السلام عليكم ورحمة الله وبركاته



كل عام وانتم بخير

وفقنا الله وإياكم جميعا لصيام هذا الشهر الفضيل وقيامه ايمانا واحتسابا ..



عد الى الوراء عام ..:yes:

عدت الى 1- 9 - 1428

الله يرحم موتاكم وموتى كل المسلمين بواسع رحمته ..


فقد البعض منا احبابا واصدقاء واقارب بين تاريخ اليوم ورمضان العام وهذا هو حالنا جميعا في رمضان العام الماضي وفي آخر ثلاثة ايام فقدت صديقا عزيز وقبل ان يأتي رمضان الحالي وبعشرة ايام افقد احد اقاربي



اذا هذا هو حالنا .. نحن في هذه الدنيا من اجل العمل :yes:

اياك اياك ان تخرج منها بلا رصيد ..:nono:


لا اعلم هل سيأتي 1- 9 - 1430 وانا بينكم ام يأخذني القدر المحتوم :)



لاعليكم سنة الحياة ويجب ان نؤمن بالقضاء والقدر ولكن ماذا قدمنا من اجل اليوم الأخر ..



رمضان يأتي ..


إنها فرصة أن كان لديك صديق ومنك زعلان ترا التسامح امر طيب


صدقني بتموت او هو بيموت وبتبكي على لحظات الغضب انت مسافر مسافر من هذه الدنيا فلاتغادرها واحد غاضب عليك .. او بخاطره شيء منك


عذرا على الطابع الحزين :)


وتعال معي لجوانب مهمه أخرى ..


لماذا نصوم ولماذا نفطر بالتمر والماء .. ؟


بعيدا عن الأهداف الدينيه والتي نعرفها جميعا سأتكلم ببدائية لجانب واحد من فوائد الصيام وهو تذكر نعمة الله عليك وتذكر حال الفقراء مما لايجدون ماتجد من المأكل لا الملبس كون المأكل ضرورة ..



بعد الظهر او بعد العصر تعال وقلب موضوع واقراه وانت بأشد حالات الجوع لديك

وتذكر حال من كان قبل رمضان كذلك فإن وجد مايأكله للغدا لن يجد مايأكله للعشا


هكذا ياعزيزي يعيش اناس ولهذا عليك ان تصوم لتقول الحمد لله الذي انعم علي بنعمته ..


يالله ادري ان مائدة الفطور اصبحت ملئية بما سيأكل ومالايأكل ولكن دعونا نتكلم عن اساس الفطور


تمر وماء:yes:


لاحد يخربها واول مايوطي يده بعد الأذان ويمسك السبموسه :naughty:


لاعلينا سيجتمع غدا الفقير والغني ويتفقان على طعام واحد والكل سيأكل التمر والكل سيشرب الماء ..


يالها من لحظه جميلة ان يفطر من لايملك ريال ومن يملك مليار بنفس الفطور



لدينا عادات طمسناها ومسحناها مسح لا ادري لماذا .. وسأتكلم عن مايحدث حولي حيث كنا نتبادل المأكولات والجيران يقدمون لنا بعض المأكولات ونقدم لها بعضها

كما كان هناك ظاهره تقديم وجبات الإفطار لبعض العائلات الفقيرة ..


نفس العائلة كانت تجتمع وتطفر على مائده واحده



يالله يالله زمن جميل وذهب لقد اصبح كل واحد لايدري عن الآخر


يابو عبدالله يمكن جارك ماعنده حق الفطور سير عليه شوف :yes:

لا .. لا :nono: انا مشغول بحالي وش علي منه عساه لايفطر وش دخلني


ابو عبدالله تتكلم من جدك ولا تمزح:bigeek:


اقول وش دخلك انت :nono:بعد من راقب الناس مات هما :d



لاحد يقول ابو عبدالله من جدك هالصوره موجوده ..


اعرف ان البعض سيقول ان العالم كلها صارت ميسورة الحال والأمر ليس كذلك لهذا خذ بعض من افطارك واحتسب الأجر به واذهب به الى عائلة فقيرة وليس شرطا ان يكون جارك وإن كان الجار أولى ..


قبل ان اختم موضوعي سأعرج لأمرين :

الأول : القرآن


كلنا مقصرين بقراءة كتاب الله عبر ال 11 شهر الباقية من السنه فلنجعل هذا الشهر فرصة للتقرب اكثر من كتاب الله ولتدبر معانيه .. لن اطيل عليكم ولكن اياكم اياكم وهجر القرآن في رمضان


الثاني : مسلسلات ام تراويح


سأكون واضحا وصريحا في العام الماضي كان هناك مسلسل اسمه باب الحاره وحظي بمشاهده كبيره جدا اعتقد والله اعلم ان القناة التي تبثه أولا كعرض اول كانت تبثه بتوقيت التراويح

وكنا نلاحظ ان بعض المصلين يصلي العشاء ودايركت على الباب :d

مستعجل تقل بيودي امه او ابوه للمستشفى من غير شر..

لهذا اياكم واتباع الهوى في رمضان واللي خربانه بقعه معاه لايخربها مره ويسنتر زي واحد من اخوياي جا تقل بيبشرني انه جايب ولد


ياخي هالسنه مسلسلات على كيف كيفك .. تصدق اني جالس على التلفزيون من بعد المغرب لين الساعه 12 قسم ابداع


اي ابداع واللي يرحم والديك

هناك اصرار عجيب على بث بعض المسلسلات في رمضان وللأمانه هناك مسلسلات محترمه خاليه من المناظر التي تخدش الحياء ونسأل الله لنا ولكم العفو والعافيه والله يتوب علينا جميع ..


اكتفي بهذا والله من وراء القصد


كل واحد بخاطره شيء على القحماني اتمنى ان يسامحني فإن اخطأت على احدكم اقول له عذرا اخي الكريم .. فالحياة لن تدوم لالي ولالغيري ..ولهذا اطلبك السماح وهانا اقدم اعتذاري اليك ..








لنا لقاء ثالث ايام رمضان ماودي اخرب على الأخوان بذكر التفاصيل ولكن سأقول سعيد بالتواصل معكم والتواجد وهذا الأمر يشرفني ويسعدني

جزاك الله خير اخوي ..
وينعاد عليك ان شاء الله ..
الله يجعلنا من من يرزقون الاجر والثواب فية ..
بالنسبه أخوي للمسلسلات ..
ايه والله بعض الناس يسنتر اليوم كلة الحمدلله اللي ماعطاني فيه ..
مو مشكله اللي بيناظر يناظر لكن وقت الصلاة والتروايح لا تضيعها ..
كل شئ يبي الدنيا تبي والجنة تبي ..

يعطيك العافية اخوي ..


بقايا ..

<!-- / message -->

....
ألف شكر لك أخوي على الموضوع..!!
والله يعيننا على صيامه وقيامه(رمضان)..!!
تحياتي..!!
...

هلا أخوي القحماني مبارك عليك الشهر ..

والله يجعلك من صوامه وقوامه ...


آآآمين يارب العالمين ..

ويغفر لهم ويحسن نزلهم ويرحمنا اذا صرنا الى ماصاروا اليه ...،،

زمان اول تغير ..الحين حتى الجار صار مايعرف جاره ,, ...!!

ماندري هي مشاغل حياة أم مشاغل النفوس !!!

كان رمضان زمان أول له أجواء روحانيه بفضل بعض العادات اللي تبين مدى

الترابط بين الجيران ...لكن الوقت هذا الله يرحم الحال ,,

مع انه بالتأكيد فيه القله مايزالون مستمرين على هالعاده . ومتمسكين بطابع الاخوه

وشهر الخير والبركه فعلاً فرصه لتجديد اللقاء مع الله عزوجل وتجديد النفوس ..،،

القحماني ..ورده

شاكره لك محتوى أكثر من رائع .. قلم مميز ولديكـ الكثير .. هنا ننتظركـ

هلا القحماني

مبارك عليك الشهر

وكل عام وانت بخير

وان شاء الله الكل يفتح في رمضان صفحه طاهره نقيه :smilie47:

مافيه اجمل من هذا الوقت انك تغير من نفسك للأفضل :yes:

بالنسبه للمحتاجين ان شاء الله الكل فيه الخير ومايقصر

سواء للفقراء او لدعم مخيمات الإفطار الرمضانيه او غيره

ابواب الخير عندنا كثير ان شاء الله نستغلها..

القحماني

جزاك الله خير ورده

مباركـ عليكـ الشهر أبا عبدالله ورده

اللهم لاتجعل فينا فقيرا إلا أغنيته ومعتازا إلا أعطيته في هذا الشهر الفضيل

الناس خلاص تغيرت ما عاد فيه جيرهـ

تسافر ينسرق بيتك وجارك ما يدري عنك

الله يصلح الحال

القحماني ورده

algohmani

وعليكم السلام ورحمة الله وبركاتهـ,

أنرلت المجلس بموضوعكـ, الرائــعـ,

أسأل الله أن يطيل في عمركـ, على طاعتهـ,


ذكرتني بكلام عمي -الله يشفهـ,- السنهـ, الماضيهـ,

أفطرنـا عندهـ, فسألنا ليش ما نفطر عنده مثل ما كانوا يفعلون أيام زمان ,
يقول كان الباب مفتوح وكل ولد يفطر في بيت عمهـ,,
واليوم أغلقت الأبواب ,




أسأل الله أن يجعلنا من أهل القرآن ,

الله يصلح الحالـــ,


آسف على الإطالهـ,

تقديري ورده

ياشيخ ذكرتني بالنصر :d <<<< قصده جماهيره :razz:

والله الموضوع شكله من اروع المواضيع لي عوده بعد مشاهدته كامله ! :naughty:


:smilie47:

حي الله الغالي ابوعبدالله .. نورت المجلس بأطلالتك الجميله والله :smilie47:
اسأل الله ان يتغمد موتانا وموتى المسلمين بواسع رحمته وأن يبلغنا رمضان ويعيننا على الصيام والقياام

الله يطول عمرك بالطاعه والإيمان وإن شاء الله رمضان الجاي تصومه عندي :d

من الجوع مره سويتها لا شعوريا .. فجأه لقيت كل اللي حولي يطالعون فيني والله لا يوريك وجهي صار كنه سمبوسه :d

والله كلامك عين الصواب وأتذكر لما كنت صغير أشيل الأكل بيدي اللي أكتب عليها بالكيبورد الحين وأوصله للجيران ومن بكرا يردون لنا أكل من عندهم بنفس الصحون لكن الحين والله بعض الجيران مانعرفهم والناس صارت تبتعد عن بعض لدرجه اني أخاف أقدم للجار أكل ويزعل ويقول ماني طرار عندكم

انا بصراحه زعلان منك وفي خاطري شي .. جوعتني أمس بالصوره اللي أرسلتها لي والله قمت أهوجس بالصوره ولو فيه مطعم يبيعها كان رحت له .. :d

بعدين أحد يزعل منك ؟؟ بصرااحه انا أستغرب اذا لقيت أحد شايل على خاطره منك
واحد مثلك أخلاقه كبيره وطيب ما أعتقد له أعداء :d

×××

ألف شكر والله على النصائح والكلام الجميل اللي قلته وهذا مو غريب على واحد مثلك أسلوبه جميل وكلامه من ذهب ..

تقبل مروري المتواضع ..