مع رمضان مش حتقدر تئفل بؤك خخخخ - نادي الهلال السعودي - شبكة الزعيم

مفحطه بنعومه · #1 03/09/2008, 02:54 AM

السلام عليكم ورحمة الله وبركاته

اخباركن كيف حالكن

انا عضوة جديده ومانيب جديده

ومتابعه من زمااان للمجلس بس كنت مضيعه الباسوورد

والحمد لله اني لقيتوه

كل عام وانتوا بخير .. والشهر عليكن مبارك ورده

مثل ماتعرفون الحين حنا برمضان

وقلبي تولع في حبك يافيمتواا

ماوصيكن بالتقليل من الاكل علشان ماتجون نهاية الشهر وانتن تسذا

او تسذا

ياسفابي هالقطو وش ماكل الله يقلعه

يعني وفروا من بدال ماتاكلن سمبوستين كلن وحده بس

ع الاقل وفرن على اهلكن مو كل اسبوع يروحن يقضن للشهر
ترى بينسألن عن هالفليسات وين تنصرف بوه

وغير هيك مااوصيكن ع الصلاه بالمسجد صلاه التراويح .. تراهو شهر وينقضي ويمكن يكون
اخر شهر لكم الله يطول بأعماركن

استغلوا الوقت دقيقه بدقيقه ولا يضيع بأشيائن تافهه

وانتن يالبنات ادخلن المطبخ مع امهاتكم ترى وراكن مستقبل

..باتسر لا اعرستي
امتس ماراح تجي تطبخ لتس عند زوجتس

يعني تعلمي من الحين لابكره يقولتس
زوجتس ارجعي بيتكن مابيك

وش تسوى عليتس وانا اختس

ولا تقولين ابي خدامه عاد من زين الخدامات باتسر تسويلتس سحر وتسرق رجلتس منس
وانتي اوقفي على الاطلال

الله يعيده علينا وعليكن باليمن والمسرات

ووووووووبس

سلام ..

اختكن الصغنونه/روان

Mr.Scrub · #2 03/09/2008, 02:58 AM

كبري الخط ترى الشوووف شجر

ولي عــوده بعد التكبير

برب

$هلالية من جدة$ · #3 03/09/2008, 03:11 AM

وانا بعد عضوة جديده بس متابعه للمجلس واعرف اخباره واعضاءه

لي عوده بعد ماتكبري الخط

^ العنود ^ · #4 03/09/2008, 03:15 AM

ياهلا ولله فيكم بنات

مفحطه بنعومه

وهلاليه من جده

>>> تقربين لهلالي من جده

$هلالية من جدة$ · #5 03/09/2008, 03:21 AM

إقتباس

الرسالة الأصلية كتبت بواسطة ^ العنود ^


	ياهلا ولله فيكم بنات مفحطه بنعومه وهلاليه من جده >>> تقربين لهلالي من جده

العنود ردت علي

العنود عبرتني

لالا ما اصدق مش معقووووول

بصراحه انا معجبه فيكِ يالعنود وحابه اتعرف عليكِ اذا ماعندك مانع

لا ما اقرب لاحد بهالمنتدى ولا لي صاحبات ولا معارف ابد

فجر الرياض · #6 03/09/2008, 03:24 AM

هلا حياك مفحطه بنعومه

بس بليز كبري الخط والله مو واضح

هلاليه من جده نورتينا

ماشاء الله عليك اجل مثلي متابعه المجلس من زمان

بنات نورتونا

^ العنود ^ · #7 03/09/2008, 03:26 AM

الاعجاب والحركات هذي مااعرف لها انا

$هلالية من جدة$ · #8 03/09/2008, 03:30 AM

إقتباس


	هلاليه من جده نورتينا ماشاء الله عليك اجل مثلي متابعه المجلس من زمان

وااو اشوف البنات يسولفوا معاي وحبوني اكثر من صاحبة الموضوع

اي والله لي سنه متابعه للمجلس وقريب تفعل يوزري الحمدلله

تسلمي يافجر النور نورك

ولو في مجال اتعرف عليكِ انتِ كمان لاني حبيتك

Dr.Sara · #9 03/09/2008, 03:31 AM

إقتباس


	السلام عليكم ورحمة الله وبركاته اخباركن كيف حالكن انا عضوة جديده ومانيب جديده ومتابعه من زمااان للمجلس بس كنت مضيعه الباسوورد والحمد لله اني لقيتوه كل عام وانتوا بخير .. والشهر عليكن مبارك ورده

وعليكم السلام ورحمة الله وبركاته

الحمدالله طيبين .. بعدين اعترفي انتي متابعة من زمان ولا لاطشه اليوزر من صاحبته

الا صدق كيف يعني مفحطه بنعومة !! مفحطة بكعب مثلاً

شوفي انتي يا تفحطين زين وتعملين دبل كيك بالمرة .. ولا ترى ما تصلحين للمنتدى تعرفين لازم شوية عربجة

وانتي بخير وعافية والله يبارك فيك ..

إقتباس


	مثل ماتعرفون الحين حنا برمضان وقلبي تولع في حبك يافيمتواا

توني ادري اننا برمضان تصدقين !!

"والله وجابك رمضان يا فيمتو"

اهلنا بالمجلس العام دايماً هياط على العالمية على بالهم ما قد احد فاز غيرهم ونسوا هالمسابقة ان "والله وجابك رمضان يا فيمتو" هم اللي فازوا

يا اخي بلا هيط

إقتباس


	ماوصيكن بالتقليل من الاكل علشان ماتجون نهاية الشهر وانتن تسذا

وشو اللي تسذا او تسذا ..!! ما طلعت ولا صورة وش فيك ما تعرفين تحملين صور!

إقتباس


	يعني وفروا من بدال ماتاكلن سمبوستين كلن وحده بس ع الاقل وفرن على اهلكن مو كل اسبوع يروحن يقضن للشهر ترى بينسألن عن هالفليسات وين تنصرف بوه وغير هيك مااوصيكن ع الصلاه بالمسجد صلاه التراويح .. تراهو شهر وينقضي ويمكن يكون اخر شهر لكم الله يطول بأعماركن استغلوا الوقت دقيقه بدقيقه ولا يضيع بأشيائن تافهه وانتن يالبنات ادخلن المطبخ مع امهاتكم ترى وراكن مستقبل ..باتسر لا اعرستي امتس ماراح تجي تطبخ لتس عند زوجتس يعني تعلمي من الحين لابكره يقولتس زوجتس ارجعي بيتكن مابيك وش تسوى عليتس وانا اختس ولا تقولين ابي خدامه عاد من زين الخدامات باتسر تسويلتس سحر وتسرق رجلتس منس وانتي اوقفي على الاطلال

احلفي تصدقين توني اتذكر اني لازم ما أكلف على اهلي

يعني انا لحالي ومحد غيري اللي رح يكلف عليهم !! والله شييييييييي

بالنسبة للصلاة بالمسجد فـ أنا بعد اوصيكن بالتروايح والقيام ان شاءالله بالعشر الأواخـر .. واختموا قرآن اكثر من ختمة

في طريقة .. اللي هي انك تقرين بعد كل صلاة 4 صفحات , يعني باليوم الواحد رح تخلصين جزئين يعني 10 صفحات , وبالثلاثين يوم رح تخلصين القرآن كاملاً ..
لكن أكيد طموحنا لختم القرآن أكبر من أننا نختمه مرة واحدة .. الحمدالله على الصحة والعافية والنعمة اللي احنا فيها .. واجازة ماشاءالله مالنا عذر .. واذا ما عبدنا ربنا وختمنا القرآن بهالشهر أكثر من مرة متى ان شاءالله بنختمه أكثر من مرة ؟ احنا في الأساس انخلقنا لعبادة الله عز وجل , كل شيء نسويه لوجهه الكريم من دراسة ومن عمل و من صلة رحم وبر بالوالدين .. كل هالأمور الحياتية الروتينية هي في الأساس عبادة للخالق