اللي ودي أعرفه :: هل هنااك فتوى شرعية تجيز الإفطاار للاعبين في هذا الشهر الفضيل ؟؟

اللي عنده علم يا ليت يعطينا ،،

الله يهديهم وإيانا لجاادة الحق والصوااب ،،

الله يوفقه و يسهل امورهم.
و الله ان مشكلتها مشكله هاذي السالفه.

الله يعافيك على الموضوع بس اللي سمعته اذا كان فيه مباراة قوية يخلونهم يفطرون يوم المباراة والباقي يصومون

الظاهر ان فيه فتوى في هذا الموضوع انا كنت ادرس برا وصمت انا واخوياي عادي

عاد الحين فيه واحد من اخوياي يدرس في بريطانيا وابوه ملتزم وامام مسجد يقولي انه يفطر وانه بيقضي اذا رجع السعودية

ولاتنسون ان هذا عملهم و رزقهم ولا تنسوا ان الدين يسر
لكن الاكيد انهم لازم يستفتون في الامر مو من روسهم
والله اعلم

يفطر وبعد رمضان يقضي و شكراااااااااااااااااااا

هـذا تـصريـح من الأمـيـر الصـغـير ورده ,,
:)

ورده

اخوي سيدو كيتا ويحى تورية وبلال ابيدال في برشلونة يسون لهم نظام غذائي وقبل المباراة بيومين يفطرون ويعوضون بعد رمضان هذا مثال من عدة امثلة يعني عندك بلال ريبيري واللى انت ذكرتهم وكانوتيه وكثير من الاعبين المسلمين بس لهم برامج خاصة في رمضان

انيلكا يقول أنه مسلم لكن ما يصوم في رمضان ولا بعد الرمضان

يعطيكم العافيه على مروركم اللي اسعدني وعلى المعلومات اللي علمتوني

اتوقع انه يعتضر بس اذا المدرب كان

زي مدرب ابو عمر لا يمكن يفطر ويعوض

بس المفروض قنون في الكوره اذا رمضان يلعبون في الليل

مشكوووور اخوي والله مدري يصمون او لا الله اعلم

الله يكون بعونهم ..

أن بدون ركض ولا حركة ويالله أشوف طريقي :D

يا شبااب .. ترى المسألة ماهي زي ما قلتوا ..

أولا نعرف كلنا إن مو أي عذر يعني يبيح الفطر في رمضان .. صيام رمضان ركن .. مو تطوع ولا سنة راتبة ..

والشي الثاني .. لا تنسوا إن مباريات الفرق هذيك ممكن تكون خارج أرضه .. وبالتالي يكون مسافر ليومين .. ويباح له الفطر مثل ما درسنا .. وبعدين كلها 3 مباريات بس .. لا والأسبوع هذا بعد ما فيه مباريات عشان التصفيات .. وعلى الأقل مباراتين بتكون خارج أرضه يعني .. عاد مسكين اللاعب اللي يصادف رمضان أغلب مبارياته قي ارضه ..
وتذكرون يوم سووا الظاهر الاتحاد قبل سنتين يوم كانت المباراة في دولة المغرب قي 29 رمضان .. أفتوا لهم يفطرون لأنهم مسافرين لكن هم رفضوا يفطرون ..

وثالثا .. للي يقارن جسمه بأجسامهم .. ترى أجسام اللاعبين هذولا مو زينا .. أجسامهم لياقية عالية .. وبالتالي أجسامهم تقدر تعوض بشكل سليم (هذ لو كانت المباراة في أرضه طبعا) ..

وعشان أعطيكم بالتفصيل .. (الجولة السابقة صادفت آخر أيام شعبان)
تشلسي .. له 3 مباريات فقط في رمضان .. 2 مباراتين منها خارج أرضه .. يعني مسافر ويفطر ..
أرسنال .. له 3 مباريات فقط في رمضان .. 2 مباراتين منها خارج أرضه .. يعني مسافر ويفطر ..
ويغان .. (نادي عمرو زكي) .. له 3 مباريات فقط في رمضان .. 1 مباراة منها خارج أرضه .. يعني مسافر ويفطر ..
برشلونة .. له 3 مباريات فقط في رمضان .. 1 مباراة منها خارج أرضه .. يعني مسافر ويفطر ..
بايرن ميونخ .. له 3 مباريات فقط في رمضان .. 2 مباراتين منها خارج أرضه .. يعني مسافر ويفطر .. (مع العلم أن ريبري مصاب ومو لاحق يلعب إلا في مباراة هانوفر واللي راح تكون على أرض هانوفر) ..

اتمنى وضحت الصورة ..