هالفوز ( زحلــــــــــــــطن) ومابغى يجي - نادي الهلال السعودي - شبكة الزعيم

ابو طـــــلال · #1 11/09/2008, 01:24 AM

احلى تحية ... لجمهــــــــــــور السعودية

كيف .. وليش .. ومتى .. وتحليل .. وفلسفه .. والمدرب غلط .. واللاعب الفلاني أخطاء .. كل هالأمور ماودي اخوض فيها .. ولاودي اعور روسكم بالكلام اللى ماله سنع ..

الثلاث نقاط وخذيناها ...

الفوز اللى يجي بهالطريقة يجلعني أكثر سعادة .. ( الفوز الإنقلابي ) اقدر اسميه .. يعني تصير مهزوم .. وقبل نهاية المباراة تقلب الطاوله .. تعال شف وجة المدرب والإحتياط .. ومنظر جمهور الخصم .. وصوت وتعليق قنوات الخصم

كلها تنعفس عفس ... وتسود إسوداد لامثيل له .. والفرحة اللى قبل خمس دقايق .. تقلب لعصبية .. وزعل .. ورمي ( ساعات ) يد >> لونها ذهبي

في هالمباريات اللى يكون فيها قلب للنتيجة .. تستمتع في مباراة من النوع ( الأكشن ) لأنك ماتدري وش تناظر وش تخلي ؟؟ انت تناظر جمهورك ومدي فرحتهم بإنتصارهم وفوزهم الغالي والمستحق .. وطرق تعبيرهم بالفوز ..

او صمت الجمهور صاحب الأرض واللى قلب من أهازيج وإستفزاز إلى وضعية ( الصامت ) من زر ضبطه ( عطيف ) وظغط الزر ( الفريدي )

او لاعبين أنهارت قواهم النفسية قبل اللياقيه كما يدّعون ....!

لاجاء وقت الجد .................... وند يقابل ند ...

الفوز السعودي هالمره له طعم وشكل ثاني .. خصوصا من خصم أصبح في السنوات الأخيرة ( عنيد ) وكل همه الفوز على المنتخب السعودي ... وكأنه يريد إثبات انه المنتخب المنافس للسعوديه في المنطقة ..

أعتقد بأن المنتخب الكويتي لايزال المنافس الحقيقي والند القوي للسعوديه حتى وان تعثر .. فلن يتأخر

لو تأهل المنتخب السعودي للمرة الخامسة فسيكون المنتخب العربي والإسلامي الوحيد الأكثر تأهل لكأس العالم ..؟! والله بطل

والمنافسة بعيدة ..

افرحوا ... وإستانسوا .. بعد صافرة الحكم ...

وفي زمن السباقات القديمه كانوا يقولون : قدم الخبل ... وإلحقة

وترى الفوز ( زحلطن ) يعني هالمرة جت سليمة .. لابد من تدارك الوضع في رسم الخطة والتبديل .. وأمور أخرى

اخوكم الصغير أبو طلال