خلاص ممكن لو سمحت يعني لاتوجع راسي خلهم يسوون اللي يبون هذا الزعيم !! - نادي الهلال السعودي - شبكة الزعيم

فواز بن عبدالله · #1 13/09/2008, 08:37 AM

بسم الله

اخواني والله ماكتبت الموضوع هذا الا والله من اللي اشوفه واقراه في منتدانا

يعني صار منتدى وزارة الإعلام ولا كأنه منتدى الزعيم يناقش احوال النادي

ومستجداته والله ملينا خلاص القناة ياناس ماراح تقدم ولا تأخر لأن هذا هو

الهلال اي الزعيييييم ولو بيأثر كان اثر لموسم الماضي فاتركوا القنوات

وفكونا منها ومستحيل ان كل القنوات بيقولون كل شي وبيعجبنا

لأن العاطفة تغلبنا مع الزعيم ..

عشان كذا فكونا ياجماعة كل يوم والثاني جايبين لنا قناة نقاطعها

من جد ماصارت من اول طايرين في ابو ظبي ومن اول برنامج لها

شبيتوا عليها ياخي اذا عجبك ناظر ماعجبك غير ولا توجع راسك

وآسف ياشباب بس لزم نتأكد انه لا يوجد قناة سترضي الجميع .

سلاااااام

إحسـاس عبـادي · #2 13/09/2008, 08:45 AM

هذا الكلام والله

يعني ليه نعطي الموضوع اكبر من حجمه

هل نستغرب ان جستنيه يغلط ع الهلال

او البكيري ؟؟ الكاتب المأجور

ياحبيبي هذولي كتاب حتى الاتحاديين انفسهم شككو فيهم مو مقتنعين فيهم

هل نحتري ان جستنيه يمدح الهلال مثلاً ؟

وهل انه يفبرك الاخبار ويغالط الواقع .. شيء مستغرب؟

ياليت الجمهور يركز على خدمة ناديه
والمباريات الجاية

ابو ضبي تبحث عن الاثارة .. بشكل واضح جداً فياليت نفكر بعقل قبل عاطفة

هذا هو الشغل الاعلامي بهالوقت .. وترى لاتفتكر ان لها خوي !

هي همها الوحيد الاثارة واكبر عدد من المشاهدين وبس

ياليت نفكر ع المنافسات الجاية ... ونترك هوامش الامور

ترى اعلاميي الهلال واصلين ياناس

يعني لو لزم الامر راح يتدخلون

وصدقني هالحركة مقصودة من ابو ضبي
لانهم يدرون ان اعلاميي النصر متشنجين
وراح يجي من وراهم تصاريح ناريـة جداً
وهذا هو المطلب اذا حبيت تكسب كل رواد الاندية
والدليل ان جماهير الهلال معطيه لهم اهتمام
والنصر كذلك
والاتحاد
والشباب
وكل الاندية
والقيادة الرياضية ايضاَ !!

مانقول الا .. الله يوفق هلالنا
وحنا ترى مروضين اندية اليابان
وتاريخنا الحمد لله .. مشرف
وماشفنا حد من نجومنا يغلط على النادي
غير الغشيان الي راح للنصر وعقبها انتهى عمره الكروي
لكن سمعة انديتهم معروفة
ومايحتاج نقولها
واذا هم بيلعبون على انفسهم شيء ثاني ..
حنا الزعماء
ردنا في الملعب
باذن واحد أحد

ياليت هالجماهير المحتقنة
تتعاهد على الحضور
والمؤازرة
افضل من السنترة قدام الشاشة

فارس الناصر · #3 13/09/2008, 08:47 AM

يالغالي

موضوعك مكرر ... لكن بعنوان مختلف

هذا الرابط : من الآرتي للجزيرة ومن الجزيرة لأبو ظبي إلى متى ؟؟!! مابقى الا قناة الزعيم الجديدة

نرجو أثراء الاعضاء بمواضيع قيمة

تقبل مروري

الكـ20نج · #4 13/09/2008, 09:01 AM

صادق والله

مشكوور وماقصرت

فواز بن عبدالله · #5 13/09/2008, 09:09 AM

احساس عبادي تسلم والله ماقصرت كفيت ووفيت . .