عيب والله عيب هذا القول يامطيويع . - صفحة رقم 2 - نادي الهلال السعودي - شبكة الزعيم

آلـبـرنـس · #1 07/09/2008, 08:20 AM

ياشيخ ليت الاداره تقفل موضوعك ..؟؟

حبيبي لاتسوي متعاطف مع حسين ومدري ايش ؟؟
ليته لعب الزوري والكابتنيه لا لحسين ولا لياسر ؟ عشان ما يكون شغل الصحافه الشاغل هذا الحكي ..؟

على العموم بيض الله وجهك ياسليمان المطيوع وقليل من هم يحملون الجراه والصراحه ...

abo0o0od-92 · #2 07/09/2008, 08:23 AM

بالفعل حسين انتهى خلاص من الموسم اللي راح
وارجاعه للمنتخب غلطه من ابو الغلطات المتكرره

صادق في زمن كذاب · #3 08/09/2008, 01:06 AM

والله يالغالي شف المطيويع ماقال الا الصدق
يعني فعلا حسـيـن ماسوا شئ ابدا بلعكس كان عاله
على المنتخب ... وكان جسمه ثقيييل مررررره
وصاير تفخ >>

(اي : سمين)
لكن ان شاء الله يتعدل ويصير زين
يسلمو على الموضووع
تحياتي لك

أزرق والقلب أبيض · #4 07/09/2008, 08:24 AM

واقسم بالله بقولها بصدق

يكفي اسم (حسين عبدالغني ) بالتشكيله

لاعب كبير وخبره

ولاعب حماسي

وقائد للمنتخب

وش تبون بعد على الاقل نبي لاعب كبير وخبره في التشكيله.

احمدو ربكم حسين موجود.

ريودي · #5 07/09/2008, 08:48 AM

إقتباس

الرسالة الأصلية كتبت بواسطة أزرق والقلب أبيض


	واقسم بالله بقولها بصدق يكفي اسم (حسين عبدالغني ) بالتشكيله لاعب كبير وخبره ولاعب حماسي وقائد للمنتخب وش تبون بعد على الاقل نبي لاعب كبير وخبره في التشكيله. احمدو ربكم حسين موجود.

يااشيخ يستر عليكـ والله ملك ورايك يدل على عقليتكـ الكرووية ..

hilali qasemi · #6 08/09/2008, 07:11 AM

إقتباس

الرسالة الأصلية كتبت بواسطة أزرق والقلب أبيض


	واقسم بالله بقولها بصدق يكفي اسم (حسين عبدالغني ) بالتشكيله لاعب كبير وخبره ولاعب حماسي وقائد للمنتخب وش تبون بعد على الاقل نبي لاعب كبير وخبره في التشكيله. احمدو ربكم حسين موجود.

وحنا وش ذبحنا الا ذا الكلام وخبرة ومادري ايش واخرتها ناكلها

يااخي ترى الخبرة مهب كل شي واتضح هذا في مباراة ايران شف الشهيل رغم انه صغير وش سوى وحسين وش سوى

إسقني حب · #7 07/09/2008, 08:29 AM

ماقصروا الشباب كفيتوا ووفيتوا ..
صراحة لعبوا باعصابنا اليوم اثنين حسين عبدالغني وسعد الحارثي وزين اللي جاء منه هدف من كره مضمونة..
حرام عليهم جرحوا صيامنا وحنا في الغربة..

عبدالغني 24 · #8 07/09/2008, 08:56 AM

والله قهر عبدالغني ينفذ
بالحرف الواحد الي يقوله
المدرب ومؤدي دوره على اكمل
وجه وانتو تقولون الزوري تبون
المنتخب كله هلال والمشكله
يقولون طلع وطلع لعيبه
يومنهم هلاليه
قلتوا ليه انتم همكم هلالكم
مو المنتخب بعدين الاغلاط كلها
من المدرب تغيرات غير موفقه
وعبده عطيف ماكان في الفورما

Amauri · #9 07/09/2008, 11:17 AM

المطيويع قال الحقيقة .... ماذا قدم عبدالغني بمباراة الأمس ؟؟؟؟؟

لا شيء !!!!!!

