~{ اللي مايفهم حتسي حريملاوي لا يدخل << ما تقلد ابد
والله ياكثر ابو المواقف عندي مره من المرات كنا طالعين من الاستراحه احنا وعمااني وكان من باتسر دواماات وكان الوقت متاخر فقالت جدتي وراء ماترقدون عندي بعد المحااولات وافقو عمااني ياااااي اطلق يوم بعمري والموقف عن المدرسه الله يقلعها ولا يتسثرها هي وعيالها من الابتدائي الى الثاانوي وكنت ما احب المدرسه انا << محد سالك الا بلى سالتوني الموهم جااء الصبااح معلنن انتهااء الشخاار والموهيم اني الماما .. قومتني انا واخوي الدبشه بدون ذكر اسمااء خوفا عليه من العنون << تخبروون نسخه من ماجد المهندس مير قام هاالتمسااح وكان يبلغ من العمر 8 سنوات اي 2 ابتدائي وقال لي : << اموت ع اللغه العربيه مدري وش تبي من الحياه هالمحتال : ياريري يا اوختي قلت : نعم << ببراءه الاطفال قال: انا برووح اثرب مويه قلت : طس الله لا يرجعك ... ولبست مريولي الكووشخه وسحبت المطااره وشلت اكبر شنطه ف العالم ( مير ابوي من حبه للدراسه يشتريلي اكبر حجم اكس اكس لارج ) مير نزلت وانا اجر نفسي وعنوني محوله قال البابا : وين طس اخوتس هالدااشر قلتله : ف مخبااتي << شوي ويجلدني من بثاارتي ع هالصبحيه .... وفرفرنا بيت جدتي فرفره ماخلينا سويت ف بيت جدتي الا سالنا عنه وف الاخير يقولون عمااني مو عندنا << حتى عمااني متعودين ع نحشااته حقت الصبحيه ... بس مالقينااه , قلت للبابا: عندي فوكره .. قال: وش هي ؟؟ قلت : انت وش تحب ف هالمدرسه .. قال: دوري هالداشر لايكثر بس .. قلت : تيب بشخر واذا لقيتوه قوموني ( وكاان بيت جدتي رهجه يدورون اخوي الدااشر)... ما شفت الا عنوون ابوي قامت تطلق صواريخ من القهرر .. ماتشوفون الا غبااري عند جدتي ع طووول وفالاخير ما بقى لنا الا الحووش " الحديقه " .. وطلعت العايله الكريمه تفحط عنه .. وانا افحط لحاالي علشاان اصفقه من يوم اشووفه واشوف االبابا وهو يتوطى ف بطنه .. مير يا حسافه ما لقيناه " كن الارض منشقه وبالعته " .. االموهم قام البابا وناداني قال: يالله تاخرنا وانا اوريك فيه لا رجعناا .. قلت : ابي اغيب بطني يعورني ابي الحماام قال : يطيب يطيب واذا ما طاب روحي لحمامات المدرسه الموهيم سكت وانطميت لفراق فلذه تسبد الماما .. ويوم رجعت من المدرسه قلت : للبابا وين اوخووي ,, وفجاه ارااه امامي ما تشوفوني الا ف حضن فلذه كبد اومي من الونااصه .. وقلتله : لماذا فارقتني ولعبت علي كاان وديتني معك وخليتني اثرب مويه معك قاال : احسن انتس ما جيتي يا بعدي .. قلتله : وين انحشت وشخرت فيه .. قال : الحمد لله انتس مووب معي لاني كنت ف غرفه حووش الغنم نايم ع الارض ( والله مير يسلمكم هذي غرفه الغنم لاجااء عيد الاضحى وهي ف اخر الحووش ) مير اخوي الداشر ذكي مووب زيي دبشه والموهيم انه ما تسطر لان فيه القوات العليا " جدتي " .. وانتهت المغامره ..
.
/
.
