|
المدرب القادم كالديرون .... ::اعذروني عالموضوع لكن رجاء اقرو كلامي للآخر وعطوني رايكم ..! كثرت الاشاعات والمطالبات ... بمدرب بدل الجوهر الي جاب العيد ,, عالعموم افضل مدرب درب المنتخب في السنوات الاخيرة وحقق نتائج باااهرة هو الارجنتيني كالديرون ... واستغرب عدم طرح اسمه ضمن المرشحين لقيادة المنتخب ... واشوف حملة قوية بالمطالبة بكوزمين ,, والي راح تضر الهلال كثير ولا اتوقع انها راح تفيد المنتخب ,, بل انه سينارو مكرر لباكيتا ..! وعلى الرغم من ان جميع المواصفات الي في كوزمين موجودة في كالديرون وزود بعد ...: - مدرب يعرف الكرة السعودية ... - وسبق ان قاد المنتخب للتأهل لمونديال 2006 واقيل بدون اي اسباب ومبررات - الخطط والتكيتيك الارجتيني يناسب اللاعبين السعوديين والدليل ان : افضل نتائج حققها المنتخب كانت عام 94 والمدرب ارجنتيني ( سكولاري ) وقبلها التأهل لـ 2006 كما ذكرت . - يعرف يتعامل مع نفسيات اللاعبين و يبث فيهم الحماس . وصدقوني انه لو اختير كوزمين راح يفشل فشل ذريع ,, لأن الرجل جدي وعصبي جدا وكلكم شفتوه كيف يعصب على اللاعبين وقت المباراة ,,و ماعنده لعب ولا عنده دلع ولا كلام فاضي مثل نفسات اللاعبين والدليل انه طلب دكتور نفسي للهلال عشان يتفرغ للادارة الفنية داخل المستطيل الاخضر .. ولا يحب الواسطات والتدخل في اختياراته ولا راح يرضي المسؤولين .. ( و ان حجة اقالة كوزمين لو اختير للمنتخب جاهزه من الحين وهي انه مايعرف يتعامل مع نفسيات اللاعبيين الحساسة :smilie47: ) الخلاصة : كوزمين رجل عملي ,, اذا لا يناسب المنتخب . والانسب هو كالديورن .. كالديرون .. كالديرون وصدقوني موضوعي لا علاقة له بالاتحاد او الهلال بقدر ما انه مجرد تفكير عقلاني ورؤية مستقبلية لمصلحة المنتخب .. لا بد ان نبدأ بالمطالبة به من الان وطرح اسمه كثيرا .. وخصوصا ان شبكة الزعيم صداها واسع وصوتها مسموع .. هذا الي حبيت انبه الجميع عليه عشان لانخسر تعب كوزمين وبالاخير يضيع الهلال ويضيع المنتخب ويضيع كوزمين وتضيع الاسيوية وحلم العالمية .. وش رايكم ؟ |
المدرب حاليـا ناصر الجوهر وهو من سيكمل التصفيات بأذن الله |
إقتباس:
|
من جد كان مقدم مستويات حلوه وفجئه اقيل الله يكتب اللي فيه الخير للمنتخب |
إقتباس:
وكوزمين على ما اعتقد قالو اشاااعه وهو بنفسه صرح وكالديرون هو الي يعرف المنتخب اكثر تقبل مروري |
بعد مباره الامارات ارد على موضوعك |
مستحيلـ أآلآتحآد آلسعوديـ يرجعـ كآلديرونـ :.:____:.: مآرحـ تكوـونـ حلوة بحقـ آأتحـآد آلكرة |
ان فازت الأمارات,,, تأكد ان كالديرون حاجز مكانه على دكة المنتخب بس هو عساه يوافق,,, بعد أقالتة السابقة من تدريب المنتخب يمكن يتعزز بنفسه ويرفض لكن اذا فاز المنتخب (( ان شاء الله )) راح يكمل الكابتن ناصر الى خط النهاية تقبل مروري |
انا اقول نخلي الجوهر ، يمكن على يديه يأتي الفرج بعدم التأهل وبالتالي تصحيح الأوضاع من رأس الهرم تحياتي |
لا كالديرون ولاكوزموون ابو خالد فيه الخير والبركة |
يعني ياشباب انا شايف فيه ناس مقتنعة بالجوهر للحين ..! من الي جاب عبد الغني وهو خلاص منتهي الصلاحية .. ماهو ناصر الجوهر ؟ طيب من تسبب بركنية الهدف الايراني ..؟ وكان يقدر انه يتصرف تصرف غير انها تطلع كورنر ..؟ افضل لاعب في آسيا احتياط ..! هداف الدوري خارج التشكيل ..! محمد نور خارج التشكيل ...! محمد الشلهوب بنفسه يقول ابي اترك الكورة يعني ماله ود يلعب ومخليه أساسي ..! وهو بالهلال احتياط ..! خالد عزيز و عمر الغامدي توأم محاور والعقل لا يقبل التخلي عن احدهم اذا كانو جاهزين ..! و خالد عزيز هو الي مغطي على احمد عطيف ترى وراجعو المباريات الاخيرة واخطاء عطيف .. - ابسط ابجديات كرة القدم لم يستطع الجوهر ان يوصلها للاعبين ,, وهي ان أي ركنية بالعالم الفريق المدافع لابد ان يثبت لاعبين على كل قائم من قوائم المرمى ...! راجعو الهدف الايراني وشوفوا وش صار ...! أي تخبط هذا الي جالس يسويه الجوهر ...؟ للحين مقتنعين فيه ..! سلام ياكورة |
كالديرون !!!!! اسمح لي المدرب هذا (يبطي) مافي امل يدرب المنتخب ... ومشكووور على موضوعكـ.. |
| الوقت المعتمد في المنتدى بتوقيت جرينتش +3.
الوقت الان » 01:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd