مبروك مبروك لكل محبي الزعيم ......
فعلا هناك بلنتي للاتحاد وكرت احمر للنزهان وهذي حقيقه
وكانهم لقوا حجه لتشويه الانجاز الهلالي كعادتهم (40بطوله)
لكن نسيتم قبل ست 9سنوات وفي نفس الملعب وشسوى فينا العمر
وصار في نظرهم افضل حكم واول حكم في التاريخ تصفق له الجماهير (مباراه النصر
والرياض 1420ه)
وش فادنا كثر التشكي والنوح بل العكس كانت وجيهم مغسوله بمرق وهم يعتبرونها بطوله بجداره خلوا وجيهكم اوسع منها وقولوا نعم الهلال يستحق البطوله قبل
المباراه النهائيه كان المركز الاول يعني تصور خلال 22مباراه مثلا تتصدر الاول
وفي خلال 90دقيقه تخطف منك وتروح لفريق ثاني ماهو قمه القهر والغبن كل العالم ماشيه على الاول وحنا ماشين على مربع الظلم والقهر اللي مكن اللضعفاء مثل النصر الرابع مرتين من الفوز بالبطوله تصوروا الرابع
وفي خلال مباراتين قدام الهلال والرياض بفاول وهدف الجبرين في مرمى فريقه
وبغياب لاعبي المنتخب يحقق النصر البطوله ونفس السالفه 1415لعب قدام الاتفاق
ومن ثم وجد نفسه بالنهائي وحصل على بطوله العمر
شفتوا وش عملوا معاكم قمه البجاحه وقلب الحقائق فا خطاء الحكام اللي لصالحهم حلال واللي للهلال حرام وش فادكم يوم طلعنا العام من المربع ببلنتي الكاتو
طلع مريضهم بعد المباراه وساله مذيع الاوربيت عن ضربه الجزاء فاخذ يهز راسه
وهو يضحك (أي ضربه جزاء)
خلونا الحين نضحك ونقول اي بلنتي
أحد قال لكم تحطون مربع ذهبي وتطبقون أفكار صالح باتيس والراحل عبد الفتاح
ناظر عضوي شرف نادي الاهلي والاتحاد مخططين على أن النهائي راح يكون بجده
في وقت كانت البطولات لاتغادر الرياض
خلوكم وسيعيين وجه وانا بصراحه مبسوط من ان البطوله اللي حصل عليها
الزعيم كان فيها بلنتي للاتحاد اقسم بالله اني مبسوط يالربع علشان نعلمهم ان البطولات اللي بجدارة واللي بدون جداره......
يعني يوم حسين هادي سجل هدف بيده في الاتحاد واخذوا كاس الاتحاد ومن قبلها
هدف تسلل بالهلال ماحدش قال لهم ثلث الثلاثه كم ولاجا في بالهم شي
خلوا الاتحاديين تنفقع مررارتهم وهم طول الموسم شغالين رشاوي وسرق لاعبين
ومنشطات ولف ودر الين جابوا المباراه بجده يعني الامير سلطان كان بالرياض
وخادم الحرمين بجده واللي بيحضر المباراه الامير سلطان يعني المفروض
ان المباراه تكون بالرياض راعي الحفل مايروح من الرياض الى جده بل المفروض
انهم يصلون الى محله
مانفعت البلوي ملايينه والعويران ورواتب 3 أشهر للاعبي الرياض
...هم لهم عينين عين عوراء على اخطاء الحكام ضد الهلال وعين مفتحه على
اخطاء الحكام لمصلحه الهلال
افرحوا ياجماهير الزعيم فالزعيم اسقاهم من نفس الكاس التي كانوا يريدون
ان يسقونا منها
تصوروا الوضع بصورة معكوسه الهلال هو اللي له حق ضربه الجزاء
وطلع من المباراه خسران ياشيخ صفقوني ان طالعوا فبكم والا جابوا لها طاري
شله عادل عصام والبكيري ابو جديله ومالي وجستنيه وموريتاني وماني عارف ايش
كان تلقى بعضهم يقول ان فيه خطا على لاعب الهلال وسكتم بكتم وان الحكم
القدير ابو زنده يتعرض لحمله اعلاميه مغرضه من قبل الاعلام الازرق لان فريقهم لم
يحقق البطوله وهات تمجيد على ابو زنده ودفاع عنه ....
هذا طريقتهم واسلوبهم بس الحمدلله ان الهلال حقق الكاس خلهم يقعدون سنه
يونون وحنا بنقعد ببرود وسعه صدر وش بلنتيه كان فيه خطا على اليامي
عندكم شي غيره
خلونا نجرب هالاساليب صدقوني تنفع معهم حط ببالك لو ان الهلال كان مهزوم
وخذ جرايد اليوم وسوا مقارنه وش بتلقى............
كله ياعمي بكش في بكش وخلونا نكون ابكش منهم .................

يااااااااااااااسلام عليك تصدق هذا اللي كنت بقوله............ابو فروحه تسلم يالغالي..

ياهلالين خلو عنكم المثاليات الزايده عن حدها...