المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 08/09/2008, 07:00 PM
زعيــم نشيــط
تاريخ التسجيل: 02/04/2003
مشاركات: 661
موبااايلي يكفي استغفال لا ايميل رديتو عليه ولامشكله حليتوها كفاية ضحك على الجمهور

بسم الرحمن الرحيم

تحيه طيبه للجميع ومبارك الشهر عليكم مع انها تاخرت كثير

موبايلي وما ادراك ماموبايلي عده مشاكل معاها مو مني فقط لكن الكثير من المشتركين تضرروا منها ومن سوء الخدمة الموجوده ،،، وضعف حلها .

وانا مشكلتي اخذ قيمه اشتراك بشكل يومي وسحب 12 ريال من غير اشتراك او طلب اشتراك وهي مشكلة الكثير ولكن لا حل ولا شيء لان كما يقولون عمك اصمخ

جانا العضو المنتدب حقهم في الشبكة سنترال موبايلي وحط لنا الموضوع التالي للاستفسار والمشاكل وارسلنا لهم على الايميلين ولكن ما حد رد للاسف

ايميل الملاحظات لـ موبايلي الهلال 611111

ومن المتضررين اناس اقسم بالله بالشهر الفضيل لاتربطني بهم علاقة ولا اعرفهم رايتهم بالصدفة من خلال ردهم على موضوع سنترالهم ومنهم

إقتباس
الرسالة الأصلية كتبت بواسطة فرعون الجنوب
الله لا يوفقكم ياموبايلي ، والله الاتصالات أحسن منكم ، ساحبين مني أكثر من 100 ريال على الفاضي ، اشتركت في قناة الدوريات الاروبية ، ولا ارسلوا لي شيء ، كل يوم ساحبين مني 12 ريال ، لي اسبوع على هذه الحالة ، وراسلتهم وكلمتهم على الفاضي ، والله ماستفدت شيء ، أنصح الي ما اشترك لا يشترك ، والي ماهو مصدق يجرب ، لو كان اشتراكك قديم يمكن تكون ماشية معك ، اما لو كان جديد ياويلك ..

طيب على الاقل الغوا الخدمة لي ، الغوا نزيف 12 ريال كل يوم قهر ..

وهناك اخرون ارهقتهم سوء الخدمة مثل
إقتباس
الرسالة الأصلية كتبت بواسطة بو خالد
كنت مشترك في الاتصالات السعوديه كلنا كنا مشتركين


اتحدى من يقول ان خدمة موبالي في اخبار الهلال مثل صله او الاتصالات السعوديه


اول بصراحه كانت الخدمه من حيث المعلومات افضل بكثير

وهذا رد من احد الاخوان المتضررين على موضوع سنترالهم
إقتباس
الرسالة الأصلية كتبت بواسطة أمير روما
والله من الصدق يا سنترال موبايلي ,, تقول ان الايميلات مراقبة على مدار الساعة وانا صار لي اكثر من 24 ساعة مرسل ,, ولا احد رد علي ,, ولا حليتوا مشكلتي ,,

بصراحة بدأت افكر في العودة للإتصالات ,, واتمنى ان يعود الهلال لها ...

وغيرهم من اللي ردوا على سنترالهم ولا جاب لهم خبر لامتداد مسلسل الضحك على الذقون
إقتباس
الرسالة الأصلية كتبت بواسطة الـــديـــم
راح انتظر موضوع آخر يكون امتداد لهذا اموضوع
وكله بس تصريف وتضييع وقت !!

الموضوع السابق ارسلت لك شكواي على الخاص
ولا استفتد اي شي كل مماطلة

حسبي الله ونعم الوكيل ..

وهذا رد احد الاخوان وتعقيب على احد الردود

إقتباس
الرسالة الأصلية كتبت بواسطة الـــديـــم
أخي أمير روما
على بلاطه اغسل يدك منهم
الموضوع اللي راح يقول ارسلوا على الخاص
ارسلت مشكلتي ولا ردوا علي وما اظنهم يردون السالفة مماطلة
والموضوع هذا حاطين ايميلات
بكره يكتشفون طريقة تظليل جديدة ويحطونها هنا
ويقولون امتدادا لموضوعنا السابق

حسبي الله ونعم الوكيل

إقتباس
الرسالة الأصلية كتبت بواسطة ولد السهول
ممكن احد يرسل لهم هذي

لاني ماعرفت ارسل

مدري وش المشكله




يا اخوان الخدمه رديئه لابعد الحدود

حنا توقعنا الافضل لكن بكل اسف مافيه تطور..!!


مثلا عندكم انا مشترك بالرياضه السعوديه كانت ماتجيني النتايج اول باول

والحين مشاركات الانديه السعوديه في بطولة الخليج
ماجاني اي رساله بالنتائج او مواعيد المباريات

وكذلك مواعيد مباريات المنتخب السعودي بنفس اليوم



واحيان اشترك واكرر الاشتراك بقناة بس مايجيني رسايل..!!


مثل الرياضه العالميه وكل يوم رساله توصلني
لقد تم تجديد اشتراكك مع انه مايوصل ولا رساله!!!!



في الاخير

اتمنى تقدير الجماهير الهلاليه ولو بالقليل مقابل صبرها وتحملها على رداءة الخدمه والتاخير لعيون الهلال


لكن لك شي حدود والمنافسين كثير وخصوصا من الاتصالات ومواقع انترنت

وحنا نبي الهلال يستفيد من خلالكم


ارجوا ان اجد منكم تجاوب


ولكم جزيل الشكر وبالتوفيق للجميع



كل هؤلاء تضررو ولكن اين الحل والله مافيه حل لان ليس لديهم اي حل للاسف

اه بس اه يالاتصالات ،،
انا قررت الاشتراك بجوال يوسف الثنيان بصراحة اخباره اسرع وافضل ومن ناحية دعم الهلال ابشترك بالعضوية السنوية وافتك ولا اربح موبايلي ريال الله لايوفقهم
اضافة رد مع اقتباس
  #2  
قديم 08/09/2008, 07:32 PM
الصورة الرمزية الخاصة بـ أنين الشوق
زعيــم فعــال
تاريخ التسجيل: 23/06/2005
المكان: الظهـران
مشاركات: 434
والله انك صادق

انا اشتركت في قناة الدوريات الاروبية
وراسلوا لي تم تفعيل الخدمة و كل شهر ساحبين مني 12 ريال
واساسا ماتفعلت الخدمة!!

تخيل من طلع موبايل الهلال وانا مشترك فيها ولاجتني ولا رساله منهم!!

ماتفعلت الا القناة الشاملة بس!!

الصراحة مادرري وش الحل

للمعلومية انا ارسلت لسنترال موبايلي مشكلتي من يوم حطوا الموضوع
والى الحين ما صار شي!!
اضافة رد مع اقتباس
  #3  
قديم 08/09/2008, 07:51 PM
الصورة الرمزية الخاصة بـ Abdullah_99
زعيــم متألــق
تاريخ التسجيل: 24/06/2007
المكان: الريــــــKsAــــآض
مشاركات: 1,391
اي والله .. ما ردوا على أي شي ..

أذكر قالوا ارسلوا لـ سنترال موبايلي رسالة شخصية .. ارسلت ولا فاد ..!!

وقالوا ارسلوا للايميل .. ارسلت ولا جا منهم ولا رد ..!!

قسم بالله حرامية ..!!

ولا رسلة تجيني .. أنا مشترك في قناة الهلال والدوريات العالمية .. !

ما تجيني ولا رسالة .!!

اللي ما اشترك .. لا يشترك ..!!

نصيحة ..!!
اضافة رد مع اقتباس
  #4  
قديم 08/09/2008, 08:20 PM
زعيــم مميــز
تاريخ التسجيل: 14/09/2005
المكان: جــــــــــــدة
مشاركات: 5,511
ابي اعرف وش لكم في الاشياء البايخة الي مشتركين فيها

اذا عندك فلوووووس زايدة روح تصدق فيها تنفعك في اخرتك

قال الاتصالات قال

اول في الاتصالات ادفع الفاتورة 1200 ريال والحين في موبايلي ماتتعدى 500 ريال

قال اتصالات قال

ماقول الا ............. موبايلي عالم من اختياري
اضافة رد مع اقتباس
  #5  
قديم 08/09/2008, 08:23 PM
زعيــم نشيــط
تاريخ التسجيل: 02/04/2003
مشاركات: 661
إقتباس
الرسالة الأصلية كتبت بواسطة طويرق
جعلهم يفصلونة عنك هذه منتدى الجمهور الهلالي مو مشاكل موبايلي


فالك القفل

فالي القفل اول شيء جزاك الله خير

ثاني ليه ينقفل موضوعي وموضوع سنترال موبايلي مثبت وجالس يخدع في العالم المسكينه

اخوي اتمنى انك تتحسس مشكلة زملائك ومشجعين ناديك وان تقف معهم وان لاتقف ضدهم سامحك الخالق
اضافة رد مع اقتباس
  #6  
قديم 08/09/2008, 08:24 PM
زعيــم متألــق
تاريخ التسجيل: 01/03/2005
المكان: الرياض
مشاركات: 1,100
ههههههههههههههههه
ماسمعتو الامثال اللى تقول
مالك اللى خشمك ولو انه عوج
والمثل الثاني اللى يقول :
خلق على قردك لا يجيك اقرد منه
والمعني فى بطن الحكيم
اضافة رد مع اقتباس
  #7  
قديم 08/09/2008, 08:25 PM
زعيــم نشيــط
تاريخ التسجيل: 02/04/2003
مشاركات: 661
إقتباس
الرسالة الأصلية كتبت بواسطة بلو هارت
ابي اعرف وش لكم في الاشياء البايخة الي مشتركين فيها

اذا عندك فلوووووس زايدة روح تصدق فيها تنفعك في اخرتك

قال الاتصالات قال

اول في الاتصالات ادفع الفاتورة 1200 ريال والحين في موبايلي ماتتدعى 500 ريال

قال اتصالات قال

ماقول الا ............. موبايلي عالم من اختياري

الناس هنا تتكلم عن مشكلة موبايلي مع اشتراك موابايلي الهلال وجمهوره

اما من ناحية الاتصالات وموبايلي هذا موضوع اخر
اضافة رد مع اقتباس
  #8  
قديم 08/09/2008, 08:27 PM
زعيــم نشيــط
تاريخ التسجيل: 02/04/2003
مشاركات: 661
إقتباس
الرسالة الأصلية كتبت بواسطة أنين الشوق
والله انك صادق

انا اشتركت في قناة الدوريات الاروبية
وراسلوا لي تم تفعيل الخدمة و كل شهر ساحبين مني 12 ريال
واساسا ماتفعلت الخدمة!!

تخيل من طلع موبايل الهلال وانا مشترك فيها ولاجتني ولا رساله منهم!!

ماتفعلت الا القناة الشاملة بس!!

الصراحة مادرري وش الحل

للمعلومية انا ارسلت لسنترال موبايلي مشكلتي من يوم حطوا الموضوع
والى الحين ما صار شي!!



إقتباس
الرسالة الأصلية كتبت بواسطة الـــتـــا(14)يـــب
اي والله .. ما ردوا على أي شي ..

أذكر قالوا ارسلوا لـ سنترال موبايلي رسالة شخصية .. ارسلت ولا فاد ..!!

وقالوا ارسلوا للايميل .. ارسلت ولا جا منهم ولا رد ..!!

قسم بالله حرامية ..!!

ولا رسلة تجيني .. أنا مشترك في قناة الهلال والدوريات العالمية .. !

ما تجيني ولا رسالة .!!

اللي ما اشترك .. لا يشترك ..!!

نصيحة ..!!


الله يعينكم يااااااااااااااااااااااااااااااااااااااااااارب وانا معاكم والمخدوعين مثلنا كثيررررررررر
اضافة رد مع اقتباس
  #9  
قديم 08/09/2008, 08:33 PM
زعيــم مميــز
تاريخ التسجيل: 14/09/2005
المكان: جــــــــــــدة
مشاركات: 5,511
إقتباس
الرسالة الأصلية كتبت بواسطة القرصان الأزرق
الناس هنا تتكلم عن مشكلة موبايلي مع اشتراك موابايلي الهلال وجمهوره

اما من ناحية الاتصالات وموبايلي هذا موضوع اخر

انت راح ترد على نفسك


إقتباس
الرسالة الأصلية كتبت بواسطة القرصان الأزرق
اه بس اه يالاتصالات ،،

اضافة رد مع اقتباس
  #10  
قديم 08/09/2008, 08:33 PM
زعيــم متواصــل
تاريخ التسجيل: 14/04/2007
مشاركات: 152
اخوي الله يعينكم ويخلص مشاكلكم

انا مشرترك لي اكثر من سنة مع موبايلي

وشفت فرق بالسعر ولا لاحظت عليهم شيء غير الــ8 ساعات اللي انقطعت فيها الكيابل




وصراحة حراام يحطون موضوه مثبت ولا احد يرد عليك

هذي تسمى قمة الوقاحة
اضافة رد مع اقتباس
  #11  
قديم 08/09/2008, 08:36 PM
الصورة الرمزية الخاصة بـ BmB&Mj
موقوف
تاريخ التسجيل: 09/03/2007
المكان: Corvallis,OR
مشاركات: 1,045
والله موبايلي اول مافتحت كانت عال العال و100%

بعد ما شافت ان المشتركين زادو وحققو مرادهم .. قامو يسلبو وينصبو على الناس


انا مشكلتي معاهم كانت مشكله وحده .. ومن بعدها حولت لـ زين

صارلي شهر احاول ارفع الحد الإئتماني حقي ويقولولي سدد مبلغ رمزي .. رحت سددت المبالغ الي على حسابي لقيتها 150 .. وكلمتهم قلت لهم رجعولي الخدمه و أرفعو الحد الإئتماني

واليوم الثاني ارسلو لي رساله يقلي انت على وشك تجاوز الحد الإئتماني 200 ريال !!


ارجع اكلمهم ابغاهم يرفعوه .. اضغط رقم 9 على اساس اكلم الموظف.. يرجع يعيد لي القائمه الرئيسيه !!
اضافة رد مع اقتباس
  #12  
قديم 08/09/2008, 08:43 PM
الصورة الرمزية الخاصة بـ ابراهيم بن فهد
زعيــم مميــز
تاريخ التسجيل: 30/05/2007
المكان: ولگ المحَامدُ كُلها يا عظيمَ السّخايا :" !
مشاركات: 3,849
اغسل يدك اذا ردووو غليك

والله ان خدمة جوااال الهلال افضل منهااا بكثير
اضافة رد مع اقتباس
  #13  
قديم 08/09/2008, 09:32 PM
زعيــم متواصــل
تاريخ التسجيل: 17/04/2006
مشاركات: 160
أخوي القرصان الأزرق ولا يهونون أخواني الزعماء .. السلام عليكم ورحمة الله وبركاته ..

بالبداية أحب أذكرك وأذكر الجماهير الهلالية بالسنة السوداء التي كان فيها الهلال شريكاً لشركة (استحلت) الإحتيال على عامة الناس .. واستغلت احتكارها لخدمة الجوال فيما يضر العامة .. حتى استحقت وبجدارة لقب (شركة الإحتيالات) .. تلك السنة السوداء التي لم يحصد فيها الهلال بطولة واحدة .. ولم يحصل من تلك الشركة سوا (وعوداً) بالدعم !!

...

فيما يختص بموبايلي .. انا عميل لموبايلي من بداية شراكتها مع الهلال .. وكل اللي شفته منها هو ساعات مكالمات مجانية بحال فوز الهلال .. نقاط إضافية تستبدلها باللي تبي .. وخدمات كثيرة لا تحضرني حالياً .. ولكن يحضرني الآن وبشدة سرعة رد الموظفين ولباقتهم .. بالعكس تماما عن شركة الإتصالات اللي يرد عليك الموظف كنك تطلبه سلف ..

وبالنسبة لموضوعك .. وإحتجاجك على (سنترال موبايلي) أنه مايرد على الإيميلات .. هنا اسألك وأسأل كل الأعضاء المحتجين .. هل هذه العبارة أدناه تفهم منها ان اللي يبي يقرا رسالتك يبي يرد عليك؟؟؟؟؟

إقتباس
الرسالة الأصلية كتبت بواسطة سنترال موبايلي
لذا يأمل المشرفون على موبايلي الهلال بارسالكم لكل المقترحات والملاحظات ليتم أخذها بعبن الاعتبار
علما بأن هذه الايميلات يراقبها مشرفون على مدار الساعة



اللي قريته .. فهمت منه ان فيه وعود ان الإيميلات تُقرأ .. مهوب ينرد عليها!! ..

يشهد الله علي اني ما استلم من موبايلي ولا ريال .. ولا أعرف أحد في موبايلي وتدفعني معرفتي فيه بمساندة الشركة .. أبدا .. انا مجرد هلالي .. عميل لموبايلي لأنها شريك للزعيم الهلالي .. ويكفيني اني اكحل عيني كل يوم بشوارع الرياض إذا شفت إعلانات موبايلي الهلال والموج الأزرق .. وهي بالفعل دعاية للهلال .. لها آثارها النفسية الإيجابية على جميع الهلاليين ..

أتمنى اني وضحت لك وجهة نظري ..
اضافة رد مع اقتباس
  #14  
قديم 08/09/2008, 09:40 PM
زعيــم نشيــط
تاريخ التسجيل: 07/08/2006
مشاركات: 607
والله كل شركه وفيها مشاكل

ومشكلتي مع موبايلي : انا اشتركت في موبايلي الهلال اول ما نزلت الخدمه وكان اول

شهر مجاني لكن يوم صدرت الفاتوره اتفاجأ بمبلغ 165 ريال مضاف في الفاتوره وبعد ما

استفسرت عن المبلغ قال لي الموظف انها لموبايلي الهلال!!!
اضافة رد مع اقتباس
  #15  
قديم 08/09/2008, 09:44 PM
زعيــم مميــز
تاريخ التسجيل: 15/02/2005
المكان: Jeddah
مشاركات: 1,623
يـآخوي انا مشترك فيهـآ وكل شهر ياخذ من حسـآبك 12 ريال فقط

وش اللي كل يوم

!!
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:42 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube