نادي الهلال السعودي - شبكة الزعيم - الموقع الرسمي - لا تزال التغطيه مستمره !!! مواقف واحداث !!

السلام عليكم ورحمة الله وبركاته ..

اعزائي الزعماء الف مبروك على البطوله ويسرني ان اسرد :D لكم بعض الاحداث والمواقف التي مر بها فريق تغطية المباراة النهائيه انا و( المدهر) :D عاشق الثنيان 15 !!

** تم دخول الملعب من الساعه السادسه وكان في انتظارنا ( المدهر الاخر) ابراهيم الفريان والذي اصر على استقبالنا خارج الملعب والدخول معنا الى المنصه !!!

** كان هناك تشديد امنى بعدم دخول كاميرات او اجهزة تسجيل مالم يكن اصحابها يحملون بطاقة اعلاميين صادره من رعاية الشباب !! الا ان متابعة سمو الامير بندر بن ثامر بالهاتف الجوال ازالت كل العوائق !!!!!

** اخذنا اماكننا في المنصه !! في السادسه والنصف تقريبا وبعد دقائق وصل الامير الشاب طلال الفيصل عضو الشرف الاهلاوي المعروف وكان يرتدي شعار الاهلي واخذ مكانه بجوار اعضاء شبكة الزعيم .

** من غرائب الصدف انه وفور وصولنا جلسنا بجوار شخص لم نكن نعرفه ولا يعرفنا ولكنه اتصل على هاتف عاشق الثنيان وقال اين انتم ؟ هل تريدون مساعده ؟ انا الصوت الهلالي !!!!! ( عضو في شبكة الزعيم) !! اكتشفنا ان الشخص يتكلم من المقاعد الموجوده امامنا مباشرة !!! وقد كان الموقف طريفا والاثنان يتحدثان بالهاتف والمسافه بينهما لاتتعدى نصف متر !!!:D

** سلمنا على سموالامير طلال واخذنا معه لقاء مطول ستشاهدونه قريبا تحدث فيه عن شبكة الزعيم ومواضيع اخرى !!

** كان سمو الامير طلال قمة في التواضع وصاحب شخصية مرحه !! ولا تفارقه الابتسامه !!

** وصل شخصان واخذا اماكنهما بجانبي ( على يميني ) مباشرة !! الأول بعضلات والثاني عادي وبصراحه خفت شوي :D !! وخفت اكثر يوم سألني ابو عضل انتو مين ومسوي كذا :mad: بوجهه فيني !!! :D :D !!! قلت له على طول وبدون تردد شبكة الزعيم !!!! قال هلا فيكم انا ابو لما!!!!!!!!!!! وهذا بريمان !!!!!!!!!:D :D بصراحه فرمني !!!!

** ابو لما كان شايل معه شعارات واعلام بتغطي استاد الملك فهد من فوق:D يعني اكبر من العلم اللي شفتوه بالملعب :D :D وحط شعار الهلال على كتف سمو الامير طلال !!!

** لو نصف مشجعى الهلال مثل ابو لما بالحماس (ما شاء الله عليه) لفاز الهلال ببطولة كأس العالم القادمه !!!!!

** كان هناك خطأ مطبعي في العلم اللي شفتوه بالملعب وكان المفروض مكتوب عليه (مبروك للنادي الاهلي كأس ولي العهد ) ولكن قبل المباره تم ازالة هذه الجمله بسبب الخطأ المطبعي ولن تشاهدوها الا في صورة العلم في موضوع عاشق الثنيان 15 الجزء الاول !!!

** كان من ضمن المتواجدين ايضا العضو Y2K وبعدين اختفى !! في ظروف غامضه!!! :D

** المباراه شفتوها واحداثها كانت مثيره !!! الا ان الملفت للانتباه بعض من جمهور صباح التقطتها عدسة :D شبكة الزعيم !!! ولكون هناك شخص متخصص في كشف جمهور صباح فاننا سوف نقوم بارسال الصوره له ليضعها في موضوع خاص ويعلق عليها بنفسه لاننا لا نريد التعدي على حقوق الاخرين !!:D :D :D هذا الشخص مسكين وعلى نياته ولا هوب قاهر احد !!:D :D :D

** بعد ان اعلن الحكم صافرة النهايه كان الوضع طبيعيا على وجوه واعضاء فريق الهلال ولم نر سباق ال 100 متر وقفز الحواجز التي نراها عندما يفوز فريق اخر غير الزعيم !!!! ما فيه جديد !!! بطوله !! وش يعني :D :D :D :D

** الامير بندر بن ثامر !!! طول الوقت على اتصال مع عاشق الثنيان على شان يتأكد ان الامور ماشيه تمام !!! شكله ما استمتع بالمباراه لا هو ولا عاشق الثنيان !!! لكن اقول لهم اليوم خميس وفيه جهاز صنعوه اليابانيين يسمونه الفيديو !!! :D :D :D

** الأمير نواف بن محمد ( يعطيه العافيه) تواضع واخلاق وصاحب مواقف !! فرغم وجود افراد الحرس الملكي امام بوابة غرف تغيير الملابس وعدم سماحهم لاي شخص بالدخول ( وتعرفونهم قشران شوي!! ) الا ان سمو الامير اخذنا امامه وادخلنا ثم عاد وادخل فريق الاوربت !!!

** يوسف الثنيان خرج مع الباب الخارجي الى الباص واختفى خلف الباص وكأنه ينتظر احد شوي الا فيه واحد مار ويناديه الثنيان يامحمد عبده !!! يا محمد عبده !! ولكن الشخص اللي شفنا كان طويل ومعطينا ظهره !! ويوم سمع اسمه التفت !!! تخيلوا طلع مين !!! محمد الخوجلي !!!!!:D :D :D

** سامي الجابر لم يركب الباص وركب في سياره فورد وينتظر واحد يركب معه !! وازعج العالم بالبوري !!! جاء وليد الحكير وركب معهم وحطوا رجولهم !!!!:D :D الى جهة غير معلومه !!!

** عدنا للمنزل وطول اليوم كنت بالعمل ولا تغديت !!! وعاشق الثنيان ما تغدى بعد !! وجينا البيت عزمته للعشاء وقال مستعجل باروح انزل الصور مالي نفس بالعشاء فيه عسكريييييم؟؟؟؟؟؟!!!!!!:D :D :D

** سوف اترككم لتفرحوا بالبطوله وتحتفلوا وسيصلكم المزيد والمزيد من الصور واللقاءات !!!! والمواقف !!!!! ;)

** شاهدت المباراه مرة ثانيه على قناة الاوربت !!! والكره حقت اليامي لم تدخل المرمى ابدا!!!!! وشاهدت اليد التي اخرجت الكره وقد كانت يد الدعيع !!!! واللي يبي يتأكد يشوف جريدة عالم الرياضه الصفحة الاخيره ويشوف اللقطة الاخيره وكيف يد النزهان تحته !!! ويد الدعيع ( بتعرفوها من امتداد الخطوط البيضاء الموجوده على قميصه والقفاز) هي التي ابعدت الكره !!!!! اما يد النزهان فكان متكيء عليها ولا يمكنه استخدامها !!!

** الف مبروك وكل بطوله وانتم بخير !!!!

اخوكم الفرام !!!!;)