الشمري يقتدي بالدعيع, الحربي مايعرف للقوانين, محمد النزهان في الهلال , خلاصه المباريات التحضيريه السلام عليكم ورحمه الله وبركاته كل عام وانتم بخير يا أعضاء شبكه الزعيم .. وتقبل الله صيامكم وقيامكم نبارك للهلال المستوى المشرف الي قدمه في مباراه اليوم التكريميه .. بغض النظر عن نتيجه المباراه والي ماكانت تهم صراحه .. صح انه هدفين جا فينا كويسين لكن بلنتي من برا الـ 18 :d ونبارك للمستويات الي قدمها خلال مشواره التحضيري بدءً من مباراته مع الجيل واختتاماً بمباره اليوم مع الشعله .. راح اقدم موضوعي على شكل نقاط ملخصه تحكي واقع وحال الهلال هذه الأيام .. *- فهد الشمري الحارس المبدع .. قدم لمحه فنيه رائعه مشابهه للحركه الي عملها محمد الدعيع في مباراه من المعسكر , ومن نفس الجهه ايضاً *- عودة النجم أحمد الصويلح يبدو انها قويه .. حيث ان هذه اول مشاركه فعليه له وسجل هدفين من جهوده في شوط واحد ..بالتوفيق للثعلب *- محمد نامي يبذل مستويات ممتازه وبدأ عليه الثقه في النفس والروقان والتمركز الجيد .. الظاهر انه اتأقلم مع مركز الظهير , وان شالله يكون محمد النزهان رقم 2 , نظراً للشبه بينهم..:d ( وجهة نظر ) *- محمد العنبر عطي الفرصه الكافيه من كوزمين ولم يقدم اي شيء جديد يذكر , الظاهر انه راح يكون اسير دكه الإحتياط بتواجد الصويلح ورجعته القويه *- بدر الدعيع كان يجب إعارته لتطوير مستواه .. فـ الثلاثي الدعيع الكبير والشمري والعتيبي كافي جداً في النادي , مع اني مو مقتنع بالعتيبي , الدعيع بان عليه نزول كبير في المستوى.. و3 اهداف كثيره في شوط واحد ! *- بندر العنزي يشارك فعلياً ولأول مره وبان مستواه تقريباً .. اللاعب مبدع لكن يبغاله وقت يطور *- نواف التمياط القادم , عبدالعزيز الدوسري .. ذكرنا بإبداعات الفتى الذهبي .. وذكرنا ببدايات محمد الشلهوب من ناحيه التغزل في المستوى من قبل المعلقين .. فهل يعي الفتى الموهوب الصغير التقدير الي جاه من نواف والرقم الي لابسه .. ويثبت وجوده ويصبح نواف اخر ؟ *- يبدو ان المعلق الحربي لايفقه القوانين جيداً .. بندر العنزي رجع كوره طويله للحارس ومعروف بالقانون ان الحارس مايقدر يمسكها بيده , علق المعلق بـ انها حركه استعراضيه من قبل الدعيع الصغير ويحسبه يسوي زي عمه من ناحيه الإستعراض .. لكن ماكانت الا تثبيته بالصدر غير موفقه لـ بدر .. فـ هل كان للمعلق نيه اخرى ؟ *- طارق التائب ماشالله .. من تألق لتألق .. وجوده ينعش اللعب .. إستمر يابو نادين:clap: تفاءلت بالزعيم قبل الموسم الي راح وكان تفاؤلي في محله .. وان شالله متفائل أكثر في هذا الموسم .. الهلال عنده فرص بأنه ياخذ كل البطولات بإذن الله .. إيجابيات هذا الموسم
كيف لو انضم اللاعبين الدوليين للفريق ؟ والله حريقه راح يكون الهلال مو بس الفريق الأساسي.. حتى على صعيد الفريق الرديف نجوم .. وازيد كمان فريق الشباب !! ماشالله تبارك الله اللهم لاحسد .. بإذن الله قادرين على الوصول لأسيا بوجود هذا الفريق .. ومع التحضيرات الممتازه الي محد قدر يسويها من الأنديه الأخرى ... بـ ناخذ كل البطولات بإذن الله صح حزنا هذي الفتره على إنتقال الكلثم .. وإعتزال نواف لكن خلينا نكون واقعيين .. الكلثم ماكان بمستواه لا في المعسكر .. ولا في نهايه الموسم المنصرم .. يرجع لنا ان شالله كلثم فنان نواف .. صح ان وجوده له ثقل في الملعب .. وصح انه كان يعطي لكن نواف حس انه ماقدر يعطي زي اول .. ماقدر يلبي رغبات الجمهور بالعوده الى نواف 2000 اعتزال نواف كان في محله .. حفظاً لتاريخ هذا اللاعب .. وعشان الإصابه الي لاحقته لـ فتره طويله تحياتي لكم .. |
الله يسمع منك حنا فعلنا الاسباب باقي نتوكل ع الله وندعي لهم الله يوفقهم تقبل مروري crasso azory |
تسلم يمينك يالغالي ومن ناحية الحربي فهو نصراوي ووش ترجي منه؟ الله يخلف بس على ابو خليف (رؤوف )ولا ابو شوالي مع انه في الاخير بدا يتغير لكن يظلوون افضل من معلقهم الشاب ومن ناحية ابو مفررج انا ابي اشوف مباراة ودية ولا تكريمية ولا نهائي مايلعب اساسي؟ |
ماشالله تبارك الله اللهم لاحسد .. إقتباس:
الكلثم عنده مشكلة نفسية وهي عدم الثقة في نفسة وهذي قالها كوزمن وراح للرائد عشان يستعيد ثقته بـ نفسة إقتباس:
|
:clap:مشكووووووووووووووور على الاجتهاد الرائع:clap: |
الحمد الله علي كل حال بالتوفيق للهلال ان شاء الله |
كلام رائع وسليم اتمنى ان يلعب "الافضل" دائما لكي يحقق الفريق النتائج المرجوة من الجميع فعند غياب الدعيع اتمنى ان يكون البديل " الشمري" وكذلك الحال مع الصويلح والمؤشر والسعود فهم احق من العنبر بتمثيل الفريق.. الحراسة بدر الدعيع مستواه غير مطمئن منذ بطولة فيصل بن فهد واربعة الشباب واهداف النهائي ربما يكون السبب هو الاعتماد عليه مبكرا مما سبب له الضغوط ومن ثم فقدان الثقة في النفس اتمنى ان "يصبر" الجهاز الفني عليه وان يستعين بـ "الدعيع" اولا و "الشمري" ثانيا والخيار الاخير "حسن" هذا الموسم الهجوم بإذن الله لا خوف عليه بوجود افضل لاعب اسيوي "ياسر" ووجود "الصويلح" الذي اتوقع ان يكون له بصمة الموسم المقبل بشرط ان يمنح الفرصة كاملة. كذلك الشاب "المؤشر" فلو استمر مستواه كما ظهر اليوم فأتوقع تألقه ايضا اما "العنبر" مع احترامي له اعطي الفرصة اكثر من غيره ولم يقدم ما يشفع له اتمنى عدم مجاملته على حساب غيره كما اتمنى اعارته ايضا لاستعادة مستواه.. والسعود حاله جيد جدا اتمنى بقاءه واعطاءه الفرصة خاصة في بطولة فيصل بن فهد.. هذه الاسماء اتوقع نجاحها ا شاء الله واتواقع انها كافية مع انني اتمى التعاقد مع مهاجم محلي كـ "السهلاوي" تظرا لارتباط ياسر الدائم مع المنتخب وكثرة تعرض الصويلح للاصابة او التعاقد مع مهاجم اجنبي في فترة التسجيل الثانية للاسيوية على الاقل... الاظهرة جيدة بوجود الزوري والذياب والخثران ونامي ورالديس في حالة عدم التمكن من التعاقد مع ظهير ايمن اتمنى اعطاء "الجيزاني" فرصة كاملة فمستواه اليوم مطمئن ويبشر بخير خاصة انه صغير في السن وهي اول مباراة له.. الوسط الحمد لله مليء بكوكبة من النجوم ففي الوسط الايسر "الشلهوب" و "ع.الدوسري" "الذياب" والايمن "ويلي" و"المبارك" وفي صناعة اللاعب "التايب " "الفريدي " " العنزي" والمحاور " عمر" "عزيز " "الغنام" "الخثران" "ص.الدوسري" "الذي اثبت نفسه خلال المعسكر وقدم مستوى جيد... عموما الفريق ملي بالنجوم القادرة على قيادة الهلال للبطولات بإذن الله لكن يجب الصبر عليها واعطاءها الفرصة كذلك "اللعب يكون للافضل والاجدر" ولا انسى الادارة ايضا التي تقود الهلال باحترافية وان شاء الله تلقى ثمار جهودها... شكرا لك واسف على الاطالة.. |
يعطيك العافيه حبيبي على جملة من الايجابيات والسلبيات التي لامست الواقع بقوه واتوقع والعلم عند الله ان كوزمين نادم على اعاره الكلثم لانه ماكان يعرف إن نواف راح يعتزل لان كوزمين يحب يقوي وسط الهلال ويهيأ البديل المناسب في اي لحظه وتعرضاً لأي غياب او إصابه لاقدر الله أشكرك عزيزي دمت بود |
الحمد الله علي كل حال بالتوفيق للهلال ان شاء الله |
إقتباس:
|
ماشاء الله اللهم لك الحمد والشكر يا رب هذا من فضل ربي الله يوفق الهلال وان شاء الله من حسن الى احسن |
مشكووووووووووووووووووووووووووووريــــــــــــــــــــــــــــــــن بالتوفيــــــــــــــــــــــــق للزعيــــــــــــــــــــــــــــــــــــــم ى |
كلااااااااااااااااااااام راااااااااااااااااائع موووووضووووووووووووووووووع راااااااااااااااااااائع يعطيك العااااااااااااااااااااااافيه |
الحمد الله علي كل حال بالتوفيق للهلال ان شاء الله |
والله كل كلامك صحيح وواقعي .. وان شاء الله احنا موعودين بموسم قوي وناجح .. مشكور اخوي |
الوقت المعتمد في المنتدى بتوقيت جرينتش +3.
الوقت الان » 06:31 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd