نجوم الزعيم ماسكين طابور على التنسيق حتى ...
السلام عليكم الحمدلله والصلاة والسلام على رسول الله ... اللهم أجعلنا من صوامه وقوامه وممن يتقبل منهم ويغفر لهم ذنوبهم يارب العالمين ... كل عام وأنتم بخير ... مدري بصراحه كيف أبداء ولامن وين لاني بصراحه ودي أسوي لجمهور الهلال دورات تدريبيه لكيفية تشجيع الزعيم ... 
أنا من زمان وأنا أشجع الهلال بعيد كل البعد عن هذه الشبكة الرائعه ... وفي يوم من الأيام قررة أدخلها وتبون الصراحه " بعض ردود الأعضاء تخليني أقول ليتني مادخلتها " ... والمشكله بصراحه بسيطه جدآ لكن اللي يعوق حلها هو تفاعل الأعضاء مع الحل ... 
والمشكله هي (( فن تحطيم اللاعبين ))
وهذي المشكله بداءة في الأونه الأخيره تطغى ونراها تقريبآ بشكل يومي ...
سبب المشكله / أن المصابين بهذي المشكله صحيح أنهم يحبون الزعيم لاكن أيضآ
جماهير لاعب << لأحد يزعل هذا الصحيح
ومن نتائج هذي المشكله :
1- أعتزال ((نواف)) يالبى قلبهـ ...
<< كان ودي أوسوي موضوع عن اللي يكتبون عن أعتزال نواف وأنهم
زعلانين ... أبي أقول لهم وينكم يوم نواف كان محارب والمواضيع عليه ليش
مادافعتوا عنه توكم فازعين ألحين بعد ما أعتزل ...
2- هبوط مستوى العنبر << أبي أسأل من اللي لقبه الصقر النصراويه ولا الاتحاديه !!! ... أنتوا اللي لقبتوهـ طيب ليش ماترجعون تساعدونه وتشجعونه ويرجع لمستواهـ عيب هو ... تذكرون يوم مبارات المنتخب يوم قال ماجد عبدالله أن المدرب خاطر ولعب العنبر مهاجم لحاله مهاجم وقامت المنتديات على ماجد ... ليش ماتقومون المنتدى على العنبر وعلى المفرج وكل اللعيبه << بس تقومونها تشجيع ...
3- نزول مستوى المفرج ... بعد مالقبتوهـ الأسد << ولا يمكن النصراويين اللي ملقبينه عقب هدفهم ...
4- بأسألكم الحين مافيه لاعب ألا ويدخل الشبكه وأغلبهم عقب المباراة << يبي يشوف وش ردة فعل الجماهير بعد المباره سوااء كانت المباره من صالحنا أو ضدنا ... س/ هل بعض المواضيع ماتسبب عند اللاعب خوف من نزول مستواه وأنه يصير مكان زميله في الأنتقاد ...
<< وهذي المشكله اللي بتخلينا نفقد نجووومنا نجم نجم ...
وأيضآ من المشاكل اللي سبببها جمهور اللاعب ...
أن أي واحد ينتقد لاعبه << تقول مب لاعب الهلال كنه لاعبهم شارينه ...
أي واحد ينتقد لاعبه على طوول يقولكـ أنت مندس ...
>> مابقى ألا يتهمون الأدارهـ والمشرفين بالأندساس<<
وبعدين وش فيها أذا أنتقدت اللاعب الفلاني نقد بناء ...
قبل كم يوم واحد من الأعضاء بعد مبارات الهلال الوديه اللي خذا فيها طارق كرت ...
نزل موضوع وقال أن طارق فيه ميزه أنه يتنرفز و..
وكلامه صحيح فعلآ كلنا شفنا طارق في مبارات الشباب يوم عدهـ منه عبدو عطيف ...
وهذا الشي فعلآ رح يأثر في الهلال لأن طارق كلنا نشوف تأثيرهـ أذا نزل للملعب ...
وتتذكرون مبارات الوحده ومبارات على مأعتقد الطائي أو الحزم من أول لمسه جاب هدف أو يسبب هدف ...
حل المشكله / أننا نشجع اللاعب مادم يلبس شعار الهلال فقط لاغير ...
بتقول أنكـ بتضغط على الأداره بالمواضيع وراح ينسقونه أو يعيرونه أو ...
طيب هذا الجماهير تبي تنسيق المفرج والعنبر و...و..
ولا واحد تنسق من اللي تبون بالعكس ...
المفرج جدد عقدهـ ويستاهل // والعنبر أحترف << والله من جد يستاهل قاعد على
كبود اللي مايبونه ...
وأيضآ الجماهير كانت رافضه أن الكلثم يروح أعاره ...
وهذا هو راح ...
فأقولكم بأختصار ريحوا بالكم ماحد سامعكم << وهذا أحسن مميزات الأدارهـ
الجديدهـ ...
فليش مانشجع الزعيم للزعيم فقط ...
وليش مانشجع أي لاعب يلبس شعار الهلال ...
حتى لو أنا ألعب مع الهلال شجعوووني <<< 
الحمدلله ربي رزقنا بأدارهـ صدقني من أفضل رؤساء الهلال ... وشوفوا أيضآ
الأداراة السابقه كلها أداراة قويه وذكية ... يكفي أدارة محمد بن فيصل << ياحبني له
والله أدارهـ يتمناها أي نادي ...
فاللي نبيه هو فقط شئ بسيط تشجي النادي ...
وتركـ النقد الجارح اللي ماراح نستفيد منه أي شيء فقط راح يضرنا أول شئ تكون
أخطيت في حق اللاعب وهذا نميمه وثاني شي تحطمه زياده ...
والي أبي أقوله ترى حنا مقبلين على بطوله مهمه ولازم نفكر قبل ننقد أي لاعب أو نكتب موضوع أوي أي شئ يمن أنه يسبب ضرر على النادي حتى لو بدون قصد ...
هذا وصلى الله على نبينا محمد وعلى آله وصحبه أجمعين ...
أخوكـ ... بازوكا الدوسري
الوضع الشجري
