بسم الله الرحمن الرحيم


نعم انها مبارة ودية نعم ان نصف نجوم الزعيم ليسو موجودين

ولكن لعيونك يالهلال حاضرين حاضرين لو ايش


نعم ياجمهور الزعيم غدا انتم مع موعد

لايوجد بالمدرج مكان واحد سوف يكون مزحوم للاخر

نعم وانا اليوم عندما ذهبت لاشتري تذاكر للمبارة الا واشوف ناس والله مو شوي

ولاتنسون انه من امس والتذاكر مطروحة للشراء

بس وانا عند شباك التذاكر ممكن تم شراء اكثر 25 تذكرة وانا ماجلست الا تقريبا 7 دقايق

مع ان التذاكر اغلى من تذاكر مبارة ودية الا وتشوف العالم تشتري واللي يشتري 4 و3

وسعر تذكرة درجة ثانية 35 ريال والاولى 70 ريال

هاذي اسعار تذاكر مبارة ودية اتحداكم بس لعيون الهلال ترخص

وسيحضر المبارة محافظ محافظة الخرج الامير/عبدالرحمن بن ناصر

وسيحضرها رئيس نادي الوكرة القطري/الشيخ حسن بن خليفة ال ثاني (ان ماغلطت باسمه بس انه رئيس نادي الوكرة)

وسيحضرها رئيس نادي الهلال الامير الشاعر /عبدالرحمن بن مساعد

وستكون منقولة على قناة art8

بعد صلاة التراويح

والمبارة مبارة اعتزال اللاعب ابراهيم الجوير بالتوفيق لابراهيم


بس الله يعين ويستر الملعب صغير يعني مثل ملعب الحزم


والله زمان ياهلال عن الخرج من عام 2002 على مااظن كان اخر مبارة للهلال والشعلة وفاز الشعلة حسب مااذكر


حاولت اجيب لكم صورة للمدرج الفلة بس مالقيت بس ان شاء الله بكرة بعد المبارة بجيب لكم بعض الصور اذا قدرت



مع السلامة

ان شا الله نشوف حضور كبير ..

واسم الهلال لحاله يكفي عشان نحضر ..

بانتظار هالمباراه على نااار

مشكــور خــــــــيو على اــــــــــــــلرد وباــــــنتظار ردود البقية

مشكووووور
بس وش تدخل رئيس نادي الوكره القطري

مشكووووووووور اخوي
وبالتوفيق للزعيم في
اللقائات القادمة

ورده

زيــــــــدان اشكر لك ردك ومرورك والله وانا اخوك مادري وش جاب رئيس الوكرة

بس هذا اللي قريته في النادي حتى انا جلست افكر بس حياه الله رئيس فريق الارجنتين القطري

ان شا الله نشوف حضور كبير ..

واسم الهلال لحاله يكفي عشان نحضر ..

بانتظار هالمباراه على نااار

مشكورين يااخوان اللي مريتو وقمتو بالرد


وبالتوفيق للزعيم

ان شاء نشوف حضور كبير بانتظار هالمباراه على نااار

اخرمباراة يالحبيب فازفيهاالهلال 1-0
انامن الخرج واسعارالتذاكرغاليه ولن احضرللملعب بسبب البدو الحنوس و مقهى ابوهيثم ب10 ريال والنعناع والشاي اعني كلهاماتكلف 15ريال وخاصه ان فلوس المباراة للاعب وليس للهلال اي ريال واحد واللاعب جحد ادارة نادي السلميه واصدقائه في النادي ولم يدعوهم وهوالنادي الذي اخرجه وتعرف عليه الشعلاويين قبل الهلاليين
امس حاضرمباراة الهلال وسدوس في نادي الهلال والدخولب5ريال فقط وب10ريال بنزين رايح جاي
اللاعب مايستاهل ادفع له35 ريال لو يفحط

والله ياخالد وانا اخوك


اعذارك يعني صادق فيها

بس مهما كان انا والله لافكرت احضر للاعب ولا للنادي انا حاضر لعيون الزعيم وبس

حياكم الله في ديرتنا..ياهلا والله فيكم والله يعينكم على الزحمات..

رئيس الوكرة جاي عشان الجوير قد لعب في الوكرة زمان..

وقال الجوير قبل شوي في كل الرياضه انه استدعى محمد نور وامين والدوخي ويوسف السالم وغيرهم..يعني راح تكوون مباراه حلوووووه..

وايضا استدعى لاعبين قطريين..ان شاء الله تكون سهره رمضانيه ممتعه..

اخوي يليت تقولي وين تنباع التذاكر <-- ناوي يحضر المبارة

انا بحضر لعيون الهلال


يكفي اسمه يوجد في الخرج


بس المدرجآت ما تخارج

والمنطقه هذيك تعرف اغلب الشباب هناك يعني..

ممتآزين



بس الحمد للله شريت التذاكر

اخواني اشكركم على المرور والرد

إقتباس الرسالة الأصلية كتبت بواسطة king al-arab اخوي يليت تقولي وين تنباع التذاكر <-- ناوي يحضر المبارة

اخوي هي تباع في نادي الشعلة البوابة الغربية وفي مقهى المحيط الهادي اللي قدام جيان وفي العثيم والله اعلم

واذا ماشفتهم اليوم ممكن تجي بكرة بدري وربك يوفق

إقتباس الرسالة الأصلية كتبت بواسطة شكرا لك انا بحضر لعيون الهلال يكفي اسمه يوجد في الخرج بس المدرجآت ما تخارج والمنطقه هذيك تعرف اغلب الشباب هناك يعني.. ممتآزين بس الحمد للله شريت التذاكر

مشكور وبالتوفيق وان شاء الله مانطلع جميعا من المبارة بكرة الا في غاية السعادة