ولا تنسى ان الكورنر اللي جا منه هدف التعادل كان ماله اي داعي ..

ولكن مو بس عبد الغني المسؤول ...

الفريق امس كان يسير بدون اي نهج تكتيكي .... والأعتماد كان على الله ثم على عبده عطيف وتمريراته البينية ...

العنفوان الازرق · #10 07/09/2008, 05:05 PM

الموضوع هذا يفترض ان يُكتب بمنتدى قلعة الكؤؤس ويمكن يثبت هناك

ارى ان المطيويع فيه من الشفافيه والحياديه ماهو افضل منك لانه تكلم عن الجميع ومن ضمن من تكلم عنهم حسين عبدالغني لكن انت دافعت عن شخص واحد وتركت البقيه وان دل هذا على شي دل على تعاطفك مع لاعب ناديك على حساب المنتخب مثلك مثل الاعلاميين اللي مواضيعهم آخرت الكرة السعودية كلاً يطالب بلاعب ناديه وتجريح بلاعبي الانديه الاخرى

Nilmar · #11 07/09/2008, 05:16 PM

طيب انا بمشي على كلامك يا صاحب الموضوع

بس ممكن تجيب لي امس كوره وحده طلع فيها حسين وهاجم وكانت خطره مثل شهيل في الجهه الثانيه؟؟؟

ويا ليت تشوف الركنيه اللي جا منها هدف التعادل لايران كيف طلعها عبدالغني

لاعب ما حضر مباريات وديه ولا اعداد وجايبه اساسي؟؟؟؟ الغرض الوحيد من ضم عبدالغني معروف

آلـبـرنـس · #12 07/09/2008, 08:57 AM

ما اقول الا ياكثر هالمندسين معانا في المنتدى شوهوا صفحاتنا امام الزوار وهم لا يعرفون انهم مندسين يحملون الوان انديه محاربه للهلال ..

على العموم سلمولي على كابتنكم ( السعودي ) حسين عبدالغني خخخخخخخخخخخخخخخخخخخخخخخخخ

حسين عبدالغني 24 · #13 07/09/2008, 09:08 AM

إقتباس


	ما اقول الا ياكثر هالمندسين معانا في المنتدى شوهوا صفحاتنا امام الزوار وهم لا يعرفون انهم مندسين يحملون الوان انديه محاربه للهلال .. على العموم سلمولي على كابتنكم ( السعودي ) حسين عبدالغني خخخخخخخخخخخخخخخخخخخخخخخخخ

انا مندس انا كاتب اسمي اكبر من وجهك
وبعدين بالعقل انا كاتب حسين عبدالغني 24
يعني كيف مندس

آلـبـرنـس · #14 07/09/2008, 09:24 AM

إقتباس

الرسالة الأصلية كتبت بواسطة حسين عبدالغني 24


	انا مندس انا كاتب اسمي اكبر من وجهك وبعدين بالعقل انا كاتب حسين عبدالغني 24 يعني كيف مندس

اول شئ ما اقصدك انت بس ياحسين مشاكل

ثاني شئ المفروض اللي مثلك ما يعابط ويدخل نفسه في متاهات هو في غنى عنها لانك في الاخير في منتدى الزعيم تاج راسك

انت وحسين عبدالغني

ما اقول الا الله يرحمك يالملك فيصل ولا مابقي >>>> اللهم اني صائم ...وافهم يافهيم

نبض المشاعر · #15 07/09/2008, 09:10 AM

اجل انت فرحان ان حسين موجود بالتشكيله

ولا بشارة قيادته

اذا تبي نتكلم عن حسين اللي نعرفه قبل بنقولكـ :

ياخي وين رووووووووووح حسين عبدالغني اللي كانت توزع على لاعبي المنتخب جميع

وين انطلاقات حسين المعروفه

خانته كانت فقط لشن الهجمات الإيرانيه

ولا انطلاقه من حسين لمرمى منتخب ايران

::

العيب هو ان نطبل للأعب لم يقدم المستوى المأمول منه