السلام عليكم ورحمة الله وبركاته


اخواني الزعماء المغتربين..


عندي كم نصيحه للطلاب المغتربين اتمنى ان تفيدكم..


وفقنا الله لما يحب ويرضاهـ


ووفقنا في دراستنا في الخارج..



1- انت جاي تدرس مو جاي داعية يعني لاتخوض بأي نقاش مع احد عن الأسلام خصوصاً للي لغتهم مش ولابد يعني انت تناقش بحسن نية بس ماتعرف توصل المعلومه صح وهم راح يفهموها عكس وانت بكذا وصلت صورة سيئه عن الأسلام وانت ماتدري وخصوصاً في الكلاس لان بعض المدرسين يعي هذه النقطه ويبدأ يسألك عن الأسلام امام الطلاب الأجانب وانت ماغير تعجن بالأنجليزي على غير فايده والافظل انك تقول "It's Hard For Explain That to you"



2- انتبه من الـ homeless المشردين الي بالشارع لاتدخل بنقاشات معهم ولا تعطيهم ولا بنس واذا طلع بوجهك وقعد يطلب فلوس اسفهه ولا تقول ولا حاجه وامش ولا كأنه يكلمك واذا مسكت معك تصدق ياخي المسجد مفتوح بكل مسجد تحصل صندوق للتبرعات ياخي كل ماتدخل المسجد سقط لك باوند عالماشي.



3- {للمدخنين} انتبه من الي يطلبون زقاير حتى لو انه كبير تراهم يجونك بجسم تقل بعير واعمارهم ماتعدت الـ 15 واذا عطيته زقاره رحت بداهيه



4- للي يشترون بيتزا جاهزه من الماركت وتسخنها بالفرن انتبه من الببروني ترا الببروني غير عن الي بالسعودية الي بالسعودية بيف اما الي برا خنزير وترا مايكتب خنزير يكتب ببروني يعني حقين بيتزا هت لا تفكر تطلب ببروني



5- انتبه من الي يلبسون لبس احمر فيه صليب ابيض وتلقاهم يوقفون بالشارع ويطلعون بوجهك ويسألونك هل انت تصدق بوجود الله؟ هذولا دواهم نو سبيك انجلش!!




6- انصح للي كل ويكند يسافر بين مدينه ومدينه ويستعمل القطار هناك طريقة للتوفير وهي كرت اسمه "RealCard" قيمته 24باوند لمدة سنه يعطيك خصم كبير يعني بسفرتين بالقطار طلعت قيمة الكرت هذا وهو لمدة سنه كامله يعني بينفعك كثير.


هذي النصايح الي عندي وان شاء الله تفيد فيها احد..


الله يوفق الجميع والي عنده نصايح مهمه يسدحها هنا مشكوراً..


وتقبلو تحيات اخوكم


الموج الأزرق

معاك اخووووك مغترب في ألمانيا وترى من جد
الله يسلمك ويسمنك ياااا رب والله من جد بتفيد الشباااب الجدد اللي لحمهم طري بس انا ابغى اضيف نصيحة انو يحافظواااا ويتمسكوااا بدينهم بكل ما اوتوااا من قوة ولا يختاااروااا الا الاصدقاء الصالحين فوالله الأصدقاء هم الذخيرة في بلاد الغربة واللي جاي ع المانيا ممكن يتواصل معاي ع الايميل ويبشر بعزه

ابد تسنك معي

كل النصائح حقتك مهمة

اول ما جيت كنت ادرعم و لا ادري وين الله حاطني فيه

تصلح للي بيروح برا

يعافيك

الله يعطيك العافيه على النصائح وفعلا أنا جديد في أمريكا ومريت بهالمواقف وبغيت أروح فيها.
شكرا لك .

يعطيك العافيه على النصايح

بس حبيت اضيف نصيحه الكثير يطيح فيها

ياشباب
فيه مطاعم وااااجد للسندويشات والبرقر

واغلب الشباب يطلب همبرقر ترا غلط صدق حنا نستعمل الكلمه واجد في ديرتنا

بس انت اذا قلت همبرقر او هام برقر فانت تطلب برقر خنزير
لأن معنى كلمه <هام> لحم الخنزير

شكرا على موضوعك يالغالي

شاكر لكم جميعاً على المرور وللي اضاف نصايح..

وان شاء الله يفيد فيها احد والله يوفقنا جميعاً..

تحياتي