|
موضوع تعبان عليه : نحمد الله جت .......ادخلوا وشاركوا السلام عليكم ورحمة الله وبركاته أسعد الله صباحكم ومسائكم بكل خير نحمد الله جت على ما نتمنى وزي ما احنا عاوزين الحمد لله على هالبطوله اللي ما بغت تجي لكن جابوها الرجال بالعزيمه والاصرار وفكوا ...... الاتحاد :) الف مليون مبروووووووووووووووووووووووووووووووووك لكل من ساهم بهذا الانجاز *** اداره***اعضاء شرف***لاعبين ***الجماهير الحاضره*** الجماهير المتابعه***لكم انتم اعضاء هذا المنتدى الرائع *** ولا انسى الحكم :D :D :D لكن**يا حبك ل لكن هههههه** ملاحظاتي على المباراة هي كالتالي : - تباعد الخطوط وكذلك اللاعبين وخصوصا بين الوسط والهجوم مما سبب حملا على الوسط واللذي تحول بفعل الكثافه الاتحاديه الى ممرات وادى الى حدوث هفوات في الدفاع كادت ان تتحول الى خساره لكن الله سلم - نواف اف اف اف اف اف وش ذا المستوى تمريرات سيئه -ماعدا الهدف الثاني- واعتقد ان باله مشغول في العروض لذلك تقع المسؤوليه على الادارة في السماح له باللعب - ادميلسون هو الآخر لم يكن في مستواه لكن تغييره جاء في وقته ويا قهر على الفرص اللي جت له ليتها للجمعان كان انتهت المباراة من الشوط الاول - الدوخي رغم ان مستواه لم يكن مرره سيئ الا انه ليس هذا الدوخي اللي يدوخ ما عدا رفعة الهدف الاول ولا انسى دخوله مع اللاعبين وهو دخول غير موزون ولو كان فيه حكم من نوعية الشوف شوف شجر كان انواع صارت اعلوم ***راجع نفسك يا دووخي*** - توليو كان بالامكان افضل مما كان وخشونه نوعا ما ليس لها اي مبرررر - الغامدي مستوى عادي واقرب للتواضع من عادي وانا ارى ان هاللاعب لديه الكثير بس من يفهمه *** والا النمر ما يقول شي عبث *** - من بقى اوه اوه يا حبيله لكن اليوم ما هو يومه الشلهوب :) هو سوا اللي عليه بس الخطا من المدرب , الشلهوب جسمه ما يساعد خصوصا مع لاعبين الاتحاد اللي يلتحمون بكل قوه مع الخصم الحين ***** (خمس نجوم) لهولاء : - الدعيع : والله مهما قلت ما اوفيك حقك لكن بصراحه انت هنا ظلم ومكانك الصحيح في اعرق وافضل اندية العالم وفخر لنا انك انت حارسنا ***انت الحارس وكل الكل بالكل*** - ابو عبدالله سامي : والله ما قصرت وكل الشكر لك مدعوم بقبله صادره من القلب على احلى واسعد وجه انت رائع عالمي بصراحه فوق الخيال , هذا رغم انه كان بامكانك ان تؤدي بشكل افضل لكن اللي سويته ما كان سهل لكننا نطمع منك المزيد ونحن خير من يقدر امكاناتك العاليه ***آه لو تعرف وش كثر ما أغليك وأعزك***هذا ظني فيك ما كذب*** - النزهان : بصراحه انت اليوم غير عادي ونجم بكل المقاييس اداء وحماس وروح حاضره ما شاء الله *** تستاهل نص نجمه زياده على الخمسه والا تدري بالنهايه تجبر النجمه لصالح اللاعب لذلك خذ نجمه كامله تستاهل***:) :D - عبدالله سليمان : تستاهل كل خير ابداع بلا حدود وعطاء متجدد ينقصك نوعا ما العوده بسرعه الى مركزك الصحيح - خليل : قمه وروعه واناقه في الاداء ينقصك السرعه في الانطلاق - من بقى ايه بقى العريس وفكاك النحوس ابو جمعان لا هذا خلوه لحاله - الاداره وعلى راسها المصيبيح -قاصدها- واصل واصل لا يهمك عاذلك ***انت مهما سوينا لك ما نوفيك حقك*** لا يهمك التقليل والجحود من