(( يوميات رمضانيه " 3 " )) hilalemooot يحذر : انتبهوا لاطفالكم في هذا الوقت !! - نادي الهلال السعودي - شبكة الزعيم

المنتدى الاستشاري · #1 04/09/2008, 03:19 AM

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات

وكل عام وانتم بخير
**][يوميات رمضانية 1429 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،،،
هذه السلسلة أنتم أهل بيتها ونحن ضيوفا في حضرتكم ،،،

أهلا وسهلا بكم أحبتنا ..
ودعونا نرحب سوية بالمضيف "الثالث"
المشرف المتميز" hilalemooot"
لكي يحكي لنا احداث يومه مع شهر رمضان المبارك ..

بالبداية كل عام وانتم بخير .. وان شاء الله ينعاد عليكم هالشهر سنين طويلة يارب

.. والله يجعلنا من المقبولين

يومي مدري تبونه من البداية والا من النهاية

بس بالعادة اصلّي الفجر
.. واقرأ قرآن شوي تقريباً ساعة ساعة الا ربع .
. ثم أنام على الساعة 6 .. 6.30 الصباح لحد صلاة الظهر .

اقوم الساعة 12 .. أصلي الظهر .. وارجع انام احياناً .. و أحيان ثانية اجلس ع النت شوي .. بس غالباً نومة للعصر

.. عقب العصر قراءة قرآن لحد الساعة 5 .

الساعة 5 اروح النادي

.. طبعا نادي لياقة و حديد .. ادري وقت باااايخ

بس تعرفون ليه .. بعدين <---- تسمع بالتشويق

.

ارجع على 6 .. 6.15 .. آخذلي دش .. البس .. وانزل تحت للفطور
.. طبعا يأذن عندنا هاليومين 6.41 دقيقة .. طبعا نظامنا تمر و قهوة و موية ولبن .. تمرتين وكاستين موية بالنسبة لي واروح اصلي المغرب
.. وعقب الصلاه ارجع واكسر السفرة

.. الجوع ولله الحمد مامن جوع .. فلذلك غالباً يكون الاكل خفيف

بعد المغرب وقت التلفزيون مع العيلة

.. اتابع عيال قرية وعقبها فرّار

بس غالباً اتابع الفطين

.. 8.30 استعداد للصلاة .. ثم اروح اصلي العشا و ما يتيّسر لي من التراويح

الساعة 9 يبدا دوامي .. طبعا غالباً اجيهم 9.30 .. الصلاة اهم منهم

.. اطقطق بالدوام ابو 3 ساعات لين 12 .. طبعا الله لا يوريكم الدوام تعب .
. الناس هالايام انواع المرض وما ياكلها الا حنا

.. جد انتبهوا لـ بزرانكم الجو يبدا يتغير و الاطفال بالذات يمرضون هالاوقات

.

بعد 12 اطلع للشباب بالاستراحة .. غالباً لحد 2 3 حسب الفلة و الحظ بالورقة

طبعا بهالوقت اتابع صج حظوظ

وحروف و آلوف لزوم السقافة

.. ارجع للبيت .. غالباً اجلس ع النت ساعة لحد 4 الفجر .. اكل شي خفيف جداً و اشرب موية .. واصلي الفجر .. واقرا قرآن و أنام .. بس هذا يومي

أدري يوم بايخ مافيه شي

.. بس بالنسبة لي مرتاح احس الدوام ربطني شوي وخلى وقتي منظم اكثر

.. اشكركم على الإستضافة .. وان شاء الله هالشهر يكون خير عليكم جميعاً .. وأتمنى من الجميع الإستفادة من كل دقيقة فيه

.. ناس السنة اللي راحت صاموا معنا .. هالسنة تحت الثرى

.. فالله الله باستغلاله خير إستغلال .

شكراً لـ مشرفي و مستشاري المجلس العام على جهودهم في هالشهر .. وقت ممتع للجميع

ورده

كل الشكر
للمتميز**][ " hilalemooot.♥][ **

وانتظرونا غداَ مع
المتألقه فجر الرياض .

أرق التحايا وأطيبها من

مشرفيي واستشاريي
المجلس العام