|
نحن نحب الــنــعـيـمـه .. ولاكن لكل شيء حدود بسم الله الرحمن الرحيم السلام عليكم ورحمة الله وبركاته اخواني انا من كثر ما اقراء مواضيع عن الكابتن صالح النعيمه حسيت انه بطل قومي اخواني انا من محبين صالح النعيمه حتى قبل ان يولد بعضكم واعرف تاريخه الحافل بالانجازات سواء مع المنتخب او النادي هو وزملاء جيله ولاكن بهذه الطريقه انتم تشوهون تاريخ النعيمه ولاتخدموه وتقسون على من رافقه في تمثيل المنتخب واود ان اذكر بعض الاخوان الذين يطالبون بتكريم النعيمه لوحده ان هناك جيل كامل رافق النعيمه ويمكن يفوقه انجازات ولاكن لم يظهروا على القنوات ويشكون حالهم ويمكن بعضهم يمر بضروف اقسى واصعب منه واود ان اذكر البعض والفت نظرهم ان الكابتن صالح النعيمه اقيم له حفل اعتزال لم يعمل لواحد من جيله ويوجد شريط لهذه المناسبه ... والذين يطالبون بأنصاف صالح النعيمه فألاجدر ان يطالبوا بالمثل لجميع من مثل المنتخب مثل البيشي ، الحبشي ، النفيسه ، عبد الجواد ، الثنيان ، عبدالله صالح ، صالح خليفه ، ماجد ، الجمعان ، الهريفي ، والقــائمه تطول . وانا والله من محبين ابو اشواق ولاكن بعض الاعضاء يصفون الوطن بالجحود لمجرد ان النعيمه شكى حاله .... اعرف ان بعضكم لن يعجبه ماذكرت ولاكن اتمنى من يرغب في الرد يبتعد عن التجريح ،، ودمتم في حفظ الله |
مـــا اقــول الـلـى الله يـهديــكـ هـو ما قال هذا الـكـلام يـبي شـي من الحكومه لاكن الظلم اللى صار له هل يرضي احد عاقل و محايد |
بعرف ليه تلموون الهلال وأدارته الزعيم سوا له حفل أعتزال جاهـ مبلغ 5 مليوون ريال بحفل أعتزاله يعني اللوم مو على الهلال اللوم على الحكوومه |
كلامك صحيح ١٠٠٪ وانا كتبت عن هذا الموضوع لكن اكثر الناس يفكروا بعواطفهم من غير عقلانيه مع الاسف.. ويعطيك العافيه |
كلامكـ صحيحـ لكنـ النعيمهـ يتكلمـ عنـ الظلمـ اليـ صار لهـ فهمت..؟ عليهـ وانا اخوكـ هو ميايقولت عطونيـ فلوسـ هو يشكيـ منـ الظلمـ اليت واجههـ |
يكيفي انه قاد المنتخب 11 سنه والله انت النجم الحقيقي والله فتح عيوننا على اشياء ما ندري عنها |
اخوي افهم الموضوع ارجوك ,,,هو شكا من العقاب الظالم اللي صار له والجحود ونكران الجميل ولم يشتكي قلة الحيله ولم يطلب المساعدة من احد لا من الرئاسة ولا غيرها عزيز نفس ابو فهد |
فاهمين غلط ... النعيمه ما يقصد انه محتاج فلوس وعطوني فلوس.. القصد انه ظلم فالقرار ... وفيه ناس سووا اكثر من اللي سواه صالح ولا شفنا شطب مثل ما صار لصالح ... صالح ظلم والله يعيينه ويسهل عليه متى يجي الكرت الابيض بس :smilie47: |
يا خي احنا نقول ان النعيمة اهين اجل شطب ومنعة من دخول اي منشاة رياضية لية ؟؟؟ وغيرة تهجم وسوى واشر بالفلوس والرشوة الموسم اللي راح (رسالة الجوال) تصريح احد رؤساء الاندية يتهم منصور الاحمد بالرشوه على الهواء مباشرة ما شفنا شطب وخطب وحطب وقبلها النصر وفضايحة من عهد عبالرحمن بن سعود الى يومنا هذا والموسم اللي فات وقضية طلال المشعل اللي (مبزرة نازلين بعقل ) وبحضور فيصل افندي ما شفنا عقوبات الثنيان يتوقف سنتين هو والهريفي يرفع الايقاف عن الهريفي والثنيان يطقطق العقوبة كاملة الجمعان يوفق من الاتحاد السعودي عشان رفض تغيير وحصل بينة وبين مدربة سوء تفاهم وش دخل الاتحاد البنقلاديشي حقنا ايقاف خميس العويران سنتين كاملة وغيره ما يكمل نص المدرة ويرفع عنه الايقاف وغيرها وغيرها من الامور اللي لو اجلس يوم وانا اسردها ... ياخي هذي قلت حيا وتخلي اللي بعيد يتنرفز فما بالك بواحد مثل صالح عايش اللي صار هذا هو ما يقصد الناحية المادية كثر ما يقصد الناحية المعنويه والااهانة اللي تعرض لها وغيرة يسرح ويمرح ما يقال له شي كلمة اخير لو تصير عندنا انتخابات لترشيح رئيس للاتحاد السعودي افضل مرشح صالح النعيمة |
ياخوي احنا ما نقووول نبي حفل اعتزال له ولكن وقفه صادقه مع النعيمه بالدعم المالي او بوضيفه ياخوي هذا ضحى للوطن وكان قائد ومن حقه انه يفضفض ونحن معه |
كلامك صحيح وتسلم يديك مع تقديري لشخصية صالح النعيمة القيادية الا انه هو اللي ضيع نفسه بنفسه.. مايقول لنا وين 6 مليون اللي حصل عليها من مهرجان الاعتزال ايام كان ال6 مليون تساوي الحين 20 مليون مايقول وين السيارات؟ حتى الحاشي اللي قدم له هديه مع ونيت مانسيناه :) الوطن ياابو فهد هو من ادخل ابنك لكلية الملك خالد العسكرية والحين هو ضابط نفتخر فيه وانت تفتخر.. اما انك تقول انك شخص غير محبوب.. فالسبب واضح القضية مهوب علشان صراحتك لكنك ماتثمن كلامك وتتعصب لرأيك..وتقاتل من يخالفك الرأي.. العقلاني والمنطقي واللي يتكلم بدون عاطفة راح يقول نفس كلامي وكلام الاخ صاحب الموضوع.. ولو انا مسئول بالدولة منعته من تحلييل المبارايات..لأنه اثبت فشله مثل فشل ماجد عبدالله بالتحليل .. |
كل الشكر لمن مر على الموضوع وشارك برأيه وانا لا الوم صالح النعيمه وهذا حقه ولاكن الوم بعض الاقلام التي اخذت من البرنامج ماده دسمه لمواضيعها وبالنسبه للظلم والقرارت التعسفيه ضد الهلال ومنسوبيه امر اكاد اجزم بأنه عاده تعودنا عليها ونستغرب اذا جاء قرار منصف للهلال واخيرا زي مايقولون ( اختلاف الرأي لايفسد للود قضيه ) تحيااااااااتي |
الجيل الذهبي قبل هم اللي اشوفهم انظلموا كثير والله هذا وهم الجيل الذهبي الله يبرحم حالهم وبما أني هلالي بتكلم فقط عن صالح النعيمة ومالي علاقه بالبقية مستغرب اعلامنا وينه عن اللاعبين القدامى ليش يوم طلع بقناة ابو ظبي تعاطفنا معه المفروض من زمان بس بيض الله وجهه طلع الله بخاطره لازم نحتوي لاعبيننا ونفتخر فيهم |
مع احترمي ..للجميع ... شهاب 11 ....والله انت تبي تسوي سالفة ...وانت ما عندك سالفة انت تتكلم عن شي لا تعرفة .... لو علقت علىا موضوعك اكثر من كذا ؟؟؟؟؟ بصرااااحة احقد على نفسي ....بس قبل تكتب اي مو ضوع اتمنى تسئل من هو اعلم منك ....وليس اكبر ....؟؟؟؟ انت وييييييين وعالم الكرة وييييييييييين http://upload.alhilal.com/users/001/...080910-002.jpg |
صالح النعيمه استثناء من القاعده. |
| الوقت المعتمد في المنتدى بتوقيت جرينتش +3.
الوقت الان » 06:07 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd