|
لا تقولي ان الوسط تمام اليوم ،، اه يا ابو نادين !! مبروك الفوز الغير مقنع بوجهه نظري الشخصيه ،، نلعب قدام فريق متهالك ومستسلم من اول المباره ،، وواضح ان طموحه انه انه يخرج بأقل هزيمه ،، ومع ذالك اغلب اوقات المباره نلعب في نص الملعب !! غاب التايب فصار التحضير للهجمه يستغرق 5 دقايق ،، يعني بطىء قاتل للكره ،، ولو نستعرض الوسط اليوم بنشوف الفريدي و الشلهوب ما ابدعوا قدام ابها متى بيبدعون!! اما سرور والدوسري فكانوا مجتهدين بس ما وصلوا مرحله التمييز ،، الخثران مستواه علامه استفهام ! الغنام لم يختبر فعليا اليوم ،، - همسه اخيره للصويلح ،، لعبنا مباره الحسم في الدوري امام الاتحاد اللي يعتبر دفاعه قوي ومتميز بمهاجم واحد اللي هو ياسر وحسم الموضوع ،، وانت اليوم قدام دفاع هش جدااا وبمسانده هجوميه اكثر ومع ذالك كنت اكثر من سيء !! اخاف اشوفك نص الموسم تلعب مع الفرج في ابها ،، اهتم بمستواك لاننا نحبك |
ابو نادين وويلي وتألق الفريدي وعودة الشلهووب لمستواه وتطور اداء الكلاسيكي الدوسري ونشاط المبارك راح يكون كلام ثااني في خط النار ((الوسط)) |
الله يعطيك العافية أخوي ما اقدر ارد عليك لأني ماشفت المباراة ولكن تعتبر وجهة نظر شخصية وسوف يأتي شخص آخر يتناقض معك تماماً لأنها كلها >>>> وجهات نظر ويبقى المهم والأهم الثـلاث نقـاط تسلم يمينك وماقصرت وبالتوفيق للهــــــلال .. |
لا حرم عليك تحكم ع الشلهوووب يهذا الحكم ..!! الشلهوب ما لعب الا ثلث ساااعة يمكن وما شاء الله قدم لمحات حلووووة .. والخثراان شعلة من النشاط ما شاء الله عليه بالمقارنة مع عمره .. وسرووور لاعب ممتاااز وتوج نشااطه بهدف جميل .. وشكرا |
يا حلو انت تهاجم الوسط ابي افهم ليش الفريق ماقصر اليوم : واقولك الاسباب: 1. فريقك سجل هدفين في الشوط الاول اكيد يلعب وهو مرتاح خل الهجمة تاخذ 5 دقايق 2. اللاعبين حذرين من الاحتكاكات وخصوصا ان الموسم توه بادي 3. النقطة الاهم ان فريق ابها مهزوم ب 2 ويلعب بخطة تسعة صفر صفر "يعني مقفليـــن" خلهم يقفلون وحنا فايزين بعدين يوم بدينا نلعب على الاطراف جاء الهدف3 الحمدلله فوز باقل مجهود هذا هو المطلوب يعني الاجانب اضافة قوية وقوية جدا بس الفريق اليوم بدونهم كمان يرعب ماشالله تبارك الرحمن |
انا صحيح ماشفت المباره بس ((الشلهوب-الفريدي-)) يعني لاعبين مع المنتخب المفروض راااااااااااااااااااااحه |
تغطى زين إذا جيت تنام .. الله يرحم والديك ...!!! فايزين بثلاثه و فوز غير مقنع ..تبغاهم يفوزون بـ13 علشان يقنعون سعادتك ..!!! |
ياخي أنت تشجع الهلال ولا تشجع التايب .. ومستوى الهلال أفضل اليوم ولو أن التايب اليوم موجود كان أخذ أصفر أو أحمر .. التايب التايب والله لو أنه مارادونا .. عاطينه أكبر من حجمه .. حاطين أن الهلال يعتمد عليه والهلال والله ماطق له خبر هاذي مشكلتكم ياجمهور التايب .. يازين الفريدي وسرور والدوسري بس ..:smilie47: والله الواحد منهم عن ألف تايب ..:naughty: |
إقتباس:
تمنيت يكون ردك ارقى ،، بس يمكن العمر خانك ،، على كل حال وجهه نظري الشخصيه ((غير ملزمه)) ،، وبعدين يا كابتن صحيح فايزين بثلاثه بس على مين على فريق لو لعب ضمك معه بهذا المستوى فاز بسبعه ،، تحياتي |
انا بصراحة , كنت اتوقع النتيجة بتكون اكبر من كذا بكثير الصويلح جداً كان سيئ , وكان غير مشاغب على مثل العادة !! خط الوسط وخط الهجوم كانوا سيئين بشكل عام , والاهداف جت مو على شكل هجمة تكتيكية بل اجتهاد من الزوري و سرور خط الدفاع كان الافضل , وخاصة المرشدي و الدعيع و لا يهون خيرات نعم افتقدنا كثيراً لتايب , فهو روح الفريق و هو الوقود شكراً |
"| ورده |" بصراحة كانوا بالموعد رغم الغيابات للاعبين مُميزين ولهم تأثيرهم على مستوى الأندية والمنتخبات فزنا بأقل مجهود وبمستوى مُميز .. هذي أول مُباراة وإن شاء الله مع قادم الأيام .. أحسن وأفضل.. لاكن الوسط رائع وراح يرجعون جميع اللاعبين لاكن المُشكلة من المُهاجمين وشح الأهداف أتمنى من الصويلح & العنبر يراجعون حساباتهم لأن // الأزوري الأسيوي // محتاجهم وخصوصاً في ظل مشاراكات الدوليين أتمنى يتميزون مع قادم الأيام.. "| ورده × ورده |" |
اتفق معك في غياب صانع الألعــــــــب في الهلال في مباراة الأمس رغم اجتهاد الـــــــــــدوسري والفريدي والصويلح مازال يحتاج الى الكثير من الوقــــت والصبر ليعود |
إقتباس:
اعصابك يا زعيم ،، سئلتني من اشجع ،، اشجع الهلال بس لحظه ،، انا دوري اسئلك ،، شفت الموسم اللي راح عشان تعرف من كنا نعتمد عليه في الوسط والهجوم ؟؟ مسئله الفريدي والدوسري وسرور وكل واحد يسوى الف تايب ،، اترك حكمها لباقي الزعماء ،، لا تعليق عليها |
ياخي اللي يسمعك يقول الاهداف جات بكرات ثابته ولا بصدف الاهداف جات بتمريرات من الوسط انتم بس تبون تنتقدون والله الهلال ماقصر فريق 11 لاعب في ملعبه ومع هذا تمكن من الاختراق والوصول لمبتغاه وفازوا باقل مجهود وواضح ان عندهم تعليمات انهم مايتعبون انفسهم اكثر من اللازم خصوصا بالشوط الثاني لانهم اطمئنوا للنتيجه الفريق اليوم ممتاز تكتيكيا ولا ينقصه الا زياده جرعات اللياقه للاعبي المنتخب اللي دمروهم بمعسكراتهم التعبانه وزيادة الانسجام مع المجموعه |
عاشق 15 الفيلسوف .. اتمنى ترجع لمباريات الفريق بدون التايب وتشوف وش وضعنا :) نحب التايب لانه يبدع مع الزعيم وبوجوده ندري ان الوسط بخير .. اما عن موضوعك اخوي الكريم فإن شاء الله مع عودة جميع الغائبين راح تشوف الوسط نااار |
| الوقت المعتمد في المنتدى بتوقيت جرينتش +3.
الوقت الان » 03:15 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd