(( يوميات رمضانيه " 3 " )) hilalemooot يحذر : انتبهوا لاطفالكم في هذا الوقت !! - نادي الهلال السعودي - شبكة الزعيم

المنتدى الاستشاري · #1 04/09/2008, 03:19 AM

فكرة :: سندريلا الهلال
اعداد ومتابعه ::
هلالي من ارض اليمن و الهنوووف
تصميم :: عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات

وكل عام وانتم بخير
**][يوميات رمضانية 1429 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،،،
هذه السلسلة أنتم أهل بيتها ونحن ضيوفا في حضرتكم ،،،

أهلا وسهلا بكم أحبتنا ..
ودعونا نرحب سوية بالمضيف "الثالث"
المشرف المتميز" hilalemooot"
لكي يحكي لنا احداث يومه مع شهر رمضان المبارك ..

بالبداية كل عام وانتم بخير .. وان شاء الله ينعاد عليكم هالشهر سنين طويلة يارب

.. والله يجعلنا من المقبولين

يومي مدري تبونه من البداية والا من النهاية

بس بالعادة اصلّي الفجر
.. واقرأ قرآن شوي تقريباً ساعة ساعة الا ربع .
. ثم أنام على الساعة 6 .. 6.30 الصباح لحد صلاة الظهر .

اقوم الساعة 12 .. أصلي الظهر .. وارجع انام احياناً .. و أحيان ثانية اجلس ع النت شوي .. بس غالباً نومة للعصر

.. عقب العصر قراءة قرآن لحد الساعة 5 .

الساعة 5 اروح النادي

.. طبعا نادي لياقة و حديد .. ادري وقت باااايخ

بس تعرفون ليه .. بعدين <---- تسمع بالتشويق

.

ارجع على 6 .. 6.15 .. آخذلي دش .. البس .. وانزل تحت للفطور
.. طبعا يأذن عندنا هاليومين 6.41 دقيقة .. طبعا نظامنا تمر و قهوة و موية ولبن .. تمرتين وكاستين موية بالنسبة لي واروح اصلي المغرب
.. وعقب الصلاه ارجع واكسر السفرة

.. الجوع ولله الحمد مامن جوع .. فلذلك غالباً يكون الاكل خفيف

بعد المغرب وقت التلفزيون مع العيلة

.. اتابع عيال قرية وعقبها فرّار

بس غالباً اتابع الفطين

.. 8.30 استعداد للصلاة .. ثم اروح اصلي العشا و ما يتيّسر لي من التراويح

الساعة 9 يبدا دوامي .. طبعا غالباً اجيهم 9.30 .. الصلاة اهم منهم

.. اطقطق بالدوام ابو 3 ساعات لين 12 .. طبعا الله لا يوريكم الدوام تعب .
. الناس هالايام انواع المرض وما ياكلها الا حنا

.. جد انتبهوا لـ بزرانكم الجو يبدا يتغير و الاطفال بالذات يمرضون هالاوقات

.

بعد 12 اطلع للشباب بالاستراحة .. غالباً لحد 2 3 حسب الفلة و الحظ بالورقة

طبعا بهالوقت اتابع صج حظوظ

وحروف و آلوف لزوم السقافة

.. ارجع للبيت .. غالباً اجلس ع النت ساعة لحد 4 الفجر .. اكل شي خفيف جداً و اشرب موية .. واصلي الفجر .. واقرا قرآن و أنام .. بس هذا يومي

أدري يوم بايخ مافيه شي

.. بس بالنسبة لي مرتاح احس الدوام ربطني شوي وخلى وقتي منظم اكثر

.. اشكركم على الإستضافة .. وان شاء الله هالشهر يكون خير عليكم جميعاً .. وأتمنى من الجميع الإستفادة من كل دقيقة فيه

.. ناس السنة اللي راحت صاموا معنا .. هالسنة تحت الثرى

.. فالله الله باستغلاله خير إستغلال .

شكراً لـ مشرفي و مستشاري المجلس العام على جهودهم في هالشهر .. وقت ممتع للجميع

ورده

كل الشكر
للمتميز**][ " hilalemooot.♥][ **

وانتظرونا غداَ مع
المتألقه فجر الرياض .

أرق التحايا وأطيبها من

مشرفيي واستشاريي
المجلس العام

حتى ظلالي هلالي · #2 04/09/2008, 03:40 AM

أوووووووووووووووووولي

هلا والله برئيس تحالفنا

لا تخاف بننتبهـ لبزاريننا .. وأولهم أنا

يقولون ان الحين وقت السحور قبل يأذن وإلا لا ..!!

(برب سحور

)

_______

باكـ بعد السحور

الحمدلله

إقتباس


	بالبداية كل عام وانتم بخير .. وان شاء الله ينعاد عليكم هالشهر سنين طويلة يارب .. والله يجعلنا من المقبولين

وانت بصحهـ وسلامهـ
اللهم آمين

إقتباس


	الساعة 5 اروح النادي .. طبعا نادي لياقة و حديد .. ادري وقت باااايخ بس تعرفون ليه .. بعدين <---- تسمع بالتشويق .

5 العصر

ونادي

مثل الناس الي تلعب طائرة العصر برمضان

إقتباس


	.. طبعا يأذن عندنا هاليومين 6.41 دقيقة ..

حنا يأذن عندنا 6:25 دجيجه

تقريبا
كيف أنتم بعدنا

إقتباس


	طبعا نظامنا تمر و قهوة و موية ولبن ..

تمر وموية وقهوة تمشي
بس لبن

هذا السحور وإلا الفطور ..!!

إقتباس


	بعد المغرب وقت التلفزيون مع العيلة ..

هذا دايم يكون أحلى وقت

إقتباس


	الناس هالايام انواع المرض وما ياكلها الا حنا .. جد انتبهوا لـ بزرانكم الجو يبدا يتغير و الاطفال بالذات يمرضون هالاوقات

تطمن اهلي منبهين لي

إقتباس


	بس هذا يومي

من جد يومكـ يخلص بسرعهـ

الله يخلي الدوام الي آخذ نص وقتكـ

بس ماقلت لنا ليهـ تروح للنادي بذاكـ الوقت ..؟!
اسلوب تشويق بس ماشفنا شيء

ايه صح قصدكـ عشان الدوام ..؟!

إقتباس


	وأتمنى من الجميع الإستفادة من كل دقيقة فيه .. ناس السنة اللي راحت صاموا معنا .. هالسنة تحت الثرى .. فالله الله باستغلاله خير إستغلال .

الله يجزاكـ خير ورده
والله يرحم الموتى
ويوفق الجميع يارب

إقتباس


	وانتظرونا غداَ مع المتألقه فجر الرياض .

فجورهـ ننتظر

إقتباس


	مشرفيي واستشاريي المجلس العام

الشكر لكم ♥

عسيريه · #3 04/09/2008, 03:42 AM

.

.

هلا ومرحبا بـ هلالي موت

ماشاءالله يوم خفيف جدا ً مدري هو كذا ولا انت طريقة كتابتة خفيفه <~

طيب ماقلت لنا عن النادي وش سالفته

!

الله يعطيك العافيه هلالي موت ماقصرت

بإنتظار فجوره

أحسها اليوم بتحوس بالمطبخ عشان تعلمنا انها صقره

وفي روايه سنعه

شكرا لـ سندريلا وطارق والهنوف

مع التحيه

بريماكس · #4 04/09/2008, 03:47 AM

السلام عليكم

هلا والله هلالي موت

هلا بصاحب احلى طبخه

استضافه مميزه

هلالي موت استمتعنا مع يومك

بس ماقول الا اللهم لارياء

بلد القلق لاتنسى تقراء العنوان

لاهنتوا اخواننا الاستشارين والمشرفين وهلالي موت على الاستضافه الخفيفه المميزه

بانتظار فجر الرياض غدا ---> واحد عجل نزلوه اللحين

تقبل مروري االحلو اللي على عجاااله

الوالده الله يحفظها انبح صوته واهي تنادين للسحور

اهذب تحيه ورده

باي

كاريزمـا · #5 04/09/2008, 03:50 AM

ولكم مشرفنا ..ورئيس تحالفنا سابقاً

يعطيك الف عافيه وان شاء الله لي باك ورده

ــــــــــــــــــــــــــــــــــ

إقتباس


	هلا والله برئيس تحالفنا

هههههههههههههههههههههههههه مير هنا بعترف لكم

مدام أننا برمضان

أن شاء الله تتسامحوني

يوم التحالفات بالمسابقه

ترى أتفقت معكم وأتفقت مع التحالف الثاني اللي هو منافسكم

<<<

بس ترى قلبي نظيف ناصع البياض

ولا فكرت أخون أحد منكم

والجد توهقت تجيني من تحالفكم اوامر ومن الثانين أوامر أطردي فلان وعلان

<<< قلت يابنت وراى ماتطردين الرؤساء

عشان يتفركش الحلفين

لعلي أنطردت قبلكم

بس أهم شي أعترفت لكم وبريت ذمتي

وبس

ورده

نجي لليوميات ...

مبارك عليكـ الشهر والله يجعلنا واياك من المقبولين ...

إقتباس


	بعد المغرب وقت التلفزيون مع العيلة .. اتابع عيال قرية وعقبها فرّار بس غالباً اتابع الفطين

الحين يقالهم عيال قريه مغيرين ..ماأقول الا الثنائي طلع من الحفره طاح بالدحديره

اووما أختهم لطيفه حركه مدري من وين ناقثينها

والله مافيهم الا عبد الاله السناني ..

الممثلات اللي معهم عجبه خخخخخخخخخ مستوردينهن أستيراد مهجن

[QUOTE] جد انتبهوا لـ بزرانكم الجو يبدا يتغير و الاطفال بالذات يمرضون هالاوقات

.[/QUOTE]

وتسبدي بس هالمبزره غاثين أهلهم صيف وشتاء

ياصبر الأرض عليهم

الحمد لله ماعندنا أخوان مبزره ..

اللي يجيك يصيح أصبخ بوه الجدار <<<

يعطيك العافيه هلالي مووت على اليوميات

ماشاء الله عليك بالساعه والدقيقه

عسىاهم يبوننا نكتب بالساعات

<<< راعية سوالف وطويله

<< تكتب الرد على صوت نغمات لطيفه

أخت سليم وكريم

يالبيه يانط ليفه

Mr.Scrub · #6 04/09/2008, 03:54 AM

يوم بسيط ورائــع

يعطيكـ العافيــه ولي عودهـ أن الله كتب

ويمكن ما أعود

F I N A L · #7 04/09/2008, 03:55 AM

إقتباس


	جد انتبهوا لـ بزرانكم الجو يبدا يتغير و الاطفال بالذات يمرضون هالاوقات .

وأنا أقول ليش أنا تعبت هاليومين << براااااااا

الله يعينكـ, على دوامكـ,

إقتباس


	فكرة :: سندريلا الهلال اعداد ومتابعه :: هلالي من ارض اليمن و الهنوووف تصميم :: عسيريه

يعطيكم ربي العافيهـ,

الحلا مبتليها · #8 04/09/2008, 04:08 AM

مرحبا بك هلالي مووت..

ماشاء الله عليك يومك يبتسم بالهدوء والروقان

..

ياحلو النظام

تحس انك عايش ف الحياه

..

والله اني اعشق شي اسمه نظام بس الاهل النظام من جهه وهم من جهه

بس تبي اصدق ياحلو النظام وياشينه ف نفس الوقت<< مدري وشلون تجي ذي

يومك زريف وننتظر الجيش الاسلامي القادم

تحياتي ..

ورده

جرح يشكي · #9 04/09/2008, 04:25 AM

يوم جميل

استمتعت وانا اقراهـ

بس كيف جوك يا صاح

اجل نادي الساعه 5 وانت صايم

hilalemooot .. ترا نحرص على تواجدك معنا في المجلس

بانتظار يوم زحف الجيش الاسلامي مثل ما قالت الحلا ناشب لها

شكراً استشاريينا الجدد

و ورده

شكراً لمصممتنا ورده

الهنوووف · #10 04/09/2008, 04:44 AM

وعليكم السلام ورحمه الله وبركاته

هلا بك اخوي هلالي مووت

ماشاء الله يومياتك منظمه ومرتبه وهاديه

طالعه عليك

يازين التنظيم

الله يرزقنا التنظيم

والله يتقبل منا ومنكم

ونشكرك على قول الاستضافه

وبانتظار فجوورة

واحلى فيمتو لـ مشرفنا

الهنوووف

كانت
هنا
ورحلت

عاشقة الزعيم15 · #11 04/09/2008, 04:53 AM

اهلا وسهلا هلالي موت منور مجلسنا التحييف

إقتباس


	الساعة 5 اروح النادي .. طبعا نادي لياقة و حديد .. ادري وقت باااايخ بس تعرفون ليه .. بعدين <---- تسمع بالتشويق .

اووخس نادي قبل الفطوور

من دون شي نعطش

.. الله يعينك والله

إقتباس


	. الناس هالايام انواع المرض وما ياكلها الا حنا .. جد انتبهوا لـ بزرانكم الجو يبدا يتغير و الاطفال بالذات يمرضون هالاوقات .

خلاص ان شاء الله حضرة الدكتور

وبنتبه لنفسي قبل اي احد

يومك بااااايخ مافيه اي شي

.. ومالهم داعي اللي استضافووك

>>

ورده
تحياتيـ
عاشقة الزعيم15

S K Y · #12 04/09/2008, 05:08 AM

هلا والله ابوحميد منور المجلس بهالطله الحلوه .. ماشاء الله عليك يومك مثالي مافيه أكشن ومواقف بس تبي الصراحه والله أحسدك

إقتباس


	الساعة 9 يبدا دوامي .. طبعا غالباً اجيهم 9.30 .. الصلاة اهم منهم .. اطقطق بالدوام ابو 3 ساعات لين 12 .. طبعا الله لا يوريكم الدوام تعب

واحد من الشباب يداوم الساعه 2 الظهر ويطلع الساعه 10 الليل طبعا أرامكوا ماتقلل ساعات العمل يعني في رمضان والا غيره نفس الكرف < بترول مو لعب

.. يجينا في الأستراحه بعد مايطلع ويجلس معنا للفجر < أنسان حق كرف وليته يجي ويجلس لا يكرف ويشتغل ومايخلي احد في حاله ماشاء الله عليه

الله يعطيك العافيه اخوي احمد على هالفرصه السعيده والله يتقبل منا ومنك صالح الأعمل
تقبل مروري المتواضع

ربطـه و شبـاصه · #13 04/09/2008, 05:23 AM

اهلاً بـك أبو حميـــــد

<= تمون وبشدة مستشده

ماشاء الله عليك يومك مُنظّم الله لايضرك

ايه هاذي النآس اللي لا قامت تعرف وش بتسوي

مير الله يخلف علي وعلى شاكلتي ، أقوم وأخلي يومي عفوي |[ بسم الله علي مااستبق الأحدآث ]|

يعطيك العآفية hilalemooot ورده
وكل عام وأنت الخير ورده

إقتباس


	ونشكرك على قول الاستضافه

هنُّو تؤبشيني ، دوتس البـاء هديه

ورده

|~|~|~|~|~|~|~|

شكراً :
سندريلا الهلاال ورده
هلالي من أرض اليمن ورده
المبدعة عسيرية ورده
واستشاريتنا الهنووف ورده
وبانتظار يوميات فـجر

هلاليه كووول22 · #14 04/09/2008, 05:24 AM

وعليكم السلام ورحمة الله وبركاته

اهلين هلالي موووت

يوم منظم ماشاءالله عليك

وخفيف وممتع في نفس الوقت

الله يعطيك العافيه

بانتظار فجر

وكل الشكر
لسندريلاالهلال
والهنوووف وهلالي من ارض اليمن
واكيد للممصه عسيريه

الجرح الخالد !! · #15 04/09/2008, 05:25 AM

يومك هادئ كهدوء الريح وقت الصباح .

ربي يعطيك العافية بإنتظار الضيف الجديد .

وتقبل الله منا ومنكم صالح الأعمال ..

كنت هنااا