ابجرحـــك واحذر تطيــب !! للجـــرح لـذة في الغياب .. - نادي الهلال السعودي - شبكة الزعيم

اليزابيث هيرلي · #1 12/09/2008, 04:16 AM

"بسم الله الرحمن الرحيم"

في أحدى الصباحات الجميلة وبينما كانت شقيقتي تقلب صفحات

مجلة " المختلف"

سألتها عما إذا كان العدد يحوي قصائد رائعة؟

فأجابتني :

((يعني , بس ما عاد فيه قصائد زي أول . قصائد اللي البيت الواحد منها يكفيك عن قصيدة كاملة ))

:
:

هنا فقط تذكرت دفاترنا التي كنا قد دونا فيها العديد من القصائد والأبيات منذ سنين

وكان المصدر الدائم لنا مجلة فواصل ومجلة المختلف .

ذهبت لإحضارها واستمتعت بقراءتها وكأنها المرة الأولى التي تقع عيناي عليها
ثم فكرت أن أكتب هنا, قليل مما تجود به تلك الدفاتر عله يرقى لذائقتكم .

:
:

بدري على غيرك يحـــل بمكانك ** الليـــل مايزهاه غير القمــــر وأنت
خـوفي عليك أكبر مواطن أمانك ** في خاطري لو هانوا الناس ماهنت

:
:

قال الوداع وقلت هذا مكاني ** والله لو طال الزمن ما اتعداه
إما إلى منه رجــــع له لقانـي ** وإلا يكفيــني مكانه وذكـــراه

:
:

وضحي لي ماقدرت اوصل لحل اقبله ؟ ..
وانت قلبك لي محطة .. والجروح مسافرين
أنا محتاجك ومالي غير دربك ارحله ..
والشموس اللي ضوتني في دروبك ماتبين ..
مشكلتنا ما توصلنا لحل المشكلة !!
لا قدرت انساك لحظة .. ماقدر قلبك يلين ..

:
:

من ظمــــا مايملا كفينه الســـــراب
تركض عيـــــونه وراء وهم بعيـــد ..
رحت ابشرب وانكسر كاس السحاب
في كفوف الشمــــس والقيظ الشديد ..

:
:

حقيقـــــــــة واقع
المسا بارد .. وجمرك مايدفي

والليالي سود.. ودروبي صعيبه

واقــــع حقيقــــــــة
الشتا قارس .. وقربك مايدفي
والليالي سود .. ودروبك مريبه

:
:

أنام الليل وألاقي نفسي أحلــــم بك
واتخيل اني معــــك وجالس قبالك ..
وتقول :
أنا أموت في قلبك ومعجـــب بك
واصحى وأنا أقول يا قلبي يتهيالك ..!!

:
:

ياليت غيرك عوض القلب طاريك
حتى وأنا في دربهم جيت بابــك !!
أثر الطـــــريق اللي بدا ينتهي فيك
يالحـــــب الأول كل حب يهابـــك ..

:
:

لاتحسب اني بالبعد بنسى غــــــلاك
لا والذي له النفـــــــــس مــــــردوده ..
دايم بوســــط الليل بالحـــلم ألقـــــاك
وياما تمنيت الحــــــلم تصدق شـهوده ..
أخشى عليك من البشر لا صرت وياك
وأخشى عليك من البشر ناس حسوده ..

:
:

ياواقف مثلـــي

للإنتظار غروب ..

يا أنت بك مثلي !

يا منتظر محبـــــوب !!

:
:

الورد ما يذبل جفــاف
الــــورد يذبل شـــــوق ..
لو في مواعديك ضفاف
ماصار حبك طـــــوق !!

:
:

أشوف لك من وين مارحت ذكــرى
لا شفتها صــــديت عنها ودنقت ..
ماكل "جـــــرح " لا خذا أيـام يبرى
بعض الجروح يزيد شرهه مع الوقت ..

:
:

كل ما قلت: الصبر مرسى الأماني

ضمني بحر التعب من كل صوب

وكل ما قلت: السما زرقا عشاني

طاحت الزرقة على راسي ذنوب

وكل ماقلت : الهوى أمني وأماني

سلمتني ظبيتي تيه الدروب

وكل ما قلت: الزمن ماهو زماني

اكتشفت اني على الوقت مغصوب

ضايعٍ ما بين ميلي واتزاني

تايهٍ بين المزايا والعيوب

ذابل بـ(وجه) السحايب والغواني

ذايب في حب قلبٍ ما يذوب

غاسلٍ وجهي على صبح الأماني

ناشرٍ همي على حبل الغروب

اختفي خلف الغموض من المعاني

واشتكي لـ (الدمع) ضحكات القلوب

واتصبر بـ (الشعر) ضيف المحاني

واتسلى بـ (الهروب) من الهروب

وأتشكل في السما طيرٍ أناني

مطمعه نيل أجنحه طلق الهبوب

لين الاقيني أو ألقى انسان ثاني

أو عسى الجنحان تكفير الذنوب

:
:

يا سيدي الغـــالي بغيب

بفارق الأرض الخــــراب

برقى إلى النجم الغريب

ما للصقور إلاّ السحاب ..

وابجرحك واحذر تطيب

للجرح لذة في الغياب !!

جفيت من كثر النحيب

واينعت من طول الغياب ..

سألت وينك .. مستريب!

جاوبت بدموعٍ عِذاب

حي الله الباكي النصيب

حي الله الدمع الجواب ,,

تبغى الحقيقة يا الحبيب

وياي حتى في الغـــياب ..

:
:

يا معذبي ما عاد لك في حاجة

ماني على خبرك سواليف ومزوح ..

جــــرح مع الايام يلقى عـــــــلاجه

وبعض الجروح علاجها نزعة الروح !!

:
:

ما بقى فيني ولا عنـــدي أمـــل

وأن نحيت الصبح بيديني رجف ..

الحكي نور .. وكلامك لي قتل

كل فجر في عيوني لك هتف ..

ماتت في قلبي عصافير وجمل

والمشاعر برد وعيونك خزف ..

قمت ألم اللي تحت رمشي نزل

من دفا وأيام وأحــلام وترف ..

ياخسارة حلم منقوش بدبل

مزنة ماها قبل يروي نشف ..

مامنعك عن قاسي احساسك خجل

وانكشف زيف المشـــاعر انكشف ..

ماهي كلمة انقالت بلحظة زعل

هذا هو فعلاً شعورك للأسف !!

:
:

أن غبت .. في قلبي إلى الموت موجود

طيفك معـــي في نزلتي وارتحـــــــــالي ..

أقبـــلت .. مثل اللي يبشــــر بمولود

وأقفيت .. مثل اللي يعـــــزي بغالي !!

:
:

كل الأماني لكم بحياة معطرة بأجمل احاسيس ليز