السلام عليييييييكم ورحمة الله وبركاته


أبدخل بالموضوع على طووول ..

هذا الله يسلمكم واحد بالايميل قال لي سالفة صااارت له وطلب رأيي ..


يقول قبل شهر تقريبا اتصلوا ناس على اهله وخطبوا وحدة

من خواته لكن المشكلة مااخطبوا الكبيرة لا خطبوا اللي أصغر منه

( تدرس بالجامعة ) .. يقول قالت امي لاابوي السالفه وعلى طوووول

قال لايقربوننا مانبيهم .. أنا قلت يمكن الرجال به عييييب ولا شي

قال لي لالا اعرررف الرجال من بعيييد وانه محتررررم ..

المهم قعدنا كل هاك الليله وحنا نحلل متى الواحد يرفض ومتى مايرفض

واللي طلعنا بوه انه اذا صارت الكبيرة راضية خلااااص وافق

واذا مب راضيه لاتوافق << أدري ماجبنا شي جديد

عااد طلعت برأسي أسئلة

الحين هالترتيب بالزواج ( للبنات ) موجود بعهد الرسول ؟؟ يعني موجود

قديم ولالا ؟؟

ووش الحكمة من الترتيب للبنات والعيال لا ؟؟ وأذكر واحد هنا بالمجلس

يقوول ان اخوه الصغير تزوج قبله وعاادي ..

واذكر مرة كد سمعت بالرادو مداخلات من بنات اللي يقولن عاادي واللي

يقولن مب عاادي ..

وللبنات لو كني انتي الكبيرة وجاء واحد لاأختك الصغيرة

توافقين وليييييش ؟؟

او ترفضين وبعد وراه ؟؟


وشكورن

حياك الله اخوي

المسألة لها جانبين : شرعي و تربوي وهما مرتبطين ببعضهما لكن ،،،

# لامانع شرعًا من تزويج الصغيرة قبل الكبيرة ،،،،،، هذا من حيث المبدأ .

# هناك مفاسد من تزويج الصغيرة قبل الكبيرة :
1 / النفس البشرية ضعيفة دائما ،، فستكون هناك ضغائن من الاخت الكبيرة تجاه الصغيرة ،،، حتى ولو لم تظهر ذلك .

2 / نظرة الناس لهذه الكبيرة ،،،،، لماذا لم تتزوج ،،،،،،، لابد ان هناك عيبا والا لتزوجت قبل اختها >>>> وهذا يحدث خصوصا لو تزوجت الصغيرة احد اقاربها .


والأمر يرجع الى المجتمع وعاداته ونظرته التي ينبغي ان لا تخالف الشرع

هي بين البنات بس , ولا العيال , أنا نسيبي أخوانه الأربعه الصغار كلهم تزوجوا وبعيالهم , وأكبر واحد إلى الحين ما تزوج .

بس إذا الكبيره عنست , فلازم يزوجون الصغيره , ولا بتعنس مع أختها , وهذي كلها عادات وتقاليد لابد من القضاء عليها .

هذا اللي في بالي لأن النوم يداهمني إذا جاء شيء براسي رجعت لكم

والله من ناحيت الشرع ما فيها شي
بس يمكن من ناحيت العادات لان اذا تزوجت الصغير قبل فاكيد الناس
يقلون ان الكبيره فيه عيب او. او ...الخ
فاعشان كذا يرفضون اكثر العوائل
^
^
وجه نظر

في البداية اشكرك على هااا الطرح والدعوه الى النقاش ........

انا قريت الموضوع وقريت عدة ردود ولكن لي مادخلة وتصحيح على بعض الاخوان << من وجهة نظري طبعا

في البداية المعروف الشرع لا يمانع من زواج الصغرى قبل البنت الكبرى <<< لكن انا من

وجهة نظري لا مانع من زواج الصغيرة قبل الكبيرة خصوصا اذا كانت الكبيرة على وجه العنوس

ولكن في مداخله من احد اخواني قال فيها انا اعرف شخصين واحد منهم معه شهادة ابتدائي والاخر

جامعي وكلاهما طلبت ابناهما الصغرى ولكل اخت صغرى اختان اكبر منهما وراعي شهادة

الابتدائي وافق والجامعي ما وافق<<< وكأنه من كلامه يقول صاحب الابتدائي كان افهم من

الجامعي وانا ضده فأختان ليست كمثل اخت الا في حاله ان الاختان في حاله عنوسه او ما شابه

وانا اعتبر الخطأ من الابتدائي الا بشرط ان توكن الاختان كبريتان وبعض الاخوان قال وش راح

تكون نظرة المجتمع للاخت الكبرى التي لم تتزوج<<<< هذا يدل ان مجتمعنا مجتمع لا عقل له

والبعض قال ان الاخت الكبرى تضع في نفسها وهذا يعود الى تربيه الاهل وقوة ترابط الاخوى

* نأسف على الاطاله

هلا اخوي يعطيك العــافيه

انــا بالنسبه لي مااحس انه الاب له علاقه بالموضوع
لانه الحــين البنت هي المخـيره تتزوج قبل اختها ولالا
بدليل انــه كثيــر بنات تزوجوا قبل خواتهم الكبار

بس انا بالنسبه ماتســوى اجرح خاطر اختي
علشــان> ولــد امــه <

الزوج بدال زوج بس اختــي مافيه احد يحل مكانها

بس احيــانا يكون الخطيب لؤطــه
الحل// انه تكــون بس خطبه ويستنى لين تتزوج اختي الكبيره
و حلينهـــا

انا ولد عمتي تزوج وعمي ماتزوج خخخ

ومشكله زواج الاخ والاخت الاصغر

اعتقد انها ليست صعبه بتلك الطريقه الي يعتقدها الاباء

جاها نصيبها ياخي خلها تشوف حياتها

والكبيره الله يزوجها ان جا نصيبها

غلط انك توقف بحياه شخص عشان ماتجرح احد ثاني

والله انا من وجهة نظري
اذا تزوجت الصغيره قبل الكبيره
ببتتعقد الكبيره حرااااااااااااام بتقول اكيد انا فيني عيب او نا مو حلووه او او او او او ....إلخ يعني بتوسوس كثييييييييييييييييير

تقبل مروري
Nada 20