البعض*** ********** عشر نجوم لبو جمعان والله انك ما قصرت يا مسعد حياتنا بالافراح وش نقول وش نخلي انت احرجتني ما لقيت اللي يوفيك حقك *****انت الذهب لا , يمكن الالماس ام ام لا ,لا فيه شي اغلى , انت الروح انت الوليف انت السعاده انت نجم عالمي بكل ما تعنيه الكلمه ***** آه لو تعطي نفسك شوي اهتمام وتدريب وتثقيف كروي وتعرف عدوك من صديقك كان تصير خيالي *** ***ثلاث نجوم للمدرب وكنا نتوقع الافضل واحترم رأيك ولكنني غير متقنع بالتشكيل من البدايه عموما شكرا لك ولا تعودها # وجهة نظري واتمنى التعليق عليها:- فقط تخيلوا هذه التشكيله - سامي يلعب مكان الشلهوب - ويلعب الجمعان مكان ادميلسون على اليسار - وادميلسون يلعب الشوط الاول يمين ويدخل بداله العلي من بداية الشوط الثاني - نواف يلعب مكانه الثنيان من بداية الشوط الثاني - توليو زين بس بعد الكرت الاصفر خفت ياخذ الاحمر لذلك يطلع ويرجع الغامدي ومكن ادخال عزيز مكانه ***كان يروح الاتحاد في خرايطها *** # نقاط جانبية :- - يتكلمون عن الظلم وعن ضربات الجزاء حشى كسروا سوق النصر - ما ادري هل ترفيسهم ولعبهم الخشن وخصوصا اليامي باسم والصقري ولو كان فيه حكم صارم كان طرد منهم اثنين الشوط الاول واثنين الشوط الثاني - على ماذا يدل طرد في كل مباراة من المباريات الثلاث الاخيره ومن حكام مختلفين؟؟؟!!! - اقاموا الدنيا ولم يقعدوها من ضربة جزاء غير واضحه تماما اجل لو ان خطا الخوجلي العام مع الكاتو لهم كان وش يصير!!!!!!!!!!!!! - قرار من الزعيم بتحويل العميد الى عريف ههههههههههههه في النهايه الف مبروك , وآسف على الاطاله لكن من زمان ما كتبت وجيتكم مره وحده وما اتمنى انكم تخيبون ظني |
الله يعطيك العافية |
اشكرك نزار الصغير ولو انك ما اعطيتني رايك معقوله ثلاثين واحد بخلوا برايهم؟؟؟!!!!!!!!!!!!!!!!!!!!!!!!!1 ؟؟؟؟؟؟؟؟؟؟؟؟ |
صادق يا فيصل بكل شيء قلته ما عدا بعض الاشياء البسيطة عموما الان وقت فرح موب وقت نقد ونخلي النقد بعد ما ننتهي من فرحنا |
شكراً لك أخوي،،،، وهذا هو الزعيم بعينه وعلمه... وبالنسبة لماتورانا فالرجال دخل بتشكيل جيد لكن عيبه الوحيد أنه دخل (أدميلسون) من بداية الشوط والمفترض أنه حاط الجمعان مع العلي من بداية المباراة،،، لأن أدميلسون بصراحة ضيع هجمات كثيرة كانت كفيلة انها تريحنا من الشوط الأول.. لكن لا ننسى أن نشكر المبدع والمرعب محمد الدعيع اللي عطى مبروك زايد فنون في التصدي للكور .. ولا ننسى أبو عبدالله (الذيب) اللي افترس ونهش الاتحاديين وعلى فكرة فالهدفين كانت بدايتها من سامي ... |
الله يعطيك العافيه والف مبروك البطوله |
اخي فيصل بارك الله فيك موضوعك ممتاز .............................. مليار مبرووووووووووووووووووووووووووووووووووووووووووووك كاس الذهب وزودو نجوم الطائرةالذهب وصارت الفرحه مليار فرحه................................................... اخوك وادي الرمه ....................................... والحمد لله والصلاه على رسول الله |
كلامك صحيح جدا .....انا للان ماني عارف كيف أدميلسون يضيع ذيك الهجمتين الي ماتنتضيع؟؟؟؟ وسامي والله أمس ماقصر وسوى حركة أقسم بالله انها بالمباراة كلها والدعيع أسد أسد اسد والله ثم والله ثم والله انه من أفضل خمس حراس في العالم واجزم لو انه في نفس مستواه هذا في اي فريق أوربي راح يصير أحسن حارس بالعالم وماهي مبالغة |
