نور * عبدالغني * الدعيع * السلطان * الجوهر * الشلهوب * الغامدي (عطنا رأيك) - نادي الهلال السعودي - شبكة الزعيم

وليد الشمال0851 · #1 07/09/2008, 03:39 AM

أولا / محمد نور

عندي سؤالين ...

1 / محمد نور وش نفع السعودية فيه في كأس العالم 2006 أنواع الهزايم ؟؟؟ نفع وجود نور؟؟

2/ محمد نور وش سوى مع الاتحاد الموسم الماضي ؟؟؟

4 بطولات ضاعت على الاتحاد .... وين محمد نور ؟؟ ليش ماجاب لهم بطولة ؟؟؟

الجواب ان محمد نور مو كل شي مع اقتناعي الشخصي بمستواه المتميز .. لكن دام انهم ما اختاروه التزم الصمت وارحب بالموجود ..

محمد الدعيع ماطالبوا فيه كثر محمد نور ومحمد الدعيع هو جاب بطولات الهلال ومستويات الهلال يمستواه الراقي .... ومع ذلك ساكتين عنه

ليش ؟؟؟ النصراويين طبخوها صح وحركوا الاعلام صح مع نور والدعيع عادي خلوه ينطق مع الهلال وهو احق حارس مرمى سعودي ...

ثانيا ً / عبدالغني ...

افضل ظهير ايسر سعودي بلا منازع ولايوجد من اهو افضل منه وادؤه اليوم مقنع والدليل عدم وجود اختراقات الاطراف من اليسار ...
بيض الله وجهك ... وماعليك غبار ... واللي يبي عبدالغني يجيب اقوال يقول ماسوى شي يجلس في بيت اهله ولايتكلم بالكوره ....

ثالثا / الدعيع ....

افضل حارس مرمى سعودي بلا منازع ومع ذلك نحترم وجهة المدرب في عدم ظمه ..

رابعا / السلطان ...

ياجماعه اقروا كلامي بتمعن وفهم ...

فيصل السلطان منظم للمعكسر من قبل شهر ومتدرب معهم كثير
هذي نقطة ...
النقطة الثانية ... مافيه مهاجم يلعب مكان السلطان ... والا المدرب مايلعبه اصلا ..
ياسر مصاب ... وشفتوا انه مصاب مالعب الا اخر 20 دقيقة
مالك الله يعافيه مصاب ..
الشهراني منظم قبل اسبوع بس .. ومو متأقلم مع الوضع لسا ومو افضل من السلطان ..

لذلك ماكان فيه خيار الا السلطان ...

ومع ذلك هداه الله ضيع الفوز على السعودية واخطأ كثير ...

خامسا / الجوهر ...

الى الامام ابو خالد ....

تغييرات ممتازه وتشكيلة ممتازة واداء جيد للمنتخب وهدف التعادل جاء من ركنية وخطأ بسيط ...

كل الخيارات الجيدة وضعها الجوهر ...
القلوب ممتازين جدا ... هوساوي وتكر ... صخرات
الاظهرة ممتازين ... حسين وشهيل ...
المحاور ... ماعليهم كلام ... عزيز واحمد عطيف ...
الوسط ممتازين ... الشلهوب وعبده ..
الهجوم ... افضل الموجود وهو سعد ... والسلطان ماعنده غيره ...

بالنسبة للتبديل بين الشلهوب والغامدي تبديل سليم 100 %
(للي يفهمون كورة يقرون بس )
فريقنا متقدم على ايران القوية بهدف ...
ودخلنا الشوط الثاني ومضت 10 دقايق ...
الحل اللي بيسويه جميع مدربين العالم ... اني اطلع واحد من الوسط لعبه هجومي وادخل بداله واحد لعبه دفاعي ... اما كريري او الغامدي وفعلا نزل الغامدي ...
عشان احمي المنطقة من ايران .. لانها اكيد بتضغط ...

سادسا / الشلهوب ......

مستوى جيد .... وللامام

سابعا / الغامدي .....

اداء دفاعي يدخل في حال احتاج الفريق لمحور دفاعي ...
ونزل اليوم عند حاجة الفريق للمحور الدفاعي ....

هذا ما املاه علي عقلي بعد المباراة اليوم ...

من خلال خبرتي البسيطة في التدريب احببت ان اطرح رأيي بكل حيادية .. وانصاف ...

ولكم خالص ودي واحترامي

^^ناكاتا^^ · #2 07/09/2008, 04:03 AM

وجهة نظر عقلانيه

ولكن الوقت مايسمح الان انك تضيف لاعب وا تبعد اللاعب

وبعد مبارات الامارات فيها الف حل اهم شيء النقاط الثلاث قدام الامارات

عآلي الشآن · #3 07/09/2008, 04:20 AM

ياخي تقول وش سوى محمــد نــور .؟؟ تتكلم عن إللي فاهــم كــوره .. الحين أنت بتجحد لعب وفن محمــد نــوور .. مين روح الإتحاد من الخبرة من إللي يصنع ويلعب من إللي سوأ الفارق بين نادي الهلال ومانشستر يونايتـد ... واذا تتكلم عن كأس العالم ما احد قدم مستويات كامله في المباريات .. الله يصلحك بس ..

ككرت · #4 07/09/2008, 04:24 AM

اجل تغييرات الجوهر حلوه

عبدالله الشويرخ · #5 07/09/2008, 04:30 AM

إقتباس

الرسالة الأصلية كتبت بواسطة عآلي الشآن


	ياخي تقول وش سوى محمــد نــور .؟؟ تتكلم عن إللي فاهــم كــوره .. الحين أنت بتجحد لعب وفن محمــد نــوور .. مين روح الإتحاد من الخبرة من إللي يصنع ويلعب من إللي سوأ الفارق بين نادي الهلال ومانشستر يونايتـد ... واذا تتكلم عن كأس العالم ما احد قدم مستويات كامله في المباريات .. الله يصلحك بس ..

كلام سليم اما جحدة محمد نور حلوه

صــمـــت الــنـــار · #6 07/09/2008, 04:31 AM

كلام سليم 90 بالمائه ................................................ز

لاانه كان محمد افظل من عبده اووووووووووووووووووووووووكيه مفروض طلع عبده ونزل غامدي ولعب بصانع العاب واحد اوووكيه

وطلع االحارثي ولاتقول اني متعصب عشانه نصرووووواي لا بس ان فيصل السلطان بصراحه كان شاغل الدفاع الايراني .......

اما سعد كنترول سي ولياقه ضعيفه وعدم حماس ..................

عشان كذا يطلع سعد ....................................................

بس مااقول االا ماقصرررروا الشباب .............................

أزرق أبيض · #7 07/09/2008, 04:33 AM

يحبيلكـ بس
يعني مافيه غيرك يفهم كورة

وأنا أعارضك بتغير الشلهوب 100%

بعد التغيير المنتخب وقف وسلم المباراة للمنتخب الايراني
ماعندك وسط أبد عبده عطيف من أول المباراة مازين شيء يعطل الهجمة ويتفنن
وماعندك صانع لعب
********************************
يكفيك شيء واحد صانع لعب واحد لمهاجمين
والله لو تلعب مع جزر القمر

مع احترامي للكابتن ناصر
التغيرات فااشلة

abo fahad · #8 07/09/2008, 04:33 AM

اول شي خروج الشلهوب كان نقطه فارقه في المباراة

ثاني شي انا معك في نزول عمر الغامدي لاكن عمر ماكان في يومه والدليل انه من يوم نزل
لمس كوره وحده او ثنتين بس وبعدين اختفى

الي كان لازم يتغير هو عبدالله شهيل لانه من الدقيقه 75 وهو واقف في الملعب

أكبر شنب · #9 07/09/2008, 04:34 AM

إقتباس


	1 / محمد نور وش نفع السعودية فيه في كأس العالم 2006 أنواع الهزايم ؟؟؟ نفع وجود نور؟؟

وش ماسوى

ياخي لولا الله ثم نور ماجا هدف ياسر اللي ضد تونس

هذا غير مباراة اسبانيا وكيف بدع فيها

إقتباس


	2/ محمد نور وش سوى مع الاتحاد الموسم الماضي ؟؟؟

ياخي نسيته يوم يصقعونا 4 فكاس الملك

من اللي صنع أقوالهم

إقتباس


	4 بطولات ضاعت على الاتحاد .... وين محمد نور ؟؟ ليش ماجاب لهم بطولة ؟؟؟

يا الطيب احنا ماقلنا ان نور فريق كامل

يعني طبيعي موب جايب بطولة بلحاله

بس انا براي ثلاث ارباع اقوال الاتحاد من صنع نور

وتراه ماخذ مع الاتحاد 18 بطوله

أمــا على حسين بالعكس لاعب خبرة وبيفيدنا كثير وسبب عدم تاقلمه اليوم وقت

استدعاء الجوهر له !!

واما على الدعيع

خـلاص الدعيع كبر ومب قادر يلعب معنا فكاس العالم اذا تاهنا ان شاء الله

انا مقتنع بالنجعي صراحة اليوم صد كم قول بطريقة ممتازة

وفيه وليد عبد الله

أما عل الجوهر

فاستدعاآته فاشلة

ليش يستبعد ناصر ويخلي السلطان

!!وهو هداف الدوري

ولا على نور ولا على المنتشري ولا على عبد الرحمن

وش نقول بس الشكوى لغير الله مذلة

وجهة نظر ورده

ali alqhtane · #10 07/09/2008, 04:40 AM

إقتباس

الرسالة الأصلية كتبت بواسطة عآلي الشآن


	ياخي تقول وش سوى محمــد نــور .؟؟ تتكلم عن إللي فاهــم كــوره .. الحين أنت بتجحد لعب وفن محمــد نــوور .. مين روح الإتحاد من الخبرة من إللي يصنع ويلعب من إللي سوأ الفارق بين نادي الهلال ومانشستر يونايتـد ... واذا تتكلم عن كأس العالم ما احد قدم مستويات كامله في المباريات .. الله يصلحك بس ..

محمد نور روح الاتحاد مو روح المنتخب ..

( الأنيق الهلالي ) · #11 07/09/2008, 04:42 AM

والله كل كلامك حلو الا التغييرات اللي غيرها المدرب انا معك دخول الغامدي حلو لكن خروج الشلهوب خطأ فادح كان المفروض يطلع عطيف اللي قاعد يبربس الشوط الثاني كامل ولا كورة صح بس بعد طلوع الشلهوب ماوصل المنتخب لمرمى ايران ابدا وهذا كله بسبب خروج صانع الالعاب المميز الشلهوب

خالدعبدالرحمن العجمي · #12 07/09/2008, 04:47 AM

اتمنى اعفاء أحمد عطيف

ماعندهـ سالفه

تحياتي

هـ بحت ـلالي · #13 07/09/2008, 04:48 AM

اجل تغييرات الجوهر حلوة؟

هههه

اذا بنظرك حلوة اجل وشو الشين

طيب ياعزيزي مثل مباراه اليوم طلع الشلهوب او ماادى الشيء المطلوب منه من راح يحل بمكانه؟

عمر الغامدي؟

نسيت نور وش سوا امام تونس

والدعيع يكفي وجوده بالحراسه

تعطي المدافعين ثقه

اتمنى ضم نور وحمد المنتشري والدعيع وناصر الشمراني

اجل هوساوي ممتاز؟

السبب بالتعادل بعد الله بهوساوي

ولا زاويه طول بعرض مايغطيها ولا يمسك لاعب

وللمعلوميه انت شفت سعد بعد مادخل ياسر صار ثقيل يعني سعد حق شوط فقط ليه مالعب الشهراني

على الاقل ماتخلص المباراه بتبديلين

انت باارضك محتاج لتحسين اوضاع دخل الشهراني علشان ياسر ياخذ راحته

مباراه كامله بس تغييرين ؟

مااعتقد ان هذا منطق

والنتيجه تعادل وباارضك

ويلعب بـ 3 محاور ؟

تقولي اجل الجوهر مدرب ممتاز

اجل مورينهو وش تقول عنه

شوف عزيزي بالاول والاخير كل شخص له قناعات وانا قلت لك قناعتي بالاداء اليوم للمنتخب

مااقول الا حسافه الجمهور بس

محمد العامري · #14 07/09/2008, 04:50 AM

أنا معاك في أغلب ما قلته
ولكني أخالفك في نقطتين
النقطه الاولى هو اللاعب محمد نور وقولك انه لن ينفع المنتخب فهذا جحود واضح لهذا اللاعب
للأمانه لأول مره اشاهد لاعب يتفق عليه جميع جماهير الانديه وجميع الصحفيين من اجل ضمه للمنتخب
وأنا متأكد أن المدرب يرغب بضمه ولكن أصحاب الخطط المدروسه هم من رفض ضمه للمنتخب

والنقطه الثانيه هي حول التبديلات للأمانه اخراج السلطان كانت نقطة تحول في المباراة
رغم ان اللاعب اضاع اكثر من فرصه ولكنه كان مزعج كثيرا للدفاع الايراني وكان سر خطورة الهجوم السعودي
دخول القحطاني لم يكن في وقته ابدا كنت أتمنى اخراج الحارثي بدلا من السلطان
ولكن قدر الله وماشاء فعل
والحمدلله اولا واخيرا وبإذن الله سنعوضها في المباريات القادمه

مـجنون الزعيم · #15 07/09/2008, 04:56 AM

اولا اخوي انا مو معك ابدا

لان محمد نور هو الاتحاد يااخي انت نسيت وش سواء للاتحاد

ثاني شي التغيرات كلها غلط 100% لان عبدالله شهيل

اصيب في الشوط الثاني وتغير الشلهوب بالغامدي انا

بوجهت نضري غلط لان في كرير افضل من الغامدي

ثالث شي انا مع الجوهر بعدم استدعاء الدعيع

تدرون ليش لانه يبي يزرع الثقه بالحراس الموجودين

تقولوون ليش لان الدعيع مستحيل يكمل الي كاس العالم

وهاذا هو يطري الاعتزال انا ماقول انه مو كوييس والله انه افضل حاارس بالمملكه حاليا

بس انتم مااتدرون اذا الحين جاب الدعيع واذا اتاهلنا يمكن يعتزل واذا اعتزل هاذي

اكبر مشكله يبي يصير الحراس ما عندهم ثقه في انفسهم انا مع الجوهر في هاذا الشي

رابع شي انا مستغرب من الجوهر بعدم لعب وليد عبدالله اساسي هاذي حط عندها الف استفهاام؟؟؟؟

خامس شي نزول ياسر كان غلط لان ياسر توه ياجع من اصابه يعني مستحيل يبي يعطي بالملعب

وسادس شي ابي اقول ان افضل لاعب اليوم كان عبدالله شهيل من وجهت نظري لان والله اللإرانيين

ماقدرو يمروون من عنده وشوفو انتم بنفسكم وش سوو على طول صار يكسرونه لما اصاب

وشكرا

تحيااااتي.....