|
القوة هي من أرجعت ناصر الشمراني لناديه وليس الجوهر اعضاء منتدى الزعيم العالمي السلام عليكم ورحمة الله وبعد شاهدنا عودة المهاجم الدولي وهداف الدوري للعام الماضي ناصر الشمراني لفريقه وكيف كانت عودته للفريق حيث أكد زاجالو الجوهر بأنه لا يرغب بناصر الشمراني ويفضل فيصل السلطان عليه :razz: شيء لا يمكن تصديقه ولا يدخل العقل مدرب منتخب يتخلى عن هداف الدوري ويستعين بمهاجمين كانا أسوأ من في الموسم الماضي .. الجميع لا يعرف السبب الحقيقي لتخلي الجوهر عن ناصرالشمراني والسبب الحقيقي هو تدخل شخصية كبيرة بنادي الشباب وألزمت إدارة المنتخب بإرجاع المهاجم ناصر الشمراني لناديه حيث انه لو استمر مع المنتخب سيغيب 20 مباراة في الموسم القادم وسيؤدي غيابه إلى فراغ كبير في منطقة الهجوم الشبابي وانا من وجهة نظري أرى ان الشخصية التي تدخلت وأرجعت الشمراني معها كل الحق تماماً في إرجاع لاعب فريقه ولا يؤثر ارجاعه على الوطنية أو خلافه إلا إذا احتاجه المنتخب في مبارايات مهمة وليست معسكرات طويلة المدى فبأي وجه حق يحرم المنتخب النادي من لاعبيه ثلاث أرباع الموسم معسكرات طويلة لا فائدة منها شاهدنا آخر معسكر للمنتخب .. كان طويل ولكن لم يخرج بتلك النتائج المتأمل لها كانت لياقة اللاعبين ضعيفة والمستوى هزيل ولا يوجد تجانس الأندية الأوربية تمنع لاعبيها الدوليين المغادرة للمنتخب من أجل معسكر فقط للمبارايات المهمة أتمنى من الرئيس الهلالي الاستفادة من الشبابيين والتحرك قبل مجيء بطولة آسيا وقبل ان يقع الفأس بالرأس |
تبي الصراحة والله نقول احسن من غيرة س هداف الدوري السعودي كل اهدافة بلنيات بالله لو اقول عشر اهداف مو بلنتيات ممكن ابالغ فيها |
هلا فيك اخوي بدر :smilie47: بالفعل استغرب وبقوه من ناصر الجوهر عدم ضمه لناصر الشمراني ...ّ! فيصل السلطان نجم موهوب ولايختلف عليه اثنان لكن نحن بمنعطف خطير صعب تلعبه وهو لايملك برصيده اي مباره دوليه واستفاده المنتخب منه غير مضمونه لكن مثل ماقلت الاداره الشبابيه واعيه وتفكر بمستقبل فريقها المنتخب على العين والراس ولكن ليس كل المعسكرات لها فائده ..! واكبر مثال مونديال :) 2006 اعتقد لو كان هناك جائزه على افضل فريق عسكر فهو المنتخب بكل تأكيد :razz: الهلال امامه بطوله اسيويه مؤهله للمونديال ويمثلنا كسعوديين اتمنى من الاتحاد السعودي مراعاه ظروف نادي الهلال :yes: يكفي انهم ضيعو علينا بطولات اسيويه سابقه بسبب المنتخب |
اقول لاشخصية ولا غيرة اللاعب ما اقنع الجوهر وبيني وبينك السلطان افضل منة |
فيصل السلطان لاعب موهوب وينتظره مستقبل كبير لكن تنقصه الخبره فقط ناصر الشمراني من يوم كان مع الوحده انضم للمنتخب اكثر من مره ومع اكثر من مدرب وفي كل مره يعجز عن حجز موقع اساسي مع المنتخب ... لذلك استبعد صحه هذه النظريه مع احترامي لك |
الحين انت من جدك ان ناصر الشمراني هداف ترى كل اهدافه بلنتيات او كماتشو و عبدو عطيف يسحبون واذا جو للمرمى عطوه الكوره والله ما في راسه |
والله ناصر يلعب احسن من السلطان |
ماعليش يأخوان .. أختلف معاكم ثلاثة مدربين مروا على المنتخب : أنجوس + باكيتا + ناصر الجوهر ولا واحد فيهم ضم الشمراني أساسي الشمراني لاعب أقل من عادي وأنا أراهن على فيصل السلطان وعندي ثقة ان هاللاعب بيركن الذابح ومالك معاذ على الدكة لكن يحتاج وقت وثقة في النفس وصبر من الجمهور وبالنسبة للفرص اللي ضاعت عليه قدام ايران ,, لاتلومونه اول مباراة رسمية وقدام 60الف متفرج فيها نوع من الارتباك ,, كاد أن يحرقه الجوهر لكن اللاعب يمشي بخطوات ممتازة تقبل مروري |
المصــــــــــــــــدر أخوي |
الموضوع هذا يخص نادي الهلال وجمهوره ولا يخص المنتخب الهدف من هذا الموضوع هو رسالة إلى رئيس نادي الهلال سمو الأمير عبدالرحمن بن مساعد بوضع حد لتجاوزات الاتحاد السعودي ياليت من الاشراف قراءة الموضوع بشكل جيد وفهمه أكثر وعدم نقله الا بعد ما يفهم المغزى من الموضوع وشكراً |
السلطان ،، والشمراني ،،، مالك ،،، ياسر هذولي مهاجمين بس ســعد الحارثي اللي اعتقد مايدري وين الكورهـ فيه وجودهـ زي عدمــه هدف واحد من كورهـ جاهزهـ غير كذا ماسوى شيء ياليت ابو خالــد يعيد ترتيب أوراقهـ |
اقوول اهاآآ بــــس قال ايش قال شخصية كبيرة وبعدين لو انك صادقــ وين مصدركــ لكـــن .........؟؟! |
إقتباس:
هههههههههههههههههه يآحوبي لك ولكلآمك شكل مآلك بالكوٍره .. حبيبي مآلك معآذ متقآسم النجوٍميه مع يآسر بالسعوٍديه , اترك عنك الكلام بس . انتظرو يآسر ومآلك بالهجوٍم :) بعد جاهزيتهم تماما |
ياخوي قسم بالله كاني اشوف فلم هندي شخصيه كبيره مين تقصد اكبر شخصيه في الشباب خالد بن سلطان يعني تبي تقولي ان الامير خالد بن سلطان امر بارجاع الشمراني عشان مباريات الشباب يا اخي احترم عقولنا الله يرحم والديك قل خلاف مع ناصر الشمراني اصدق قل عدم اقتناع بمستوى الشمراني اصدق لكن تقول شخصيه كبيره وين جالسين فيه يا ابن الحلال وبعدين هالشخصية ليه ما اصبرت شوي على الاقل لين يلعب مباراة ايران والامارات اقول صم الله يرحم والديك وفكنا من هالاشاعات |
اجل سعد الحارثي افضل من الشمراني |
| الوقت المعتمد في المنتدى بتوقيت جرينتش +3.
الوقت الان » 10:51 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd