الـــســــلام عـــلــــيـــــكــــم

في احد معسكرات المنتخب كتب يوسف لوحة على باب غرفته يقول فيها
ممنوع دخول العبيد.. جاه احمد جميل وقال له : ما يصير يا أبو يعقوب
الكلام اللي أنت كاتبه وحنا كلنا عبيد لله .. حس أبو يعقوب إن أبو جميل
زعل .. وطبعا يوسف حساااااس قام شال اللوحة وحط بدالها ممنوع دخول
العبيد إلا احمد جميل (هاذي قووويه )

**********
في احد معسكرات المنتخب كان فهد الهريفي من الملتزمين في تلك الفترة ..
وكان يحرص على انه ( يصحي ) المعسكر كله لصلاة الفجر .. وفي إحدى المرات
أتى الهريفي عشان ( يقوم) أبو يعقوب .. ويوسف الظاهر انه ما نام إلا
متأخر .. فلما بدء فهد يقوم الشباب للصلاة .. ووصل إلى أبو يعقوب .. وأبو
يعقوب مطنش.. وفهد مصر على انه يقوم .. قام أبو يعقوب وقاله يا فهد ما
بزينالك وأنت ....!!! نبزلك وأنت مطوع

***********
يوسف الثنيان له صديق قريب على قلبه أسمه إبراهيم القصيمي إداري نادي
الرياض السابق - إبراهيم يحب أبو يعقوب حبا جما.. قام الأستاذ الحكير
بوضع إبراهيم القصيمي ضمن الجهاز الإداري لنادي الرياض .. وفي أحد
مباريات الهلال والرياض مررت كرة ماكرة للثنيان فأحرز منها هدفا جميلا
فأنطلق يجري بأتجاه إحتياطي الرياض وبالضبط في أتجاه القصيمي ولم يكذب
إبراهيم خبرا إذ قفز فرحا وأحتضن الثنيان ومن يومها وإبراهيم القصيمي
خارج نادي الرياض

***********
كان في مباراة مهمة للمنتخب ولابد من الفوز ولا الخروج من البطولة وللأسف
إنهزم المنتخب , وفي غرفة الملابس شاف أبويعقوب خالد مسعد وهو يصيح ,
قاله قم قم يا خالد حنا السعوديين ما صحنا علشان تصيح أنت ووجهك

**********
مره كانوا في المنتخب وكان حاتم خيمي معهم والرجال مشتري له ملابس جديده
بدل وحركات(اللي هو حاتم خيمي) المهم قبل لا يلبسهم المسكين طلع من
الغرفه و دخل الثنيان ولبسهم وطلع للاعبين شكله يموت من الضحك لانها كبيره
عليه كثير.. يوم شافهم يضحكون الا حاتم خيمي مولع من القهر الغضب ضحك
الثنيان وقال: هذي الملابس اشتريتها وطلعت وسيعة وكبيره وقررت
اعطيها حاتم خيمي

***********
طلع الثنيان من المعسكر ويوم بغى يركب سيارته لقى سيارة مساعد الطرير لاعب النصر مفتوحة
والمفتاح داخلها..المهم اخونا في الله ما صدق خبر..خذ السياره وراح يقضي
اشغاله الخاصه..يوم طلع الطرير ما لقا السياره فعرف ان الثنيان هو اللي
خذها.. ويوم شاف الرجال طول ما جا راح الطرير وبنشر سيارة الثنيان المهم
رجع الثنيان اخر الليل لقا السيارة مبنشره..اول ما دخل لقا الطرير وباقي
اللعيبه يستنونه...و الشرار يتطاير من عيون الطرير وصاح في الثنيان :
ليش خذت سيارتي؟؟ فجاوبه الثنيان بسرعة بديهة : والله لقيت سيارتي مبنشره
قلت اروح في سيارتك ( يلعن ام التصريفه )

************
مره كان في مباراة للهلال والنصر على ايام خالد الفرحان ومصطفى ادريس
والشله المهم كان ابويعقوب معه الكوره وخالدالفرحان مراقبه ابويعقوب وقف
ويناظر خالدالفرحان وقال لخالد الفرحان صك فمك لايدخل جراد

*************
يوسف مرة ... كانت السعوديه فايزه ببطوله وقفهم المذيع هو وماجد . قال
المذيع طبعا بعد ماانتهو من الكلام لمن تهدي هذا الانتصار قال ماجد اهديه
لامي رجع المذيع ليوسف قال لمن تهديه يايوسف قال يوسف اهديه لام ماجد

*************
في تصفيات مربع غرب اسيا والي اقيمت في لبنان
المهم الملعب كان سيء جدا وكله حفر وحالته حاله وزراعته الله
بالخير ... عاد بعد احدى المباريات سأل احد المراسلين ابو يعقوب عن رايه
بالملعب ؟
قال ابو يعقوب الصراحه انا اول مره اشوف ملعب مزروع نعناع !!!!!!

**************
في لقاء مع مجلة اليمامه زماان قال له :
متى يتوقع يوسف الثنيان ان ماجد عبد الله يعتزل
وكان ماجد ذاك الوقت في اخر ايامه قال ابو يعقووووب بسرعة بديهه
اذا نسّمت الكوره‎ ‎.

صراحة من جد مواقف حلوة ,,, وتدل على خفة ظل ابو يعقوب


لكن فيه موقف حيرني شوي :

إقتباس مره كان في مباراة للهلال والنصر على ايام خالد الفرحان ومصطفى ادريس والشله المهم كان ابويعقوب معه الكوره وخالدالفرحان مراقبه ابويعقوب وقف ويناظر خالدالفرحان وقال لخالد الفرحان صك فمك لايدخل جراد

من اللي نقل هالسالفة للناس !!!!!!

ممكن يكون ابو يعقوب اللي قالها للمقربين وانتشرت !!

لانها في الملعب ,,, وقت مباراة ,,, وشلون الناس سنعت الحوار اللي دا بين يوسف وبين الفرحان ؟؟؟



لكن المواقف مرة حلوة ... الله يسعدك

تقبل مروري

إقتباس في احد معسكرات المنتخب كتب يوسف لوحة على باب غرفته يقول فيها ممنوع دخول العبيد.. جاه احمد جميل وقال له : ما يصير يا أبو يعقوب الكلام اللي أنت كاتبه وحنا كلنا عبيد لله .. حس أبو يعقوب إن أبو جميل زعل .. وطبعا يوسف حساااااس قام شال اللوحة وحط بدالها ممنوع دخول العبيد إلا احمد جميل

ههههههه,,

بس اخوي مكان الموضوع خاطئ,,

كان في مباراة مهمة للمنتخب ولابد من الفوز ولا الخروج من البطولة وللأسف
إنهزم المنتخب , وفي غرفة الملابس شاف أبويعقوب خالد مسعد وهو يصيح ,
قاله قم قم يا خالد حنا السعوديين ما صحنا علشان تصيح أنت ووجهك


ههههههههههههههههههه

الله يذكره بالخير

مواقف جميله
عوااااااااااااااااااااااااااااااااااااااافي

,,,, الله يــعـــطـــيـكـ الـــعـــافـــيــه على الــــمــوضــوع يــــســلــموو ,,,,

[ تـــقــبـل تــــحـــياااااتــــــــــي ]..

هع هع هع هع الله يرجك يابو يعقوووب

هذي عاداته كلها استهبااال بس اللي

اعجبتني مقلب حاتم خيمي هههه ... شكرا

اخوي الموضوع مكرر بس تشكر :