|
ماذا يحتاج منتخبنا للتأهل بسهوله !!! الموضوع قد يغضب البعض ولكن كتبته للمصلحه العامه فقط لاغير رأيتم اعزائي ما حصل في مباراة المنتخب هذا اليوم وسأقول لكم ما رأيته حسب وجهة نظري رأيت فريق لا يريد الفوز ولا يملك الروح التي تجبره على البحث عن الفوز رأيت فريق مفكك يملك حارس مرمى جيد فقط لاغير بمعنى ان لدينا حارس ولا يوجد دفاع ولا وسط ولا هجوم رأيت مدرب لا يستطيع اختيار تشكيله مناسبه لقيادة فريقه للفوز سأدخل في التفصيل .. الدفاع ظهير ايمن قليل الخبره ولا يجد مسانده من الوسط الايمن والمحور ظهير ايسر كسول وبطيء ولا يستطيع اللحاق باللاعب اذا تجاوزه قلبي دفاع هم الأسوأ في الدوري العام وضمهم هو اكبر وصمة عار في تاريخ كل شخص يعتقد انه رياضي ويفهم في الرياضه شيء نأتي لخط الوسط .. خالد عزيز اكاد اجزم انه من افضل 3 محاور في اكبر قاره في العالم ولكنه مزاااااااجي !!!! بمعنى يوم فوق ويوم تحت احمد عطيف << ليس شرط ان يكون اخو الموهوب موهباً مثله ارى ان المنتخب اكبر منك يا احمد ولكن لو كنت مكانك لقبّلت من ضمني للمنتخب كل يوم قبلتين ووالله ان المنتخب مليان لاعبي محور جيدين وكذلك الدوري وافضل من احمد عطيف كثيرا ولكن أين صاحب العين الخبيره !!!؟ لا يوجد اكيد عبده عطيف << أنت الاجمل دائما ولكن وضعت في غير مكانك عبده عطيف لاعب موهوب وصانع لعب نادر ولا يستطيع اللعب الا خلف المهاجمين او وسط ايمن خلفه ظهير قوي دفاعيا الشلهوب محمد << لم تكن في يوم من الأيام منذ بداية لعبك للكره قادر على اللعب خارج الدوري السعودي لأنك ضعيف جسمانيا ولا تستطيع الالتحام ولا تستطيع مساندة ظهيرك بمعنى انك لاعب زائد داخل الملعب في أغلب المباريات ولكن وجودك في نادي كبير كالهلال هو اللذي فتح لك باب الحظ والمنتخب سعد الحارثي وفيصل السلطان << لاعبي جبر الخواطر تم ضم سعد الحارثي للمنتخب لإرضاء جمهور النصر فقط لاغير ولولا اصابة ياسر ومالك لن نراه اساسيا اذا كان هناك مدرب خبير ويبحث عن الفوز فيصل السلطان << وجود عبده عطيف خلفك في نادي الشباب هو اللذي مهد لك الطريق للمنتخب ولا تملك من مقومات المهاجم الا السرعه فقط لاغير نعود للمدرب : ناصر الجوهر انت مثل اللي يتعلم الحلاقه في روس المجانين لا تملك والله ما يؤهلك لقيادة فريق درجه اولى في الدوري وليس المنتخب ولكن انت على قول الشاعر : من قام حظه باع له واشتراله = ومن طاح حظه لا شراله ولا باع سأعود للتغييرات ياسر القحطاني : وجودك مهم لأنك افضل لاعب سعودي بعد اعتزال الثنيان سعودي كريري < انت افضل بكثير من احمد عطيف ولكن لا ادري لماذا ابقاك المدرب بجانبه !! معجزة الكره السعوديه الجديد او ريبيري السعوديه ( احمد الفريدي ) بقائك في دكة الإحتياط والشلهوب داخل الملعب هي اكبر حماقه رأيتها في التاريخ الفريدي اذا اهتم في لياقته واكثر من التركيز داخل المباريات سيكون له شأن في الكره السعوديه واستطيع المراهنه على ذلك بإذن الله اعود للحديث عن العنوان يحتاج منتخبنا الوطني الى ... - رووح قتاليه - تشكيله مناسبه وذلك بالبحث عن افضل لاعبي المملكه الحقيقيين وليس افضل لاعبي الصحافه - لاعبين محترفين وذلك بتطبيق الاحتراف بحذافيره << هذي صعبه شوي ويبيلها موضوع مستقل - اتحاد سعودي قوي ومحنك وصاحب خبره - مدرب ذكي ويعرف ماذا يعمل - صحافه حياديه ولا تضخم الامور لأني متأكد بكره انهم بيطيرون المنتخب في السما والفوز بالبركه جا - جمهور يزيل عن عينه قناع الانديه ويضع قناع الوطنيه هذا ما يحتاجه المنتخب السعودي ليس ليصل لكأس العالم فقط ولكن لكي ينافس على مراكز متقدمه فيه زعيــــــــــــــــــــم المحللين |
ورى ماتروح .. لبرنامج الحلم على أبوظبي ترا يمدحونه ..!! |
ابي اسأل سؤال بعده برد على نقاطك وابيك ترد على سؤالي اذكر لي محور بارز غير اللي انظموا للمنتخب السعودي واتحدك تذكر لي واحد بس؟؟ |
إقتباس:
|
إقتباس:
الحلم ان أرى عقولا تبني ولا تهدم ولا تحتاج الى برنامج |
وش رايك تصير مسؤول بالاتحاد الآسيوي ..ولاتحلل مع يوسف خميس والحربي ؟ بصراحه اختلف معك بكثير من النقاط ظلمت احمد عطيف .. يااخي جب لي لاعب بمثل فنه وامكانياته انت تهجمت على لعييبة المنتخب ككل ماادري وش الهدف يعني ؟ وعلى قولتك خالد عزيز مزاجي يااخوي وش رايك نروح انا وانت ونجيب لعيبه حواري مب اصرف ! بالنسبه لقولتك كريري اصرف ياعزيزي كريري من زمان مالعب اساسي حتى مع فريقه احتياط يعني العبه ع حساب لاعب جاهز ؟ كلامك صراحه مايدخل العقـل مع احترامي لشخصك |
إقتباس:
سلطان البرقان افضل من محاور المنتخب جميعهم الا خالد عزيز !! اين هو ؟ |
إقتباس:
شفنا مستواه مع الهلال عادي جدا ولاعشان ميولك قلت سلطان البرقان ؟ |
إقتباس:
إقتباس:
بالنسبه للصيف لم اكن متابع للصحافه الرياضيه واقسم بالله العظيم لم اعلم انه معار للاتفاق الا منك الآآآن اما الميووول فكانت زرقااااء حتى اعتزل ابو يعقوووب وانا ابحث عن ضالتي في ياسر القحطاني الآن اتمنى ان يسلم من الاصابات والغروور |
إقتباس:
وما المانع يا عزيزي ان اكون مسؤولا في الاتحاد الاسيوي ؟ اكاد اقسم بالله العظيم ان هناك منهم في الاتحاد الاسيوي والسعودي لا يفقهوون في كرة القدم شيئا واذا تبي امثله جبت لك !!! اما يوسف خميس والحربي فهم مدربين وطنيين لديهم فكر وانا لدي فكر لا اعتقد انهم يزيدون عني بشي الا بالظهور الاعلامي واذا اختلفت معي في النقاط التي ذكرتها لا يعني انني على خطأ ولا يعني العكس لكلٍ فكره ورؤيته اما هجومي على لاعبي المنتخب والله من القهر اللي اشووفهم الواحد منهم كأنه يلعب تمرين ما يمثل وطنه واذا الحواري مو عاجبينك اقسم لك بالله العظيم ان في الحواري لاعبين افضل من كل لاعبي منتخبك الوطني !! وانت تقول كريري مصاب طيب ليه ما دخل عمر الغامدي محور من اول يوم لعب فيه في الهلال في الناشئين اما احمد عطيف فلا ينفع المنتخب بشئ وليس كفؤاً للمنتخب كما هم الكثيرين |
إقتباس:
|
إقتباس:
من جدك انت ولا تستهبل الحين تأكدت ان ماعندك سالفه ... واشوى اني ماناقشتك وشلون قيمة سلطان البرقان وهو البديل الرابع بنادي الهلال يعني بعد عبداللطيف الغنام والحين راح اعاره للأتفاق ولا لقى له مكان بعد ماصعد صالح الدوسري .. ماعندك سالفه ياخوي اجل محلل وماتابع كوره .. رح جمع حصى ياشيخ .. سلطان البرقان احسن من احمد عطيف وين اصرفها هذي اتحدك تلقى احد يتفق معك الا اذا كان مجنون |
انااتفق مع كل الاخوان انت مع احترامي لك ما تعرف تحلل ابد ونهائيا اولا / الدفاع اضعف شي ؟ ياخي مشكلة الكور العرضيه انحلت بالمرشدي صحيح قليل خبره وارضيا لك عليه لكن العالي كلها لك وانا احسبها لك 8 كور عاليه في الشوط الثاني بالاضافه الا 2 في الشوط الاول ؟؟ والثاني هوساوي وممتاز في المواجهه وحتى العمري ممتاز يا حبيبي والبحري برضو جيدا ويصلح ظهير يمين برضو وكان ممتاز في النصر في الدفاع ولا تنسى اني هلالي على فكره بس افكر بمنطق وعقل . ثانيا / المحاور وصحيح انه كريري ممتاز ويستفاد منه لطول قامته ولكن عزيز لا غنى عنه ابدا يكمل معاه دائما ويكفي انه في الهلال كان لوحده وماسك الهلال وهو ماسك المنتخب الله لا يضره وما عندك سالفة مره اخرى ومره ثالثه ورابعه ومليون مره وما تعرف كوره لان المشجعين كلهم يقولون نفس الكلام ومن مختلف الشرائح والميول ان عزيز متميز في المحور اما احمد عطيف هو الوحيد المميز في عملية المحور الهجومي للتقدم والرجوع يذكرنا بالطيب الذكر تيسير الجاسم ولكن تيسير مصاب حاليا ولا كان راجع للمنتخب لو تفهم كوره شوي كان تعرف في شي اسمه محور هجومي ومحور دفاعي لو تفهم اقول ؟؟؟ اما الوسط / الشلهوب موجود واللعب بالعقل وليس بالجسم وبرضو الفريدي بس يبيلها خبره وعبده فنان ولكن يكثر الفرفره ويسبب له احيانا قتل اللعب او احيانا إلا الاصابات من اللاعبين ومعروفين والهجوم دائما يحتاج لاعبين واحد سريع والثاني يكون ابط منه وكما هو معروف سابقا مالك معاذ والكاسر الاول سريع والثاني مهاري جدا والاول برضو مهاري وبما انه مصاب السلطان سريع والحارثي مهاري لحد ما ويحتاج للجراءه فقط الكاسر قناص من اسمه وبرضو لاعب الشهراني قناص من نوع خاص في النصر وهو المميز في النصر حاليا بسبب اقتناص الاهداف والشمراني ممتاز لسرعته لكن ينقصه امر مهم جدا وهو انه غير مفيد في غالب الامر لو تشاهد الدوري السعودي كان معه مارتنيز الشوط الاول وفي الشوط الثاني ناجي مجرشي ويعطي كور سهله لناصر وهو يسجل مو عن مهاره ؟؟ تبي تقولي المهم للمهاجم التسجيل ؟؟ طيب يا حبيبي لو الكوره مو مقشره ما يجيب قول يعني ؟ وفي التدريب والوديات تكشف هالامر ناهيك عن العصبيه لناصر بالمقابل السلطان كان مزعج حتى لو ما يجيب اقوال يسبب مشكله . هذا ردي كامل واتمنى اكون رديت على كل نقطه واعتذر للتطويل. |
اول شي انت مافي راسك كوووورة بالله عليك انت خليت كل المحاور وحطيت البرقان والله قوية وتتكلم على احمد عطيف والله حرام عليك اهم شي في اللاعب انه يسلم صح ويستلم صح وهذا الي يسويه احمد ماشالله عليه وانا اقولك ان احمد ماكان في الفورمة اليوم اما عبده هو افضل لاعب في المنتخب ومحمد الشلهوب بصراحة في افضل منه الي هو محمد نوور خلنا من الهلال والتعصب نحن نتكلم عن منتخب محمد نور افضل من محمد والفريدي اليوم ماقصر. وكلامك عن فيصل السلطان غلللط فيصل ماشاالله لاعب تلقاه في كل مكان واستقباله ممتاز ومهارته جيده اما سعد فابرد من ذا اللاعب ماشفت والحمدالله ان ياسر رجع عشان يفكنا من العلة سعد. وخلنا نتكلم عن الاظهرة كلامك عن حسين صحيح هو بصراحة لاعب غير مفيد لا في تغطية ولا في باصات ولا حتى قيادة بصراحة ان حسين اسوا لاعب في المنتخب ولكن عبدالله شهيل انا مااقول الا الله يحفظه لاعب يرجع ويتقدم صح . اما السناترة كانو جيدين لكن انا صراحة خايف من ماجد المرشدي لان ممكن يخربها في اي وقت انا اشوف ان احمد البحري وهوساوي يكونون افضل مع بعض واذا كان اسامة المولد موجود فيكون افضل . |
اقول لا تسوي علينا فاهم كوروة لاعبين المنتخب افضل لاعبين بالسعودية من تبي نلعب بالمنتخب انت اصلا مسوي فاهم وماتدري عن الكورة ناصر اجوهر من افضل المدربين واسامه هوساوي وماجد المرشدي افضل المدربين وتتكلم عن الشلهوب اجعلك ما تمر بظروفه اسمع بس لاتسوي فيها خبير كورة انت حتى تحليل مباراة حواري والله ما تظمنها وشرايك نظمك للرئتسة العامه بعد |
| الوقت المعتمد في المنتدى بتوقيت جرينتش +3.
الوقت الان » 02:34 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd