((يوميات رمضانيه" 9")) 9\9\9 ان كان للتميز عنوان فهو (بلد الوليد )..!!
فكرة :: سندريلا الهلال اعداد ومتابعه :: هلالي من ارض اليمن و الهنوووف تصميم :: عسيريه لنا من كل عام شهر فضيل .. أعاده الله علينا وعليكم وجميع المسلمين بالخير واليمن والبركات وكل عام وانتم بخير **][يوميات رمضانية 1429 هـ ♥][ ** لقد عدنا اليكم .. تحملنا الاشواق للقياكم .. ونسعد ان نعيش معكم . . في سلسلة تحمل بين طياتها يوميات الأعضاء الرمضانية من كل عام ،،، هذه السلسلة أنتم أهل بيتها ونحن ضيوفا في حضرتكم ،،،
أهلا وسهلا بكم أحبتنا .. ودعونا نرحب سوية بالمضيف "التاسع" المتميز"بلد الوليد" لك يحكي لنا احداث يومه مع شهر رمضان المبارك ..
بسم الله الرحمن الرحيم
السلام عليكم ورحمة الله وبركاته لحجمي وتفوقي على اقراني وهيبتي بينكم , رأت الاداره الكريمه وضع يومياتي في تاريخ 9\9\1429 هـ فـ شكرا لمن يقدر الرجال
----> احس بيجيني تسفيل على ذا الكم كلمه
المهم والله أني مدري من وين ابدا يومي
اذا تبغون يوم الثلاثاء الي هو الحين فأنا نااااااااااايم من تسع الصباح وتوني قايم الحين الساعه 7 العشاء
خذو واحد من الأيام
عادتي في رمضان اني ارجع البيت بعد ما اصلي الفجر , اقرى قرآن شوي بعدين افتح النت .
ارجع البيت واجلس على النت غالباً الى الساعه 8 الصباح كذا .
انام لين يقول الله واكبر المغرب الله لايعاقبنا
افطر فطور خفيف كذا اربع كيسان فيمتو واروح اصلي المغرب , بعد ما ارجع يجي دور كلنا عيال قريه قبل نهايتها يكون العشا جاهز
عشا شوربه وسمبوسه وزي كذا عشا خفيف .
اشوف بيني وبينك واحيانا ما اشوفها اكون على النت
بعدين يبدا يومي الحقيقي الساعه 9 مساءً في اغلب الايام اكون توني طالع من التراويح ذا الوقت .
اشوف اهلي يبغون شي ولا اغراض والرد دايم يقول لبن وحليب وصامولي
جدي سواقه مسافر .. فأنا صاير السواق الرسمي له ذا الايام
اوصل جدي للي يبيه واخلص مشاوريه على الساعه 11 كذا ولاني مخلص
هنا يجي وقت الدشير اقصد الاخويا
بعطيكم وش سويت امس ..
دق علي واحد قال وينك ؟ قلت والله مع جدي الحين .
قال زين اول ماتخلص دق علي
قلت انا مابيك اول ما اخلص انت دق علي قال خلاص ياحمار اول ماتخلص دق وسكر
اخلاقهم سياحيه ذا الاخويا
خلصت ودقيت عليه .. هاه وينك ؟! والله في الشارع الفلاني تعال
رحت معه للشارع الفلاني وركبت معه بسيارته
ذاك اليوم كنت مخلص بدري من جدي جلسنا نشوف باب الحاره عندهم في البيت .
وحنا نشوف باب الحاره ويدق عليه واحد من اخوياه
يقول تعال بسسسسسسسرعه ودني الصيدليه رحنا ركض وشغلنا السياره بنشوف وش فيه
راح الصيدليه وشرا شامبو بانتين والله ما بغينا نرجعه من الصيدليه بس يحمد ربه بعد ماخلصنا من ابو صيدليه طلعنا فرفره بالشوارع
وكل شوي موقفين شايفين واحد نعرفه وجالسين نسولف معه
المهم انا طفشنا ذاك اليوم
مرينا واحد ورحنا كلنا الثلاثه جلسنا ببيت واحد .
كم قيم بلايستيشن وفلم صارت الساعه 2 تقريبا .
طلعنا قالو يالله بنتسحر ماك قلت اي ماك ؟! فرع الطبيشي ؟! مسكت معي ابي شاورما ذاك اليوم قلت والله مانروح الا شاورما
والله ونروح شاورما وناكل بعد ماطلعنا على الساعه 3 كان الجو حلوووو سكرنا المكيف ودجلسنا ندور فاتحين الشبابيك .
وحش في خلق الله وتقطيع وضحك
وشوية هواش في السياره عادي
دق علي واحد قال وينك ؟ قلت له كذا وكذا .. قال تعالو احنا ببرجر كنج بنتسحر بعدين نروح بيتنا قلت زين رحنا لهم وتسحرو واذن وحنا بالمطعم وكملنا سواليف لين طردونا بالغصب
ونطلع برا ونكمل سواليف لين اقام
صلينا وقالو يالله بنروح بيت واحد بنشوف فلم .
قلت الي يريحكم
طبعا ما امداني اوصل بيت الرجال الا والجوال يشتغل فيصل وينك فيصل ارجع فيصل لا تتأخر
رجعت البيت وجلست على النت الى الساعه 6 ونص تقريبا
دقيت على العيال قلت للحين مجتمعين ؟!
قالو ايه وفله وفلم ابن كلب وكلنا مجتمعين ما تحملت شغلت السياره ورحت لهم
جلسنا نشوف الفلم طبعا ماشفنا منه شي كله سواليف
الي ماسك جواله والي على اللاب توب
والي جالسين لحالهم بالزاويه يسولفون عن اشياء خاصه
والي مطلع جواله يخوي اخوياه المسجات والي ميت ينتظر مكالمه ---> موب انا
رجعت البيت على الساعه 9 مريت على محل لـ زين ابي اشوف ارقامهم
لقيتهم مسكرين وحاطين لوحه كبر روسكم لايوجد شرااااائح
وصلت البيت حطيت راسي ونمت طبعا كالعاده الى اذان المغرب
وينعاد اليوم مره ثانيه .
اسمحو لي والله كلكم .. زياده على ان يومي بايخ .. مزاجي وانا اكتبه زفت .
والأسلوب اليوم ماش لكم عليه .
ولافيني حيل والله اكتب ابد
لكن يكفيني ثقة المنتدى الاستشاري فيني واعطائي يوم من الجدول
اجل انا ابو قلق لي يوميات ؟! انا امشي بالبركه وش يومياته
ومن هذا المنبر انا اعلن التحدي في مسابقة الثعبان والسلم مدري وش اسمها فريق انا وهو بقيادة الملازم اول ابو ناصر
انا بس زيادة عدد
-------------
واعتبر يومياتي مشاركة وجدانيه
في أمان الله ورده
كل الشكر للمتميز**][ " بلد الوليد.♥][ ** وانتظرونا غداَ مع المـتميزة ريري هكتور
أرق التحايا وأطيبها من مشرفيي واستشاريي المجلس العام
من غير عنوان الموضوع
ترى العنوان الاصلي هو ((يوميات رمضانيه" 9")) بلد الوليد 999.. وللبثارة عنوان ..
بس الله يهديها الهنوووف ما طاوعها قلبها عارفه ان فيصلوه بثر ونشبة
وبعدين ماشاء الله يومية مثل ما توقعتها بثارة × بثارة
لا وكل الموضوع رقم 9
فيصل
بس الله يهديك شد حيلك شوي في العبادة وقراءة القران ...
من جد احس وقتك ضايع بقوة
دمت بخير وعافية ,,,
ارجع البيت واجلس على النت غالباً الى الساعه 8 الصباح كذا .
انام لين يقول الله واكبر المغرب الله لايعاقبنا
افطر فطور خفيف كذا اربع كيسان فيمتو واروح اصلي المغرب , بعد ما ارجع يجي دور كلنا عيال قريه قبل نهايتها يكون العشا جاهز
عشا شوربه وسمبوسه وزي كذا عشا خفيف .
اشوف بيني وبينك واحيانا ما اشوفها اكون على النت
نسخه من يوميات أخوي
لكنك اهون منه تقرا قرآن وتصلي أما هو الله يغفر له ويهديه
ماشاء الله عليكم ماتعبتوا من كثرالدوران بالشوارع
بس أحسدكم عايشين حياتكم بعيد عن قضبان المطبخ والطبخ والنفخ موب مثل البنات
لكن ماقول غير لنا الله
يوم مميز
يعطيك العافية ورده
إقتباس
وانتظرونا غداَ مع
المـتميزة ريري هكتور
أهلاً أهلاً ريري وأخيراً من زمان وأنا أنتظر هاليوم
ماتقضبون الارض 
الوضع العادي
