ماحد يختلف انه الاسطوره صالح النعيمه رجل خدم الهلال اولا ثم المنتخب ،،،، ورجالات الهلال وقت اعتزاله ما قصروا معاه وسووله مباراه اعتزال ضد نجوم العالم في وقتها وكرم (احسن) تكريم...لكن نادي الهلال او الاتحاد السعودي غير مسؤول عن تأمين سكن وسياره ووظيفه او دخل ثابت للاعب بعد الاعتزال... مجرد رأي

تقبلوا مروري

يعني لاعب له انجازات وهالانجازات لازم تشفع له بانه يطالب بشي

ياخي كذا ظلم ..

اوك لا تجيب له فندق ولا سياره .. بس ياخي عطه دخل شهري ..


حراااام نجم خدم الكورة السعوديه وفي الأخير ما عنده مرتب ..؟؟؟


بسبة أيش ..؟؟ لأجل : قال الحقيقه ... بصراحه قمة الظلم ..

كلامي بشكل عــــام لجميع اللاعبين ولا أخص لاعب بعينه


المفترض على اللاعب السعودي أنه يكون محصن نفسه بعد الله سبحانه وتعالى بشهادة أقل شئ جامعية

لأنه ممكن اللاعب يصاب في بداية حياته بدون أعتزال وتكون أصابته ( خروج نهائي ) لذلك لا بد على الجيل القادم مراعاة الشهادات قبل خوض الأحتراف

والأمثلة النموذجية كثيره ( منها فيصل أبو ثنين _ تركي العواد ) .... وهناك أمثلة على لعيبة لا يوجد لديهم شهادات ما زالوا يعانون من ضيق الحالة كــــ ( عبدالله سليمان ... وغيره )


والأتحاد السعودي والأندية ليست ملزمة بلاعبين أعتزلوا ........ لأن الأندية عندها مصاريف ثانية من تجديد عقود ورواتب لاعبين وغيرها


هذي وجهة نظري الخاصة .....

لاعب يشيل كأس امم الاسيويه
ومايستاهل ؟؟؟

والله يستاهل ونص

اتمنى ع الاقل يوضفونه في قناة اي ار تي الزعيم كمحلل

انا برايي يكون له دخل واي شي يطلبه لانه اكيد ترك دراسته او وظيفته (اتكلم بشكل عام) عشان النادي او المنتخب ,,

يعني ظحى من اجل النادي والمنتخب مايستاهل ان الأداره تلبي طلباته ؟؟؟

مشكوور اخوي وتقبل مروري ..

يخدم الاخضر 11 سنه ابوه مات وهو يلعب امه في العنايه المركزه وهو يلعب مكسور ومصاب

حتى سياره ماعنده؟!!
ياخي حراام

طيب انا ما ابيك توظفني يالاتحاد السعودي بس انك تمنعني انا ادخل ملعب وطني؟!!

أولاً حاس ان لك نك ثاني في الشبكة والدليل هذا النك قديم ولم تكتب فيه يعني حاطه كوجه آخر

ثانياً صالح النعيمة ولده يصرف عليه وعلى أهلة و زوجته .

ثالثاً إذا احد بيدعم لاعب فكثر الله خيرة إذا كان يستاهل .

رابعاً إذا تحتاج اي شي تراى حاضرين .

دمت سالم

أخوي الاتحاد السعودي مو بمسؤول ولكن نادي خدم وطنه وضحى كل هذه التضحيات لايستطيعون توفير وظيفه له وهو ذو خبره كااافيه...حرااااام..
مشكور يعطيك العاااااااااااافيه...
دمتم بخير....

تحيااااااااااااااااتي

النعيمه لم يفكر في المستقبل كان من الواجب عليه ان يدخر ماله و يأمن مستقبله بالشكل المناسب

فاللاعب كان يتقاضى راتبا عالي جدا و مكافآت ضخمه لذلك الغلط كله من اللاعب نفسه حتى لو كان أبو فهد الرجل المحبوب لدينا

لكن الآن ما دام الدعوه وصلت كذا من الواجب علينا أن نساعد هذا الرجل الشهم الذي خدم الرياضه السعوديه سنوات طويله

و الهلال هو أول المطالبين بدعم صالح النعيمه لأنه باختصار أحد أساطير هذا النادي العظيم


مشكور اخويـ على الطرح و لو أني اخالفك في وجهة نظرك ..!

تحياتيـــــ ,

السلام عليكم ورحمة الله وبركاته



احبائي


الأعبين القدمى امتعونا فقط فقط دون مردود مادي
ضحوا بكل شي بالوقت بالجسد بالروح بكل شي


اتمنى ان لكل لاعب دولي سابق ولبس فنالة المنتخب السعودي يستحق من الاتحاد السعودي لكرة القدم راتب مجزي لكي ينصرنا الله سبحانه فنحن نريد ان نرد جزاء بسيط نقطه في بحر ..



اتمنى ان نناقش الموضوع بكل حياديه

فى يوسف الثنيان و خالد مسعد و صالح النعيمه و ماجد عبدالله و فهد المهلل و محمد عبدالجواد و احمد جميل و محمد الخليوي وعبدالله الدعيع ....هم كثير كثير اتمنى ان توجد جمعيه تهتم بهم
اتمنى اتمنى اتمنى اتمنى

إقتباس الرسالة الأصلية كتبت بواسطة ملتقى جمهور تفاريس ياخي كذا ظلم .. اوك لا تجيب له فندق ولا سياره .. بس ياخي عطه دخل شهري .. حراااام نجم خدم الكورة السعوديه وفي الأخير ما عنده مرتب ..؟؟؟ بسبة أيش ..؟؟ لأجل : قال الحقيقه ... بصراحه قمة الظلم ..

والله اوافقك الراى ..

يعني لاعب خدم الكوره السعوديه 11 سنه ما يكرم لو بمبلغ بسيط والله حرام

بعد اللي سمعته من صالح عرفت ان الاتحاد السعودي لايرغب بمن هم من امثال صالح ....

ببساطه هم يريدون عبد مطيع ... يعني يسمع وينفذ ...