.
.

بسم الله الرحمن الرحيم


http://www.3otag.com/wp-content/uplo.../11/old-tv.jpg

تلفزيون أثري .. شفناه .. وعشنا معه ذكريات الطفولة .. كل بيت من بيوتنا لازم مر عليه مثل هذا التلفزيون ..
كان يعتبر رمز النهضة التقنية في السبعينات ..وكان الناس يقولون يلعن أووووم الفلة مربع و فيه ألوان http://vb.eqla3.com/images/smilies/biggrin.gif ..

وتلقى أبوي داز رايح لأبوك يقول : فلااان تعال تعال شف .. قاعد يلهث المسكين من الدزة .. منهبل مو مصدق ..
يجي فلان : وش فيك يا سالم http://vb.eqla3.com/images/smilies/biggrin.gif ..
سالم : تعال شف عندنا شي مربع يطلع ألوان ..
فلان : وشو ذا ؟!..
سالم : تعال شفه يقولون اسمه تلفزيون ..
ودزوا الاثنين بكل براءة لمشاهدة ذلك المربع الملون ..


و مرت الأيام و السنين وتطورت الدنيا .. شفنا أشياء عجيبة وغريبة .. أشياء غيرت كل المقاييس .. تقنيات أذهلت العالم ..تطور في جميع المجالات بلا استثناء ..

طلعت تلفزيونات الديجيتال ( وااو) ..

البروجكتر ( وااااو) ..

الفلات سكرين ( وااااااو) ..

كمبيوتر العائلة ابو 75746362 لعبة http://vb.eqla3.com/images/smilies/biggrin.gif (واااااااو)


والناس منهبلة ومطيرة عيونها وما غير تواوي http://vb.eqla3.com/images/smilies/biggrin.gif .. وكثير منهم يقول خلاص وين بنوصل أكثر من كذا .. ما بعد كمبيوتر العائلة شي .. http://vb.eqla3.com/images/smilies/biggrin.gif

لكن كان فيه شي أكثر .. شي رهيب .. رائع .. قوي .. أكثر من كمبيوتر العائلة ..

///
///

HDTV

http://img.hexus.net/v2/lifestyle/ne..._tv_set_tn.jpg

HIGH DEFINITION TV



الهاي ديفينيشن .. التقنية الجديدة والمطورة لـشاشات العرض ..

لاحظت الكثير من الشباب هنا ما قصروا وتكلموا عن السوني والاكس بوكس والعابهم .. وعن HDMI .. وجابوا طواري كثيرة لـ HD ..


لكن الكثير مننا تلقونه يتسائل بينه وبين نفسه .. وش قصة أووم HD .. كيف واين ومتى وانواع الأسئلة ..
وصار الـHD حاليا مطلب ضروري للالعاب والافلام الحديثة..

وصار فيه كثييير مثلي حاليا .. ناوي يشتري له شاشة جديدة HD.. لكن موب عارف وش يختار ..
ما عنده خبرة .. ميزانيته محدودة بسعر معين .. وموب عارف وش يسوي ..

فقلت أنزل موضوع فيه معلومات عامة خفيفة وبسيطة عن الـHD ..
ويصير موضوع للنقاش .. ولتبادل المعلومات .. أسئلة واستفسارات .. ونستفيد من تجارب الاعضاء واصحاب الخبرة .. وأي اشياء تخص الشاشات تكون هنا ..

للفائدة العامة وللتوفير على المنتدى من مواضيع الاستفسارات ..

طبعا كثير الحين يقول شكل ابوعابد فاهم ومانزل الموضوع عبث .. بس اقول لكم من الحين ريحوا http://vb.eqla3.com/images/smilies/biggrin.gif ..
تراني ادرج منكم في الامور هذي .. مجرد معلومات جمعتها من هنا ومن هنا .. وكم صورة لصقتها .. وانتهينا .. فإذا بغيتوا شي نشوف اصحاب الخبرة يفيدوننا ..

///
///



طيب نبدا بسم الله الرحمن الرحيم



///
///


التفزيونات نوعين من حيث التقنية المستخدمة :~

- Analog TV .. وهو مثل الموضح في الصورة في أعلى الموضوع .. وهو اقدم نوع .. صورة متواضعة .. صوت ضعيف ومزعج ..

- Digital TV .. وهي التقنية الحديثة من التلفزيونات .. صورة أقوى .. أوضح .. صوت أنقى وأصفى ..


///
///


http://www.dealclick.co.uk/ukimgs/image/343509.jpg

HDTV .. هو عبارة عن أقوى صورة من الديجيتال (يعني ان الـHD نوع من انواع تلفزيونات الديجيتال )..
تقنية الـHD هي تقنية الوضوح العالي واللي تطلع لك الصوت و الصورة بأفضل شكل ممكن ومعناها حرفيا ( التعريف العالي) ..

الريزولوشن لها عالي جدا فرق شااااسع بينها وبين التلفزيون العادي ..
وبإمكانك تشوف الفارق الكبييير بين مواصفات الـ HD والـ STANDARD ..

http://static.howstuffworks.com/gif/hdtv-7.jpg

فارق كبير مثل ما نشوف ..


و بتلاحظ أيضا الفرق الشاسع بشكل أوضح على الشاشة .. كثير منا يشوف التلفزيون العادي فيه تغبيشة ( مربعات ).. خاصة اذا قربت الصورة ..
وحقين الالعاب يلاحظون وجود مضلعات في التفزيون العادي..

مع الـHD كل شي بيختفي .. وبتصير الصورة انما ايه .. واحلى شي في الدنيا

هذي كم صورة للتوضيح


http://up.eqla3.com/up/get-3-2008-xrvrh222.jpg

جاي هو وراسه الكبير ..
ولاحظوا معي وش أقصد بالـ( تغبيشة ) .. وشوفوا الفرق بين المباني اللي ورا جاي ..


http://up.eqla3.com/up/get-3-2008-4v9fpq36.jpg

فرق سحري بين اللي فوق .. واللي تحت ..


http://up.eqla3.com/up/get-3-2008-fa2vkj5o.jpg




http://upload.wikimedia.org/wikipedi...quares.svg.pnghttp://upload.wikimedia.org/wikipedi...tv-example.png

وهذا اللي اقصده بالمربعات والمضلعات وحقين الألعاب يعرفون الشي هذا زين ..


///
///



كثير من التقنيات قدرت توظف الـ HD .. لكن أشهر نوعين منها كانت :~

بلازما PLASMA TV .. ال سي دي LCD TV ..

البلازما سببت ثورة أول ما طلعت .. ولكن ال سي دي غطت عليها الحين ..
يمكن لأن البلازما لها عمر افتراضي .. وفيها عيب الـBURN ..

وال سي دي الحين هي الرائدة .. وهي اللي قاعدة تتطور ..

وللأسف ما عندي أي خلفية عن تقنية النوعين هذولي .. ياليت تفيدوننا يا اصحاب الخبرة ..

يعني عطونا تقينة البلازما وشي .. والال سي دي وشي .. الفوارق الجوهرية .. ومن هذا القبيل ..

///
///



HD 1080p .. 1080i .. 720p وش سالفتهم ؟!

هذي تسمى تقنية الخطوط العرضية..

الـ i يقصد به interlaced .. وتقسم لك الشاشة الى مجموعتين من الخطوط العرضية كل مجموعة تسمى Frame.. وتعرضها لك على مرحلتين بشكل سريع جدا ..

أما الــ p مقصود فيها progressive ( مضغوط ).. وهذي تجمع الخطوط في مجموعة وحدة ( فريم واحد ) .. وتعرضه لك اياه مرة وحدة..

لحسة صح ؟!

الفرق الواضح بين البي والاي هو في اثناء عرض حركة سريعة .. البي طبعا يتفوق بشكل كبير على الأي ..

وهذي صورتين للتوضيح


http://www.axis.com/products/video/c.../prog-scan.jpg
http://www.axis.com/products/video/c...interlaced.jpg

الفرق مثل ما قلت يبين أثناء الحركة السريعة ..


وهذا الفيديو بيفيدكم كثير للي حاب يتعرف على تفاصيل التقنية أكثر

1080i .. 720p .. 1080p


///
///



Contrast Ratio

الكونتراست رايشو .. وبالعربي معناها شدة التباين .. وهو دقة الفرق بين اللون الأسود والأبيض على الشاشة ..
باللغة العامية هو الفرق بين أغمق نقطة وأفتح نقطة ..

انلحستوا طبعا مثلي أول ما قريت هالمعلومة .. لكن بضرب لكم مثال .. مثلا انت مشغل مقطع فيه درجات لون معين ..

كل ما ارتفع الـ Contrast Ratio كل ما قدرت تفرق بين الألوان وتلاحظ الفرق بين درجاتها بكل دقة ..
وشاشات الــ HD غالبا تمتلك شدة تباين عالية .. وبعضها متوسط .. ولكن كلها مقارنة بالتلفزيون العادي تعتبر خونفوشارية ..

وتعتبر شدة التباين من اهم الاشياء اللي لازم تحرص عليها انها تكون جيدة .. ما يهم حجم الشاشة بقدر أهمية الكونتراست ..


وهذي كم صورة للتوضيح ..

http://www.gizmodo.com/assets/resour...rpContrast.JPG

http://www.gizmodo.com/assets/resour...06/10/2222.jpg

http://vb.eqla3.com/images/smilies/n/sm5.gifhttp://vb.eqla3.com/images/smilies/n/sm5.gif


بالله ياعيال ما جتكم الصيحة http://vb.eqla3.com/images/smilies/biggrin.gif ..


///
///




HDMI

http://www.tvcables.co.uk/images/items/hdmi-dvi.jpg

High-Definition Multimedia Interface

باختصار شديد ..

الحل المثالي للحصول على أفضل صورة ( HD ) .. وأفضل صوت ( surround system audio ) .. كيبل وحيد وصغنون يخليك تعيش أجواء سينمائية خالعة ..

الكيبلات العادية المتوفرة يا تكون تعطيك صورة HD وصوت عادي .. أو تعطيك صورة عادية وصوت Surround .. ما فيه شي يجمعهم ..

الـ HDMI يوفر لك الاثنين مع بعض .. ويطلعهم لك بأفضل صورة ممكنة ..

فيه طريقة الـ component ( السلك الملون المعروف ) .. لكن الـ HDMI اثبتت تفوقها عليها في الاداء .. والبساطة فهي عبارة عن كيبل وحيد ..
لكن الكومبوننت قلق ..

كيبل HDMI متوفر بانواع واشكال عديدة .. واهم شي الأسعار العديدة ..

يبدا سعره من 60 ريال ويوصل الى 370 ريال ..

اشهرها واقواها هو Monster cable .. وسعره حوالي 100 دولار ( 370 ريال ) .. غاالي ..

الخبراء يقولون مافيه فرق بين الكيبلات كـأداء .. كلها تقريبا تعطيك نفس الجودة ..

لكن ميزة المونستر كيبل ( على كلام أحد المجربين ) انه يتحمل .. يعني تكرفه ما يقول شي .. لأنه على كلامه استخدم كيبل HDMI عادي وخرب عليه بعد الكرف ( الاكس بوكس قطية بين العيال في الاستراحة ) يعني تخيلوا معنى كلمة كرف .. http://vb.eqla3.com/images/smilies/biggrin.gif

لكن اللي يبي اداء .. كلها تؤدي نفس الغرض .. واللي يبي اداء وجودة وعنده فلوس زيادة يشتر المونستر كيبل ..

الكيبلات متوفرة بكل مكان حاليا .. والمونستر كيبل ما تلقاه الا عند محلات معينة ومنها عالم سوني..


///
///


.
.



HD Ready ... HD compatible .. يعني ايش ؟!

http://homecinema.timeuk.com/prodima...CH-BLK-lft.jpg


نقطة مهمة جدا انتبه لها اذا جيت تشتري جهاز .. كثير يستغلونها للزرف ..

- HD Ready .. معناه ان الشاشة تدعم الــ HD .. وتعرضها لك بنفس الدرجة ( 720 .. 1080 ) ..

- HD compatible .. معناه ان الشاشة فقط تقدر تستقبل اشارة الــ HD .. لكن تحولها الى درجة اقل ( 480 ) ..


الزبدة ان HD compatible موب HD صدقي .. ما يعرض الصورة بنفس قوتها .. .. يعني لا يلعبون عليك حقين المحلات ..

<< بغى ينلعب عليه الا شوي http://vb.eqla3.com/images/smilies/biggrin.gif



///
///


نقطة ثانية مهمة

موب شرط ان أي تلفزيون بلازما أو ال سي دي يصير HD..
وموب شرط يكون اي شي مكتوب عليه HDMI معناه انه يدعم الــ HD .. ممكن تصير مثل HD compatible ..

لازم انت بنفسك تتأكد ان الجهاز يدعم الـ HD وتشوف الريزولوشن ( 720 أو 1080 ) ..

///
///


أتمنى اني قدرت أفيدكم بالمعلومات البسيطة ..

اهم شي
Plazma زي ماقلنا انها تبثلك الصوره عن طريق الغاز LCD أماعن طريق السائل
وهي تتفوق بالوضوح اكثر من Plazma ...

التباين(CONTRAST) :
والمقصود فيه اعلى درجة للون الأبيض واعلى درجة للون الأسود تقدر تقدمه الشاشه .. وكل مازاد هالمعدل زادت قدرة الشاشه على إظهار التفاصيل بالصوره بشكل افضل ... ومن ناحية التباين شاشات Plazma قدرت توصل لدرجه عاليه جدا من إظهار اللون الأسود توصل 3000:1 ماقدرت توصل لها شاشات LCD اعلى رقم وصلت له 1000:1 بس طبعا مو معناته ان LCD سيئه هي تقدر تعطيك نتيجة اكثر من كافيه بالنسبه لدرجة للون الأسود

دقة الألوان(COLOR SATURATION):
المقصود فيها قدرة الشاشه انها تعرض جميع الألوان بمختلف تدرجاتها بصورة دقيقه ومطابقه للواقع .. بالنسبه للميزه هذي شاشة Plazma تتفوق فيها ايضا كونها تقدر تعرض لنا كل الوان الطيف وعددها 16.77 مليون لون بدقه عاليه جدا لكن شاشاتLCD فيها ميزه انها تتمتع بكثافه نقطيه اكبر بكثير من شاشات Plazmaبمعنىانك لو تقرب مره من شاشه LCD ماراح تلاحظ نقاط صغيره على نفس الشاشه بالتالي تكون فيها الألوان متشبعه اكثر

زوايا الرؤيه: (VIEWING ANGLES)
شاشات Plazma لها زاوية رؤيه كبيره تصل الى اكثر من 160 درجه بمعنى انك تقدر تشاهد الشاشه من اي مكان بالغرفه ومن اي زاويه بنفس الدقه والوضوح .. اما شاشات LCD ممكن ان الرؤيه تكون خافته نوعا ما لو جلست في زاوية مايله كثير عن الشاشه وعلى شان تحصل على افضل رؤيه من المهم انك تكون مواجه للشاشه او جالس بزاويه مايله نسبيا

زمن الاستجابة:(RESPONSE TIME)
كل ماكان الزمن اقصر كانت فعالية الشاشه افضل خصوصا في عرض مشاهد الأكشن السريعه والعاب الكمبيوتر وفي هالجانب تتفوق شاشات Plazmaيوصل زمن الاستجابه الى 7Ms لكن حاليا LCD متساويه معها تقريبا بس مو في كل الأنواع

مدة الحياة(LIFESPAN) :
مثل ماذكرت بالبداية ان شاشات Plazmaتعتمد على غاز في آلية عملها مشكله هالغاز ان له عمر افتراضي يقدر 3000 -2500 ساعهعمل بعدها تضعف الشاشه ويقل سطوعها بكشل كبير .. وبما ان الغاز ماله طريقه إعاده تعبئه بهالحاله تنتهي حياة الشاشه مع إنتهاء العمر الإفتراضي للغاز .. اما شاشات LCD بما انه فكرة عملها تعتمد على الضوء بشكل اساسي يقدر عمل مصابيح الضوء فيها الى 60000 ساعة عمل وبما ان هالمصابيح ممكن تتغير يصير العمر الإفتراضي للشاشه غير محدود ابدا

استهلاك الطاقة (POWER CONSUMPTION) :
ماتقارن شاشة LCD مع Plazma في هالنقطه فهي تستهلك شي بسيط جدا من الطاقه بينما البلازما تستهلك ضعف استهلاك شاشة LCD

مستوى الإشعاع الناتج: (RADIATION LEVELS )
وهذي من اهم نقاط الفروق واللي قلت في البدايه ركزو فيها وهي الإشعاعات الضاره اللي تصدرها الشاشه .. وفي هالنقطه شاشة LCD ماتصدر اي اشعاع ضار ابدا لانه مايصدر منها إلا الضوء .. اما شاشات Plazma لانها تصدر اشعة فوق بنفسجيه تكون ضاره نسبيا ولو انها اقل من اللي يصدر من التلفزيونات العاديه


هذا كل ما وجدته ..

:. أخلص التحايا .:

الرسالة الأصلية كتبت بواسطة المحارب الازرق (مشاركة 9475305) بتنزل تلفزيونات بتقنية الليزر وانتم للحين على ال ال سي دي . الاخ (مانشستر ) حجم شاشة ال lcd.وصل الى 70 بوصه مو على قولتك 46 بوصه:d

الرسالة الأصلية كتبت بواسطة هلالي في السما عالي (مشاركة 9472156) والله الموضوع خيالي... وانا رحت اشتري شاشة lcd hd ولقيت الاسعار معقولة... يعني الشاشة المتوسطة--نسيت كم بوصة--- 2500 ريال من سوني وسامسونج صحيح ان السعر شوي جامد بس بدال ماتشتريلك جوال...خذلك شاشة

الرسالة الأصلية كتبت بواسطة الفيلسوف-15 (مشاركة 9472926) مشكوووووور اخوي على موضوع سراحه جهد تشكر عليه وانا حاليا عندي شاشه LCD شركتها JVC سراحه احلى منها مافيه