بسم الله الرحمن الرحيم

الشهر عليكم مبارك وتقبل الله صيامنا وقيامنا


السالفة ومافيها صارت سالفة البعض يقول عادية والبعض ممكن يقول لا قويه لكن قلت مالي الا اخذ رايكم


السالفة..........


قبل يومين دق علي واحد من الشباب وقالي تروح معي لمرور غ الرياض قلتله عسا ماشر قال ابد راعي دينا الله يهديه خذ جنب موتري كله من الرفرف لرفرف

المهم رحنا وعطونا ورقه وقالوا رح لصناعية ظهرة البديعة من شان يقدرون سيارتكم

قلنا يالله ....

وصلنا ,,السلام عليكم

الورقة هذي عندكم قال العسكري ايه بس ليش ماختمتوها

قلنا والله عاد خويكم هو اللي عطانها وقال روحوا لصناعية وجيناكم

قال العسكري طيب خلاص هاتها وسجل عليها بعض من المعلومات وقال اطلعوا شوفوا الرجال اللي جالس على الكرسي برا

طلعنا ولقينا واحد من الجنسية السودانية

سلمنا عليه وقال انا تقديري ب30 ريال

وقرب لم خويي وقاله واذا زدتنا خدمناك ==== خويي ما سمع قاله ايش قلت عادها له

قال خويي لا ماراح ازيدك وهذي شغلتك
المهم ياهو قدر سيارة خويي تقدير يحبه قلبكم الصدمه من الرفرف الخلفي حتى الأمامي وتقديره تحس انها ما جاها شي
المهم خذينا ورقة التقدير ورحنا لقطع الغيار لقينا فيه شايب سعودي قال وراه السوداني مزعلينه قلنا ليش قال كم عطيتوه قلنا 30 ريال قال ايه يعني مزعلينه تقديره مثل وجهه

رجعنا لضابط وقلنا له السالفه ورد

بكل قوه شخصيه وش تبيني اسويلك؟؟؟؟؟؟

بالله ياعالم لها الدرجه الوضع داااااااااااااااج

ابي رايكم تكفون