مميزات وعيوب الشعار الهلالي الجديد - نادي الهلال السعودي - شبكة الزعيم

abo_tareq · #1 14/09/2008, 03:45 PM

شعار مميز جدا وهو ايضا درع الوانه مميزة ومتدرجة وبالابعاد الثلاثية

بداخله كرة يحيط بها هلال وفب الاسفل سنة التاسيس في الاعلى كتبت كلمة alhilal s .fc
طبعا تم شرحها سابقا ولكن تمت اضاقة s كرمز للبلد السعودية وهذا غالبا يكون خطأ في كتابة اسماء الاندية باللغة الانحليزية لانه قد يقرا لاول مرة الهلالز لعدم وجود اي فاصل الهلا يرمز لاسم النادي لكن الكرة هنا ارى انها لاتعبر عن شي يخص الهلال فالكرة قد تتكرر لجميع الاندية
العيوب
كلمة alhilal s كا ن ممكن نكتفي بكلمة alhilal فقط
عدم وجود اي معلومة تشير الى مدينة الرياض مقر النادي

تحياتي .. اتمنى من الادارة التعديل في الشعار بوضع النجوم وحذف حرف s واضافة مدينه الرياض كمقر للفريق والتعديل في الشعار ليس عيب لننا من زلنا في اول ايام الشعار الجديد والتعديل لان يؤثر ان شاء الله

15الزعيم15 · #2 14/09/2008, 04:04 PM

شف وانا اخوك محد ناطقها هلالز الا اللي مايعرف اللغه الانجليزيه لان الواضح عندي فيه خانة حرف فاضيه قبل ال S

وبالعكس حركتهم مره عجبتني

(اسير& المحبة ) · #3 14/09/2008, 04:16 PM

مشكور وكلامك صحيح خاصه حرف s اي واحد اجنبي بيقرا الهلالز ياليت يكون فيه فاصل مثل النقطة او تحذف s ويكون كتابة الرياض بالانجليزي طبعا بالخط الصغير تحت كلمة الهلال تدل على المكان بس مااعتقد يقدرون يعدلون فيه قبل ما يستأذنون من البشري صاحب الشعار

Hamad.w · #4 14/09/2008, 04:19 PM

ههههههههههه
أجل مقر النادي

..!

أخوي تبيهم يكتبون A اختصار لـ ( Al3RYGA )

..!
...
لكن وجهة نظرك مقبولة ..!

امسك ورده

مجــنون هنــري · #5 14/09/2008, 04:32 PM

شيء كل الناس ناسينه وين النخله

ودي أنهم يحطونها في وسط النجمه الي في الكوره

التروبيكالي · #6 14/09/2008, 04:35 PM

والله وانا اخوك اعتقد ان s شامله مايحتاج يكتبون الرياض ولاغيرها

الشعار مميز ويشبهه شعارات الأنديه العالميه واعتقد انها قفزه كبيره جدا

هلالي و أحب المعالي · #7 14/09/2008, 04:58 PM

الشعار الجديد رائع جدا ......

ღ MiLaN4eVeR ღ · #8 14/09/2008, 05:01 PM

سبق و ان قالها نائب رئيس الهلال انها يبغى البساطه و الروعه في الشعار و هذا ما تحقق

اما حرف s فاعتقد ان كلامك صحيح كان لابد انه يحط بينهم فاصله

لكن بالاجمل هو شعار جميل جدا

بالتوفيق ان شاء الله

تحياتي ,,

روبين هود · #9 14/09/2008, 05:05 PM

والله الشعــــــــــار مـــــا عجبني واجد لازم بعض التعديلات

وينك يالزعيم · #10 14/09/2008, 05:06 PM

انا من رأيي النجوم مهمه والطقم بدونها موهوذاك

ander teckar · #11 14/09/2008, 05:34 PM

صراحه لوكتبوا alhilal sport.fc يمكن يطلع حلو طبعا والنجوم تحت الشعار والا ايش رأيكم ؟

المغيري 1412 · #12 14/09/2008, 05:47 PM

تسلم بوطاارق ماقصرت كلامك سليم والله اتمنى تلافي هذا الخطأ

TheGhost · #13 14/09/2008, 06:26 PM

معليش شباب بس عندي سؤال

الآن الشعار هذا راح يكون شعار نادي الهلال بجميع رياضاته او بس لكرة القدم؟؟

واذا كان لكرة القدم فقط .,, هل الشعار القديم راح يمثل باقي اللألعاب؟

بالنسبة للشعار انا اشوف انه مرة بسيط و to the point

واعجبني اللون الأزرق الفاتح . يعطي بعد للشعار تحس ان الشعار ثلاثي الأبعاد

abo_tareq · #14 14/09/2008, 09:19 PM

هلا بكم جميعاً

ومشكوورين على المرور ..

الشوط الثالث · #15 14/09/2008, 11:43 PM

انا بالنسبه لي اقول انه شعار جميل وبسيط

ومافي اي مشاكل

الا النجوم يعني لو كان فوقه نجمه كان يصير احسن

وبالتوفيق للزعيم

تحياتي