الموقف الثاني
هذي القصه يوم اني ف الثانوي كان عندنا حفلت امهات ونص البنات يغيبون الا الدفرنه يجون يكملون دفاترهم اللهم لا شمااته الموهيم قالوا.. لايجي الا الي بيستلم شهااه تقدير ..<< افقلني ان اخذتهاا ومن زود اللعانه الي فيني وفي شلتي قررنا اننا نرووح عنااد بس للدجه .. واللاستهبال .. مير الاداره شافت خششنا ولا ماشافتها ع طوول دخلوناا فصل مافيه الا انا وشلتي بس من زوود الحظ ان صديقتي جاايبه كووره<< ايه كوره الي تنشاات ما غيرهاا لا وجلد بعد وقمنا نلعب وفله وصرااخ ما دريت الا الباب يقول " دررررر دببببببببببببببب طخخخخخخخخخ " << صوت الباب طبعاا احنا فكين خششنا ورجلينا قامت تتراقص بس قلنا جاك الموت يا تارك الصلاه قالت المديره : ليه شايفينها حصه رياضه ولا بزراان ما لكم عقوول << ثمن بداء التجريح ع اصول الي انتم تخبرونه وكننا استحينا ونزلنا روسنا ف الارض ولا وحده فتحت خشتها بكلمه كان ما تلقى نفسها الا متلزقه ع الجداار مير شوي وطست ,, روحه بلا رده ان شااء الله وفجاة ما درينا الا هي ما خذه الكوووره بغينا ننهاار بس تمالكناا هع قالت وحده من البناات : وش رايكم وحده تلبس عبايتها ونقابهاا وتقول انها اوومي وانا بصير جنبهاا قلنا : اوووووووووووووووووووه يقطع ابو الفلله خلاص انا بصير اوومك ( مار انا البس عبايتي والبس النقااب وصديقتي ماسكتها ووحده تفضي الجو والطريق لنا )<< والله اننا افنن من سلاحف النينجاا وما تشوفون الاغبااري انا وصديقتي ونزلنا لصاله الامهاات وانا ف قلبي ما احب مدرسه الاحيااء لانهاد اايم موقفتني من كثر البربره ف حصتهاا وقلت : يالله مشيناا لابله الاحيااء << وانا رجليني تتراقص والله بدى الخووف يدخل قلبي قالت صديقتي: ريري هااه كنك قمتي تتراقصين قلت: لا لا امشي ما عليك << وانا ف دااخلي عرس من الخووف ورحت ووقفت قداامها وصديقتي ماسكه الضحكه قالت صديقتي : استااذه هذي اوومي اساليها عني المدرسه: والده العنوود قلت : ايه .. اهلين ابلا ... انتي تدرسين احياء بشريني عن مستوى بنتي << والله ياني قمت اطلق صفيراات من كثر ما اجمع الضحك ف فمي قالت : بنتك والله انها حركه وبرباره بذات مع ريري .. عاد انا خلاص بمووت من الخووف وبمووت من الضحك حسيت ان الهوااء شفطته من كثر ما استنشقه قلت : اهم شيء الاخلاق خليهم يوسعوون صدرووهم لا حقين ع الغثااء المدرسه : كنها بدت تشك .. قالت حتى لازم يتعودون ع الصبر اجل اذا تزوجو وش لون بيمسكون ويفتحون بيووت << ومن هذا المواال اشتغلت المووهيم خلصت منها ولا حست فيني ويوم رحت ما تشوفون الاضحكي ههههههههههههههههههههههههههههههههههههههههه احس الامهاات يتحمدوون ربهم ويتشكرونه وحده لابسه عبايه ونقاب كنها فلسطينيه والثاانيه ما سكه ف كم العبايه وقلنا ما بقى الا الفيزيااء قلت : لا لا الفيزيااء شيطاانيه وخبيثه من صوتي بتعرف اما الاحيااء دبشه مت تدري وين ربها حاطها فيه وقمنا نمشي مادريت الا : طرااااااااااااااااااااااااخ واصقع ف المديره واطيح ف حضنها من الخوووف فكيت النقااب وشاافتني وهااتك يا تهزيييييييييييييييء اناا وصديقتي وف الاخير حرمونا من الدراسه يومين هع هع وغسلت ابو شرااعنا << بس من جد نستاهل اكثر
وسلامت عمركم اتمنى ان المواقف تعجبكم ع انها كانت بسرعه جنوننيه ودمتم ف حفظ الله ورعايته
أهلا وسهلا بهلاليه تون عاد وش إلي بلاك بالونه
ماخبرت الزعيم يجيب الونه
(مفروض تكوني هلاليه غنّه)
مبارك عليك الشهر
وعقبال ربي يشفيك في هالشهر من الونه
قرأت موقفينك عورني بطني من كثر ماضحكت
كل شيء كوم والغساله كوم ثاني الله يرجك
( الحلا مبتليها )
أهلا ام حركتات
مبارك عليك الشهر
ماراح ابارك بمسج ولامكالمه وصلت تهنئتي علم
مالي خلق تخسريني
قرأت سوالفك جديده علي
ليه ماقلتي ؟؟
حركتات أولى ابتدائي << طالبه حرش
أم العنود أجل صرتي ريو
ريو اكتشفت شيء جديد عنك بموضوعك ليه ظهرك يعورك وأنا دائما اتعجب منك وأنتي بزهرة
شبابك بسبب الشنطه
والله ودي اذكر سوالف بس الحراره لاعبه فيني الله يشفيني
ماادري من انضلني وطيحني ولا قبل رمضان
<< الاحظ نفسي لاتعبت دخلت ورديت
( هلاليه حلا )
الله يسعدكم ويبارك لنا ولكم بشهر الخير ويوسع صدوركم بالعافيه
( لأني من زمان ماضحكت ضحك مثل هالضحك ضحك وأكثر ضحك ضحكت ضحك )
عيدوها عشره مرات اتحداكم << الله من البثاره ولابعد حراره اجتمعو بطس لاجيب العيد اعذروني على ردي الباهت لأني باهته مع التعب الحراره بدأت مفعولها
ولا بعد حركتات نسقتلكم وأنا تعبانه . لكم ودي
فنوون
~{ ذكريـآت عـضـوتـيـن هـلآلتـيـن .. 
وشلت اكبر شنطه ف العالم ( مير ابوي من حبه للدراسه يشتريلي اكبر حجم اكس اكس لارج )
( وكاان بيت جدتي رهجه يدورون اخوي 
الله يشفيني 
الوضع العادي
