|
وقفه احترام للي حضروا اليوم !!! السلام عليكم ورحمه الله وبركاته بدايه اقف احتراما للي ساندوا المنتخب اليوم صراحه ابداع في ابداع وان شاء الله نكمل مشوار التصفيات بنفس الحضور وتحياتي لكم ... |
وعليكم السلام ورحمة الله وبركاته .. كان تكون روعه × روعه لو انتهت بالفوز .. << توه واصل البيت من الملعب .. |
الله يعيطكم العافيه يالي حضروا المباراه ماقصرتوا والله,,لكن قدر الله وماشاء فعل.. نرفع القبعه احتراما لكم ياجمهوووور.. |
حضرناااااااااااا ولقينا الملعب وصصصصصصصصصخ لا كراسي نظيفه ولا خدمات زي الناااااااااس ليه حتى الكراسي مو نظيفه ؟؟؟؟؟ نجي نشجع ونبي الفوز للوطن .. ومسئولي الرياضه بالوطن مو مهتم بالجماهير .. ومخلينا نجلس على كراسي قذره ياليت يهتمون شوي بالجماهير .. لاني بعد هالمباراه ماظن بحضر ولا مباراه للمنتخب .. وبكتفي بمباريات الزعيم |
قصة :- مشكووووور أخوي .. أنا جيت آخر الشوط الأول للأسف }}}}}}} واااحد مأخرني الله يهديه -- هههههههههه -- وأنا ألبق الموتر .. شوووي وأسمع صرااااخ .. تركت الموتر يشتغل بس الحمدلله كان خويي ( الباررد ) إلى أبعد الحدووود في الموتر .. وإلا ........ !! جمهور حماااااس صراحة بس ( في بعض الأحيان ) والأحيان الأخرى ( نائمين ) !! والله متوقع التعادل .. و الله كنت أتوقع الهدف في الملعب من العرضيات التي ---- لا ---- يجيدها المنتخب السعودي .. |
واللـــــــه قهـــــر انااا جاي من بيتي على رجلي 5 كيلو واللـــــــه قهر |
والله الجماهير سمعناها بالبداية بس وراكم رقدتوا والله خوفتوا الايرانين بالبداية بعدين نمتواااااااااااااا |
بالتوفيق لمنتخبنا السعودي وإنشالله بنحضر ونضل نحضر ويعطيك العافية |
والله مااقصرتواا معليش فدااء للوطن والي يقوول الكرااسي من نظيفه مو مشكله يعني علشاان الكرسي موو نظيف مااتروح الملعب المره الثاانيه جيب معااك منااديل ... والله سهله ..// الف الف شكر لك من حضر الملعب بس كنت ابغى شوويه حمااس الشووط الثااني |
إقتباس:
ياخوي والله حتى المناديل ماتنفع الله يكرمك اشياء قذره لازقه في الكراسي (( مخلفات الطيور )) ماينفع فيها لا منديل ولا غيره لازم غسيل بالمويه والصابون بعد .. ياخي اهمال لاخر درجه |
انبحت اصواتنا وحنا نشجع وتورمت ايدنا وحنا نصفق وكله فداء للوطن والله يوم دخلو اللاعبين ويرتفع الصراخ الجمهور وقف شعر راسي حسيت ان عندي وطنيه ولكن طفشونا بالعب الشوط الثاني وان شاء الله كل مباريات المنتخب فى الملعب والله يوفقهم ويفرحونا فى التاهل وتقديم مستوي مشرف . |
من غير شر ما عاد فيه حظوووووور ملعب وصخ + خدماااات زفت + حررررررررررررررررررر |
انا حضرت قبل صلاه العشاء ولقيت الواجهه فل شكلهم فاطرين في اللعب وكان الكراسي وسخ ولا شكرا على واجب |
ياشيخ والله قهر ضاربين خط 500 كيلو واخرها تعادل اشبه بالخساره اه يالقهر بس ان شاء الله نفوز على الامارات |
ههههههههههههههههههههههه أدق تحية لك من حضر لأجل السعودية |
يا يعااال عاادي وآلله عادي تعادل ولا الهزيمه .... انا حاضر الملعب الصراحه الجمهور آكثر من روعه.... و اللي يقول الكراسي وصخه يا ربي النظافه ياخي جب منديل معك ولا بيدك... تحياتي |
الحمد لله اني حضرت وشفت بعيني والله حاجة تشرف بس وربي الحر شي غير طبيعي بس كل شي يهون لعيون الاخضر يعطيك العافية اخوي تحية من القلب |
إقتباس:
... والجماهير مولعه الا خروج الشلهوب :upset:... ... بعد ماطلع الشلهوب المباراة انقلبت على السعوديه ... ... من بعدها وكل اللي في الملعب يديهم على روسهم ... ... وصح الحارثي اليوم هو اللي جايب الهدف ... ... وبدع الشوط الاول ... ... بس الشوط الثاني طااااح مستواااااه ... ... مفروض يدخل وسط مع الشلهوب وعطيف ... ... ويخلي ياسر هجوم ... ... عموما خيرررررها بغيرهاااااا ... ................... |
والله رايح فيها وكرهت ام المباراة واللي يقول الجماهير ليه نايمه في الشوط الثاني انت قدر من راح بعد مسلسل بيني وبينك وجلس ساعتين وهو يصايح لين صوته انبح والله حالتي حاله في هالمباراة تعبت تعب ههههههههه |
غلطة حياتي اني حظرت هذي المباراة ... خسرت وقتي وجهدي وزحمه في الملعب وخارجه ومع هذا كله مافازوا .. وانا صراحتا لا احترم منتخب لا يحترم جمهوره.. |
إقتباس:
موضوعك كلمتين,, لا بدايه ولا نهايه,,!! ,, من يتمنن على الوطن حضوره , في المدرجات, لسنا بحاجه لـه ولا لتشـجيعه ,, سنـحضر ونشجع المنتخب الى اخر قطـره في حياتنا,,!! . |
الله يعطيكم العافيه على الحضووووووور بصراحه الجمهور شرفنا |
مو مشكلـــــــــة . الجايات أفظل .. دعواتكمم ولازم نحضر ونحضرر لآخر لحظــه لعيون بلدنآ .. |
انا ياشباب اول مره اطب الملعب وكرهت الملعب بسبت واحد فوقي جاي يشجع الحارثي وناسي المنتخب وماخلى لاعب الا وسبه هو واهله وجدانه والفاظ وصخه ماتطلع من مسلم المشكله ان فيه بزران صغار حولنا يسمعون الكلام |
والله يا أخوك أنا من الساعه 8 ألا ربع وأنا بالملعب ،، صراحه الصراخ وبحه الحلق كلها طلعت ... لكن لأجل الوطن كل شي يهون ،، والله كان حماااااااااااااااس غير طبيعي اليوم ،، وأهم شي الأمواج المكسيكيه s60s وأن شالله مثل هالحضور وأكثر في المتبقي من التصفيات .. |
إقتباس:
مرحبا يالغالي : أولا :انا لا اعجز عن كتابه صفحتين لو تبغى .. ولكن خير الكلام ما قل ودل .. ثانيا : بالتاكيد لا احد يتمنن على مسانده المنتخب ولكن هناك من ضغط على نفسه لحضور المباراه لكي يستمتع بفوز المنتخب وبالتالي يفاجأ بالتعادل الاشبه بالهزيمه ومن الطبيعي ان تجد مثل هذه الانفعالات ... ختاما : اشكر اللي ردوا عالموضوع واقول لهم ان شاء الله خيره وخلكم متفائلين ... |
حضرنا وانا اخوك بس ماش ياليت كملووووها بلفووووز بس الشكوى لله |
المنتخب سيعوضها باذن الواحد الاحد امام الامارات باذن الله تحياتي للجميع |
| الوقت المعتمد في المنتدى بتوقيت جرينتش +3.
الوقت الان » 05:14 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd