونة والريال والليفر ... اندية عالمية ماحاولوا يغيرون شعاراتهم ..! |
تبي الصرآحهـ والله أنا مثلكـ الشعآر هذآ مآخش مزآآجي أبد أبد أبد ذكرني بشعآر نآدي جآلكسي :no: |
بسم الله الرحمن الرحيم السلام عليكم ورحمة الله وبركاته ، مساء النور ، / اختي بلو منورة القسم بعد غيبة موضوعك جاء على الجرح :( فعلاً شعار سئ جداً جداً والله تحطمت انا يوم شفته لأسباب كثيرة جداً , أولاً كثير من الأندية العالمية لهم اكثر من 100 سنة ماتغير شعار فريقهم وهذا هو الشئ الأفضل , اما من ناحية تصميم الشكل , فهو غير مضبوط جداً وكأن اللذي يراه يحسبه شعار سيارة موب نادي , ! ايضاً مثل ماقلتي اللون اوب كويس , :)لو ان القديم قالو عنه , انه بسيط جداً ، لكن انوه قمة الفخامة وربي نتمنى انه يرجع ولو انه مافي امل لكن : ( الله المستعان blue شاكر لك , Ahmed |
إقتباس:
الحين انت ماعقبت الا ع اللمعة .. ؟ :D =============== لا أزيد على كلام اهـميد .. : D |
وعليكم السلام ورحمة الله وبركاته بدايةً .. التغيير ليـس لرغبة من نادي الهلال أولاً . والشعار لفريق كرة القدم الأول ( فقط ) أما النادي فشعاره كما هو . وذلك أحد شروط الاتحاد الآسيوي لتكون السعودية تحت مظلة الدوريات المحترفة . / بالنسـبة لتصميم الشعار ؛ جميل جداً يعيبه فقط اللمعة القوية والتدرج ، يفضل لو كانت أقل من ذلك بكثيـر . \ |
هلا بلو .. :):smilie47:<o:p></o:p> <o:p> </o:p><o:p> </o:p> زي ما قلتلك في الموضوع الأول ,,<o:p></o:p> <o:p> </o:p> الشعار ابداً ما يناسب ..!<o:p></o:p> <o:p> </o:p> اللمعة + التدرج + البعد الثنائي + الشكل المثلثي اللي مدري وش اسمه + الكاتبة و نوع الخط ..<o:p></o:p> <o:p> </o:p> الأشياء هذي مخربة الشعار لأنه شعار نادي بينحط على التيشرتات .. مو شعار شركة أو مؤسسه .!!<o:p></o:p> <o:p> </o:p> يعني المصمم مسوي شغل حلو بس مشكلته ما راعى أن الشعار للنادي ..!<o:p></o:p> <o:p> </o:p> بس لا فات الفتوت ما ينفع الصوت .. بعدين على طاري ان الشعار لازم يتخيط ,, :d <o:p></o:p> هذا المفروض وكل الاندية الاوربية كذا ..! <o:p></o:p> بس أعتقد صعبة مع وجود اللمعة !! :stoned: يعني بيصير شكل الشعار غير..:d:stoned: <o:p></o:p> |
هلا فيكم وحياكم كلن بسمه ببدا مع زعيم الكل الحين شعارنا القديم فاقع !! انا اخبره ازرق شف شعار تشيلسي نفس درجة شعارنا القديم تقريبا حتى قريب جدا من شكله وبعدين اذا لون الشعار فاقع عادي اهدي اللون كم حبة ، مب اغيره جذريا واحوس فيه ! ومن ناحية الطقم لا تعليق .. :D في كل جهه لون خخخخ حتى انا تمنيت الطقم كلاسيكي مافيه فلسفة يعني زي طقم ريال مدريد او ليفربول لكن ميخالف سنة اولى احتراف :d |
الفارس الهلالي طيب ماعندك اي نقد على الشعار ! يعني عاجبك بكل تفاصيله ولا فقط افضل من الشعار القديم ؟ |
GERRARD-8 يعطيك العافية ذكرت نقطة كنت بتطرق لها الي هي الاندية العالمية وكيف طورت شعاراتها بدون ما تغيرها جذريا ! // هذي مراحل تطور شعار الارسنال :smilie47: http://www.arsenal.in.th/column/old_logo1.gif الشكل هو نفسه ( الوسام او المثلث ) لكن طوروه شوي المدفع هو المدفع اللون احمر ماتغير اللهم خففوا الدرجة والخط غيروه للافضل // هذي مراحل تطور شعار مان يونايتد (من اكثر الشعارات الي تعجبني ) http://www.logoserver.com/Soccer/ManchesterUnited.GIFhttp://img33.picoodle.com/data/img33...Um_9dce88f.pnghttp://chelseafc4arab.googlepages.co..._old_crest.jpg الشكل نفسه اللون نفسه التغير فقط في صورة الشيطان :d وفي اخر شعار تغيير بسيط .. بدال الابيض حطوا احمر // طيب خل نشوف تطور شعار الهلال شعار الهلال القديم مالقيت له الا صورة لبن الهلال :d الاول http://www.5foq.com/vb/uploaded/1573_1160929809.jpg معجبني هالشعار بس لو يقلبون الهلال ويحطون كورة الشعار الجديد وكم تعديل في الخط ويطلع بطل الثاني http://img28.picoodle.com/data/img28...ym_baf3e04.jpg الثالث http://upload.alhilal.com/img/014/newlogo.jpg كل واحد شكل :d |
FAHADONA ماحسيت الهلال تغير عليك :( :d بجد والله ياجماعة كل مادخلت الشبكة ولقيت هالشعار فوق تجيني غلقة والشعار الجديد ذكرك بشعار جالكسي يعني حسيته كانه فريق جديد وديرتهم توهم طايحين في الكورة ؟ :d هذا شعار جالكسي احسهم مختلفين http://www.thebayeasy.com/log/wp-con...alaxy-logo.jpg شعار عادي وبسيط لكن اهم شي مافيه لمعة ويخيط على الفنايل |
al(20)qnas منور بوجودكم بجد شعار سيارة ! :sick: يعني غريب جدا انهم يغيرون الشعار جذريا لا ويتفقون مع مصمم يسويلهم تصميم جديد !! شعار نادي عريق هو مب شعار شركة توها فاتحة :whacko: على الاقل وروه الشعارات القديمة طلبوا منه تطويره على اساسهم او شاوروا الجماهير عاد انا عندي امل يتيغير ان شاء الله لو السنة الجاية بس يغيرونه وانا جالسة اعدل على الشعار و بعرضه هنا ان شاء الله |
Astray هذا اسمك من اول ولا غيرته لان اشوفك مسجل من 2006 بس اول مرة يمر علي اسمك << مالقيت شي ارد عليك فيه :d طيب دامك مصمم محترف وواصل للنهائي لو عندك فكرة لتطوير الشعار القديم حطها وطبعا هالدعوة موجهه للجميع خاصة الي مب معجبهم الشعار :d اتمنى لو عندكم افكار ان شاء الله بقلم رصاص تورونا اياها |
| الوقت المعتمد في المنتدى بتوقيت جرينتش +3.
الوقت الان » 12:35 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd