المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 13/09/2008, 01:27 AM
زعيــم نشيــط
تاريخ التسجيل: 28/10/2007
مشاركات: 691
والله اني كرهت الكوره ... بعد اللي صار محمد الشلهوب و نواف التمياط و صالح النعيمه وانتبه يا ياسر واسمحوا لي ماعرف لها الا فيصل ابواثنين

السلام عليكم ورحمه الله وبركاته
مائسكم خير
واعذروني على كلامي واسلوبي لاني احببت ان يخرج كما هو في قلبي
حقيقه والله والذي لا اله الا هو
اني كرهت الكوره وكرهت الرياضه وماصرت مثل اول
صحيح اني احب الهلال ولا انكر ذلك ولكن كرهت الرياضه والكوره فعذرا ياهلال
اليوم انا اشوف مقطع صالح النعيمه ورب البيت اني ابكي من القهر والحمق وربي
كل يوم نحس بمصيبه وكل يوم تطلع علينا طلعه
نجيب مثلا نواف التمياط
اللي ضحى وتعب وكلنا شفنا كيف أثرت الاصابه على ركبته ووشلون صار يصلي
الاصابه اللي جلس يعاندها سنتين كاملات ولو هو اي لاعب والله كان انتهى من زمان
وبالنهاية وش صار له ؟؟ راح ايه راح ولاحد توقع هذي نتيجته تدرون ليه ؟؟؟؟
لانه وبكل بساطه ((انتهت المصلحه منه)) واصبح عديم الفائده والكل اصبح يهاجمه
بل واصبح يطالبه بالاعتزال ونسوا الانجازات لانه لم يفيدهم في هذا الوقت
نأتي بمثل اخر
الشلهوب يوم طاح مستواه
الكل طالب بالتخلي عنه لانه مستواه هبط والي قال مكانه الاحتياط ومادري كيف
وكادو ينهونه وهو اللي ضحى بعام توفيت الوالده والوالد في عام واحد ومابينهم
الا اشهر قليله وهذا وهم الوالدين وتعرفون وش معنى وفاة الوالدين ؟؟؟
طلب اجازه لنهاية الموسم ولكن ارادوا منه المصلحه واجبر على الاكمال فقط لينفعهم
وتكمل مع النعيمه
اقسم بالله اني اشوف اللقاء معاه وانا ابكي وانقهر
معقوله ؟؟؟ معقوله لعب 11 سنه جميعها اساسي فقط شوط واحد احتياطي
وحامل الكابتنيه و ضحى بوالدته ويلعب مكسور وفولتارين اللي كثرته يسبب العقم
وبلاوي يكون بدون سياره ولا وضيفه ولاعمل ولاشي ؟؟؟
غير هذا هل يرضيكم انه يتكلم عن نكران الجميل ؟؟؟ ليه كذا
وربي احس انه مقهور ويبكي بداخله
ليه ؟
التيماوي
التيماوي كلنا عارفين ليه اعتزل ووش السبب وبدون ذكر الاسباب لانها واضحه
بس التيماوي ذكي اعتزل بعد هدف الاسماعيلي اللي جابه وطلع وهو مرفوع
اعتزل قبل ان ينتهي واعتزل وهم اللي يطلبونه عشان كذا الى الان والناس تتحسف عليه
::::: والله ماعرف لها الا فيصل ابواثنين ::::::
فيصل انا اشهد انه ذكي وعارف لها وزي مايقولون طبخها صح
طلع وهو مرغوب وطلع وهو مأمن مستقبله يوم طلع للدراسه وتحضير الدكتوراه والتكمله
يعني ماعتمد على الكوره اللي قانونها
((مادامك تفيدنا نبي نرفعك فوق واذا انتهينا منك مع السلامه))
((((انتبه ياياسر وخلك ذكي)))))
ياسر القحطاني ماشاء الله تبارك الله
الان في قمة الشهره والعطاء وربي يزيده يااااارب ولايضره ويحفظه من عيون الحساد
لكن ياسر
ياليت تجيب اذنك ابي اقول فيها كلمه
هاتها
((انتبه ولايغرك الوضع لو يهبط مستواك والا الله يستر تجيك اصابه مزمنه ورب البيت الكل بيتخلى ويتركك فلاتقول اني ابالغ وخواف وتبي الدليل ؟ هل انت افضل من النعيمه؟؟ لا اكيد فأنا اقول لك شف النعيمه وش صار له الان وانت تفهم وش اقصد))





وبالنهاية

اسف على الاطاله ولكن شي بالقلب وابي اقوله والله

في امان الله
اضافة رد مع اقتباس
  #2  
قديم 13/09/2008, 01:31 AM
في انتظار تفعيل البريد من قبل العضو
تاريخ التسجيل: 06/11/2007
مشاركات: 663
يفترض أن اللاعب يحرص على تأمين مستقبله وصدقت والله ماعرف لها إلا أبو اثنين

كمل دراسته وافلح
اضافة رد مع اقتباس
  #3  
قديم 13/09/2008, 01:39 AM
زعيــم متواصــل
تاريخ التسجيل: 06/07/2005
المكان: القمر مع القمر
مشاركات: 59
جزاك الله خير بس الهلال ما نكر احد ولاصار قصور من الادارات الهلاليه السابقه والحاليه للاعبين كلهم من اولهم الى اخرهم لا من ناحية الاعتزال ولا من ناحية التكريم
النعيمه وكرموه بحفل اعتزال الكل يذكره يوم انه حصل على خمسة ملايين تقريبا وسيارات وجوائز كثيرة
والتيماوي بعد والشريده ويوسف وسامي والتمياط راح يكرمونه قريب يعني وش تبي ازود يخلونه واقف في الملعب لين ناخذ المركز الاخير
التمياط بنفسه قال انا يو جيت النادي اخذت مكان لاعبين كبار وهذي سنة الكورة
اتمنى منك انك تراجع كلامك لانه فيه ظلم للهلال وتطالع الانديه الثانيه ولا انسى سعد الدوسري الله يغفر له ترى الى الحين الهلال يدفع له رواتبه شهر بشهر الله يجزاهم خير لو انه في نادي ثاني كان اسحبوا عليه

واسف على الاطاله
اضافة رد مع اقتباس
  #4  
قديم 13/09/2008, 01:39 AM
الصورة الرمزية الخاصة بـ هلالي احب سامي
زعيــم متواصــل
تاريخ التسجيل: 29/02/2008
المكان: Riyadh
مشاركات: 166
موضوع جميل تسلم يدينك ع الموضوع

والله اللاعب لازم يستثمر مقدم العقد ولا راح فيها

بس ترا كل اللي قلتهم لاعبين قدامى واول رواتبهم ومقدمات عقدهم رخيصه

اما الان فمااتوقع ان احد بيتظرر من الكوره

الا كل الناس ودها تلعب كوره عشان الرواتب العاليه والمقدمات اللي بالملايين (ماشاء الله)

يعني لاتخاف ع لاعبين الجيل الحالي
اضافة رد مع اقتباس
  #5  
قديم 13/09/2008, 01:40 AM
الصورة الرمزية الخاصة بـ نزيه المشاعر
عضو اللجنه الإعلامية
بالموقع الرسمي لنادي الهلال
تاريخ التسجيل: 24/02/2005
المكان: قصيمي الرياض
مشاركات: 18,327
ابو ثنين لاعب ذكي

وان شاء الله ينتبه ياسر لهالنقطه هذي

......................
اضافة رد مع اقتباس
  #6  
قديم 13/09/2008, 01:43 AM
زعيــم مميــز
تاريخ التسجيل: 01/05/2006
المكان: الهوى ** شرقــآآآوي **
مشاركات: 13,283
زي ماقلت ..ماعرفلها الا ابو اثنين الله يوفقـهـوآآه يالنعيمـة فعلاً شي محزنـــ ... وبإمكان اللاعبين يأمنون مستقبلهم بالرآحـهـ !!..من هالملاين اللي تجيهم مايصرفونها لعب ووناسهـ بس ..
اضافة رد مع اقتباس
  #7  
قديم 13/09/2008, 01:48 AM
زعيــم مميــز
تاريخ التسجيل: 11/05/2008
مشاركات: 1,647
أخوي لاعبين الحين غير زمان
الحين الزمان تغير
الحين شوف اللاعبين بكم اسعارهم ومن زمان كم اسعارهم
الحين شوف رواتبهم وشوف رواتب لاعبين اول
يعني انا اقولك ايهم اكثر راتب لاعبين زمان ولا الحين !!
أكيد الحين
شوف الحين اللاعب يشترى بقيمة من 5 الى 13 مليون ريال
طيب
عندك الرواتب !!
الرواتب ما شاء الله تصل الى أكثر من 20 الف شهريا
غير هذا
مكافآات الفوز
غير هذا الهدايا
شوف اذا جاب لاعب قول في مباراة حاسمة قالوا نعطيك هدية سيارة
وييييييييييين عشان قول هدية سيارة
اصلا الحين مكافآات الامراء بلحالها كنز
غير مكافآات الاندية
طيب شوف ما شاء الله سامي الجابر يوم اعتزل
شفت الهدايا اللي جاء على الارتي
هدايا تصل الى اكثر من 500000 ( خمس مئة الف ريال )
هذا لحالها راتب لمدة سنتين الحين الزمان غير يعني بإذن الله اللاعبين الحاليين
ما عليهم خوف ولا اتوقع يتكرر معهم مثل ما تكرر مع النعيمة وغيرهم
اضافة رد مع اقتباس
  #8  
قديم 13/09/2008, 01:56 AM
زعيــم فعــال
تاريخ التسجيل: 14/03/2008
المكان: جده غير وباهلها غيييير
مشاركات: 235
لا ان شا الله ياسر بسير زي ابوثنين والاعبن التانين كمان لازوم يعرفو اهميه تكمله الدراسه ....................................
اضافة رد مع اقتباس
  #9  
قديم 13/09/2008, 02:02 AM
زعيــم متألــق
تاريخ التسجيل: 02/06/2008
المكان: الرياض ’’
مشاركات: 1,042
أيه والله صدقت من أشوف حالت الاعبين أكره الكوره بعد مثلك مثل عادل عبد الرحيم وأنا أشوفه جلست أبكي والله
بس أتوقع الاعبين الحاليين ماخدين بالهم

وأن شاء الله ياسر يكمل دراسته بجامعة البترول
اضافة رد مع اقتباس
  #10  
قديم 13/09/2008, 02:06 AM
زعيــم فعــال
تاريخ التسجيل: 05/08/2006
مشاركات: 282
لا اوافقك اخي الهلالي

فالهلال قدم لنواف التمياط الكثير و عالجه على حسابه و جدد له في فترات اصابته رغم انه يعرف انه لن يشارك و لكن ماحدث هو قضاء و قدر و ما حدث لنواف هو بسبب تساهل الحكام و اتحاد الكرة

اما التيماوي فهو من رفض اقامه حفل اعتزال له و كلنا يعلم ذلك و التيماوي يستحق اكبر من ذلك لكنه هو من رفض و اما الاصابات فالهلال لم يبخل على ايا من نجومه

اما النعيمه فان مأساته هي من صنع اتحاد الكرة السعودي الذي سار خلف ميوله و استمر بالوراثه

الشلهوب مثله مثل اي لاعب هلالي فان انخفض مستواه سيكون احتياطيا و لو دامت لما شفناه و كان لين هلحين و سعد مبارك ماسك الخانه ( ((( سعد نجم كبير لكن اقصد من حيث العمر فقط )))))

اعتقد انك مشحون اكثر من اللازم
اضافة رد مع اقتباس
  #11  
قديم 13/09/2008, 02:08 AM
زعيــم نشيــط
تاريخ التسجيل: 24/04/2007
المكان: المدينة المنورة
مشاركات: 523
موضوع رائع وان شاء الله ما تتكرر مرة ثانية للعينا
اضافة رد مع اقتباس
  #12  
قديم 13/09/2008, 02:10 AM
زعيــم متألــق
تاريخ التسجيل: 11/04/2006
المكان: المهد
مشاركات: 1,375
الله يكتب اللي به الخيييييير لكل من يخدم الزعيم
اضافة رد مع اقتباس
  #13  
قديم 13/09/2008, 02:11 AM
موقوف
تاريخ التسجيل: 23/05/2008
مشاركات: 776
للأســـف هذا حــــــــال أغلبية اللاعبين السعوديين وليس الهلال فقط


التناسي وتجاهل المستقبل
اضافة رد مع اقتباس
  #14  
قديم 13/09/2008, 02:12 AM
زعيــم فعــال
تاريخ التسجيل: 10/02/2008
المكان: في قلب الهلال
مشاركات: 281
بدينا الان بزمن اسمه زمن الاحتراف

يعني ان شاء الله ياسر ومن معه مستقبلهم مامن
اضافة رد مع اقتباس
  #15  
قديم 13/09/2008, 02:13 AM
زعيــم نشيــط
تاريخ التسجيل: 26/05/2008
مشاركات: 762
مثل ما اخذت الجوانب السيئة خذ الجوانب الحسنة والامثلة الايجابية
سامي الجابر..يوسف الثنيان...الخ
وغيرهم من اللاعبين الذين خدموا انديتهم ومنتخباتهم
وحالتهم مستقرة بعد الاعتزال...

النادي ليس مسؤول عن اللاعب اذا اعتزل مطلقا
اذا سلمه كل مستحقاته المالية

فبعد الاعتزال يكون اللاعب مسؤول عن نفسه تماما
بتأمين مستقبله...

ولهذا ترى اللاعبين مختلفين عن بعضهم
فمن يعمل ويلعب او يستثمر امواله بأحسن وجه يكون في حالة مستقرة

ومن يضيع امواله ويجعل الكره هي مصدر رزقه فقط
فإنه غالبا ما يضيع بعد الاعتزال....

ما اقصد
ان اللاعب هو المسؤول عن نفسه بعد اعتزاله
بتصرفه بأمواله وعدم اعتماده على الكره فقط
وغيرها من الامور التي تساعد اللاعب على الاستقرار المادي...

شكرا لك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:50 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube