حقوق المرأة
الدكتورة : ليلى صالح عزوز

‏باللهجه الحجازيه الجميلة



ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟

يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.

طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون

أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ .. أبدا...إن الثور يحس؟ ......لايمكن. لكن هل يمكن يحصل هادا في السعودية؟ أبدا .. واللي يبغى يجرب .... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّوقه بالكامل وزياده؟ وهل عندنا المرأة متساوية مع الرجل .. والا هي أحسن مِنُّو؟



قال حقوق المرأة .. قال.

منظر عام

رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال .... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس! ونفس المنظر في الجوازات .... والأحوال ... والتأمينات .. ويقدر أحد ... يقول إنه من ظهر أبوه .... يفتح فمُّه؟ ... على طول يسمع العبارة الشهيرة ... ( عيب عليك .... إنت ما تستحي؟ .. هذه حرمة...إنت ما عندك أهل!)) ...ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟

قال حقوق المرأة ... هه!

اقتصاديا

شوف الراجل.. السبع.. الغضنفر.. المفتري...له ثوبين أو ثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ. والمرأة بسلامتها .. بقيمة أدوات مكياجها فقط. تقدر تفتح محل خياطة رجالي محترم. ويا ريت تحط من مكياجها في البيت.. لأ. دا بَس للخروج ... وقيمة صباع روج والا علبة بودرة تساوي قيمة جوال جوزها .. وكمان ازيدك من الشعر قصر .. مو بيت .. من حقوقها فستان لكل فرح. و مكياج. و كوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع . مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.



قال إيه! حقوق المرأة.

نفسيا

الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! والا فواتير؟! والا مقاضي ما يعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس ... كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد)) .... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره ... جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... ... ... ومع هادا كُّلو ...لازم يبقى رومانسي.

بينما هي وبكل سهولة تصحى بسلامتها في الضُّهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.

وفوق هذا كله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا... يا عيني علينا إللي ما نروح غير يا مصر ... يا سوريا ... والسنة اللي غيَّرنا فيها ... رحنا ماليزيا.

وفي رمضان: تعبت ....أوف .....إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان .....مقاضي العيد من جده ...أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟

قال إيه؟ ... حقوق المرأة.

شرعا

المرأة لها حظ من أبوها .... وحظ من زوجها .. هادا غير أمها .. وأخوانها ... وأبناءها .. والراجل مطالب إنو هو اللي يصرف عليها مهما كان عندها فلوس.

وثانيا: الرجال لازم يروحوا للمسجد خمس مرات في اليوم .. جمع وجماعات .. حر وبرد .. ليل وصبح .. لازم يروحوا ... بينما الست تصلي تحت المكيف ... في غرفتها ... وأجرها زي الرجال تماما .... ياعيني .. يا عيني .. والله الإسلام أعطاكم كتير .... وياريتو يِبان فيكم.



إجتماعيا

الست كل أسبوع تخرج عند صاحباتها وما ترجع إلا متأخره .. وطبعا جوزها هو اللي يوديها ويجيبها .. (يعني تبغاني أروح مع السواق في هادا الليل؟!) .. وسعادتها ما تبدأ تتمكيج وتسرح شعرها إلا بعد العِشا .. وكل شويه تقول :خلَّصت ... وهي ما سوت شي لِسَّه ... والراجل الغلبان جالس على أعصابو يستنيها تخلص .. أخيرا تقول لُو: وي! إنت ما نزلت السياره؟ .. وَي ... هيا عشان لا نتأخر. المسكين يجري في الدرج (عشان ما يأخرها) .. ويشغل السياره .. ويستَنِّي بسلامتها مو أقل من ربع ساعة حتى تشَرِّف .. وطبعا ممنوع يقول لها: (إيش أخَّرِك؟) والا يا ويلو .. وبعد ما يوصلها .. يستحيل يغتنم الفرصه ويروح هوَّ كمان لأصحابو إلين هي تخلص سهرتها .. (وَه! كيف تروح؟! ومين يقعد مع البزوره؟) .. والماكياج اللي حطتو للستات يتمسح نصو من الطريق .. والباقي بعد ما توصل البيت ... يعني الرجَّال ما يلحق يشوف مِنُّو شي.

وإذا بعد شهر أو شهر ونص جات لو عزيمه في زواج .... أو فكر يخرج ليله مع أصحابو .. وبلَّغها من بدري عشان ما ترتبط بموعد مع صاحباتها في نفس الليله وتخرب عليه .. (هو إنت ما تعرف تِقِر في البيت؟ كل ليله معزوم؟ شوفي يختي الراجل .. ما كإنُّو عندو بيت ولا بزوره)



لكن مع دا كُلُّو .. برضهم الستات أحيانا نحس إنهم غلبانين .. يمكن عشان قلبنا طيب!

اضرب للست هاي سلام مربع و معين و مسلس كمان

و الله انك كفو و من ظهر رجال و الله يرحم شيبان ربوك

و الله يا هي بردت خاطري ها المرة

صورة من غير تحية ل بن بخيت الله يكرمكم و لكل
انصار و مطالبين تحرير المرأة ...

اسعد الله ايامك اخوي على هذا الطرح الجميل ..

تقبل مروري اخي الكريم ... وردهورده

كل عام وانتم بخير
هذا اول
تسلم على الموضوع الروعة
هذا الثاني
ليش بعض الرجال لا يحب حقوق المراه عشان تستطيع الحين المراة وقوف امام الرجل
ممكن تنجاح في مجال العمل اكثر من الرجل
كان المراه تصبر على الرجل بسبب الضعف وعدم العلم لكن الحين مافي شئ اسمه رجل بس اوك
تقبل مروري
تحياتي و تقديري لك

الحمد لله الاسلام ضمن واعطى المراة كامل حقوقه ولم يهضمها شي



لكن يوجد من هم دعاة على ابواب جهنم اعذانا الله منها من يتكلم ويهذر ويدعي بان للمراة حقوق ظائعه اخرس الله اللسنتهم ورد كيدهم الى نحورهم فاالمراة في غنا عنهم وعن حقوقهم الوهميه

تسلم بنت الحجاز على كلامه الجميل والصريح ونعم ببنت عزوز
ومشكور على النقل

إقتباس وقف صاحبنا ، تحت شمس الرياض الحارقة و في صيف نجد اللاهب ، ينتظر دوره عند صراف أحد البنوك التي تمتاز بثقل الدم و الطينة و لو أن ذلك البنك رجلاً لأشفقنا على الأرض من تحمله. الحاصل أن صاحبنا طال انتظاره في طابور الجمعية ، آسف طابور ذلك الصراف التعيس ، و مما زاد من تعاسة أخينا في الله أنه اختار اليوم الذي تصطف فيه فلول المواطنين لاستلام "معاشاتهم" لإعطائها لشركات التقسيط ليذهب للصراف. ذلكم هو الخامس و العشرين من الشهر الهجري. المهم أن الشمس عملت عمايلها فحمّرت وجهه و شوت بشرته و أصبح لونه ضارب في الحمرة مشوباً بسواد ، سود الله وجه العدوين. و عندما أصبح قاب قوسين أو أدنى من الفرج و أصبح ذلك الصراف في متناول يده ، عندها اقتربت سيدةٌ تتهادى في مشيتها آتية من سيارة ليموزين قاصدة صوب ثقيل الدم الصراف. بطبيعة الحال لأننا لا نهتم بالمرأة و لا نحترمها ، كما يردد على أسماعنا من يسبح بحمد الغرب ، فإن صاحبنا و أرتال البشر من وراءه تراجعوا خمس خطواتٍ إلى الخلف ليسمحوا لصاحبة السمو أن تأخذ طريقها إلى الصراف. طبعاً السيدة نظرت لهم نظرة استنكار أن " ماذا تفعلون هنا تضايقون إماء الله". لا حول و لا قوة إلا بالله العلي العظيم . حكم القوي على الضعيف . دخلت المرأة إلى سيء الذكر الصراف مستمتعة بهواء المكيف المنعش و طابور التماسيح في الخارج يرددون " أتقلب على جمر الــ ... " . ثم تسمرت أختنا في الله أمام شاشة الصراف قرابة النصف ساعة و لا أحد يدري هل كانت تعد نقودها ، أم أنها ظنت أنها أمام صويحباتها تتبادل معهم أطايب الحديث ، أم أنها لا تعرف كيف تتعامل مع الصراف ، أم أن المحروسة أخذت على خاطرها لأن الصراف لم يختشي على دمه و خاطبها كذكر . لا أحد يدري فالناس في الخارج أصبحت الدقيقة كأنها يوم كامل بسبب الأجواء الجميلة التي ننعم بها.

إقتباس و قلت في نفسي اين من يشعل تلك الحرب .. فأنني ..أرى خلل الرماد وميض ناراً .. ويوشك ن يكون لها ضحايا

لو جينا للواقع .. فالمرأة حقّها مهضوم فعلاً من نواحي عِدَّة
وأولها.. حِرمانها من سواقة السيّارة ,

والحديث هنا ليس من جانب ديني بحكم ( عدم صلاحيتي للخوض في هذا الأمر )
مع أني املك الدليل والبراهين , لكن غير مسموح لي.

المهم ..

البعض يرى أن هناك مفسدة بحكم ان الشباب ممكن يطاردوها
طيب البنت أو الأم في بعض البيوت ( وهي كثيرة ) لا تجد من يوصلها غير السّائق
شخصياً أنا من النوع ( الغيور ) جداً على أهلي ومستحيل أخلي سائق يوصلها أو يوصل أختي

يمين بالله أعطيها مفتاحي وتروح وتجي ولا تروح تاكسي أو مع سائق .. ( قِمّة المهزلة )
المرأة الشريفة العفيفة ( المتربية ) بتقضي مشاويرها على ما يرام

وأعتقد مافي مبرر يمنع ذلك مع كامل تقديري للمختلفين معي .


أعرف بنت تروح لوحدها للجامعة ( مع السائق ) ويستغرق المشوار أكثر من ساعة
والرجعة كذلك .. بالله ما ينخاف عليها ؟؟

حرام اللي قاعد يصير , الأمر في قمة البساطة وحنا لا زلنا على الحلال والحرام
والله من كل قلبي أتمنى تعديل الأنظمة واللوائح وإتاحة الفرصة لهن .

الآلة أو المركبات ليست مقياس ( للشرف ) أصحوا يا عالم !!!!!!!!!!!!!!!!!!


وكاتبة هذه المقالة يبدو أنها ( شربت معسل ) على آخر الليل وأسهبت بعمق
للمرأة حقوق نعم , لكن هناك رجال لا يراعون حقوقها .. ولا ننسى أن المرأة في القديم
كان الرجال يعتبرونها مخلوق يُتشائم منه .. واليهود والنصارى كانوا يربطونها في حبل
ويجرونها بالحصان حتّى الموت .. وهذا كان قبل الإسلام .. فلمّا جاء الإسلام كرمها وعززها

ولا زال في مجتمعنا ( بعض أشباه الرجال ) يدلونها ويحتقرونها قاتلهم الله



تحياتي

^^^^^^^^^^^^^^^^^

لا تطلعنا من صلب الموضوع....الموضوع لتسليه فقط فاجعله كما اختاره واضعه

.
.
.



المقـال قـريته منذ فـترة .. ولا أخفيكم سراً أني انفقعت ضحكاً كما تنفقع "الكورة" عندما تتلقى تسديدة من قدمي الجمعان ..
\
كفانـا الله شركم يا حريّم ..
والله كل كلمة بهالمقال تكتب من ذهب من صحتها ^_^

إقتباس وأولها.. حِرمانها من سواقة السيّارة ,

أتحداك أمام الملأ .. أن تثني وتثـلث ..
.
.
.

إقتباس الرسالة الأصلية كتبت بواسطة الحربي2004 ^^^^^^^^^^^^^^^^^ لا تطلعنا من صلب الموضوع....الموضوع لتسليه فقط فاجعله كما اختاره واضعه

انت تامر أمر

كم معنا الحربي << خايف ينضرب

إقتباس ولا أخفيكم سراً أني انفقعت ضحكاً كما تنفقع "الكورة" عندما تتلقى تسديدة من قدمي الجمعان

هههههههههههههههههههههههههههههههههههههههههههههه

كلاك متعوب عليه ..

اوب اوب صااحي ياربيه من زمان ماضحكت زي هالضحك

الله يوسع صدرك بالعافيه

إقتباس ما يرفع ضغطي شَي زَي كلمة حقوق المرأة ..

انا اكتفي ..

ترى ضمايرنا معاطيش ..

,

’