مشكوووووووووور اخووووي والله يعطيك العافيه واهم شي البطووووووووووله |
مشكور على الموضوع لكن احس انك ظلمت نواف التمياط... نواف ماقصر لعب مباراه حلوه لكن لو تلاحظ الخشونه الاتحاديه معه وكانهم داخلين من بدايه المباراه وهم ناوين يكسرونه وينهونه ... واكبر دليل الاخطاء الي احتسبت لصالحه ... نواف ماقصر لعب مباراه بحماس راوغ وهبل لاعبين الاتحاد وماقدرو يوقفونه الابالخشونه... واتمنى له التوفيق سواء استمر في الهلال او احترف... اماالجمعان ماشاءالله عليه يبرد القلب حرك اللعب وبعد ماشفته حسيت ان المباراه هلاليه قبل نهايتها... ومشكور الله يعطيك العافيه. |
السلام عليكم ورحمة الله وبركاته صباح او مساء الخير مره اخرى مبرووووووووك البطوله احب اشكر الجميع مشاركين وقراء على تواصلهم وتفاعلهم - الاخ النمر الكاسر: سر تميزنا نحن الهلالين اننا ما نبالغ في الفرح ولا ننسى اخطائنا في غمرة الافراح - الاخ خيّال : عموما ادميلسون سوا اللي عليه والمدرب ما كان يتوقع منه هالمستوى بدليل تغييره من بداية الشوط الثاني الدعيع وسامي والجمعان هم ابرز نجوم اللقاء بلا جدال - الاخ رفيق الزعيم: آمين واياك والله يبارك فيك - الاخ وادي الرمه : الله يبارك فيك وعقبال السوبر ان شاء الله - الاخ ابو روان : تسلم وبالنسبه لحركة سامي اهه هه ههه ههه مهب صاحيه قعدت ارفس من الضحك وبالنسبه لللاخطبوط العملاق الدعيع فعيني عليه بارده ما شاء الله ثقه ما بعدها ثقه وعساه من هذا واحسن - الاخ @اسير الهلال@ : العفو وهذا واجبنا تجاه الزعيم ولا بد من وجود فئه تهتم بالاخطاء واكيد ان البطوله هي اهم شي بس كان بالامكان افضل مما كان - الاخ mooon15 : لا ما قسيت على نواف بس الظاهر ان نواف لعب باسمه امس وكانت روحه غايبه ومو هذا نواف اللي حنا خابرين وادري انه قعد يفرفر -قديم ,شفت الغبار- لكن بدون نتيجه ومع هالفريق الافضل ان تمرر بسرعه وبدقه وهذا اللي ما سواه نواف انا اعتب عليه لاني اعرف ان بامكانه اللعب احسن من كذا , وبالنسبه للجمعان فانا الصراحه من تالي اتفائل فيه كثيرا بس لو يركز ويهتم بنفسه وجسمه كان صار افضل لاعب في اسيا بلا منازع عموما احب اشكر الجميع مرة اخرى وبانتظار بقية المشاركات والف مبروووووووووووووووووووك وعقبال البطولات القادمه كلها وتقبلوا تحيات اخوكم/ فيصل- ابو خالد |
الف الف شكر على الموضوع المميز اخوي فيصل الثنيان |
هلا اخوي سالم 666 وياليتك حاط 999 اكيد فهمت وش اقصد عموما شرف لي انك تقرا موضوعي وكنت اتمنى انك تعلق عليه خصوصا في التشكيل تقبل تحيات اخوك ابو خالد |
ول ول ول ول ول ول ايش دا كلو؟؟؟ مشكووووووووووووووور |
يعطيك العافيه لكن الدوخي ما تقدر تلومه ترى الضغط كله كان من جهته اربعه يلعبون عنده,, مناف_ الصقري _ اليامي _ والبرازيلي يعني بصراحه ما ينلام وما قصر أحمد. اما التشكيله فهي حلوه بس نواف لازم يلعب المباراه كامله. |
| الوقت المعتمد في المنتدى بتوقيت جرينتش +3.
الوقت الان » 04:23 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd